Fréttablaðið - 21.01.2011, Page 30

6 föstudagur 21. janúar
Flugeldasýningar og raunveruleikinn
Hæ, ég er með eina skrítna spurningu. Ég er búin að vera á föstu í næstum tvö ár og stunda reglulegt kynlíf. Ég er 21 árs og þó mér
finnist gaman að vera með kærasta mínum þá hef ég aldrei fengið full-
nægingu. Miðað við spjall sem ég hef átt við vinkonur mínar þá er ég
farin að halda að það sé eitthvað að mér. Getur verið að sumar konur
fái bara ekki fullnægingu?
Svar: Þetta er alls ekki skrítin spurning, síður en svo. Í raun er spurn-
ingin heldur flókin og krefur þig um smá sjálfsskoðun. Það er afar um-
deilt innan kynfræðinnar hvort til séu konur sem hreinlega geta ekki
fengið fullnægingu, gefið að lífeðlislega sé allt fyrir hendi og í góðu
lagi. Ég ætla því að ganga út frá því að þú getir fengið fullnægingu. Það
er nokkuð algengt að ungar stúlkur hafi ekki lært á líkama sinn (stað-
setning á sníp er mjög mikilvæg þekking) og kunni því ekki að full-
nægja sjálfum sér. Það er því mjög mikilvægt að þú skoðir líkama þinn
og kynfæri og prófir þig áfram í að finna út hvað vekur hjá þér unað.
Þetta hljómar ef til vill klisjukennt, en svona er þetta bara, þú ein getur
stýrt ferðinni og sjálfsfróun er svarið. Ekki láta það draga úr þér ef það
tekur smá tíma að fá fullnægingu því ferðalagið er það sem skiptir máli
til að komast á áfangastaðinn.
Annað sem er mikilvægt að spá í er að ef heilinn er ekki með og þú
ekki í stuði þá getur verið nánast ómögulegt að verða kynferðislega æst
og fullnægð. Það er því fyrsta skrefið.
Þá að sambandinu. Það er mjög algengt að konur geri sér upp fullnæg-
ingar með alls kyns stunum og öðru látbragði. Nú spyr ég mig hvern-
ig það er í þínu sambandi? Veit kærasti þinn að þú ert ófullnægð eða
gengur hann bara út frá því að allt sé sem skyldi? Hér reynir á sam-
skipti ykkar. Þú þarft að vita hvað þér þykir gott og geta beðið um það.
Svo er það annað. Fæstar konur geta fengið fullnægingu með beinum
samförum. Flestar þurfa að láta örva snípinn með munnmökum fyrir
eða samhliða samförum og svo með fingri eða titrara samhliða sam-
förum. Sú umræða að til séu alls konar tegundir fullnæginga er oft á
villigötum og hjálpar fáum. Snípurinn var hannaður fyrir það eitt að
fullnægja og því þarf að örva hann. Það getur þú gert sjálf eða fengið
kærastann með þér í lið.
Að lokum langar mig að koma aðeins inn á samræður ykkar vin-
kvennanna. Oft hefur fullnægingum verið lýst á mjög dramatískan
hátt og þeim líkt við sprengingu sem fer um líkamann og sé eitt það
undursamlegasta í veröldinni. Ekki misskilja mig, fullnægingar geta
verið svakalega góðar en þær endast aðeins í nokkrar sekúndur og geta
verið miskröftugar og því misfrábærar. Sumar fullnægingar komast á
Richter-skalann en aðrar eru bara eins og hnerri. Þá eru fullyrðingar um
raðfullnægingar og kynlíf sem endist í margar klukkustundir eitthvað
ýkt og má stundum deila í slíkar sögur með þremur. Þess háttar sögur
ættu því alls ekki að vekja hjá þér minnimáttarkennd. Hættu nú að lesa
og farðu að njóta alls þess sem kynlíf hefur upp á að bjóða!
Sendu Siggu Dögg póst með spurningum eða óskum um umfjöllunarefni.
Netfangið er kynlif@frettabladid.is
Á RÚMSTOKKNUM
Sigga Dögg kynfræðingur
Golden Globe verðlaunahátíðin fór
fram í Los Angeles um síðustu helgi
og að venju hefur mikið verið pælt í
klæðnaði leikkvennanna. Pastellitir
og fölir litatónar voru ríkjandi á
rauða dreglinum í ár en inni á milli
mátti sjá sterkari liti líkt og rauða
kjóla January Jones og Christinu
Hendricks. Tískuspekúlantar voru
flestir sammála um að Gossip Girl
stjarnan Leighton Meester og leik-
konan Tilda Swinton hefðu verið
á meðal þeirra best klæddu í ár.
Meester klæddist föllituðum kjól frá
Burberry á meðal Swinton kaus pils
og skyrtu frá Jil Sanders. - sm
Golden Globe verðlaunahátíðin var haldin síðustu helgi:
FÖLIR LITIR OG
EINFÖLD SNIÐ
Mila Kunis Hin smávaxna leikkona
hefur slegið í gegn með leik sínum í
The Black Swan. Græni liturinn klæðir
hana afskaplega vel.
Catherine Zeta-Jones Kjóll Zeta-
Jones var stór og mikill um sig, hún
kaus grænan lit líkt og Kunis.
January Jones
Mad Men-leikkonan
tók sig vel út í þess-
um fallega, rauða
kjól frá Versace.
Christina Hendricks Samstarfskona
Jones mætti einnig í rauðum kjól á há-
tíðina. Hennar kjóll er þó örlítið íburðar-
meiri en kjóllinn sem Jones klæddist.
Leighton
Meester
Meester hefur
löngum þótt
mjög smekkleg
og það sannaði
hún í þessum
fallega kvöldkjól
frá Burberry.
Tilda Swinton
Hin breska
Swinton var falleg
í þessu ljósa
dressi frá hönnuð-
inum Jil Sanders,
sniðið er látlaust
og klæðilegt.
NORDICPHOTOS/GETTY