Fréttablaðið - 12.03.2011, Síða 2
12. mars 2011 LAUGARDAGUR2
LÖGREGLUMÁL Mál kvennanna sjö
sem saka Gunnar Þorsteinsson,
forstöðumann Krossins, um kyn-
ferðisbrot hefur nú verið lagt fram
sem lögformleg kæra. Skýrslutök-
um hjá lögreglu er nær lokið, en
búið er að tala við fimm konur.
Gunnar verður kallaður í skýrslu-
töku í kjölfarið, en hann neitar
öllum sökum.
Gunnar segist vera með málin
í skoðun en ekki hafi verið tekin
ákvörðun um hvernig brugðist
verði við.
„Það verður bara að koma í ljós
í fyllingu tímans,“ segir hann.
„Þetta eru alvarlegar ærumeið-
ingar sem hér um ræðir.“
Gunnar hefur stigið til hliðar
sem forstöðumaður Krossins og
segist nú vera óbreyttur safnaðar-
meðlimur. Hann átti fund með
Ástu Knútsdóttur og tveimur
öðrum einstaklingum fyrir hálf-
um mánuði. Fólkið, sem Ásta og
Gunnar þekkja bæði, hafði hlust-
að á frásagnir kvennanna í hús-
næði Drekaslóða áður en fund-
urinn fór fram. Gunnar segir
fundinn ekki hafa gengið vel.
„Þar var mikil óbilgirni. Ég hef
ekki talað við konurnar sjálfar
um þessi mál, sem ég hefði vilj-
að gera,“ segir hann. „Allan tím-
ann hef ég beðið um að fá að hitta
þær.“
Ólöf Dóra Bartels Jónsdóttir,
ein kvennanna sem hefur kært
Gunnar, segir þessi ummæli hans
fráleit. Hann hafi aldrei óskað
eftir fundi með neinni kvennanna.
„Einu skilaboðin sem ég hef
fengið frá honum var köld kveðja
í gegnum Facebook. Hún var ekki
þess eðlis að hann væri að kalla
eftir fundi,“ segir Ólöf Dóra. Hún
er afar ánægð með aðkomu lög-
reglu og segir konurnar allar
mjög ánægðar með þann farveg
sem málið er komið í.
„En það sem skiptir mestu
máli er að hann viðurkenni það
sem hann gerði,“ segir Ólöf. Hún
skrifaði atburðina í dagbók sína
árið 1986 þegar hún segir Gunn-
ar hafa beitt sig áreiti af ýmsum
toga, bæði líkamlega og með óvið-
eigandi ummælum.
Í vitnisburði hennar kemur
fram að munnlegt áreiti af hálfu
Gunnars hafi byrjað þegar hún
var 15 ára. Hann byrjaði að leita á
hana líkamlega þegar hún var 19
ára. Séu vitnisburðir kvennanna
sjö teknir saman spannar tímabil-
ið um tuttugu ár, eða frá því um
1979 til ársins 2000.
Tvær þeirra voru 13 og 14 ára
þegar meint brot áttu sér stað.
sunna@frettabladid.is
Einu skilaboðin
sem ég hef fengið
frá honum var köld
kveðja í gegnum Facebook.
Hún var ekki þess eðlis að
hann væri að kalla eftir fundi.
ÓLÖF DÓRA BARTELS JÓNSDÓTTIR
A
T
A
R
N
A
í dag.
Fjöldi tilboða
í tilefni dagsins.
Opið frá 10 til 16.
Nóatúni 4 · Sími 520 3000
www.sminor.is
Sölusýning
Yesmine, geturðu ekki gert þér
mat úr þessum verðlaunum?
„Auðvitað, maður verður að gera
gott úr því sem maður hefur.“
Matreiðslubók Yesmine Olson hreppti
bronsverðlaun í flokki indverskrar mat-
seldar í stærstu matreiðslubókakeppni
veraldar í París.
EFNAHAGSMÁL Birtingu á áætlun
um afnám gjaldeyrishafta hefur
verið frestað um hálfan mánuð.
Til stóð að kynna áætlunina í gær.
„Undanfarið hefur sérstakur
stýrihópur, sem í eiga sæti efna-
hags- og viðskiptaráðherra, fjár-
málaráðherra, seðlabankastjóri og
forstjóri Fjármálaeftirlitsins, haft
forystu um mótun áætlunar um
afnám gjaldeyrishafta,“ segir í til-
kynningu efnahags- og viðskipta-
ráðuneytisins. „Enn er nokkur
vinna framundan til þess að stýri-
hópurinn geti lokið tillögugerð
sinni til ríkisstjórnarinnar. Það
er því óhjákvæmilegt að fresta
afgreiðslu áætlunarinnar.“
Taka á afstöðu til áætlunarinn-
ar í ríkisstjórn 25. mars og kynna
hana samdægurs. - óká
Áætlun um haftaafnám bíður:
Birtingu frestað
um tvær vikur
VIÐSKIPTI Ragnar Önundarson,
varaformaður stjórnar Lífeyris-
sjóðs verzlun-
armanna (LV),
sagði af sér í
gær.
Ragnar
var forstjóri
greiðslukorta-
fyrirtækisins
Kreditkorta, nú
Borgunar, sem
þátt tók í ólög-
legu samráði
kortafyrirtækjanna frá 2002 til
2006. Eftir umfjöllun Kastljóss-
ins um málið á fimmtudagskvöld
hringdi formaður LV í Ragnar og
lýsti því yfir að hann teldi Ragn-
ar eiga að stíga til hliðar. „Ég
var sammála því,“ segir Ragn-
ar. Hann útilokar ekki að brott-
hvarf hans hafi áhrif á setu hans
í stjórn Framtakssjóðsins fyrir
hönd LV.
„Umboð mitt er í höndum sjóðs-
ins. Ég mun gera það sem hann
óskar,“ segir Ragnar. - jab
Ragnar hættur í stjórn LV:
Gæti haft áhrif
á Framtakssjóð
RAGNAR
ÖNUNDARSON
LÖGREGLUMÁL Lögregla handtók
tvo bílþjófa á Arnarneshæð í gær
með því að aka á stolna bílinn og
þvinga þá út af veginum.
Bílnum, Nissan-jeppa, hafði
verið stolið í Norðurmýrinni
skömmu áður á einkar bíræfinn
hátt. Eigandi bílsins hafði verið
að gefa öðrum bíl start og var að
ganga frá köplunum í skottið þegar
bílnum, sem var enn í gangi, var
skyndilega ekið á brott.
Lögregla hóf þegar leit að mönn-
unum og sat fyrir þeim á Arnar-
neshæðinni. Þrír bílar tóku þátt
í aðgerðinni og ók einn þeirra á
jeppann til að þvinga hann út af.
Mennirnir voru færðir í handjárn
og fluttir til yfirheyrslu. - sh
Bíræfnir þjófar í Norðurmýri:
Bílnum stolið
strax eftir start
VIÐSKIPTI „Gjaldeyrishöftin setja
okkur í þessa stöðu. Okkur fannst
ekki hægt að gera annað. Þetta
var það eina sem við gátum gert í
því umhverfi sem við búum við,“
segir Páll Harðarson, forstjóri
Kauphallarinnar.
Vika er liðin síðan samþykkt
var á aðalfundi stoðtækjafram-
leiðandans Össurar að taka
félagið af hlutabréfamarkaði hér.
Þau eru jafnframt skráð á mark-
að í Kaupmannahöfn. Síðasti við-
skiptadagur bréfanna er föstu-
dagurinn 25. mars næstkomandi.
Kauphöllin tilkynnti hins vegar
í gær að þrátt
f y r i r þ et t a
verði h luta -
bréf félagsins
tekin aftur til
viðskipta eftir
helgina og muni
fjárfestar geta
bæði keypt og
selt hlutabréf
Össurar með
sama hætti og
áður í íslenskum krónum.
Kauphöllin beitir fyrir sig sam-
evrópsku regluverki um kauphall-
ir sem innleitt var hér árið 2007
og heimilar að taka verðbréf til
viðskipta án samþykkis útgefanda
hafi verðbréfin verið tekin til við-
skipta á öðrum verðbréfamarkaði
innan evrópska efnahagssvæð-
isins. Ekki liggur fyrir hvort
félagið verði áfram í úrvalsvísi-
tölunni.
„Það er grundvallarréttur hlut-
hafa að geta bæði keypt og selt
hlutabréfin. Við vorum í þeirri
stöðu að hefði kauphöllin ekki
tekið bréfin á ný til viðskipta
hefðu íslenskir hluthafar aðeins
getað selt bréfin,“ segir Páll.
- jab
Kauphöllin ætlar að taka hlutabréf Össurar aftur til viðskipta eftir afskráningu:
Þurfa ekki samþykki félagsins
PÁLL HARÐARSON
Gunnar í Krossinum
verður yfirheyrður
Mál kvennanna sem ásaka Gunnar Þorsteinsson um kynferðisbrot er nú orðið
formleg kæra. Skýrslutökur eru komnar langt á veg. Gunnar kallar málið æru-
meiðingar. Mestu máli skiptir að hann viðurkenni brotin, segir ein kvennanna.
GUNNAR ÞORSTEINSSON Fyrrverandi forstöðumaður Krossins, verður yfirheyrður af
lögreglu á næstunni. FRÉTTABLAÐIÐ/TEITUR
Rithöfundurinn Thor Vilhjálmsson
var jarðsunginn frá Dómkirkjunni
í Reykjavík í gær. Thor lést þann 2.
mars síðastliðinn, 85 ára að aldri.
Thor var með merkari rithöf-
undum sinnar kynslóðar, en hann
gaf út sína fyrstu bók, Maðurinn
er alltaf einn, árið 1950.
Hann hlaut fjölmargar viður-
kenningar hér á landi og erlend-
is á ferlinum. Meðal annars má
nefna Bókmenntaverðlaun Norð-
urlanda árið 1987 fyrir skáldsög-
una Grámosinn glóir, en Thor var
einnig gerður að heiðursdoktor við
Háskóla Íslands á síðasta ári - þj
Thor Vilhjálmsson jarðsunginn
THOR VAR JARÐSUNGINN FRÁ DÓM-
KIRKJUNNI Í GÆR Kistuberar voru
þau Guðný Halldórsdóttir, Erlendur
Sveinsson, Valgerður Benediktsdóttir,
Þorsteinn frá Hamri, Benedikt Pálsson,
Gísli Sigurðsson, Jón Norland og Páll
Guðmundsson.
SJÁVARÚTVEGSMÁL Fundur Íslands,
Noregs, Færeyja og Evrópusam-
bandsins (ESB) í makríldeilunni,
sem stóð frá miðvikudegi til föstu-
dags, var jákvæðari en fyrri fund-
ir að sögn Tómasar H. Heiðar, aðal-
samningamanns
Íslands.
Ekki náðust
samningar um
lok deilunnar,
en Íslendingar
áréttuðu þar að
útgangspunktur-
inn væri núver-
andi hlutdeild
Íslands í makríl-
veiðunum, á bilinu 16 til 17 prósent,
en Tómas segir að samninganefnd
Íslands hafi jafnframt gefið til
kynna „aukinn sveigjanleika til að
fallast á lægri hlutdeild“ af heildar-
afla gegn aðgangi að lögsögu ESB
og Noregs.
„Við væntum þess að ESB og Nor-
egur muni í framhaldinu stíga skref
til móts við okkur,” segir Tómas. - þj
Ósamið í makríldeilunni:
Jákvæðum
fundi lokið
TÓMAS H. HEIÐAR
VIÐSKIPTI Kröfu skiptastjóra í
þrotabúi GH1, áður Capacent, um
að Capacent láti af hendi eignir
með innsetningu var vísað frá
Héraðsdómi Reykjavíkur 21.
febrúar síðastliðinn.
Þetta er á meðal þess sem fram
kemur í tilkynningu frá Capacent.
Þar segir að við kaup á rekstri
fyrirtækisins í haust hafi aðeins
óveðsettar eignir verið keyptar. Í
þrotabúinu hafi setið eftir veðsett-
ar eignir. Löglega var staðið að
kaupum á rekstrinum, samkvæmt
niðurstöðu sýslumanns. - jab
Kaup á Capacent sögð lögleg:
Óveðsettar
eignir seldar
SPURNING DAGSINS