Fréttablaðið - 12.03.2011, Blaðsíða 89

LAUGARDAGUR 12. mars 2011 61
FÓTBOLTI Samtökin Íslenskur
toppfótbolti hafa auglýst eftir
framkvæmdastjóra í hlutastarf.
Samtökin voru stofnuð í síðasta
mánuði en þeim er ætlað fyrst og
fremst að huga að hagsmunum
þeirra félaga sem eiga lið í efstu
deild hverju sinni.
Samtökunum er þar að auki
ætlað að auka veg knattspyrn-
unnar hér á landi í samstarfi
bæði við KSÍ og alþjóðleg samtök.
Jón Rúnar Halldórsson, for-
maður samtakanna, sagði við
Fréttablaðið að nýjum fram-
kvæmdastjóra væri ætlað að taka
þátt í uppbyggingu samtakanna
og auka samstarf við sambærileg
samtök í öðrum löndum.
Hann bendir á að hægt sé að
nálgast frekari upplýsingar með
því að senda tölvupóst á netfang-
ið toppfotbolti@toppfotbolti.is en
umsóknarfrestur rennur út hinn
1. apríl næstkomandi. - esá
Íslenskur toppfótbolti:
Leita að fram-
kvæmdastjóra
NÝ SAMTÖK Jón Rúnar Halldórsson
er formaður nýrra hagsmunasamtaka
knattspyrnufélaga í efstu deild hér á
landi. FRÉTTABLAÐIÐ/PJETUR
Meira í leiðinniWWW.N1.IS / SÍMI 440 1000
Stelpurnar halda boltanum gangandi hér heima um
helgina með fimm frábærum leikjum. Valur getur
tryggt sér deildarmeistaratitil með sigri á Fram.
Spennan er gríðarleg! Mætum á völlinn og styðjum
okkar stelpur til sigurs.
NÆR VALUR AÐ
TRYGGJA SÉR TITIL
UM HELGINA?
N1 DEILD KVENNA – Í DAG
Valur – Fram Vodafone höllinni kl. 15:45
HK – Fylkir Digranesi kl. 16:00
Haukar – ÍR Ásvöllum kl. 16:00
Grótta – FH Seltjarnarnesi kl. 16:00
Stjarnan – ÍBV Mýrinni kl. 16:00
FÓTBOLTI Manchester United og
Arsenal mætast á Old Trafford
klukkan 17.15 í kvöld í átta liða
úrslitum ensku bikarkeppninnar
og það er óhætt að segja að bæði
lið komi særð til leiks í dag eftir
svekkjandi töp á síðustu dögum.
Leikurinn mun auk þess hafa
mikið sálfræðilegt vægi í baráttu
liðanna um enska meistaratitilinn
en Arsenal er aðeins þremur stig-
um á eftir United og á leik inni.
Arsenal hefur ekki unnið á Old
Trafford síðan í september 2006 en
leikurinn í dag er fyrst og fremst
prófraun á bæði lið og hvernig
þeim tekst að vinna úr vonbrigð-
um síðustu vikna.
Manchester United hefur tapað
tveimur síðustu leikjum sínum, á
móti Chelsea og Liverpool í ensku
deildinni, og á því á hættu að tapa
sínum þriðja leik í röð. Það er stutt
á milli stórleikja hjá liðinu því
liðið mætir frönsku meisturunum
í Marseille á þriðjudaginn í 16 liða
úrslitum Meistaradeildarinnar.
„Það er alltaf spennandi að fara
að spila á móti Arsenal í bikarn-
um og við munum spila með okkar
besta liði endar er sæti í undanúr-
slitum í boði,“ sagði Alex Fergu-
son, stjóri Manchester United.
Arsenal á það hins vegar á
hættu í dag að missa af þriðja
bikarnum á þrettán dögum. Liðið
datt út fyrir Barcelona í Meistara-
deildinni á þriðudaginn og tapaði
óvænt fyrir Birmingham í úrslita-
leik enska deildarbikarsins fyrir
tæpum tveimur vikum.
„Við þurfum að vinna okkur út
úr þessum tveimur áföllum en mér
finnst að liðið hafi verið á góðu
skriði síðan í nóvember. Við höfum
dottið út úr Meistaradeildinni og
enska deildarbikarnum á síðasta
mánuði en í heildina er full ástæða
til að vera sáttur við spilamennsku
liðsins. Þessi leikur er mjög
mikilvægur fyrir framhaldið
og nú höfum við sett stefnuna
á deildina og bikarinn,“ sagði
Arsene Wenger, stjóri Arsenal.
Það eru ekki bara slæm úrslit
sem herja á liðin því sterkir
leikmenn verða líka fjarri góðu
gamni þegar liðin ganga út á Old
Trafford í dag. Rio Ferdinand
(kálfi) og Nani (leggur) verða
ekki með ekki frekar en Anderson
(hné), Park Ji-sung (læri) og
Antonio Valencia (ökkli). Cesc
Fabregas, fyrirliði Arsenal verður
ekki með og liðið er einnig án
þeirra Wojciech Szczesny, Theo
Walcott, Alex Song og Thomas
Vermaelen.
Manchester United vann hins
vegar 4-0 sigur á Arsenal í síðasta
bikarleik liðanna (febrúar 2008) og
vann 1-0 sigur í deildarleik liðanna
fyrr í vetur. Park Ji-sung skoraði
sigurmark United eftir sendingu
Nani í leiknum í desember en þeir
verða báðir frá vegna meiðsla í
dag.
Þrír aðrir leikir fara fram í átta
liða úrslitunum um helgina. Grétar
Rafn Steinsson og félagar í Bolton
sækja Birmingham heim klukk-
an 12.45 í dag og á morgun mæt-
ast Stoke City og West Ham (Kl:
14.00) og Manchester City-Reading
(Kl: 16.45).
ooj@frettabladid.is
SÆRÐIR RISAR MÆTAST
Sigursælustu félög ensku bikarkeppninnar, Manchester United og Arsenal, hafa
ekki unnið bikarinn í nokkurn tíma, en mætast í dag í átta liða úrslitunum.
KLIKKAÐI Á VÍTI Í FYRRI LEIKNUM Wayne Rooney sést hér eftir að hann hafði brennt
af víti í deildarleik United og Arsenal fyrr í vetur. MYND/NORDIC PHOTOS/GETTY
HANDBOLTI Valur og Fram spila
í dag óopinberan úrslitaleik
um deildarmeistaratitilinn í N1
deild kvenna og þar með heima-
vallarrétt út úrslitakeppnina.
Leikurinn fer fram í Vodafone-
höllinni og hefst klukkan 15.45.
Valur er núverandi Íslandsmeist-
ari eftir sigur á Fram í lokaúr-
slitunum síðasta vor og Fram er
núverandi bikarmeistari eftir
sigur á Val í úrslitaleik á dög-
unum.
Þetta verður fimmti leikur
liðanna á þessu tímabili en
eini sigur Fram var einmitt í
Laugardalshöllinni fyrir fjórtán
dögum þegar Framstúlkur
tryggðu sér bikarmeistaratitilinn
annað árið í röð með 25-22 sigri.
Valur vann Meistarakeppnina í
september og Deildarbikarinn
í desember eftir sigra á Fram
í úrslitaleik en stærsti sigur
Vals á Fram í vetur var í fyrri
deildarleik liðanna í Safamýri.
Valur vann þá sjö marka sigur,
23-16, eftir að hafa unnið seinni
hálfleikinn 12-3. - óój
N1 deild kvenna í handbolta:
Titillinn undir
hjá Val og Fram
HART BARIST Karen Knútsdóttir hjá Fram
fer framhjá Hildigunni Einarsdóttur í Val
í bikarúrslitaleiknum. FRÉTTABLAÐIÐ/DANÍEL