Fréttablaðið - 12.03.2011, Blaðsíða 34

12. mars 2011 LAUGARDAGUR34
M
argt fótbolta-
áhugafólk um
v íða veröld
gerði óspart
gys að Louis
v a n G a a l ,
þáverandi þjálfara Barcelona, árið
2000 þegar hann sagðist eiga sér
þann draum að vinna Meistara-
deild Evrópu með ellefu heimaalda
leikmenn í liðinu. Í réttu hlutfalli
við síaukinn peningaaustur í knatt-
spyrnunni og minnkandi hollustu
leikmanna við lið sín er í raun ekki
að undra að einhverjir hafi hæðst
að yfirlýsingu þjálfarans. En níu
árum síðar komst annar þjálfari,
Pep Guardiola, glettilega nærri því
að upplifa drauminn þegar Barce-
lona-liðið sem hann stýrði til sig-
urs í téðri Meistaradeild innihélt
átta leikmenn sem ólust upp hjá
félaginu.
En árangursríkt unglingastarf
Barcelona hefur ekki einungis
gert það að verkum að margir
telja núverandi lið félagsins með
þeim bestu í knattspyrnusög-
unni. Í spænska landsliðinu sem
stóð uppi sem sigurvegari á HM
í Suður-Afríku á síðasta ári voru
átta leikmenn frá Barcelona, þar
af sjö uppaldir hjá félaginu, og sex
þeirra voru í byrjunarliðinu í sjálf-
um úrslitaleiknum.
Þá fékk unglingastarf félags-
ins enn eina rósina í hnappagatið
þegar tilkynnt var að þeir Xavi,
Lionel Messi og Andrés Iniesta
hefðu orðið efstir í kjöri FIFA á
leikmanni ársins í fyrra. Allir
gengu þeir í gegnum sína mótun
sem leikmenn í La Masia, ung-
lingastarfi stórveldisins frá Kata-
lóníu.
Bóndabær frá 18. öld
La Masia, sem útleggst sem bónda-
bærinn í beinni þýðingu, er raun-
ar nokkuð margslungið hugtak í
þessu sambandi. Upprunalega er
það nafnið á húsi frá árinu 1702
sem Barcelona festi kaup á árið
1954 og nýtti í ýmsum tilgangi,
meðal annars sem höfuðstöðvar
félagsins, allt til ársins 1979 þegar
það tók við hlutverki akademíu
fyrir unga leikmenn víðs vegar
að frá Spáni. Þá er æfingasvæðið
í kringum húsið einnig nefnt La
Masia og enn fremur er allt ung-
lingastarf félagsins, með öllum
sínum reglum, áherslum og við-
loðandi heimspeki, gjarnan kallað
La Masia í daglegu tali.
Það var enginn annar en snill-
ingurinn Johan Cruyff sem stakk
upp á því við Josep Núñez, þáver-
andi forseta Barcelona, að líkja
eftir vel heppnuðu unglingastarfi
hollenska liðsins Ajax fyrir 32
árum. Starfinu var ætlað að halda
hugsjónir hins hollenska „Total
football“ í heiðri og hefur sú lína
reynst lífseig.
Í nýlegu viðtali við breska ríkis-
útvarpið (BBC) útskýrir núver-
andi stjórnandi La Masia, Carles
Folguera, grunnhugmyndina að
baki starfinu á þann hátt að liðið
sem heldur boltanum sé ávallt lík-
legt til að stjórna spilinu og hrað-
anum í leiknum. „Við leitum alltaf
að vel hugsandi leikmönnum sem
hræðast ekki að taka mikilvægar
ákvarðanir. Leikmönnunum sem
hafa hæfileika og búa yfir tækni
og snerpu. Við teljum ekki mikil-
vægt að leikmennirnir séu líkam-
lega sterkir,“ segir Folguera og
bætir við að styrktaræfingar á
borð við lyftingar og hlaup hefj-
ist ekki hjá nemendum La Masia
fyrr en þeir séu orðnir sextán ára
gamlir. Allt fram að því er áhersl-
an eingöngu lögð á boltameðferð.
Lítið um lúxus
La Masia, sjálft húsið sem hýst
hefur þann mikla fjölda af fram-
úrskarandi fótboltamönnum sem
unglingastarf Barcelona hefur
skilað af sér, lætur ekki mikið
yfir sér. Það er steinsnar frá
Camp Nou, heimavelli liðsins, er
sex hundruð fermetrar að stærð á
tveimur hæðum og lítið um lúxus
innandyra. Þeir sextíu drengir
sem dvelja í akademíunni á hverj-
um tíma (tíu þeirra eiga herbergi í
sjálfum bóndabænum) æfa knatt-
spyrnu í um eina og hálfa klukku-
stund á dag. Þeim mun meiri
áhersla er lögð á að þeim gangi vel
í námi svo þeir hafi þann mögu-
leika að fara í háskóla eða finna
vinnu við hæfi ef þeir verða ekki
atvinnumenn í íþróttinni.
Á hverju ári sækja yfir þúsund
spænskir drengir á aldrinum sex
til átta ára um vist í La Masia, en
auk þess hefur Barcelona útsend-
ara á sínum snærum víða um heim
sem hafa augun opin fyrir efnileg-
um leikmönnum. Um fimm hundr-
uð drengir hafa yfirgefið heimili
sín og komið til dvalar í La Masia
á þeim rúmlega þrjátíu árum sem
liðin eru síðan akademían var
stofnuð. Um helmingur þeirra er
frá Katalóníu og aðrir frá öðrum
héruðum Spánar og víðar, til að
mynda Kamerún, Brasilíu, Sene-
gal og Argentínu.
Unglingastarfið nýtt vel
Kostnaðurinn við rekstur La
Masia, þar sem svo margir af
hæfileikaríkustu leikmönnum
heims hafa stigið sín fyrstu spor
á knattspyrnuvellinum, er tæpur
milljarður króna á ári, um það bil
einn tíundi af verðinu sem Chelsea
greiddi fyrir þjónustu framherj-
ans Fernando Torres frá Liver-
pool í janúar síðastliðnum. Það
vekur þá spurningu hvers vegna
önnur topplið í Evrópu reyni ekki
eftir fremsta megni að líkja eftir
unglingastarfi Barcelona í von um
árangur?
„Önnur félög á borð við Real
Madrid hafa líka á að skipa mjög
öflugu unglingastarfi, en munur-
inn er sá að þau nýta ekki leik-
mennina sem koma upp úr starf-
inu. Starfið er ekki klárað. Þetta
er dálítið eins og að framleiða
Ferrari en nota hann svo aldrei,“
segir Albert Puig, verkefnastjóri
akademíunnar, í viðtali við BBC
og bætir við að Barcelona leggi
mikla áherslu á að hleypa reglu-
lega ungum, uppöldum leikmönn-
um í aðalliðið.
Þó kemur fyrir að leikmönnum
sé leyft að yfirgefa La Masia full
snemma og geta það reynst kostn-
aðarsöm mistök. Til að mynda fór
Cesc Fàbregas til Arsenal sextán
ára gamall og Gerard Piqué eyddi
fjórum árum hjá Manchester Uni-
ted áður en hann var keyptur aftur
til Barcelona fyrir tæpa tvo millj-
arða króna.
Tímamót í vændum
Í vor verða því mikil tímamót í
sögu Barcelona þegar unglinga-
starfið flyst í heild sinni í ný heim-
kynni annars staðar í borginni, þar
sem aðallið félagsins æfir einnig.
Aðstaðan stækkar úr sex hundruð
fermetrum bóndabæjarins í fimm
þúsund fermetra á fimm hæðum
og inniheldur herbergi fyrir allt að
áttatíu unga leikmenn. Aðdáenda
Barcelona og góðrar knattspyrnu
vegna er vonandi að með flutning-
unum tapist ekki þeir töfrar sem
umlykja La Masia og þá starfsemi
sem þar fer fram.
Heimildir: bbc.co.uk, fcbarce-
lona.com, wikipedia.org
Bóndabærinn að baki Barca
Sá frábæri fótbolti Barcelona sem áhugamenn um allan heim dást að um þessar mundir er að miklu leyti afrakstur unglinga-
starfs félagsins, sem hófst í núverandi mynd í gömlum bóndabæ fyrir þrjátíu árum. Kjartan Guðmundsson kannaði málið.
BESTIR Þeir Andrés Iniesta, Lionel Messi og Xavi urðu efstir í kjöri Alþjóðaknatt-
spyrnusambandsins á leikmanni ársins í fyrra. Allir gengu þeir til liðs við La Masia,
unglingastarf Barcelona, ungir að aldri og eru enn duglegir við að heimsækja
Akademíuna og gefa ungum leikmönnum góð ráð. NORDICPHOTOS/AFP
MIKILVÆGT HÚS La Masia, bóndabærinn frá 1702 sem hefur hýst unglingastarf Barcelona frá árinu 1979, lætur ekki mikið yfir sér
við fyrstu sýn en hefur heldur betur haft áhrif á knattspyrnuheiminn. NORDICPHOTOS/AFP
■ NOKKUR AFSPRENGI UNGLINGASTARFS BARCELONA Í GEGNUM TÍÐINA
06.45 Fara á fætur og búa um rúmið
07.00 Morgunverður í La Masia
07.30 Tilbúnir í skólabílinn
08.00-14.00 Skóli
14.15 Hádegismatur
15.00 Frí
16.00-18.00 Heimalærdómur
19.00-20.45 Æfing
21.00 Sturta og rúta aftur til La Masia
21.30 Kvöldmatur
22.00 Sjónvarp/internet
Dagleg dagskrá nem-
enda við La Masia
Josep Guardiola
Fæddur: 1971
Staða: Knattspyrnustjóri Barcelona
Gekk til liðs við La Masia þrettán ára gamall og átti
glæsilegan feril með félaginu
sem afturliggjandi miðjumaður.
Lagði skóna á hilluna árið 2006,
gerðist þjálfari varaliðs Barce-
lona árið 2007 og aðalliðsins ári
síðar. Á fyrsta tímabili hans sem
knattspyrnustjóri vann Barce-
lona þrennuna frægu: deildina,
bikarinn og Meistaradeildina.
Thiago Motta
Fæddur: 1982
Staða: Miðjumaður hjá Inter-
nazionale
Fæddist í Brasilíu en á ítalskan afa og leikur því með ítalska
landsliðinu. Gekk í La Masia
sautján ára gamall árið
1999, fór frá Barcelona
til Atletico Madrid árið
2007, Genoa 2008
og loks Inter
2009.
Pepe Reina
Fæddur: 1982
Staða: Markvörður Liverpool
Sonur markmannsins Miguel Reina sem lék með Barcelona
og Atletico Madrid. Byrjaði í La
Masia þrettán ára gamall árið
1995 og lék með Barcelona til
ársins 2002 þegar hann fór
til Villarreal og svo
til Liverpool árið
2005.
Sergio Busquets
Fæddur 1988
Staða: Miðjumaður hjá Barcelona
H inn hávaxni Sergio og pabbi hans, markmaðurinn Carles
Busquets, ólust báðir upp í La
Masia. Sá síðarnefndi var á mála
hjá Barcelona í tólf ár en sonur-
inn var kominn í landsliðið innan
við ári eftir að hafa fyrst leikið
með aðalliði félagsins. Var í byrj-
unarliði heimsmeistara Spán-
verja í öllum leikjum liðsins á
HM í Suður-Afríku.
Andreu Fontàs
Fæddur: 1989
Staða: Varnarmaður Barcelona
G ríðarlega efnilegur kata-lónskur varnarmaður sem
hefur hingað til aðallega leikið
með varaliði Barcelona en þó
komið inn í aðalliðið við og við
og staðið sig vel. Miklar vonir
eru bundnar við þennan leik-
mann, sem skoraði meðal annars
í heimaleik Barcelona gegn Rubin
Kazan í Meistaradeildinni í des-
ember síðastliðnum
Dæmi um fle
iri leik-
menn frá La M
asia:
Mikael Arteta (
Everton)
Bojan Krkic (B
arcelona)
Albert Ferrer (
hættur)
Carles Puyol (
Barcelona)
Víctor Valdés (
Barcelona)
Luis García (Pa
nathinaikos)
Guillermo Am
or (hættur)