Fréttablaðið - 12.03.2011, Blaðsíða 88
12. mars 2011 LAUGARDAGUR60
sport@frettabladid.is
Borgartún 25
Höfum til leigu rými frá 25m²
á 1. hæð í Borgartúni 25
Áhugasamir sendi inn fyrirspurn á leiga@almc.is
MARGRÉT KARA STURLUDÓTTIR mun spila með KR á móti Snæfelli þegar úrslitakeppni kvenna hefst í dag þrátt fyrir
að hafa verið rekin út úr húsi á móti Haukum á miðvikudaginn. Aganefnd dæmir ekki í málinu fyrr en á þriðjudaginn. Haukar og
Njarðvík spila klukkan 13.30 á Ásvöllum en KR og Snæfell mætast síðan klukkan 16.00 í DHL-höllinni. Þau lið sem fyrr vinna tvo
leiki tryggja sér sæti í undanúrslitununum þar sem bíða tvö efstu liðin í deildarkeppninni, Hamar og Keflavík.
HANDBOLTI Það gekk ekki áfalla-
laust fyrir strákana okkar
að komast til Bielefeld í gær.
Örlítil seinkun var á fluginu,
vélin þurfti síðan að sveima yfir
Frankfurt í hálftíma áður en hún
gat lent.
Þegar hún loks lenti þurfti að
bíða í tæpan klukkutíma eftir
farangrinum. Nokkur bið var
síðan á þjóðveginum vegna slysa
og tók ferðin til Bielefeld því
einnig drjúgan tíma.
Til að bæta gráu ofan á
svart gleymdi Kári Kristján
Kristjánsson síðan laxi í
flugvélinni. Með góðri hjálp tókst
að endurheimta laxinn um síðir.
Ballið var ekki búið þar því
enn síðar kom í ljós að Kári hafði
gleymt að taka töskuna sína
af bandinu. Varð að taka allar
töskurnar úr rútu íslenska liðsins
til þess að athuga hvort taskan
hans Kára hefði komið með.
Það gerði hún blessunarlega og
hópurinn gat því keyrt brosandi
burt frá Frankfurt til Bielefeld.
- hbg
Kári Kristjánsson í ógöngum:
Gleymdi laxi í
flugvélinni
KÁRI KRISTJÁNSSON Eyjamaðurinn var
að ferðast með lax í vélinni en gleymdi
honum um borð. FRÉTTABLAÐIÐ/VILHELM
HANDBOLTI Snorri Steinn Guðjóns-
son var brattur eftir æfingu hand-
boltalandsliðsins í gærkvöldi.
Hann gat lítið beitt sér í fyrri
leiknum gegn Þýskalandi vegna
meiðsla en er að verða miklu betri
af meiðslunum.
„Ég var með í fyrsta sinn í
fótboltanum og ungir unnu sinn
fyrsta sigur. Það þarf ekki að
segja meira,“ sagði Snorri Steinn
og brosti breitt. „Mér líður alltaf
betur og betur og þarf að fara
varlega. Ég er mest hræddur við
að þetta versni aftur því ég er
marinn undir öllu táberginu. Þetta
lítur samt vel út og á réttri leið.“
Guðmundur þjálfari er að hamra
á því við strákana að þeir mæti
tilbúnir til leiks frá fyrstu mínútu
á morgun en liðið mætti ekki nógu
tilbúið til leiks gegn Þjóðverjum á
HM og tapaði.
„Andlegi þátturinn skiptir miklu
máli. Þjóðverjarnir munu mæta
særðir til leiks. Það er að duga
eða drepast fyrir þá. Þeir munu fá
mikinn stuðning og ef við mætum
ekki klárir þá er þetta fljótt að fara
í vaskinn,“ sagði Snorri Steinn.
„Við megum helst ekki lenda í því
að elta því þá eru þeir góðir eins
og við sáum á HM. Við verðum því
að mæta afar grimmir frá fyrstu
mínútu. Ef við lögum það sem upp
á vantaði í síðasta leik og mætum
með hausinn rétt skrúfaðan á þá
erum við í fínum málum.“
Snorri Steinn er einn þeirra leik-
manna liðsins sem skartar mynd-
arlegri mottu í tilefni mottumars
og hann er ánægður með mottuna.
„Ég held að það sé enginn mott-
umars hjá mér heldur sé hérna
mættur hinn nýi Snorri. Fólk þarf
að fara að gera sér grein fyrir því.
Ég hef aldrei fengið svona mikið
af hrósi og það frá fólki sem ég
treysti. Ég trúi ekki að það sé að
gera grín að mér,“ sagði Snorri og
minnti á síðu þeirra félaga á mott-
umars.is en þar heita strákarnir
Oberlippenbartchens. - hbg
Snorri Steinn Guðjónsson er allur að koma til eftir meiðslin:
Verðum að mæta grimmir frá byrjun
SNORRI STEINN GUÐJÓNSON Er allur að koma til eftir meiðslin sem hann varð fyrir í
dönsku deildinni um síðustu helgi. Hér er hann á æfingu í gær. FRÉTTABLAÐIÐ/VILHELM
HANDBOLTI „Aðalatriðið er að við
komum tilbúnir í leikinn. Þetta
er ekki ósvipuð staða og á HM.
Þá vorum við búnir að vinna þá
í tvígang fyrir mót. Þá voru þeir
grimmari en við og með frum-
kvæðið í leiknum. Við vorum allt-
af á eftir og við verðum að læra
af því,“ sagði Guðmundur Guð-
mundsson landsliðsþjálfari ákveð-
inn eftir æfingu íslenska lands-
liðsins í Bielefeld í gær.
Íslenska landsliðið mætir því
þýska í Gerry Weber-höllinni
glæsilegu í Halle á morgun. Um
hálfgerðan úrslitaleik er að ræða
hjá liðunum um það hvort liðið
fær sæti á EM á næsta ári. Það lið
sem vinnur verður komið í mjög
vænlega stöðu í riðlinum.
Það verður engu að síður
við ramman reip að draga hjá
íslenska liðinu enda þýska liðið
sterkt og þess utan með 11 þús-
und áhorfendur á sínu bandi en
uppselt var á leikinn fyrir nokkru
síðan.
„Þeir ætla aldeilis að hefna
fyrir leikinn á miðvikudag og við
verðum að vera klárir í þann slag.
Við verðum að hafa frumkvæðið
sem þarf til þess að klára svona
leiki. Við verðum því að undirbúa
okkur mjög vel andlega. Að sjálf-
sögðu þurfum við líka að undirbúa
okkur fyrir þær varnir sem þeir
munu líklega spila gegn okkur,“
sagði Guðmundur en þýska liðið
verður enn sterkara en á miðviku-
dag því örvhenta stórskyttan Hol-
ger Glandorf mun snúa til baka en
hann hefur oftar en ekki reynst
íslenska liðinu óþægur ljár í þúfu.
„Hann fór illa með okkur á HM og
við verðum að mæta honum.“
Guðmundur leggur mikla
áherslu á andlega þáttinn fyrir
þennan leik og var strax byrjaður
að lemja það inn í strákana í gær
að það þýddi ekkert annað en að
mæta brjálaðir frá fyrstu mínútu.
„Andlegi þátturinn verður að
vera í lagi. Þetta verður allt annar
leikur en á miðvikudag. Það verð-
ur allt á móti okkur og því verð-
um við að vera klárir. Það vil ég
fá fram. Ég vil fá hundrað prósent
einbeitingu, grimmd og frum-
kvæði. Ég vil að við séum á undan
í þessum leik. Það er lykilatriði.“
Ástandið á íslenska hópnum er
ágætt. Snorri Steinn að koma til
en Sverre Jakobsson er aðeins
slæmur í ökkla eftir að hafa mis-
stigið sig og Alexander kvartaði
aðeins yfir verkjum í öxl en sagði
að hún yrði ekki til vandræða.
„Við tryggjum stöðu okkar
verulega með sigri í þessum leik
en við vitum líka að við erum að
mæta afar góðu liði. Við þurfum
á öllu okkar að halda,“ sagði Guð-
mundur sem verður með tvær
æfingar í dag.
Það er mikil pressa á kollega
Guðmundar hjá Þýskalandi, Hei-
ner Brand, en hermt er að hann
verði rekinn eftir 14 ára starf í
sumar ef liðið kemst ekki á EM.
„Ég veit ekki hvort það vinnur
með okkur. Ef við erum klárir þá
getur það gerst. Annars átta ég
mig ekki á því. Þetta gæti hvatt
liðið áfram en ég er ekki að spá í
það heldur að ná mínu liði í gang.“
VERÐUM AÐ VERA Í LAGI ANDLEGA
Guðmundur Guðmundsson landsliðsþjálfari segir að andlegi þátturinn muni skipta gríðarlegu máli í
leiknum mikilvæga gegn Þýskalandi á morgun. Guðmundur vill sjá alla menn á tánum strax frá fyrstu
mínútu og vonast til þess að strákarnir hafi lært af leiknum á HM.
EINBEITTUR Guðmundur Guðmundsson,
landsliðsþjálfari. FRÉTTABLAÐIÐ/VILHELM
MÆTTIR TIL ÞÝSKALANDS Íslensku strákarnir Alexander, Arnór, Kári og Vignir, sjást
hér á æfingu í gær.
Henry Birgir
Gunnarsson
og Vilhelm
Gunnarsson
skrifa og mynda í Halle í Þýskalandi.
henry@frettabladid.is villi@365.is