Fréttablaðið - 12.03.2011, Blaðsíða 33
LAUGARDAGUR 12. mars 2011 33
Chris Colfer leikur hinn samkynhneigða Kurt
Hummel, sem er lagður í
einelti af íþróttaliði skólans.
Chris sem sjálfur er samkyn-
hneigður reyndi við hlutverk
Artys í áheyrendaprufunum
en hann minnti framleiðend-
urna svo á einn af Von Trapp
fjölskyldunni úr Sound of
Music að þeir bjuggu til hlut-
verk fyrir hann. Chris segir
að honum hafi áður verið líkt
við Von Trapp fjölskyldu-
meðlim og að hann hafi leikið
Kurt Von Trapp á árum áður.
„Ég dýrka Sound of Music og
draumur minn er að fá Julie
Andrews sem gestaleikara í
Glee og helst í hlutverk ömmu
Kurts.“
Chris segir að margir aðdá-
endur þáttanna hafi sagt
honum að karakter Kurts hafi
hjálpað þeim að koma út úr
skápnum og hjálpað öðrum að
skilja betur hversu erfitt það
getur verið. Chris segir að sér
hafi verið strítt mjög mikið
þegar hann var í framhalds-
skóla. Hann eigi því mjög auð-
velt með að finna til með Kurt.
„Ég er reyndar alls ekki eins
mikill tískugúrú og Kurt en
ég kann að meta tísku meira
og meira og held sérstaklega
upp á glæru Dolce & Gabbana
regnkápuna sem Kurt klædd-
ist í einum þættinum.“
Chris syngur og dansar af
miklum krafti í þáttunum.
Hann segist æfa sönginn
með því að syngja í sturtu.
„Ég syng yfirleitt lög sem ég
myndi ekki syngja á almanna-
færi, eins og Don’t Cry For
Me Argentina úr söngleiknum
Evítu.” Chris hefur aldrei lært
dans og var því mjög stress-
aður þegar hann vissi að hann
átti að dansa við lagið Single
Ladies með Beyoncé Knowles
í einum þættinum og herma
eftir dansinum úr myndbandi
söngkonunnar. Eftir miklar
æfingar var útkoman góð. „Ég
sver að í hvert skipti sem ég
fer eitthvert út núna er lagið
spilað,“ segir Chris sem er
afar stoltur af og ánægður
með þáttaröðina Glee.
Jenna Ushkowitz leikur hina feimnu Tinu Cohen-Chang. Jenna var sjálf allt öðruvísi en Tina í framhaldsskóla. Hún var ofurmetnað-
argjörn, formaður nemendaráðsins, varaformaður Glee-klúbbsins
og með toppeinkunnir. „Það sem mér líkar við karakter Tinu er
að þótt hún sé svolítið hlédræg og sé ekki að troða sér of mikið
fram lætur hún í sér heyra þegar það er mikilvægt.“
Jenna segist hafa þurft að laga söng sinn að popp- og rokk-
lögunum sem hún syngur í Glee því hún hafi lært klassískan
söng. Hún hafi einnig þurft að laga leik sinn að sjónvarpi því
hún hafi aðallega leikið á sviði áður. Spurð út í framtíðina
segist Jenna vera opin fyrir mörgu: „Það væri mjög gaman
að leika í kvikmynd og jafnvel gefa út plötu en áður en það
verður möguleiki verð ég að þróa minn eigin stíl.“
Jenna tekur undir það hversu þéttur og góður Glee-hópur-
inn sé í raun og veru: „Hinir gáfu mér gælunafnið Panda og
núna á ég meira að segja pöndubakpoka.“ Hún segir að leik-
ararnir hittist til að horfa á þættina áður en þeir fari í loftið
og að hún hafi rosalega gaman af þáttunum. „Mér finnst
samt enn þá óþægilegt að horfa á sjálfa mig leika.“
■ Væri gaman að leika í kvikmynd
Hugmyndin að þáttunum um Glee-klúbbinn,
sönghóp nemenda í Prospect High School
framhaldsskólann í Ohio, kviknaði árið 2005
en hugmyndasmiðurinn Ian Brennan fann
henni ekki farveg fyrr en nokkrum árum síðar.
Í millitíðinni breyttist hún úr hugmynd að
kvikmynd yfir í sjónvarpsseríu og með í leikinn
höfðu slegist nokkrir vanir sjónvarpsmenn.
Einn þeirra, Ryan Murphy, hefur lýst þáttunum
sem veruleikaflótta, enda fátt raunverulegt við
senur þar sem leikararnir bresta í söng meðan
umhverfið breytir um svip. Tónlistin leikur lykil-
hlutverk í þáttunum eins og gefur að skilja, og
það er áðurnefndur Murphy sem ber ábyrgð
á því að velja lögin sem flutt eru í þáttunum.
Hann hefur leitast við að hafa lagavalið góða
blöndu af vinsælum popp- eða rokklögum
og söngleikjalögum. Vel hefur tekist til hjá
honum og lögin úr þáttunum hafa raðað sér
á vinsældalista, árið 2009 voru til að mynda
25 lög úr Glee-þáttunum á Billboard-listan-
um, en þar með slógu þættirnir met Bítlanna
frá 1964 samkvæmt Wikipediu. Í febrúar á
þessu ári slógu þættirnir met Elvis í fjölda laga
sem listamaður hefur komið á bandaríska
vinsældalistann. Dæmi um lög sem hafa slegið
í gegn í túlkun söngspíranna í Glee-klúbbnum
eru Don‘t Stop Believin’ sem upphaflega var
flutt af Journey, Lady Gaga lagið Poker Face
og Singin in the Rain/Umbrella sem Matthew
Morrison flutti ásamt Gwyneth Paltrow, sem
var gestaleikkona í annarri þáttaröðinni sem
nú er sýnd á Stöð 2. Þættirnir hafa sópað til sín
verðlaunum og yfirleitt hlotið jákvæða dóma
þótt tónlistarsérfræðingar hafi sumir fett fingur
út í sykursætar útgáfur laganna í þáttunum.
LÖGIN RAÐA SÉR Á VINSÆLDALISTA
■ Dýrkar Sound of Music
18 ára. Spænskukennarinn Will
Schuster á þann draum heitastan
að hefja klúbbinn aftur til fyrri vegs
og virðingar og þó að gangi á ýmsu
er óhætt að segja að meðlimum
klúbbsins gangi vel að syngja sig inn
í hjörtu samnemenda sinna.