Fréttablaðið - 23.04.2011, Blaðsíða 43

5 MENNING
„Það er hluti af þér líka. Núna.“
„Það er aðskotahlutur,“ sagði
Edda. Það reif í saumana á bring-
unni þegar hún krosslagði hendur.
„Ekki segja þetta, Edda mín.“
„Það er það og líkaminn veit
það. Annars þyrfti ég ekki að taka
þessi ónæmisbælingarlyf.“
„Líkaminn veit ekki alltaf hvað
honum er fyrir bestu.“
„Veit hugurinn það?“
„Já.“
„Er hann ekki hluti af líkaman-
um?“
„Æ, Edda, gerðu það, láttu ekki
svona,“ bað Ragnheiður.
Mamma hennar hafði fengið sitt
fram. Þau tóku gamla hjartað með
sér aftur til Íslands eftir aðgerð-
ina. Mamma hennar gætti þess að
Edda sæi kassann ekki nema einu
sinni og Edda var því fegin. Hún
sá það fyrir sér í krukkunni. Í gulu
formalíni og allt of stórt. Æðarnar
holar og gúlpandi.
Edda hafði óttast að mamma
hennar myndi taka frá gröf fyrir
hana strax. Jarða hjartað þar og
svo myndi gröfin bíða hennar, þol-
inmóð og næstum tóm. Eins og
útfyllt ávísun án dagsetningar. En
mamma hennar lét grafa hjartað
hjá ömmu Jónu. Til fóta, eins og
þægan kettling.
Hjartað var grafið í kyrrþey.
Eddu fannst ekki viðeigandi að
vera viðstödd. Þegar mamma
hennar kom heim skömmu síðar
hafði hún horft rannsakandi á
hana.
„Þú lítur ekki út eins og kona
sem var að jarða dóttur sína,“
sagði Edda.
Mamma hennar brosti dauf lega.
Hún var þreytuleg og með bauga
undir augunum.
„Ég var ekki að jarða dóttur
mína. Hún er hérna bráðlifandi
fyrir framan mig.“
„Þú varst að grafa hjartað úr
henni og það kemur í sama stað
niður.“
„Æ, Edda mín,“ sagði Ragnheið-
ur og fór inn í eldhús að laga mat-
inn. Hún virtist segja: „Æ, Edda
mín,“ talsvert oft þessa daga.
Edda fór stundum og vitjaði
hjartans, og ömmu Jónu auðvitað
líka.
En eiginlega var þetta ekki
sanngjarnt. Núna var amma Jóna
með tvö hjörtu í gröfinni sinni en
kona, tuttugu og átta ára var ekki
með eitt einasta í sinni.
Hildur Knútsdóttir
Hildur er 26 ára gömul. Hún er
með BA-gráðu í ritlist fá Háskóla
Íslands en vinnur sem texta- og
hugmyndasmiður hjá auglýsinga-
stofunni Pipar/TBWA.
Sláttur er fyrsta skáldsaga Hildar.
Hugmyndina að sögunni fékk
hún fyrir nokkrum árum þegar
hún las frétt um að fáir voru
viljugir til að þiggja líffæragjafir
úr föngum sem teknir voru af lífi
fyrir morð.
Hún hefur einnig vakið athygli
fyrir bloggsíðu í nafni hliðarsjálfs
síns, tískubloggarans H. Lífsstíls-
bók í anda tískubloggsins er
væntanleg á vegum forlagsins
ÓkeiBækur í haust.
ÆTLAR ÞÚ
Í HÁSKÓLA Í HAUST?
Umsóknarfrestur um grunnnám á háskólaárinu 2011–2012 er til 5. júní 2011.
Móttaka rafrænna umsókna er hafin á www.hi.is
YFIR 400 NÁMSLEIÐIR Í BOÐI Í HÁSKÓLA ÍSLANDS
SPENNANDI NÁM
OG ÖFLUGT FÉLAGSLÍF
PIPA
R\TBW
A
•
SÍA
•
11103
0