Fréttablaðið - 02.06.2011, Blaðsíða 40

2. júní 2011 FIMMTUDAGUR32
tonlist@frettabladid.is
TÓNNINN GEFINN
Trausti Júlíusson
Ég verð að viðurkenna að ég hoppaði ekki hæð mína af spenningi
þegar sú frétt barst að Cyndi Lauper yrði ein af fyrstu erlendu popp-
stjörnunum til þess að spila í Hörpu. Hún átti
nokkra fína smelli á níunda áratugnum, Girls
Just Want to Have Fun, Time After Time og
True Colors, en hvað hefur hún verið að gera
síðan og hvað er hún að gera í dag?
Cyndi hefur reynt eitt og annað síðasta ára-
tuginn. Hún hitaði upp gamla smelli á plötunni
The Body Acoustic sem kom út 2005, en á
Bring Ya to the Brink þremur árum seinna var
hún komin út í fínasta danspopp, meðal annars
búið til með Svíanum Andreas Kleerup sem
hefur unnið með Robyn. Sú plata var tilnefnd
til Grammy-verðlauna eins og nýjasta platan
hennar, Memphis Blues, sem kom út í fyrra.
Memphis Blues er eins og nafnið gefur til
kynna blúsplata. Á henni er að finna gamla
slagara, meðal annars eftir Little Walter,
Lowell Fulson, Albert King og Bobby „Blue“
Bland. Á meðal gesta eru líka kanónur eins og
Allen Toussaint, BB King og Ann Peebles. Platan hefur selst ágætlega.
Plata með Cyndi hefur ekki náð jafn hátt á vinsældalista
í Bandaríkjunum síðan á níunda áratugnum.
Cyndi hefur verið að fylgja plötunni eftir með tónleikahaldi frá því
síðasta sumar. Hún er búin að þræða Bandaríkin, Suður-Ameríku og
Ástralíu og er búin að bóka fullt af tónleikum í Evrópu í sumar, en
tónleikarnir í Hörpu verða fyrstu tónleikarnir í Evrópu. Dagskráin
samanstendur aðallega af lögum af Memphis Blues, sem hún byrjar
á, og svo öllum helstu smellunum sem taka við í seinni hlutanum.
Tónleikarnir hafa fram að þessu verið vel sóttir og fengið ágæta dóma.
Cyndi virðist eiga marga harða aðdáendur. Þar á meðal er kanadíska
ofursveitin Arcade Fire, sem fékk hana til að syngja með sér á tón-
leikum nýlega. Það er greinilega allt á uppleið hjá Cyndi. Þetta verða
kannski hörkutónleikar eftir allt saman?
Cyndi kemur á óvart
Á UPPLEIÐ Cyndi Lauper
á tónleikum í Japan fyrir
nokkrum vikum.
Chris Wolstenholme, bassa-
leikari Muse, segir hljóm-
sveitina ætla að hefja vinnu
að nýrri plötu án söngvarans
Matt Bellamy.
Bellamy hefur hingað til
verið burðarásinn í lagasmíð-
um Muse, en hann hefur tekið
sér frí frá hljómsveitinni á
meðan hann býr sig undir fæð-
ingu frumburðar síns og leik-
konunnar Kate Hudson. Sam-
band þeirra hófst í fyrra og
eru þau trúlofuð í dag.
Wolstenholme segir Bellamy
hafa sett há gæðaviðmið í laga-
smíðum fyrir Muse. „Ég er
frekar stressaður vegna þess
að ég vil ekki semja lag sem
verður til þess að hljómsveitin
drepst,“ sagði hann í viðtali við
götublaðið The Sun.
Wolstenholme og Dominic
Howard, trommari Muse, til-
kynntu í síðasta mánuði að
platan sem myndi fylgja eftir
The Resistance frá árinu
2009 yrði mýkri. „Hver veit,
kannski verður rokkið mýkra.
En þá er undir okkur komið að
gera það þyngra á ný. Þunga-
rokksvögguvísur! Ég er viss
um að við förum í rétta átt.“
- afb
Muse tekur upp án söngvarans
PRÓFRAUN Muse hefur aldrei samið lög án söngvarans Matt Bellamy
en hyggst prófa það nú.
> Í SPILARANUM
FM Belfast - Don’t Want to Sleep
Stjörnuryk - Þetta reddast
Planningtorock - W
Sebastian - Total
FM BELFAST STJÖRNURYK
Fjórða plata Arctic Monkeys
nefnist Suck It and See og
kemur út eftir helgi. Hún
er aðgengilegri en sú síð-
asta og ætti að falla vel
í kramið hjá aðdáendum
hljómsveitarinnar.
Enska popp-rokksveitin Arctic
Monkeys gefur út plötuna Suck It
and See í næstu viku. Hún er held-
ur aðgengilegri en síðasta plata,
Humbug, þar sem hljómsveit-
in naut aðstoðar Josh Homme úr
Queens of the Stone Age. Melódí-
urnar eru meira áberandi og allt
yfirbragðið er léttara.
Arctic Monkeys var stofnuð
árið 2002 af sextán og sautján ára
unglingum frá borginni Sheffield,
þeim Alex Turner, James Cook,
Nick O’Malley og Matt Helders.
Strákarnir vöktu fljótt mikla
athygli á netinu, þar á meðal á
Myspace. Fjölmiðlar tóku við sér
og fóru að hefja þá upp til skýjana
sem næstu rokkstjörnur Bret-
landseyja. Útgáfufyrirtækið Dom-
ino samdi við sveitina og gaf árið
2005 út fyrstu smáskífuna, I Bet
You Look Good on the Dancefloor,
sem fór beint á topp breska
smáskífulistans. Það gerði einn-
ig næsta smáskífa, When the Sun
Goes Down. Væntingarnar voru
því miklar fyrir fyrstu plötuna en
salan fór fram úr björtustu vonum.
Whatever People Say I Am, That’s
What I’m Not setti met með því að
seljast hraðast allra frumburða í
breskri útgáfusögu, í yfir 350 þús-
und eintökum á fyrstu vikunni. Sló
hún þar með út fyrstu plötu Oasis,
Definitely Maybe. Í Bandaríkjun-
um fékk platan ágætar viðtökur.
Lofið var þó ekki jafnmikið og hjá
bresku pressunni, sem stundum
fer offari í að hefja nýjar hljóm-
sveitir upp til skýjanna.
Næsta plata, Favourite Worst
Nightmare, fór á topp breska
listans eins og sú fyrri og styrkti
stöðu Arctic Monkeys sem einn
besta unga sveit Bretlands. Bresku
blöðin voru yfir sig hrifin og til að
mynda fékk platan fullt hús stiga
hjá tímaritinu Q. Sömuleiðis var
hún tilnefnd til bresku Mercury-
verðlaunanna.
Humbug, sem kom út 2009, var
töluvert öðruvísi en fyrri verk
sveitarinnar. Hljómurinn var eilít-
ið myrkari en áður þar sem gít-
aráhrif Josh Homme voru áber-
andi. Gagnrýnendur voru engu
að síður sáttir og gáfu strákun-
um plús í kladdann fyrir að víkka
sjóndeildar hringinn og þroskast
aðeins í leiðinni.
Arctic Monkeys fylgir Suck It
and See eftir með spilamennsku
á hinum ýmsu tónlistarhátíðum í
sumar, þar á meðal á Benicassim á
Spáni, á Rock Werchter í Belgíu og
á Lollapalooza í Bandaríkjunum.
freyr@frettabladid.is
AÐGENGILEGRA HJÁ ARCTIC
FJÓRÐA PLATAN Nýjasta plata Alex Turner og félaga í Arctic Monkeys kemur út eftir helgi. NORDICPHOTOS/AFP
Þátttakendur í Lagalistanum: Bylgjan, FM957, Xið 977, Rás 2, Kaninn, tonlist.is. Verslanir í Tónlistanum: Skífan, Hagkaup, Penninn/Eymunds-
son, 12 tónar, Harpa, Smekkleysa plötubúð, Elkó, tonlist.is
Listarnir eru teknir saman fyrir Félag hljómplötuframleiðenda. Listarnir eru birtir í heild sinni á Vísir.is.
Stendur í stað síðan í síðustu viku Fellur um sæti síðan í síðustu viku Hækkar á lista síðan í síðustu viku Nýtt á lista
Skýringar:
TÓNLISTINN
Vikuna 26. maí - 1. júní 2011
LAGALISTINN
Vikuna 26. maí - 1. júní 2011
Sæti Flytjandi Lag
1 Adele ...................................................Someone Like You
2 Ell & Nikki ...............................................Running Scared
3 Bruno Mars .......................................................Lazy Song
4 Bubbi Morthens.................................Blik augna þinna
5 A Friend In London ............................... New Tomorrow
6 Valdimar ..............................................................Yfirgefinn
7 Megas & Senuþjófarnir ...Lengi skal manninn reyna
8 Katy Perry .......................................................................E.T.
9 Eyjólfur Kristjánsson & Björn Jörundur .........Allt búið
10 Britney Spears .................................Till The World Ends
Sæti Flytjandi Plata
1 Gus Gus ......................................................Arabian Horse
2 Ýmsir ......Eurovision Song Contest 2011: Düsseldorf
3 Magnús og Jóhann ................Ástin og lífið 1971-2011
4 Valdimar ............................................................Undraland
5 Andrea & Blúsmenn .........................Rain On Me Rain
6 Lady Gaga ..................................................Born This Way
7 Víkingur Heiðar Ólafsson ..................... Bach / Chopin
8 Ýmsir .................................Sjómenn: Íslenskir við erum
9 Adele .................................................................................. 21
10 Megas og Senuþjófarnir ..... (Hugboð) um vandræði