Fréttablaðið - 21.04.2011, Blaðsíða 16
16 21. apríl 2011 FIMMTUDAGUR
FRÁ DEGI TIL DAGS
greinar@frettabladid.is
FRÉTTABLAÐIÐ Skaftahlíð 24, 105 Reykjavík SÍMI: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is Trausti Hafliðason trausti@frettabladid.is og Höskuldur Daði Magnússon (dægurmál) hdm@frettabladid.is
HELGAREFNI: Sigríður Björg Tómasdóttir sigridur@frettabladid.is MENNING: Bergsteinn Sigurðsson bergsteinn@frettabladid.is ALLT OG SÉRBLÖÐ: Roald Eyvindsson roald@frettabladid.is og Sólveig Gísladóttir solveig@frettabladid.is
ÍÞRÓTTIR: Sigurður Elvar Þórólfsson seth@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRI: Ólafur Þ. Stephensen olafur@frettabladid.is AÐSTOÐARRITSTJÓRI: Steinunn Stefánsdóttir steinunn@frettabladid.is
Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að
fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. Issn 1670-3871
HALLDÓR
Allir sem hafa aðgang að netinu um íslenskar netveitur geta komist í raf-
ræn tímarit vegna áskrifta Landsaðgangs
að rafrænum gagnasöfnum og tímaritum.
Frá heimasíðu Landsaðgangsins, hvar.is er
hægt að komast í tímaritin til að skoða eða
lesa. Einföld leið til að athuga hvort tímarit
er í Landsaðgangi er að fara inn á vefinn
hvar.is og leita á Tímaritalista A-Z. Einnig
veitir starfsfólk bókasafna notendum aðstoð
við að leita í Landsaðgangi. Ef tímarit er í
áskrift er það aðgengilegt alla daga ársins
og á öllum tímum sólarhringsins. Tímaritin
eru aðgengileg hvort sem er úr heimatölv-
um, á vinnustöðum, hjá skólum eða á heitum
reitum. Fjöldi rita í Landsaðgangi eru um
17.000.
Þar er ekki aðeins að finna fræði- og vís-
indarit heldur einnig tímarit á fjölmörgum
áhuga- og tómstundasviðum. Flest tímarit
almenns efnis eru í gagnasöfnunum Pro-
Quest Central og Ebscohost. Oft er útlit raf-
rænna tímarita eins og prentaðra útgáfu.
Aðgangur getur einnig verið þannig að
aðeins texti greinar birtist án myndefnis. Í
einstaka tilvikum komast lesendur í tíma-
ritsgreinar á vefsíðum ritanna þar sem
myndefni fylgir.
Í stuttri blaðagrein er ekki möguleiki
á að telja til öll tímarit á almennum
áhugasviðum. En sem dæmi má nefna að
áhugafólk um útiveru, heilsurækt og íþróttir
getur til dæmis lesið eða skoðað greinar í
American Fitness, Backpacker, Bowhunter,
Climbing, Dance Magazine, Golf Magazine,
Horse & Rider, Joe Weider ś Muscle and Fit-
ness, Motor Boating, National Fisherman,
Outdoor Life, Practical Horseman, Runner ś
World, Ski, Skiing, The Sporting News,
Sports Illustrated, Swimming World og
Tennis. Fyrir fólk með áhuga á handverki
og listum má nefna tímaritin, African Arts,
Acoustic Guitar, Architecture, Art in Amer-
ica, Art Monthly, ArtUS, Bass Player, Bill-
board, British Journal of Photography, Craft
Arts International, Guitar Player, Keyboard,
Pottery Making Illustrated og Strings. Fyrir
áhugafólk um þjóðmál og samtímaatburði
eru eftirfarandi tímarit m.a. aðgengileg,
Economist, Foreign Affairs, Time og News-
week. Fyrir áhugafólk um tölvumál má
nefna tímaritin Computer Act!ve og eWeek.
Landsaðgangur að rafrænum gagna-
söfnum og tímaritum er samlag og greiða
ríflega 200 aðilar til þess. Meðal greiðenda
eru allir íslensku háskólarnir, opinberar
stofnanir, bókasöfn um allt land og einstaka
fyrirtæki. Er uppáhaldstímaritið þitt eða
tímarit á þínu áhugasviði í Landsaðgangi –
hvar.is?
Uppáhalds tímaritið þitt!
Bókasöfn
Birgir
Björnsson
umsjónarmaður
Landsaðgangs –
hvar.is.
Við Mishkin
Tryggvi Þór Herbertsson, prófessor í
hagfræði og alþingismaður, ber blak
af sjálfum sér og hagfræðiprófess-
ornum Frederic Mishkin í grein í
nýjustu Vísbendingu. Ber hún heitið
Játning hagfræðings og er tilraun
til að útskýra hvers vegna fræg
skýrsla sem þeir skrifuðu fyrir
Viðskiptaráð 2006 er eins og
hún er. Greinin um margt
ágæt og ekki er niðurlagið
ónýtt. Þar segir: „Samanlagt
höfum við Mishkin
um 50 ára reynslu af
ráðgjöf þar sem við
höfum þegið fyrir
endurgjald. Við höfum ráðlagt fjölda
seðlabanka, ríkisstjórna, alþjóða-
stofnana og einkafyrirtækja um allan
heim.“
Við Siggi
Við þessi orð rifjast óneitanlega
upp frásögn Einars Sveinssonar,
sem eftir handboltaleik með
Þrótti sagði frá því að hann
og Sigurður bróðir hans
stórskytta hefðu skorað
samtals átján mörk í leiknum.
Lét hann þess ógetið að
Sigurður hefði skorað
sautján þeirra.
Voru þær það já?
Um leið og fréttir af afsögn Hönnu
Birnu Kristjánsdóttur og Sóleyjar
Tómasdóttur úr embættum forseta
og fyrsta varaforseta borgarstjórnar
komu sumum á óvart klóruðu aðrir
sér í höfðinu. Sú staðreynd að þær
gegndu þessum embættum var
nefnilega með best geymdu
leyndarmálum stjórnmálanna.
Aðrir voru hins vegar með
staðreyndirnar á hreinu og
veltu fyrir sér hvernig þær
hefðu enst í embættum í það
tæpa ár sem liðið er frá
kosningum.
bjorn@frettabladid.is
www.listahatid.is
TRYGGÐU ÞÉR MIÐA!
P
áskafríið er frábært. Fimm frídagar sem er hægt
að ganga að sem vísum, ólíkt jólafríinu sem er mjög
misjafnlega vinnuveitendavænt, og án streitunnar og
gjafakapphlaupsins sem stundum fylgir jólahátíðinni.
Nú er tækifærið til að njóta góðra stunda með vinum
og fjölskyldu.
En það er auðvitað ástæða fyrir því að við tökum okkur frí.
Og ástæða til þess, alltént fyrir þá sem játa kristna trú, að
íhuga tilgang hátíðahaldanna.
Píslarsagan er allt um
kring í dymbilviku; sagan af
því hvernig Jesú var fagnað í
upphafi viku þegar hann reið
inn í Jerúsalem á asnanum
á pálmasunnudag. Hvernig
hann kvaddi lærisveina sína
og var síðan svikinn og tekinn
höndum, hvernig hann var niðurlægður og krossfestur.
Að minnsta kosti fyrir þá sem nenna ekki að rífa sig upp
á páskadagsmorgun til að mæta í messu er þessi partur af
sögunni oft mest áberandi – í menningarviðburðum, passíu-
sálmalestri, píslargöngum, bíómyndum og fréttum af fólki í
útlöndum sem lætur festa sig upp á kross. Þegar fólk af yngstu
kynslóðinni er spurt hvað hafi gerzt á páskunum er því kross-
festingin gjarnan efst í huga, enda býsna dramatískur atburður
sem auðvelt er að sjá fyrir sér.
Það eru til ótal þekktar myndir af síðustu kvöldmáltíðinni
og Kristi á krossinum, en við þekkjum færri upprisumyndir.
Eina slíka, sem margir Íslendingar þekkja vel, er þó að finna
í Dómkirkjunni í Reykjavík. Þar er Kristur ekki hið niður-
lægða fórnarlamb, heldur sigurvegarinn sem hefur risið upp
frá dauðum og velt hinum þunga steini frá grafarmunnanum.
Sú mynd fangar kjarna páskanna; þeir eru sigurhátíð upp-
risunnar. Þá fögnum við sigri lífsins á dauðanum, ljóssins á
myrkrinu, þess góða á illum öflum. Þess vegna eru páskarnir
í raun enn mikilvægari hátíð í kristinni trú en jólin. Upp-
risuboðskapurinn, fyrirheitið um eilíft líf, er kröftugasta
uppspretta trúar á Krist.
Það er ekki hægt að leyfa depurð yfir hörmungum píslar-
sögunnar, sem ná hámarki á föstudaginn langa, að ná tökum á
sér nema að leyfa sér líka að gleðjast innilega á páskadag. Ekki
aðeins yfir góðum endi á tvö þúsund ára gamalli sögu, heldur
yfir þeirri leiðsögn sem hún veitir.
Í trúna á Krist hafa margir sótt andlegan styrk og vissu
fyrir því að þrátt fyrir erfiðleika, niðurlægingu og tap er
sigurinn alltaf í augsýn. Við getum sótt okkur styrk til að velta
þungum steinum, stuðning til að leyfa lífinu að sigra. Það er
góð tilhugsun í rólegheitum páskafrísins.
Gleðilega páska.
Páskarnir eru meira en fimm daga frí.
Þungum
steinum velt
Ólafur Þ.
Stephensen
olafur@frettabladid.is
SKOÐUN