Fréttablaðið - 11.05.2011, Síða 14
14 11. maí 2011 MIÐVIKUDAGUR
Harpa er falleg, hún segir okkur að leggja
ekki árar í bát heldur halda áfram, hún er
fyrirheit um bjartsýni og ný tækifæri.
Hún er risin, Harpa okkar er mætt á staðinn á fallegum
stað við Austurhöfnina í Reykja-
vík. Ekki degi of snemma. Því
eru þó ekki allir sammála. Sumir
vildu reyndar strax á erfiðum
haustdögum ársins 2008 hætta
öllum framkvæmdum og aðrir
jafna húsið við jörðu. Kannski að
einhverju leyti skiljanleg viðbrögð
á þeim tíma en sem betur fer varð
enginn einhugur um þá leið.
Í desember 2008 við fjárlaga-
gerðarvinnu fyrir árið 2009 var
þó fólk úr öllum flokkum sem
lagði hart að þáverandi ábyrgðar-
mönnum framkvæmdarinnar, ráð-
herrum og borgarstjóra að fresta
öllum aðgerðum við húsið, ein-
hverjir til að fara auðveldu leiðina
við að brúa fjárlagabilið en aðrir
vegna rótgróinnar andstöðu við
tónlistarhúsið sjálft. Í þessu sem
öðru voru þetta skrýtnir tímar.
Í ríkisstjórn er eðlilegt að hver
fagráðherra haldi uppi ákveðnum
vörnum og sjónarmiðum vegna
framgangs verkefna sem undir
hans ábyrgðarsvið heyra. Að
sama skapi er ekki alltaf hægt að
vænta stuðnings frá öðrum ráð-
herrum, ekki síst þegar erfðiðir
tímar blasa við. Þeir ráðherrar
sem enn sitja í ríkisstjórn frá
árinu 2008 sýndu verkefninu um
tónlistar- og ráðstefnuhús engan
sérstakan áhuga meðan að þáver-
andi fjármálaráðherra en ekki síst
forsætisráðherra, Geir H. Haarde,
fylgdist með hverju skrefi sem
tekið var og studdi þær ákvarð-
anir sem fyrir voru lagðar vegna
fjárlagagerðarinnar. Svo verk-
efnið héldi áfram og yrði klárað.
Borgarstjóri þáverandi stóð
einnig vaktina í lok árs 2008 og
hélt henni síðan áfram í samvinnu
við núverandi mennta- og menn-
ingarmálaráðherra sem eflaust
varð líka fyrir þrýstingi ýmsum.
Eiga þær stöllur, Hanna Birna
Kristjánsdóttir og Katrín Jakobs-
dóttir mikinn heiður skilinn.
Talandi um erfiða tíma þá hefði
einnig verið afar þungbært að
hætta framkvæmdum og þar með
ákveða að um 600 Íslendingar,
eins og smiðir, verkfræðingar, píp-
arar, hönnuðir, tæknifræðingar,
rafvirkjar, hefðu misst vinnuna á
sama tíma og atvinnustig var hríð-
lækkandi í landinu. En einhvern
veginn er eins og önnur lögmál
gildi þegar kemur að uppbygg-
ingu á sviði menningarmála. Eins
og það sé erfitt að hugsa menn-
inguna í stærra samhengi.
Með Hörpu var tekinn slagur;
slagur fyrir okkar glæsilegu Sin-
fóníuhljómsveit og eflingu tónlist-
ar enn frekar í landinu. Sá slagur
byrjaði fyrir meira en þremur ára-
tugum og hefur staðið yfir sleitu-
laust síðan með hæðum og lægð-
um. Þar hafa margir lagt gjörva
hönd á plóg sem seint verður
fullþakkað.
Mesta orrahríðin um framtíð
Hörpu á lokadögum ársins 2008
sýnir að miklu skiptir að auka
skilning á þeim andlegu og ver-
aldlegu verðmætum sem listsköp-
un margs konar hefur fyrir sam-
félagið allt til lengri og skemmri
tíma. Þar holar dropinn steininn.
Tónlistar- og ráðstefnuhúsið
Harpa mun hafa mikil áhrif á
menningarlíf og ferðamannaþjón-
ustu okkar Íslendinga. Árið 2005
þegar tilkynnt var um hvaða til-
laga hefði verið valin fyrir tón-
listar- og ráðstefnuhúsið sagðist
ég vona að við uppbyggingu húss-
ins yrði haft hugfast að þessi höll
tónlistarinnar yrði um leið hús
fólksins í landinu.
Á fyrstu dögum Hörpu eru
sterk teikn á lofti að svo verði.
Fullt er á fjölbreytta tónleika
og viðburði margs konar langt
fram í tímann. Öflugt fólk er við
stjórnvölinn sem þekkir vel af
mikilli reynslu þjóðarpúls okkar
Íslendinga og hvaða aðdráttar-
afl þarf til að laða að útlendinga.
Við sjáum það í löndum í kringum
okkur hve vel rekin menningarhús
með áhugaverðan og metnaðar-
fullan arkitektúr geta haft mikla
þýðingu fyrir umhverfið sjálft.
Nægir að nefna Óperuhúsin í Ósló
og Kaupmannahöfn eða Guggen-
heimsafnið í Bilbao.
Harpa er falleg, hún segir okkur
að leggja ekki árar í bát heldur
halda áfram, hún er fyrirheit um
bjartsýni og ný tækifæri. Að við
eigum að gefa sköpunarkraftinum
lausan tauminn. Og njóta þess. Til
hamingju með Hörpu.
Höll tónlistarinnar, hús fólksins
Menning
Þorgerður Katrín
Gunnarsdóttir
alþingismaður
Kynferðisofbeldi gegn börn-um er alvarlegt vandamál um
heim allan. Myndefni á netinu, þar
sem börn eru sýnd á kynferðis-
legan eða klámfengin hátt, er ein
birtingarmynd þess ofbeldis. Slíku
efni hefur lengi verið dreift manna
á meðal en með tilkomu netsins
hefur umfangið aukist til muna og
erfiðara er stemma stigu við því
og uppræta það.
Öll skoðun, öflun, varsla og
dreifing á slíku efni er ólögleg og
brot á réttindum barna. Að fram-
leiða slíkt efni er ofbeldi gegn
barni, en skoðun á slíku efni er líka
ofbeldi. Vitneskja barnsins um að
myndefni af því hafi verið dreift
eykur enn frekar á þann mikla
sálræna skaða sem barnið hefur
þegar orðið fyrir vegna ofbeldis-
ins. Hver sem flytur inn, aflar sér
eða öðrum eða hefur í vörslu sinni
ljósmyndir, kvikmyndir eða sam-
bærilegt efni sem sýna börn á kyn-
ferðislegan eða klámfenginn hátt
skal sæta sektum eða fangelsi allt
að tveimur árum.
Í gagnagrunni alþjóðalögregl-
unnar Interpol er að finna eina
milljón mynda þar sem börn eru
beitt kynferðisofbeldi. Talið er að
allt að 20 þúsund börn séu á mynd-
unum. Hins vegar hefur Interpol
aðeins upplýsingar um að 800
þessara barna hafi fundist og feng-
ið stuðning. Stærstur hluti mynd-
efnis, þar sem börn eru
beitt ofbeldi, er vistaður
á netþjónum í löndum
utan Evrópu.
Barnaheill – Save the
Children á Íslandi starf-
rækir ábendingalínu þar
sem fólk getur tilkynnt
ef það verður vart við
efni á netinu þar sem
börn eru sýnd á kynferð-
islegan eða klámfenginn
hátt.
Á vef samtakanna,
barnaheill.is, er hnapp-
ur fyrir nafnlausar
ábendingar um mynd-
efni á netinu þar sem
börn eru beitt ofbeldi eða börn eru
sýnd á kynferðislegan og óviðeig-
andi hátt. Með því að senda ábend-
ingar, getur almenningur lagt
hönd á plóg við að loka vefsíðum
með efni, þar sem börn eru beitt
kynferðislegu ofbeldi, og stuðl-
að að því að gerendur og þolend-
ur finnist. Ábendingarnar eru
þannig liður í að stöðva ofbeldið.
Þáttur netþjónustuaðila er einn-
ig afar mikilvægur í baráttunni.
Hafi þeir vitneskju um ólöglegt
efni á vefsíðum sínum, ber þeim
að loka síðunum og hindra aðgang
að efninu. Þjónustuveitendur, sem
hýsa efnið, geta borið refsiábyrgð
á hýsingunni hafi þeir vitneskju
um hvers eðlis efnið er.
Á undanförnum árum hafa í
auknum mæli borist ábendingar
um myndefni af íslensk-
um börnum og ungling-
um á samskiptasíðum
og svokölluðum félags-
netsíðum, þar sem hver
og einn getur sett inn
efni og myndir nafn-
laust. Það er mikilvægt
að brýna fyrir börnum
og unglingum að leyfa
aldrei að teknar séu af
þeim myndir, sem þau
vilja ekki að rati inn á
netið. Liður í því er að
börn þekki rétt sinn og
geti varið sig, að for-
eldrar séu á varðbergi
og uppfræði börn sín
sem og að þeir, sem vinna með
börnum, hafi þekkingu á þessum
málum og augun opin. Fræðsla til
barna og foreldra um netöryggi er
mikilvæg til að börn geti varið sig
fyrir hættum á netinu.
Þótt erfitt sé að uppræta efni,
sem eitt sinn er komið á netið, er
mikilvægt að gera allt sem mögu-
legt er til að stöðva dreifingu þess,
finna fórnarlömbin og koma þeim
til hjálpar. Virkt eftirlit með kyn-
ferðisofbeldi gegn börnum á net-
inu og þátttaka almennings í slíku
eftirliti er afar mikilvæg.
Ofbeldi gegn börnum á netinu
Fræðsla til
barna og
foreldra um
netöryggi er
mikilvæg til
að börn geti
varið sig.
Barnavernd
Margrét Júlía
Rafnsdóttir
verkefnisstjóri hjá
Barnaheillum – Save
the Children á Íslandi
VM-FÉLAG VÉLSTJÓRA OG MÁLMTÆKNIMANNA
Stórhöfða 25 - 110 Reykjavík - 575 9800 - www.vm.is
Nýgerður
kjarasamningur
VM-Félag vélstjóra og málmtæknimanna
heldur félagsfund í kvöld 11. maí, kl. 20 að
Stórhöfða 25, 4.hæð.
Efni fundarins:
Nýgerður kjarasamningur
Félagsmenn eru
hvattir til að mæta
Dagskráratriði óskast
Hitt Húsið Sími: 411 5500 17juni@hitthusid.is www.17juni.is
Auglýst er e ir skemm - og sýningaratriðum fyrir þjóðhá ðarskemmtun
í Reykjavík. Í dagskránni er gert ráð fyrir barna og ölskylduskemmt-
unum á sviðum, tónleikum, leiktækjum og ýmsum sýningum og götu-
uppákomum.
Hægt er að sækja um flutning atriða, uppákomur og viðburði á vefnum
www.17juni.is en umsóknum má einnig skila í Hi Húsið, Pósthússtræ
3-5, 101 Reykjavík á eyðublöðum sem þar fást. Umsóknarfrestur er l
12. maí.
Upplýsingar í síma 411 5502 eða á 17juni@hi husid.is
17. júní í Reykjavík
Hringdu í síma
ef blaðið berst ekki