Fréttablaðið - 24.01.2011, Page 12
12 24. janúar 2011 MÁNUDAGUR
FRÁ DEGI TIL DAGS
greinar@frettabladid.is
FRÉTTABLAÐIÐ Skaftahlíð 24, 105 Reykjavík SÍMI: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is Trausti Hafliðason trausti@frettabladid.is og Höskuldur Daði Magnússon (dægurmál) hdm@frettabladid.is
HELGAREFNI: Sigríður Björg Tómasdóttir sigridur@frettabladid.is MENNING: Bergsteinn Sigurðsson bergsteinn@frettabladid.is ALLT OG SÉRBLÖÐ: Roald Eyvindsson roald@frettabladid.is og Sólveig Gísladóttir solveig@frettabladid.is
ÍÞRÓTTIR: Henry Birgir Gunnarsson henry@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRI: Ólafur Þ. Stephensen olafur@frettabladid.is AÐSTOÐARRITSTJÓRI: Steinunn Stefánsdóttir steinunn@frettabladid.is
Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að
fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. Issn 1670-3871
HALLDÓR
Samtök sem vilja styðja efnalitla einstaklinga og
fjölskyldur hafa verið mikið til
umræðu í samfélaginu. Það er
enginn vafi á því að þessi sam-
tök vilja hjálpa fólki sem lent
hefur í vanda. Það eru margar
leiðir til að hjálpa og það er
vandi að hjálpa. Markmiðin
eru stundum skýr og stundum
ekki.
Hjálpina þarf að skipuleggja
og setja henni reglur til að tryggja að
þau úrræði, fjármunir eða matur sem er
til staðar nýtist sem best og komi þeim
til góða sem mest þurfa á hjálp að halda.
En markmið hjálparstarfs til lengri tíma
litið þarf að vera hjálp til sjálfshjálpar
annars er fólk gert ómyndugt og ósjálf-
bjarga.
Nú standa þau hjálparsamtök sem
veitt hafa nauðstöddum á Íslandi aðstoð
í formi daglegra nauðsynjavara á tíma-
mótum. Það er engin framtíð í óbreytt-
um starfsháttum. Eitt af markmiðunum
hefur hljómað þannig: „Eyðum biðröð-
unum strax!“ Næsta spurning hlýtur að
vera hvernig? Svarið er margþætt og um
það eru skiptar skoðanir. Eitt er að hið
opinbera komi með framfærslu-
viðmið sem félagsþjónustan
þarf að uppfylla. Þó að þetta
viðmið verði sett mun tekjulágt
fólk geta lent í vandræðum við
skyndilega aukin útgjöld. Þar
geta hjálparsamtök komið inn
og stutt fólk eða sinnt langvar-
andi aðstoð.
Að vera öryrki eða atvinnu-
laus er ekki sama sem að vera
fátæk manneskja en það er erf-
itt fyrir marga að framfleyta sér til lang-
frama á bótum og þá sérstaklega þegar
eitthvað óvænt kemur upp á. Hvernig
geta hjálparsamtök stutt þetta fólk sem
eykur lífsgæði þeirra en ekki gefið þeim
bara mat í poka? Eitt er ráðgjöf t.d. um
fjármál, aðstoð við að kaupa gleraugu,
lyf eða greiða niður kostnað við tóm-
stundaiðkun. Svo getur vel verið að aukið
félagsstarf sé það sem helst vantar meðal
öryrkja. Gætu þessar hugmyndir verið
eitthvað af því sem kemur til greina
fyrir hjálparsamtök að beina starfi sínu
að þegar endurmeta þarf starfsaðferðir?
Ég hvet öll hjálparsamtök á Íslandi
að vera opin fyrir að finna nýjar leiðir í
hjálparstarfi og vinna saman að því.
Það er vandi að hjálpa!
Hjálparstarf
Ragnheiður
Sverrisdóttir
Verkefnisstjóri á
biskupsstofu og
virkur þátttakandi
í Hjálparstarfi
kirkjunnar
21. aldar stjórnmál
Sú gagnrýni heyrist reglulega á stjórn-
málin og raunar hið opinbera almennt
að hjá ríkinu séu menn svifaseinir að
tileinka sér nýjungar. Hvort það er rétt
skal ósagt látið en í vikunni komu fram
vísbendingar um að stjórnmálin hér
stefni þrátt fyrir allt inn í 21. öldina.
Þannig fannst tölva á tómri skrifstofu á
Alþingi sem virðist hafa verið sett upp
með það að markmiði að stelast í upp-
lýsingar á innra neti Alþingis. Búið var að
má öll auðkenni af tölvunni og jafnvel
talið að hún hafi verið sett upp þannig
að gögnin hyrfu ef slökkt væri á henni.
Ekki er vitað hver kom tölvunni fyrir en
sá er greinilega ansi tæknivæddur.
Barist um ESB á netinu
Baráttumenn gegn ESB-aðild, sem
er stundum legið á hálsi fyrir að vera
gamaldags, virðast sömuleiðis vera að
tæknivæðast. Á laugardag réðust nefni-
lega tölvuþrjótar á heimasíðuna thjod.
is en þar hefur verið að finna safn af
myndböndum þar sem Evrópusinnaðir
Íslendingar útskýra af hverju þeir telja
að Ísland eigi að ganga í ESB. Reyndar
er allsendis óvíst hver var
þarna að verki en kenn-
ingin um andstæð-
inga ESB-aðildar er
skemmti-
leg.
Netríkið Ísland
Þessar fréttir benda óneitanlega
til þess að markmið ríkisstjórnar
Sjálfstæðis-
flokks og
Samfylk-
ingar frá
2008 um
netríkið
Ísland
sem ná
átti fram
á árunum 2008 til 2012 séu á
áætlun. Stjórnmálaklækirnir virðast í
það minnsta vera komnir á netið og
það ári á undan áætlun!
magnusl@frettabladid.is
Það er engin
framtíð í
óbreyttum
starfsháttum.
M
eirihluti þjóðarinnar, nærri tveir af hverjum þremur,
vill að aðildarviðræðum við Evrópusambandið ljúki
með samningi sem kosið verði um í þjóðaratkvæða-
greiðslu. Þetta er niðurstaða skoðanakönnunar
Fréttablaðsins sem gerð var um miðja síðustu viku.
Í sömu skoðanakönnun var spurt um fylgi flokka. Ekki vildi nema
rétt rúmur helmingur taka afstöðu til þess hvaða flokk þeir myndu
kjósa ef gengið yrði til kosninga en þegar kom að spurningunni um
áframhald viðræðna um Evrópusambandsaðild tóku 87,5 prósent
aðspurðra afstöðu. Nærri því níu
af hverjum tíu taka afstöðu til
þessarar spurningar, sem gerir
niðurstöðuna enn afdráttar lausari
en ella.
Niðurstaða skoðanakönnunar-
innar segir ekki til um það hvort
svarendur eru hlynntir Evrópu-
sambandsaðild eða ekki. Þessir
tveir þriðju hlutar svarenda eru bara afdráttarlaust hlynntir þeim
lýðræðislega framgangi mála að viðræðurnar fái að hafa sinn gang
og ljúka með samningi sem lagður verði í dóm þjóðarinnar. Þetta
er enda í samræmi við stefnuyfirlýsingu ríkisstjórnarinnar og sam-
þykktar meirihluta alþingismanna sumarið 2009.
Vonandi munu stjórnarandstöðuþingmenn, bæði innan og utan
ríkisstjórnarflokka, hlýða á þessi skilaboð og taka mark á þeim. Næg
eru verkefnin þótt ekki sé þrefað um að aðildarviðræðum við ESB
verði hætt í miðju kafi. Það er í það minnsta ljóst að þeir þingmenn
sem það gera tala ekki máli meirihluta þjóðarinnar. Sjálfstæðis menn
og framsóknarmenn sem tala fyrir slitum aðildarviðræðna gera það
vissulega í umboði um helmings kjósenda sinna, minnkandi hóps þó,
samkvæmt skoðanakönnuninni. Vinstri grænir þingmenn sem tala
fyrir slitum á viðræðum hafa samkvæmt könnuninni innan við 33
prósent kjósenda flokksins á bak við sig en meðal þeirra sem segjast
mundu kjósa Vinstrihreyfinguna – grænt framboð ef gengið yrði til
kosninga nú hefur stuðningur við áframhald aðildarviðræðna aukist
mest frá því að síðast var spurt sömu spurningar, í skoðanakönnun
Fréttablaðsins í september síðastliðinn.
Vissulega eru sterkir og valdamiklir hagsmunahópar og -samtök
sem ekki virðast kæra sig um að þjóðin fái að sjá hvað samningur
um aðild að Evrópusambandinu felur í sér, til dæmis bæði samtök
útgerðarmanna og bænda. Þessir hópar hafa býsna hátt og má velta
því fyrir sér hver sé ástæða þess að þeim er svo umhugað um að
samningur um aðild Íslands að Evrópusambandinu líti ekki dagsins
ljós, að kjósendur fái ekki að sjá niðurstöðu aðildarviðræðna og taka
á þeim grundvelli afstöðu til aðildar.
Þessi sjónarmið eiga sér síðan fleiri talsmenn í hópi þingmanna
en ætla mætti miðað við afstöðu almennra kjósenda. Þessir þing-
menn mættu eyða kröftum sínum í uppbyggilegri hluti en karp um
slit á aðildarviðræðum. Hvers vegna óttast þeir að þjóðin fái að velja
á grundvelli fyrirliggjandi samnings?
Meirihluti vill fá að kjósa um aðild að ESB að
loknum samningaviðræðum.
Friður fáist til að
ljúka viðræðum
SKOÐUN
Steinunn
Stefánsdóttir
steinunn@frettabladid.is