Fréttablaðið - 12.03.2011, Blaðsíða 64
12. mars 2011 LAUGARDAGUR36
Æ
tl i ég hafi
ekki ákveð-
ið þegar ég
var í Kvennó
að verða leik-
ari. Þar var ég
mjög virkur í leikfélaginu og með
í öllum sýningum,“ segir Hilmar
Guðjónsson leikari. Hilmar, sem
er 26 ára, útskrifaðist úr Leik-
listardeild Listaháskólans síðast-
liðið vor og hefur verið
fastráðinn í Borgarleik-
húsinu í vetur. „Það er
alveg frábært, í raun-
ini það sem ég óskaði
mér. Mig langaði mjög
mikið til að fá þessa
leikreynslu og hef verið
svo heppin að taka þátt í
fjölbreyttum verkefnum
í vetur,“ segir Hilmar
sem um þessar mund-
ir leikur bæði í Nei,
ráðherra! og Ofviðr-
inu í Borgarleikhúsinu.
„Svo byrjum við að æfa
Galdrakarlinn í Oz í
apríl, æfum hann alveg
upp þó að við sýnum
hann reyndar ekki fyrr
en í haust,“ segir Hilm-
ar, sem fara mun með
hlutverk fuglahræð-
unnar í þessum klass-
íska söngleik.
Hilmar er alinn upp
á Seltjarnarnesi. Hann
gekk í Mýrarhúsaskóla
og Valhúsaskóla eins og
vera ber en þrátt fyrir
uppvöxtinn á Nesinu
var hann og er mikill
KR-ingur. „Pabbi minn Guðjón
B. Hilmarsson spilaði með KR,
þannig að ég fékk KR-búninga og
æfði með KR þegar ég var lítill,“
segir Hilmar, sem hætti að æfa
þegar hann var kominn í annan
flokk. „Þá varð ég að hætta vegna
meiðsla, en hver veit nema maður
hefði haldið áfram að ströggla
í fótboltanum ef það hefði ekki
gerst,“ segir Hilmar og hlær.
Lék rauða ljónið
Þó að Hilmar hafi ekki náð að spila
með meistaraflokki KR-inga náði
hann þó svo langt að verða lukku-
dýr Vesturbæinganna: „Ég var
beðinn um að leika Rauða ljónið
þegar ég var fimmtán ára. Ég veit
ekki af hverju, ætli ég hafi ekki
þótt svona hress eða eitthvað. Ég
átti sem sagt að koma þarna inn
með fána, vinka og veifa fánan-
um. Svo í fyrsta leik
voru um þrjú þúsund
manns á vellinum, rosa-
leg stemming og ég fékk
bara eitthvert kikk.
Hoppaði um og dans-
aði eins og fífl. En fyrst
ég var búinn að setja
standardinn svona hátt
gat ég ekki annað en
haldið áfram og verið
með læti í næstu leikj-
um.“
Það er skemmst frá
því að segja að þetta
var sumarið 1999, árið
sem KR-ingar unnu
sinn fyrsta meistara-
titil í yfir 30 ár. „Ég var
Rauða ljónið í tvö sumur,
tók mér svo eitt sumar
frí og kom svo aftur eitt
sumar. Ég varð hálf-
gert lukkutröll því KR
varð Íslandsmeistari öll
sumrin, ég þori varla
að segja frá þessu því
ég er svo hræddur um
að verða beðinn um að
taka þetta að mér aftur,“
segir Hilmar og brosir.
Að loknu stúdents-
prófi úr Kvennaskólanum fór
Hilmar ásamt skólafélögum sínum
í útskriftarferð. Þegar heim kom
biðu hans skilaboð um að hringja
í Maríu Reyndal leikstjóra. Hún
vildi fá hann í prufu fyrir hlut-
verk í verkinu Geitin eftir Edward
Albee og Hilmar lét ekki segja
sér það tvisvar. Hann hreppti svo
hlutverkið og um haustið hófst það
ævintýri að æfa leikrit í Borgar-
leikhúsinu með atvinnuleikurum.
„Þarna var ég með Sigrúnu Eddu
Björnsdóttur, Þór Tulinius og Egg-
erti Þorleifssyni og það hafði ótrú-
lega mikil áhrif á mig. Fram að
þessu hafði mig ekkert langað sér-
lega mikið til að læra leiklist, mig
langaði að leika en ekki læra það.
En þarna skipti ég um skoðun og
ákvað að sækja um í leiklist.“
Kínaferð áhrifarík
Fyrsta atlaga Hilmars að leikara-
náminu gekk ekki sérlega vel. „Ég
datt strax út, komst ekkert áfram.
Sem var bara mjög gott svona eftir
á að hyggja. Mér hafði alltaf gengið
svo rosalega vel og fengið það sem
ég sóttist eftir. En þetta var hollt
nei sem ég fékk þarna. Það gaf mér
færi á að hugsa umsóknina upp á
nýtt og þegar ég sótt um ári síðar
hafði ég líka undirbúið mig mjög
vel. Í millitíðinni ferðaðist ég um
Kína, sem hafði reyndar mikil
áhrif á mig, það var svo gott að
kynnast nægjuseminni og naum-
hyggjunni sem þar er að finna, ég
held ég kvarti minna eftir ferðina.“
Í næstu atlögu að leikaranámi
flaug Hilmar inn í námið sem tók
fjögur krefjandi og skemmtileg ár.
„Ég kom alveg af fjöllum þegar ég
byrjaði í náminu, hafði ekkert lesið
og í rauninni ekki farið neitt í leik-
hús, nema þegar ég var sjálfur að
leika. En maður sökkti sér ofan í
námið og ég held ég hafi farið út á
hverju ári síðan til að horfa á sýn-
ingar, ég fylgist líka mjög vel með
hérna heima.“
Leikur Jón Sigurðsson í sumar
Þó að leikhúsið eigi hug Hilmars
allan um þessar mundir hefur
hann einnig fengist við kvik-
myndaleik. Síðasta sumar lék hann
í kvikmyndinni Á annan veg sem
Hafsteinn Gunnar Sigurðsson leik-
stýrði. „Það er verið að ljúka við
eftirvinnsluna á henni, en ég fékk
að sjá lokaklipp um daginn og leist
vel á. Það var mikið ævintýri að
leika í myndinni sem var tekin
upp fyrir vestan, meðal annars
uppi á heiðum við Patreksfjörð.“
Vestfirðir koma einnig við sögu
næsta sumar hjá Hilmari, sem mun
leika Jón Sigurðsson í nýjum leik-
þáttum um þjóðhetjuna sem fædd-
ist sem kunnugt er á Hrafnseyri
við Arnar fjörð. „Ég verð þarna
með miklum köppum, Sveini Ein-
arssyni og Arnari Jónssyni. Við
munum fara til Kanada með leik-
þætti eftir Svein um Jón Sigurðs-
son,“ segir Hilmar spenntur. „Svo
væri ég til í sumarfrí, það er orðið
langt síðan ég tók mér frí,“ segir
hann að lokum.
Hilmar og sambýliskona hans Lára Jóhanna Jónsdóttir leika saman í Nei, ráðherra! sem nú er á fjölunum í Borgarleikhúsinu
og sömuleiðis í Ofviðrinu. „Við höfum reyndar leikið saman í öllum
leikritunum sem við höfum leikið í í vetur,“ segir Hilmar. Samband
hans og Láru hófst þegar þau voru saman í bekk í leiklistarnáminu
í Listaháskólanum og því má segja að þau séu vön að vinna saman.
„Við þekkjum ekkert annað en að vera alltaf saman, höfum farið
samferða í vinnuna og skólann í mörg ár. Það gengur bara mjög vel
og okkur finnst frábært að geta talað svona mikið um vinnuna og
okkar fag heima. Svo förum við saman og horfum á leiksýningar og
bíómyndir,“ segir Hilmar.
■ SAMAN Í VINNU OG FRÍTÍMA
Kærastan var bekkjarsystir í Listaháskólanum.
NEI, RÁÐHERRA Hér eru Lára Jóhanna og Hilmar í hlutverkum sínum í gaman-
leiknum Nei, ráðherra! sem er á fjölunum í Borgarleikhúsinu um þessar mundir.
Með þeim á myndinni er Sigurður Sigurjónsson.
HILMAR GUÐJÓNSSON Fyrir utan leiklistina er fótboltinn aðaláhugamál Hilmars, sem er KR-ingur og Liverpool-aðdáandi.
FRÉTTABLAÐIÐ/VILHELM
Hollt að vera hafnað
Hilmar Guðjónsson er efnilegur leikari sem
vakið hefur athygli í hlutverkum sínum í Borgar-
leikhúsinu í vetur. Sigríður Björg Tómasdóttir fékk
sér kaffi með Hilmari og rifjaði meðal annars upp
þátt hans í meistaratitlum KR í fótbolta.
Ég var beð-
inn um að
leika Rauða
ljónið þegar
ég var fimm-
tán ára. Ég
veit ekki af
hverju, ætli
ég hafi ekki
þótt svona
hress.
Virðing
Réttlæti
F
í
t
o
n
/
S
Í
A
VR | KRINGLUNNI 7 | 103 REYKJAVÍK | S. 510 1700 | F. 510 1717 | WWW.VR.IS
Félagsfundur VR verður haldinn á Hilton Nordica Hótel
þriðjudaginn 15. mars nk. kl. 19:30.
Dagskrá:
1. Kynning frambjóðenda til trúnaðarstarfa fyrir félagið.
2. Fyrirspurnir og umræður.
Félagsmenn hvattir til að mæta.