Fréttablaðið - 23.03.2011, Blaðsíða 4
23. mars 2011 MIÐVIKUDAGUR4
FJÖLMIÐLAR DV mun ekki skila
trúnaðarupplýsingum um fjár-
festingarfélagið Horn til sýslu-
mannsins í Reykjavík fyrir
klukkan tólf á hádegi, segir í yfir-
lýsingu frá ritstjórum DV.
Sýslumaðurinn í Reykjavík
úrskurðaði í gær að blaðinu væri
óheimilt að fjalla frekar um
félagið, en blaðið hefur trúnaðar-
gögn um félagið undir höndum.
Jafnframt var blaðinu gert að
skila inn trúnaðarupplýsingunum.
„Almenningur á fullan rétt á
upplýsingum um svo mikilvæg
mál sem framferði bankanna í
viðskiptum með stærstu fyrir-
tæki landsins eru,“ segir í yfir-
lýsingunni. Fjárfestingarfélagið
Horn er dótturfélag Landsbank-
ans og er Steinþór Pálsson, banka-
stjóri Landsbankans, stjórnar-
formaður félagsins.
Sýslumaður úrskurðar:
DV mun ekki
afhenda gögn
ATVINNULÍF Færri fyrirtæki hafa
farið í gegnum Beinu brautina svo-
kölluðu en vonir stóðu til. Árni Páll
Árnason, efnahags- og viðskipta-
ráðherra, fjallaði um framgang-
inn á fundi í gær. Beina brautin
er samkomulag opinberra aðila og
hagsmunaaðila í atvinnulífinu sem
kynnt var um miðjan desember
um úrvinnslu skuldamála lítilla og
meðalstórra fyrirtækja.
Árni benti á að í lok febrú-
ar hefðu 363 fyrirtæki sem féllu
undir samkomulagið fengið tilboð
um endurskipulagningu skulda.
Það er nokkuð undir væntingum
en stefnt var að því að þau væru nú
orðin fimm hundruð. Tveir mán-
uðir eru þar til öll fyrirtækin sem
falla undir samkomulagið verða
komin með tilboð um aðstoð.
Þau fyrirtæki sem hafa farið alla
leið fengu skuldir lækkaðar um
fimmtíu milljónir króna að meðal-
tali.
Finnur Oddsson, framkvæmda-
stjóri Viðskiptaráðs, og Almar
Guðmundsson, framkvæmdastjóri
Félags atvinnurekenda, sögðu báðir
verkefnið þungt í vöfum og margt
tefja fyrir. Öðru fremur væri það
óvissa í gengislánamálum auk þess
sem forsvarsmenn sumra fyrir-
tækja gerðu sér óraunsæjar vænt-
ingar um niðurfærslu skulda. - jab
Of fá fyrirtæki hafa farið í gegnum Beinu brautina og losnað við skuldaklafa:
Gera sér óraunhæfar væntingar
ÁRNI PÁLL Tveir mánuðir eru þar til öll
fyrirtæki hafa fengið tilboð um leiðrétt-
ingu skulda í gegnum Beinu brautina.
EFNAHAGSMÁL Áttatíu prósent
stjórnenda fyrirtækja telja
aðstæður í atvinnulífinu vera
slæmar, samkvæmt niðurstöðu
könnunar Capacent. Könnunin
náði til fjögur hundruð stærstu
fyrirtækja landsins.
Í sambærilegri könnun í desem-
ber töldu 84 prósent stjórnenda
aðstæður slæmar.
Bjartsýnastir eru stjórnendur
í fjármálastarfsemi, verslun og
þjónustu, en svartsýnastir í bygg-
ingarstarfsemi, sjávarútvegi og
samgöngum. - jab
Örlar á bjartsýni í atvinnulífi:
Svartsýnin er
enn ríkjandi
Hefur kært framboðið
Guðrún Jóhanna Ólafsdóttir, fram-
bjóðandi í formannskjöri VR, hefur
kært framboð Stefáns Einars Stefáns-
sonar til formanns í félaginu. Hún
segir hann hafa afritað og notað gögn
úr kjörskrá. Stefán Einar neitar því.
Guðrún Jóhanna vill að honum verði
meinað að bjóða sig fram.
FRAMBOÐSMÁL
GENGIÐ 22.03.2011
GJALDMIÐLAR KAUP SALA
HEIMILD: Seðlabanki Íslands
216,1012
GENGISVÍSITALA KRÓNUNNAR
113,37 113,91
185,79 186,69
161,42 162,32
21,644 21,770
20,407 20,527
18,106 18,212
1,398 1,4062
180,57 181,65
Bandaríkjadalur
Sterlingspund
Evra
Dönsk króna
Norsk króna
Sænsk króna
Japanskt jen
SDR
AUGLÝSINGADEILDIR FRÉTTABLAÐSINS – AUGLÝSINGASTJÓRI: Jón Laufdal jonl@frettabladid.is ALMENNAR SÍMI 512-5401: Hendrik Sigurðsson hendrik@frettabladid.is, Guðmundur Steinsson gudmundurs@365.is, Laila Awad laila@365.is, Örn Geirsson orn.geirsson@365.is, Hjördís Zoëga hjordis@frettabladid.is
ALLT SÍMI 512-5402: Jóna María Hafsteinsdóttir jmh@365.is, Þórdís Hermannsdóttir thordish@365.is SÉRBLÖÐ SÍMI 512-5016: Sigríður Hallgrímsdóttir sigridurh@frettabladid.is, Hlynur Þór Steingrímsson hlynurs@365.is, Benedikt Freyr Jónsson benediktj@365.is RAÐAUGLÝSINGAR /FASTEIGNIR SÍMI 512-5403:
Hrannar Helgason hrannar@365.is, Viðar Ingi Pétursson vip@365.is ÞJÓNUSTUAUGLÝSINGAR SÍMI 512-5407: Sigurlaug Aðalsteinsdóttir sigurlaug@365.is, Arna Rut Kristinsdóttir arnarut@365.is, Guðný Gunnlaugsdóttir gunny@365.is KYNNINGARSTJÓRI: Einar Skúlason einar.skulason@365.is
OPINN FUNDUR UM
Opinn fundur um Icesave samninginn og þjóðaratkvæðagreiðsluna,
fimmtudaginn 24. mars kl. 16:30 í BSRB-húsinu, Grettisgötu 89.
Frummælendur: Jóhannes Karl Sveinsson, lögfræðingur sem sat í
samninganefndinni og Reimar Pétursson lögfræðingur.
Fundarstjóri: Kolbeinn Óttarsson Proppé, kynningarfulltrúi BSRB.
Félagar fjölmennið!
Icesave
www.bsrb.is
LÍBÍA Margvíslegur ágreiningur
er innan NATO um árásirnar á
Líbíu. Meðal annars er deilt um
það hvort yfirstjórn NATO eigi að
hafa umsjón með og forystu fyrir
árásunum á Líbíu.
Frakkar hófu árásirnar á laugar-
dag og Bretar og Bandaríkjamenn
fylgdu í kjölfarið án beinna fyrir-
mæla frá yfirstjórn NATO.
Tyrkir, sem eiga aðild að NATO,
hafa ásamt fleirum gagnrýnt
þetta. Þeir óttast að árásirnar á
Líbíu veiki enn frekar stöðu NATO
meðal múslimaríkja. Þeir segja
að öll 28 aðildarríki bandalagsins
þurfi að veita samþykki sitt áður
en eitt eða fleiri aðildarríki hefji
árásir á önnur ríki.
Ekki virðist heldur almenn sam-
staða um það, hvort markmið árás-
anna geti falið í sér beina árás á
Múammar Gaddafí sjálfan og þar
með líflát hans. Bandaríkjamenn
hafa lýst því yfir að engan veginn
sé stefnt að því að ráða Gaddafí
af dögum, en í gær sagði David
Cameron, forsætisráðherra Bret-
lands, að engin framtíð væri í því
fyrir Líbíumenn að hafa Gaddafí
áfram við stjórnvölinn þar. Tals-
maður Camerons bætti því við
að ef Gaddafí skipulegði aðgerð-
ir gegn almenningi í Líbíu gæti
verið réttmætt að ráðast á hann,
enda væri markmið aðgerðanna að
vernda almenning.
Rússar sátu hjá þegar ályktun
um aðgerðirnar var samþykkt í
öryggisráði Sameinuðu þjóðanna
í síðustu viku. Nokkurra daga
hernaður, með töluverðu mann-
falli meðal almennra borgara,
hefur ekki sannfært þá um ágæti
aðgerðanna.
„Ályktun öryggisráðsins er
meingölluð,“ segir Vladimír Pútín,
forsætisráðherra Rússlands, „Hún
heimilar allt og minnir helst á
áköll um krossferðir á miðöldum.“
Þýska stjórnin hefur einnig lýst
efasemdum um aðgerðirnar. Hún
styður það markmið aðgerðanna
að vernda almenning í Líbíu, en
segist ekki sjá sér fært að taka
þátt í hernaðinum. Sú afstaða
þýsku stjórnarinnar hefur verið
harðlega gagnrýnd, bæði á vett-
vangi NATO og einnig heima fyrir
í Þýskalandi.
Bandaríkin, Frakkar og Bret-
ar bera hitann og þungann af
aðgerðunum en njóta aðstoðar
Ítala, Spánverja, Belga, Kanada-
manna, Dana og Norðmanna. Einn-
ig hafa bæði Katar og Sameinuðu
arabísku furstadæmin tekið þátt í
hernaðinum.
Stuttu áður en öryggisráð Sam-
einuðu þjóðanna samþykkti loft-
ferðabann yfir Líbíu hafði Araba-
bandalagið lýst yfir stuðningi við
slíkar aðgerðir.
Nú, þegar árásir hafa staðið yfir
í nokkra daga, hafa sum araba ríkin
lýst yfir efasemdum. Utanríkis-
ráðherrann í Alsír sagði til dæmis
í gær að vestræn hernaðaríhlutun
í Líbíu væri í engu hlutfalli við til-
efnið og henni bæri því að hætta
þegar í stað. gudsteinn@frettabladid.is
Ágreiningur innan
NATO um árásirnar
Tyrkir eru ósáttir við frumkvæði Frakka, Breta og Bandaríkjamanna. Cameron
segir Gaddafí sjálfan geta verið skotmark. Hjáseta Þjóðverja gagnrýnd heima
fyrir. Pútín segir ályktun öryggisráðsins minna helst á áköll um krossferðir.
BANDARÍSK HERÞOTA HRAPAÐI Árásirnar á Líbíu hafa ekki gengið áfallalaust. Í gær
hrapaði bandarísk herþota af gerðinni F-15 en báðum flugmönnum hennar tókst að
skjóta sér út í tæka tíð og komast til félaga sinna. FRÉTTABLAÐIÐ/AP
VEÐURSPÁ
Alicante
Basel
Berlín
Billund
Frankfurt
Friedrichshafen
Gautaborg
Kaupmannahöfn
Las Palmas
London
Mallorca
New York
Orlando
Ósló
París
San Francisco
Stokkhólmur
HEIMURINN
Vindhraði er í m/s.
Hitastig eru í °C.
Gildistími korta er um hádegi.
15°
15°
13°
10°
17°
17°
7°
7°
20°
16°
16°
7°
30°
3°
17°
14°
6°
Á MORGUN
3-10 m/s.
FÖSTUDAGUR
3-8 m/s.
-1
-1
-5
-2
-2
-2
-3
3
0
2
1
6
2
3
2
2
3
4
8
7
4
4
3
-2
-2
-3
4
3
3
2
5
4
HLÝNAR LOKSINS
Það lítur út fyrir að
köldum éljakafl a sé
að ljúka og við taki
mildara og bjartara
veður á föstudag
og verður líklega
þannig fram yfi r
helgi. Vindur verður
yfi rleitt hægur og
því kjörið að nota
góðviðri vikunnar
til hvers kyns úti-
vistar.
Elísabet
Margeirsdóttir
veður-
fréttamaður
ALÞINGI Iðnaðarráðherra segir að
senn dragi til tíðinda varðandi
atvinnuuppbyggingu og orku-
nýtingu á Norðausturlandi. „Nú
er lokahnykkurinn eftir,“ sagði
Katrín Júlíusdóttir í svari við
fyrirspurn Höskuldar Þórhalls-
sonar, Framsóknarflokki, í gær.
„Landsvirkjun er að spýta í
lófana,“ sagði ráðherrann; við-
ræður stæðu yfir við Alcoa og
fleiri aðila.
Í sumar yrðu boraðar rann-
sóknarholur á háhitasvæðum
nyrðra og gerðar rannsóknir.
Málið væri „á gríðarlega góðu
róli“ og búa þyrfti samfélagið
undir stórfellda atvinnuuppbygg-
ingu. - pg
Orkunýting norðaustanlands:
Ráðherra segir
að senn dragi
til tíðinda
DANMÖRK Danmörk er dýrasti
áfangastaður ferðamanna í
Evrópu, að því er fram kemur í
nýjum tölum Eurostat. Miðað við
verð á hótelgistingu, veitinga-
stöðum, menningaruppákomum
og í verslunum og skáka Danir
grönnum sínum Norðmönnum
naumlega.
Ísland er um miðjan lista, á
svipuðum stalli og Grikkland og
Þýskaland en ódýrasta landið er
Albanía.
Framkvæmdastjóri dönsku
ferðamálasamtakanna segir í
samtali við Berlingske Tidinde
að vissulega sé Danmörk dýrt
land en markmiðið sé að uppfylla
væntingar ferðamanna. - þj
Dýrt fyrir ferðamenn:
Danmörk dýrasti
áfangastaðurinn
Í KAUPMANNAHÖFN Samkvæmt tölum
Eurostat er Danmörk ferðamönnum dýr.
FRÉTTABLAÐIÐ/PJETUR