Fréttablaðið - 08.12.2010, Blaðsíða 8

8 8. desember 2010 MIÐVIKUDAGUR
1. Hvaða stofnun hér á landi vildu
Bandaríkjamenn ekki að lögð yrði nið-
ur, samkvæmt lekaskjölum Wikileaks?
2. Til hvaða verðlauna hefur
auglýsingaherferðin Inspired by
Icelands verið tilnefnd?
3. Hvað kallast húsið sem áður
stóð við Vonarstræti 12, en hefur
verið flutt í Kirkjustræti?
SVÖR
1. Varnarmálastofnun. 2. European
Excellence Awards. 3. Skúlahús.
IÐNAÐUR Gosverksmiðjan Klettur,
við Köllunarklettsveg í Reykjavík,
var formlega opnuð í gær. Katrín
Júlíusdóttir iðnaðarráðherra opn-
aði verksmiðjuna.
„Stofnendur leituðu í smiðju
íslenskra hönnuða, hugvitsmanna
og ýmissa sérfræðinga sem allir
lögðu sitt af mörkum til að taka
þátt í mótun íslensks fyrirtækis,“
segir í tilkynningu, en saga verk-
smiðjunnar er rakin til ársins 2009,
þegar hópur fólks, nýfluttur aftur
heim til Íslands, leitaði leiða til að
leggja sitt af mörkum við atvinnu-
uppbyggingu. „Alls hafa um og
yfir 100 manns komið að uppbygg-
ingu verksmiðjunnar á einn eða
annan máta,“ segir í tilkynningu,
en 25 eru sagðir eiga Klett, þeirra
á meðal helstu starfsmenn, ásamt
vinum og fjölskyldum. „Í þeim hóp
er enginn fagfjárfestir og enginn
þekktur fjárfestir.“ Áréttað er að
forðast hafi verið að taka lán.
Framleiðsla Kletts er eingöngu
ætluð á markað hér. „Mundi hann-
aði miðann á flöskuna sem skartar
myndum af Íslendingum og texta
úr íslenskum dægurlögum og bók-
menntum. Tvær línur drykkjarteg-
unda, Kletta GOS og Kletta VATN,
með ýmsum bragðtegundum hafa
þegar litið dagsins ljós. Á næstu
mánuðum munu svo fljótlega bæt-
ast við fleiri vörutegundir.“ - óká
HJÁ KLETTI Katrín Júlíusdóttir iðnaðar-
ráðherra opnaði Klett í gær. Hún bragð-
ar hér á framleiðslunni. FRÉTTABLAÐIÐ/VILHELM
Gosverksmiðjan Klettur opnuð við Köllunarklettsveg í Reykjavík:
Horft í hverja krónu við stofnunina
NÝSKÖPUN Háskólinn í Reykja-
vík, HR, hefur bæst í hóp bak-
hjarla Nýsköpunarkeppni grunn-
skólanna og ætlar að styðja við
keppnina á næstu árum. Marel
hefur stutt við keppnina frá
upphafi, eða í nítján ár, og mun
halda því áfram. Nú í haust hófst
tuttugasta ár keppninnar, sem
lýkur að ári.
„Þetta eru tímamót því HR
ætlar að færa keppnina upp á
nýtt stig,“ sagði Anna Þóra Ísfold,
framkvæmdastjóri keppninnar.
Anna bendir á að nám í nýsköp-
un fylgi ungu fólki út í lífið, gefi
því tól til að fá hugmyndir og
gera þær að veruleika. Uppskeru-
hátíð keppninnar er vinnusmiðja
sem haldin er á haustin. Þar eru
lokaskrefin formuð. Keppnin er
fyrir alla grunnskólanemendur
og ætlað að efla áhuga á tölvu- og
verkfræðigreinum.
Að meðaltali áttatíu grunn-
skólar af 174 taka þátt í keppn-
inni ár hvert og hafa þátttak-
endur sent samtals átta þúsund
hugmyndir inn í keppnina á síð-
ustu þremur árum.
Grunnskólarnir sem taka þátt
hér eru hvaðanæva af landinu, en
fáir í Reykjavík. Anna segir það
vonbrigði. „Á þessum aldri eru
börn svo opin fyrir því að bæta
heiminn og umhverfi sitt. Ef
sköpunargáfan er ekki þjálfuð og
henni haldið við lokast hún.“ - jab
Háskólinn í Reykjavík verður bakhjarl Nýsköpunarkeppni grunnskólanemenda:
Virkja sköpunargáfu barna
Jóhanna Höeg Sigurðardóttir,
sem varð nítján ára 4. desember
síðastliðinn, er jafn gömul Nýsköp-
unarkeppni grunnskólanemenda.
Hún segir nýsköpunarhugsun
mikilvæga í daglegu lífi.
Jóhanna býr að því að hafa
verið nemandi við Þjórsárskóla
í Árnesi þegar Svanborg Jóns-
dóttir, ein þeirra sem stofnuðu
til Nýsköpunarkeppninnar, var
kennari þar. Kennsluhættir og
áhugi Svanborgar settu mark sitt
á skólann og fékk hann eitt árið
verðlaun fyrir að senda flestar
hugmyndir í keppnina. Sjálf hefur
Jóhanna nokkrum sinnum tekið
þátt í Nýsköpunarkeppninni,
unnið í tvígang, og systur hennar
tvær líka. Þar af hefur elsta systir
hennar lent í þriðja sæti. Nám við
Þjórsárskóla nær upp í 7. bekk og
þurfti Jóhanna að ljúka grunn-
skólanámi á Flúðum. Þar líkt og
í framhaldsskólum er ekki lögð
áhersla á nám í nýsköpun líkt og
í Þjórsárskóla. Svanborg var hins
vegar í sambandi við Jóhönnu
eftir skólaskiptin og tók hún þátt
í keppninni árið 2007, þá sextán
ára. Hún bar sigur úr býtum í einum flokki af fjórum með fiðurfesti, sem hún
útbjó fyrir páfagaukinn sinn, að hennar sögn þar sem hún var orðin þreytt á
því að þrífa upp eftir hann. „Ég reyni alltaf að sjá lausnina,“ segir Jóhanna og
viðurkennir að hún vilji síður sópa vandamálum undir teppi.
Sér lausnir í stað vandamála
MEÐ FIÐURFESTINN Hugmynd Jóhönnu
byggir á því að setja pappír með flugna-
lími í botn á fuglabúri og grind ofan á.
Dúkurinn tók við mesta skítnum og gerði
þrif Jóhönnu léttari. FRÉTTABLAÐIÐ/STEFÁN
Hringdu í síma
ef blaðið berst ekki
PALESTÍNA, AP Talsmaður ísraelsku
utanríkisþjónustunnar segir viður-
kenningu Argentínu á sjálfstæði
Palestínu valda vonbrigðum.
Argentína viðurkenndi á mánu-
dag frjálst og sjálfstætt ríki
Palestínu miðað við landamæri
landsins eins og þau voru dregin
upp árið 1967. Viðurkenning
Argentínu kemur í kjölfar sam-
bærilegrar ákvörðunar Brasilíu í
síðustu viku. Löndin hafa þar með
bæst í hóp um 100 ríkja sem viður-
kennt hafa Palestínuríki síðustu
tvo áratugi. - óká
Hafa viðurkennt Palestínu:
Ísrael lýsir von-
brigðum sínum
VEISTU SVARIÐ?