Sólskin - 01.07.1937, Page 7

þó sólskinið, sem veldur því, að þessir tindar
sýnast sólroðnir.
Þór: Hvað er það þá?
Finna: Það er liturinn á bergtegundinni, sem
þessir tindar eru myndaðir úr. Hún heitir
líparít.
Þór: Líparít hlýtur að vera einkennileg og
fögur bergtegund og ólík grágrýtinu, sem er
hér í Öskjuhlíðinni og holtunum í kringum
bæinn. Hvernig er líparít á litinn?
Finna: Það er mjög margbreytilegt að útliti.
Oftast gráleitt eða gulleitt, stundum rauðleitt
og oft með mislitum blettum eða rákum.
Teitur: Ég vil safna líparítsteinum.
Finna: Það ættir þú að gera. Það er gaman að
eiga steinasafn.
Þór: Hvað heita hvössu líparíttindarnir ?
Finna: Þeir heita Móskarðshnjúkar.
En fyrir austan þá sjái þið kúpumyndað fell.
Það er S k á 1 a. f e 11. Knattspyrnuf élag
Reykjavíkur á þar skíðaskála. Stóra skarðið
fyrir vestan Skálafell heitir Svínaskarð.
Ása: Hvað ætli Esjan sé há?
Finna: Hún er rúmlega 900 metrar, þar sem
hún er hæst. Það er skammt fyrir vestan Mó-
skarðshnjúkana, og heitir þar H á t i n d u r.
5