Fréttablaðið - 08.12.2010, Blaðsíða 20

Fréttablaðið - 08.12.2010, Blaðsíða 20
20 8. desember 2010 MIÐVIKUDAGUR Í grein í Fréttablaðinu 3. nóvem-ber sakar stjórn Vatnajökuls- þjóðgarðs tiltekna útivistarhópa um neikvæðan og villandi málflutning varðandi tillögur að stjórnunar- og verndaráætlun Vatnajökulsþjóð- garðs. Þetta er alvarleg ásökun sem snertir marga aðila s.s. jeppa- fólk, veiðimenn, hestamenn, sleða- fólk, fjórhjólafólk, mótorhjólafólk og almenning. Þetta mál snýst í raun um rétt almennings til ferðafrelsis innan Vatnajökulsþjóðgarðs, en þar hafa margir ólíkir útivistarhópar ferðast saman í áratugi. Það var gefið loforð við stofnun Vatnajökulsgarðs um að ekki yrði takmörkuð sú útivist sem þar hafi verið stunduð. Staðreyndin er samt sú að í fyrirliggjandi tillög- um að stjórnunar- og verndaráætl- un Vatnajökulsþjóðgarðs sem liggja hjá umhverfisráðherra, er verið að ganga mun lengra í takmörkunum og höftum á ferðafrelsi og útivist, en almenningur á Íslandi getur sætt sig við. Hverjar eru staðreyndir máls- ins: 1. Vegslóðar: Stjórn VJÞ segir ósatt að heildar- lengd lokaðra vegslóða sé um 50 kílómetrar. Bara lokanir á Vikra- fellsleið e (45 kílómetrar) og Vonar- skarðsvegi (17 kílómetrar) gera samtals 62 kílómetra og eru þá ótaldar fjölmargar leiðir á Jökul- heimasvæðinu. 2. Útivistarþarfir: Stjórn VJÞ segir þjóðgarða ekki geta uppfyllt allar þarfir útivistar- fólks. Lokun á vinsælum ferða- mannaleiðum án rökstuðnings um verndun tegunda og vistkerfa, verndun víðerna og friðhelgi er ekki ásættanleg. Stjórn VJÞ hefur engin rök fyrir þessum lokunum og telur sig ekki þurfa að setja þær fram. 3. Sambúð útivistarhópa: Stjórn VJÞ gengur út frá því að sambúð mismunandi útivistar- hópa sé ekki raunhæfur möguleiki. Margir hafa einmitt bent á að það ætti að vera hlutverk landvarða að tryggja að ekki skapist árekstrar milli þessara hópa og nota m.a. til- kynningaskyldu. Með slíku fyrir- komulagi ættu einmitt að skapast forsendur fyrir samstarfi í stað sundrungar þeirra sem nýta sér þjónustu þjóðgarðsins. 4. Saga og menning: Þjóðgarðar hljóta að eiga að taka tillit til sögu og menningar þjóð- ar. Að loka Bárðargötu, elstu þjóð- leið Íslendinga yfir hálendið fyrir akandi umferð og hestafólki er algjört tillitsleysi við sögu og menningu okkar Íslendinga. 5. Stærð landsvæða: Stjórn VJÞ segir að einungis sé verið að banna skotveiðar á 3,4% af nytjalandi garðsins utan jökla. Austursvæðið í VJÞ skiptir veiði- menn mestu máli, en það ásamt suðursvæði VJÞ eru þau svæði sem eru veiðanleg innan garðsins. Það er verið að loka um 23% af veiðan- legu svæði innan VJÞ með stofnun griðlands innan Snæfellsöræfa. 6. Skotveiðar í þjóðgarði nýlunda: Það er ekki rétt að veiðar í þjóð- görðum sé nýlunda, þær eru stund- aðar í þjóðgörðum víða um heim. Skotveiði á ekki að vera sjálfsögð í þjóðgörðum, en veiðimenn hafa hins vegar hvatt til þess að veiðistjórn- un sé byggð á traustum grunni og framkvæmd af Veiðistjórnar- embættinu, sem hefur heildaryfir- sýn yfir ástand stofna á Íslandi. 7. Seinkun á veiðitíma: Stjórn VJÞ leggur til að veiðar á gæs verði ekki heimilaðar frá 20. ágúst heldur frá 1. september, ólíkt því sem er annars staðar á Íslandi. Meginrökin eru þau að veiðimenn eru sagðir skjóta ófleyga fugla sem er ósannað með öllu og flestir veiði- menn skjóta fugla á flugi. Þetta skiptir engu máli fyrir þá sem ekki stunda veiðar á heiðagæs, en á þessum 11 dögum er besti veiði- tíminn fyrir heiðagæsina, en hegð- un hennar verður óútreiknanleg í september. 8. Stjórnsýslulög: Stjórn VJÞ braut stjórnsýslulög með því að svara ekki með beinum hætti þeim sem gerðu athuga- semdir við tillögur að stjórnar- og verndar áætluninni. Stjórnin sendi fjöldapóstinn á alla sem gerðu efn- islegar athugasemdir. Eins og sést hér að framan, er það ekki að ástæðulausu sem jeppa- fólk, veiðimenn, hestamenn, sleða- fólk, fjórhjólafólk, mótorhjólafólk og almenningur tekur sig saman og lætur í sér heyra. Það var ekkert tillit tekið til athugasemda þessara aðila í undirbúningsferlinu og þeir ekki taldir svaraverðir efnislega. Að saka þessa aðila um neikvæðan og villandi málflutning er úr lausu lofti gripið og sýnir best hvernig vinnubrögð stjórnar Vatnajökuls- þjóðgarðs eru. Landssamband hestamanna – Þorvarður Helgason, stjórnarmaður Landssamband vélsleðamanna – Birkir Sigurðsson, forseti Landssamtökin Ferðafrelsi – Guðmundur G. Kristinsson, formaður Ferða- og útivistarfélagið Slóða- vinir – Jakob Þór Guðbjartsson, formaður Ferðaklúbburinn 4x4 – Sveinbjörn Halldórsson, formaður Skotveiðifélag Íslands – Sigmar B. Hauksson, formaður Vélhjólaíþróttaklúbburinn Vík – Hrafnkell Sigtryggsson, formaður Skotreyn – Kristján Sturlaugsson, formaður Jeppavinir – Þorvarður Ingi Þorbjörnsson, formaður Stjórn Vatnajökulsþjóðgarðs hlusti betur á almenning Útivist Forsvarsmenn níu samtaka útivistarfólks Nokkur atriði um fé … og fólk Í ljósi umræðu um fjárlög Reykjavíkurborgar síðustu daga hef ég ákveðið að skrifa nokkur orð til að reyna að leið- rétta rangfærslur og hártogan- ir sem settar hafa verið fram. Fjárlög Reykjavíkurborgar 2011 Þessi fyrsta fjárlagagerð sem ég hef komið að hefur verið löng og ströng og kostað mikl- ar vangaveltur, ekki að við vorkennum okkur fyrir það síður en svo. Ekki bara erum við mörg ný í gerð fjárlaga frá Besta flokknum heldur vill svo til að við gerum fjárlög þegar loka þarf mjög stóru gati í fjár- lögum Reykjavíkur. Það kemur til bæði af auknum kostnaði og sérstaklega vegna minnkandi tekna, einnig eru nokkrir óvissuþættir fram undan í skipulagsmál- um sem gætu kostað fé. Því er vissara að eiga varasjóð og getu til að bregðast við slíkum málum sem koma upp. Orkuveita Reykjavíkur og meintir 17 milljarðar Við í nýjum meiri- hluta í Reykjavík hófumst tafarlaust handa við að hjúkra OR aftur til heilsu. Á aðeins sex mánuðum hefur stjórnendum OR sem eru sérstak- lega valdir til verks- ins vegna faglegrar kunnáttu sinnar og sérfræðiþekkingar tekist að lyfta grettis- taki í þeim efnum. OR sýnir mikil batamerki og óskemmti- legar aðgerðir í formi uppsagna og gjaldskrárhækkana eru að skila traustum rekstri nú þegar auk þess að skapa tiltrú á fyrir- tækið meðal lánveitenda og annarra viðskiptavina. Skuldir OR eru um og yfir 200 milljarð- ar, og lánveitendur hafa krafist þess að Reykjavíkurborg sem ábyrgðaraðili fyrir lánunum eigi handbært fé upp á um 12 milljarða í sjóði til að tryggja afborganir af lánum. Nú hefur verið bent á að Reykjavík eigi um 17 milljarða handbært fé og gæti notað það til að forðast niðurskurð og gjaldskrárhækk- anir. Slík umfjöllun er óábyrg og í ætt þess sem hefur verið kallað popúlismi, slíkar aðgerð- ir eru ekki raunhæfar því þó að núna í nóvember hafi verið til um 17 milljarðar þá þýðir það að um áramót verða á reikning- um Reykjavíkur um 12 millj- arðar þegar upp er staðið eftir árið. Það er einmitt upphæðin sem við þurfum að eiga vegna OR. Greiningarfyrirtæki orð- aði það skemmtilega um daginn þegar sagt var að „tekist hefði að fjarlægja pólitíska áhættu úr fyrirtækinu“. Sett hefur verið fram af hálfu fulltrúa sjálfstæðis- manna í borgarstjórn reikni- skjal þar sem sett eru saman dæmi um áhrif hækkana á fólk- ið í borginni. Þar kennir ýmissa grasa. Þess vegna langar mig að svara tveim spurningum sem koma þeim útreikningum við. Hvað eru skattar? Skattar eru gjöld sem hið opin- bera innheimtir af þegnum til að halda úti þjónustu, þetta vita flestir. En ýmis gjöld í samfé- laginu eru einnig óbeinir skatt- ar, sérstaklega þar sem um er að ræða lögbundna þjónustu. Það á við tildæmis leikskóla- gjöld og segjum sorphirðu- gjald. Það skrítna við sorphirðu- gjald er samt að það er í raun bannað að tapa á því, það á að standa undir sér svo sú hækkun var óumflýjanleg auk þess að í framhaldinu verður farið útí víðtæka flokkun í Reykjavík og þjónustan bætt til muna. Og hvenær er greitt fyrir vöru og þjónustu? Þegar talað er um að hækkun á stökum miðum í sund sem hækkun skatta og byrða á fólk þá gleymist alveg að gera ráð fyrir því að afsláttarkort hækka ekki og langflestir not- endur sundstaðanna notast við slík kort. Hitt eru undantekn- ingar og svo sannarlega þegar fólk fer að minnsta kosti tvisvar í mán- uði í sund. Einnig hækkar skólamatur- inn, skólamaturinn er ekki lögbundin þjónusta en aftur á móti var það mér per- sónulega mikið bar- áttumál að viðhalda og helst auka gæði matar í grunnskólum Reykjavíkur. Skoð- aðar voru sparnaðar- leiðir en valið var að fara í þessa hækkun og standa vörð um þetta. Í mínum huga er þetta velferðar- mál barna og þá sér- staklega þeirra sem búa við atvinnuleysi og erfiðar aðstæður. Til stendur svo að koma til móts við þá sem ekki geta borg- að nú sem fyrr en flest ráðum við við þetta. En þessar aðferðir eru í mínum huga sambærilegar við að setja Range Rover í vísitölu- körfu Seðlabankans, það myndi skekkja myndina. Fleiri slík dæmi mætti nefna svo sem menningarkort, ferðir í Fjöl- skyldu- og húsdýragarðinn og Frístundaheimili sem eru þrátt fyrir mikilvægi sitt ekki lög- bundin þjónusta og hafa verið afar dýr í rekstri. Fullur metn- aður er samt fyrir því að halda því faglega tilboði opnu og bæta það enn frekar. Rúmlega 600 miljóna aukning í velferðarmálum Að lokum vil ég nefna viðbæt- ur okkar í velferðarmálum þar sem ég sit sem varaformaður velferðarráðs. Þar höfum við ákveðið að hækka framfærsl- una úr 125.540 kr. upp í 149.000 kr. á einstakling sem ber kostn- að af húsnæði og hjón og sam- býlisfólk hækkar úr 200.864 kr. í 223.500 kr. Þetta kallar á aukið fjármagn og er ég gríðar- þakklátur fyrir þann stuðning sem við höfum hlotið innan meirihlutans til að gera þetta fært. Þarna sýnum við í verki að við bregðumst við vanda þeirra sem úr minnstu hafa að moða. Verum bjartsýn Að lokum vil ég þakka Reykvík- ingum og öðrum Íslendingum lesturinn og vona að allir hafi það sem allra best á aðventunni. Einnig vil ég rifja upp orð prest- anna í Eldorado sem Birtíngur hittir fyrir þegar hann rambar þangað með Altúngu þegar Alt- únga spyr þá hvers þeir biðji: „Biðji??? Við biðjum aldrei um neitt. Við þökkum allan daginn.“ Góða helgi. Borgarmál Ágúst Már Garðarsson varaformaður velferðarráðs og Bestaflokksmaður Ekki bara erum við mörg ný í gerð fjárlaga frá Besta flokknum heldur vill svo til að við gerum fjárlög þegar loka þarf mjög stóru gati í fjárlögum Reykjavíkur. Í fyrirliggjandi til- lögum … er verið að ganga mun lengra í takmörkunum og höftum á ferðafrelsi og útivist, en almenningur á Íslandi getur sætt sig við. ÍS L E N S K A /S IA .I S /U T I 52 23 6 11 /1 0 20% afsláttur HOLTAGÖRÐUM GLÆSIBÆ KRINGLUNNI SMÁRALIND WWW.UTILIF.IS SkíðapakkarJÓLAGJÖFIN
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56

x

Fréttablaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Fréttablaðið
https://timarit.is/publication/108

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.