Fréttablaðið - 15.04.2011, Síða 52

15. apríl 2011 FÖSTUDAGUR36
folk@frettabladid.is
Bíó ★★★★
Barney‘s Version
Leikstjóri: Richard J. Lewis
Aðalhlutverk: Paul Giamatti, Rosamund Pike, Dustin Hoffman,
Minnie Driver, Scott Speedman, Bruce Greenwood.
Þarf að vera tilgangur?
Paul Giamatti leikur Barney Panofsky, bitran og léttklikkaðan sjónvarps-
þáttaframleiðanda sem hefur farið illa með sig í gegnum árin. Hann hefur
verið kvæntur í þrígang, hann á við drykkjuvandamál að stríða og hefur í
þrjá áratugi verið grunaður um að hafa orðið vini sínum að bana, þrátt fyrir
að aldrei hafi neitt sannast á hann. Barney rifjar upp fortíðina, hjónabönd
sín og dauðsfall vinarins. Stærsti hluti myndarinnar samanstendur af
svipmyndum úr fortíðinni. Eða allavega eins og Barney man eftir þeim.
Giamatti er afskaplega hæfileikaríkur leikari og með dyggri aðstoð
förðunarteymisins nær hann að túlka þennan geðstirða gamlingja á sann-
færandi hátt. Giamatti sjálfur er ekki nema rétt skriðinn yfir fertugt. Dustin
Hoffman er síðan hryllilega fyndinn sem hinn kynóði og ávallt pínlegi pabbi
Barneys. Aðrir leikarar standa sig einnig ljómandi vel. Minnie Driver á til
dæmis stutta en skemmtilega innkomu sem leiðinlegasta kona heims.
Í raun er Barney samt algjör drullusokkur. Hann telur sig ætíð vera að gera
rétt, en það forðar honum þó ekki frá því að sýna svínslega hegðun trekk
í trekk. Það getur verið erfitt að gleyma sér í mynd þar sem aðalpersónan
er siðblint fól, en persónan er áhugaverð og Giamatti gerir hana mannlega.
Svei mér þá, mér var farið að þykja vænt um óbermið undir restina.
Myndin reynir aldrei að þröngva siðferðisboðskap upp á áhorfandann.
Margar myndir vilja kenna manni lexíu um lífið, binda hlutina snyrtilega
saman í lokin, og virðast hafa skýran tilgang. Barney‘s Version er hins vegar
óræð og leyfir ímyndunaraflinu að leika lausum hala. Er tilgangur með
myndinni? Þarf að vera tilgangur? Nafn sjónvarpsþáttafyrirtækis Barneys,
Totally Unnecessary Productions, er mögulega vísbending um „mikilvægi“
hans sem manneskju. Hann er allur af vilja gerður, en þegar öllu er á
botninn hvolft hefur hann lítið fram að færa. Til þess er hann of eigingjarn.
Haukur Viðar Alfreðsson
Niðurstaða: Lágstemmd og óvenjuleg mynd um mann sem maður vill síður
þekkja. Paul Giamatti heldur myndinni þó vel fyrir ofan meðalmennskuna.
DRULLUSOKKURINN OG KYNLÍFSFÍKILLINN Paul Giamatti í hlutverki Barneys
Panofsky og Dustin Hoffman í hlutverki pabba hans í Barney‘s Version.
Mundi, Hildur Yeoman og
KronKron fá mest hrós
erlendra tískuspekúlanta
eftir Reykjavík Fashion
Festival.
Í tengslum við tískuhátíðina
Reykjavík Fashion festival flykkt-
ust hingað erlendir spekúlantar
frá hinum ýmsu miðlum og nú er
farið að bera á umfjöllunum víða á
netinu um íslenska fatahönnun.
Þeir sem vekja einna helst
umtal og áhuga hingað til eru
Mundi, Hildur Yeoman og
KronKron. Myndabloggið
Last night’s party er með heila
myndaseríu tileinkaða Munda
undir fyrirsögninni
Mundis World, sem
og að hann er kall-
aður undradreng-
urinn af Dazed
Digtal. „Ég
er náttúr-
lega mjög
glaður með
alla þessa
umfjöllun og
fann óneitan-
lega fyrir mikl-
um áhuga á
meðan á RFF stóð
og núna,“ segir Mundi
og er mjög ánægður
með hvernig tískuhátíð-
in fór fram „Þetta gekk
mjög vel og frábært að
þessi hátíð hafi fengið svona mikla
umfjöllun í þessum stóru tísku-
miðlum og bloggum. Nú vantar
bara að vekja borgina og ríkið um
að fatahönnun er alvöru iðnaður
sem vel er hægt að græða pening
á.“
Hinn frægi tískubloggari Sus-
anna Wing Shi eða Susie Bubble
klappar fyrir Hildi Yeoman og
og gefur henni mikið hrós fyrir
handbragð á meistarastigi. Einnig
gerir Bubble, sem er lesin af mörg
hundruð þúsund manns á
dag, KronKron-hjónunum
Hugrúnu og Magna góð
skil á blogginu og segir
búð þeirra vera sú lang-
flottasta á Íslandi og þó
víðar væri leitað í heim-
inum. Þýska tískubloggið I
love ponys Mag útnefnir
einmitt Munda og Kron
Kron sem uppáhalds á
hátíðinni.
Danska tískuritið
Eurowoman birtir
myndir frá hátið-
inni á vefsíðu sinni
undir yfirskriftinni
svöl tíska frá Reykja-
vík. Blaðamaður segir
að sum merkin hafi
meira notagildi en annað en engu
að síður sé hátíðin staðfesting á
því að mikil gróska sé í íslenskri
fatahönnun.
Vefsíða tískutímaritsins W stikl-
ar á stóru um hátíðina og útnefn-
ir blaðamaðurinn íslensku merkin
KronKron, Munda, Hildi Yeoman,
Andersen&Lauth, Sruli Recht og
Eygló sem flottustu af þeim 22
merkjum sem tóku þátt.
alfrun@frettabladid.is
Íslensk tíska fær mikið hrós að utan
MEISTARALEGT HANDBRAGÐ Hildur
Yeoman fær hrós frá Susie Bubble og W
fyrir flotta fatalínu.
KARLMANNLEGT OG TÖFF Sruli Recht var
með einu sýninguna sem hefði sómt sér
vel á alþjóðlegum tískupalli að mati W
Magazine.
UNDRADRENGUR Erlendir
fjölmiðlar keppast við að
hrósa Munda fyrir skemmti-
lega hönnun og frumleg
prjónamunstur.
Handskrifaður texti Johns
Lennon við Bítlalagið Lucy in
the Sky with Diamonds verður
seldur á uppboði í Los Angeles
um miðjan maí. Talið er að yfir
22 milljónir króna fáist fyrir
textann. Á textablaðinu er þriðja
erindi lagsins skrifað niður og
fyrsta setning lagsins She´s
Leaving Home. Bæði lögin eru
á plötunni Sgt. Pepper’s Lonely
Hearts Club Band sem kom út
1967. Þegar Lucy in the Sky with
Diamonds kom út töldu sumir að
lagið fjallaði um eiturlyfið LSD.
Lennon neitaði þessu og sagði að
innblásturinn hefði verið mynd
sem sonur hans teiknaði af vin-
konu sinni í skólanum sem hét
Lucy Vodden.
Lennon-texti
boðinn upp
JOHN LENNON Handskrifaður texti hans
við lagið Lucy in the Sky with Diamonds
verður seldur á uppboði í maí.
2009 Var árið þegar Jennifer Aniston og Bradley Cooper voru
kærustupar. Þau hættu saman en samkvæmt People.com
eru leikararnir farnir að stinga saman nefjum á nýjan leik.
Jazz
Hera
Edge
Gyro
Bæjarlind 16 - Kóp - S: 553 7100 www.linan.is
m j ú k i r , s t í fi r
lang i r, s tu t t i r
s t ó r i r , l i t l i r
djúpir, grunnir
við sérhæfum okkur
í sófum og stó lum
BJÓÐUM VAXTALAUS
VISA / MASTERCARD
K O R TA L Á N Í 3 , 6
E Ð A 1 2 M Á N U Ð I