Fréttablaðið - 21.04.2011, Blaðsíða 24
21. apríl 2011 FIMMTUDAGUR24
Tilkynningar um merkis atburði, stórafmæli
og útfarir má senda á netfangið
timamot@frettabladid.is.
Auglýsingar á að senda á
auglysingar@frettabladid.is
eða hringja í síma 512 5000.
timamot@frettabladid.is
Á þessum degi árið 1989 var nýtt kvennafang-
elsi tekið í notkun í Kópavogi, að Kópavogs-
braut 17, með formlegri opnun þáverandi
dómsmálaráðherra, Halldórs Ásgrímssonar.
Húsnæðið hýsti áður upptökuheimili fyrir
unglinga en með breytingunni átti það að rúma
tíu fanga í byrjun. Það átti að reka sem nokkurs
konar „hálfopið“ fangelsi, að því er Haraldur
Johannessen, þáverandi forstjóri Fangelsismála-
stofnunar, sagði í viðtali daginn sem það var
opnað. Að hans sögn átti fangelsið að vista alla
kvenfanga, sama hvort þeir væru að afplána
langa vist eða stutta. Auk þess átti fangelsið að
vista „valda“ karlfanga sem stunduðu vinnu eða
nám samhliða afplánun.
Í tilefni af opnuninni hélt Halldór Ásgríms-
son ræðu þar sem hann sagði meðal annars
fangelsismál vera í ólestri en aðbúnaður og
húsnæði væri mönnum ekki bjóðandi, hvorki
í fangelsinu í Síðumúla né við Skólavörðustíg.
Stefnan væri að leggja niður þau fangelsi sem
hefðu verið í notkun og bæta aðbúnað fanga.
ÞETTA GERÐIST: 21. APRÍL 1989
Nýtt kvennafangelsi tekið í notkun
Leikfélag Sólheima fagnar 80 ára
starfsafmæli í ár en leikfélaginu var
hleypt af stokkunum aðeins ári eftir
að Sólheimar sjálfir voru stofnaðir.
Leikfélagið er því eitt elsta starf-
andi áhugamannaleikfélag á land-
inu. Árviss frumsýning Sólheima-
leikfélagsins ber upp á sumardaginn
fyrsta, líkt og venjan er, og hefst í dag
klukkan 15.
„Fyrsta sýning Sólheimaleikhúss-
ins á sumardaginn fyrsta er alltaf
mjög vinsæl og margir vinir Sólheima
sem hafa gert það að hefð að mæta ár
eftir ár og eru því orðnir fastagest-
ir hjá okkur,“ segir Katrín Magnús-
dóttir, forstöðumaður Sesseljuhúss,
umhverfis seturs Sólheima.
Verkið sem sýnt er í ár er samið
sérstaklega fyrir Sólheima og kallast
Verndarenglar. Höfundur þess, Þórný
Björk Jakobsdóttir, er jafnframt leik-
stjóri hópsins. Í verkinu koma ýmsar
furðuverur við sögu, svo sem álfar,
tröll og huldufólk, ásamt verndarengl-
um. Lárus Sigurðsson, starfsmaður
Sólheima, samdi tónlist við verkið.
Sýningar verða alls fimm og síðasta
sýning er sunnudaginn 1. maí. Til að
panta miða er hægt að hringja í síma
847 5323.
„Verkið sjálft er fullt af söng og
gleði og er ætlað öllum aldurshópum.
Leikarar í verkinu eru sjálfir á öllum
aldri, yngsti leikarinn er átta ára og sá
elsti er 69 ára en meðlimir leikfélags-
ins eru íbúar Sólheima, bæði ófatlaðir
og fatlaðir, og það má eiginlega segja
að nær allir íbúar Sólheima séu eða
hafi verið í leikfélaginu,“ segir Katr-
ín. „Sumir eru alltaf með, aðrir stund-
um, en það eru um fjörutíu manns sem
taka þátt í leiksýningu ár hvert.“
Æfingar á verkinu hófust strax
eftir áramót og síðustu daga hefur
verkið verið æft frá morgni til kvölds.
„Lykilatriðið á Sólheimum er að allir
hafa sitt hlutverk, hver og einn skipt-
ir máli. Það er eins með leikfélagið –
þar er hver einstaklingur mikilvægur
í verkinu og hlutverkin eru þannig úr
garði gerð að þau miðast út frá styrk-
leika hvers og eins þátttakenda. Þann-
ig að aldrei eru gerðar meiri kröfur en
við vitum að hver og einn getur upp-
fyllt. Leikgleðin er því alltaf til staðar
og smitar út frá sér.“ juliam@frettabladid.is
LEIKFÉLAG SÓLHEIMA 80 ÁRA: FRUMSÝNING Á SUMARDAGINN FYRSTA
Árviss hefð margra að mæta
á frumsýningu í Sólheimum
STÍFAR ÆFINGAR Leikarar í Sólheimaleikhúsinu hafa þessa vikuna verið við æfingar frá morgni til kvölds.
85
MERKISATBURÐIR
1910 Rithöfundurinn Mark Twain deyr, 74 ára að aldri.
1965 Lög um útgáfu nafnskírteina, til einstaklinga 12 ára og eldri,
eru staðfest. Um leið eru nafnnúmer tekin upp.
1971 Fyrstu handritin koma til landsins frá Danmörku, Flateyjar-
bók og Konungsbók Eddukvæða. Herskipið Vædderen flytur
handritin hingað til lands.
1977 Söngleikurinn Annie er sýndur í fyrsta skipti á Broadway.
1989 Um 100 þúsund kínverskir mótmælendur safnast saman á
Torgi hins himneska friðar í Peking í Kína.
ELÍSABET II. Englandsdrottning er 85 ára í dag.
„Að elska kostar sorg.“
Kaffisala Skógarmanna í
húsi KFUM og KFUK við
Holtaveg verður haldin í
dag frá klukkan 14 til 18.
Kaffisalan er til styrktar
sumarbúðunum í Vatna-
skógi sem Skógarmenn
hafa starfrækt síðan 1923.
Framkvæmdir við nýjan
svefn- og þjónustuskála
standa nú yfir, húsið er
fullbúið að utan og vinna
við innréttingar er fram
undan.
Þess má geta að skráning
í sumarflokka Vatnaskógar
stendur nú yfir og hægt er
að skrá sig á netinu á www.
kfum.is. - sg
Styrkja Vatnaskóg
með kaffisölu
KRÆSINGAR Kaffisala Skógar-
manna verður við Holtaveg í dag.
HÁTÍÐARHÖLD Sigur lífsins, árleg páskahátíð á Kirkjubæjarklaustri,
stendur yfir til 25. apríl.
Árleg páskahátíð á
Kirkjubæjarklaustri ber
yfirheitið Sigur lífsins og
stendur yfir til 25. apríl.
Fléttað er saman fræðslu
um Skaftáreldana 1783,
útivist á söguslóðum og
helgihaldi páskahátíðar-
innar.
Meðal dagskrárliða
má nefna umfjöllun um
séra Jón Steingrímsson
eldklerk á skírdag, eld-
messugöngu sama dag
þar sem gengið er frá
Minningarkapellu Jóns
Steingrímssonar vest-
ur að Systrastapa. Kór-
söngur og tónleikar með
Lummósveit lýðveldisins
verða á laugardaginn. Á
páskadag verður páska-
messa við sólarupprás
klukkan 5.
Nánari dagskrá má
finna á www.klaustur.is
Sigur lífsins
Innilegar þakkir til allra þeirra sem
sýndu okkur samúð og hlýhug við
andlát og útför bróður okkar,
Halldórs Björnssonar
Hátúni 10b.
Sérstaklega viljum við þakka Guðrúnu Blöndal
hjúkrunarfræðingi og öðru starfsfólki á deild 28 í
Hátúni fyrir alla þá aðstoð og stuðning sem þau veittu
Halldóri í veikindum hans.
Áslaug Björnsdóttir
Guðrún Björnsdóttir
Páll Björnsson
Guðmundur Björnsson
Hafliði Björnsson
Björn Björnsson
Þorfinnur Björnsson
Brynhildur Björnsdóttir
Böðvar Björnsson
og fjölskyldur
Innilegar þakkir fyrir samúð og hlýhug
við andlát föður okkar, tengdaföður,
afa og langafa,
Stefáns H. Jónssonar
Hjúkrunarheimilinu Mörk,
áður Hraunbæ 103, Reykjavík.
Útförin fór fram 19. apríl í kyrrþey.
Kristín Stefánsdóttir Valur Oddsson
Sigurjón Stefánsson Hjördís Anna Hall
Haraldur Stefánsson Erla Ingimarsdóttir
Sigríður Stefánsdóttir
barnabörn og langafabörn.