Fréttablaðið - 21.06.2011, Side 38

21. júní 2011 ÞRIÐJUDAGUR30
MORGUNMATURINN
Ævintýramaðurinn Bear Grylls
segir að ferð sín og Hollywood-
stjörnunnar Jakes Gyllenhaal til
Íslands hafi tekið virkilega á og
þeir hafi þurft að horfast í augu við
alvöru hættur.
Eins og Fréttablaðið greindi frá
í apríl heimsóttu Grylls og Gyllen-
haal landið til að taka upp efni fyrir
sjónvarpsþáttaröðina Man vs. Wild,
en tökurnar fóru fram í grennd við
Eyjafjallajökul og Fimmvörðuháls.
Grylls ræddi um ferðalagið til
Íslands við vefsíðuna Whatsontv.
com og virtist ævintýramaðurinn
hæstánægður með ferðina. „Fyrir
nokkrum vikum fór ég með Jake
Gyllenhaal til Íslands til að taka
upp efni fyrir Born Survivor, en
Jake er sá leikari sem sagður hefur
verið í besta forminu í Hollywood.
Jake lýsti því yfir að hann vildi láta
reyna á sig og honum varð að ósk
sinni á Íslandi.“
Grylls segir þá hafa upplifað
alls kyns brjálaða hluti hér á landi.
„Við sváfum í snjóhelli, fórum yfir
vatnsmiklar ár og svo var það þetta
hrikalega rok sem gerði okkur lífið
leitt.“ Ævintýramaðurinn bætir
því við að hann hafi um tíma orðið
eilítið stressaður, hann hafi verið
búinn að lofa umboðsmanni Gyllen-
haals að koma honum ósködduðum
til byggða. „Það tókst og Gyllenhaal
var algjörlega frábær.“ Þættir Bear
Grylls hafa notið mikilla vinsælda
um allan heim en í nýjustu þátta-
röðinni fá frægir einstaklingar á
borð við Gyllenhaal, Will Ferrell
og Ben Stiller tækifæri til að takast
á við óblíð náttúruöfl. Íslands-
þátturinn verður frum-
sýndur í ágúst. - fgg
Gyllenhaal á ystu nöf á Íslandi
HRIKALEG FERÐ Bear
Grylls viðurkennir að
ferðin til Íslands hafi
verið hrikaleg og að
hann hafi virkilega reynt
á þolmörk Hollywood-
stjörnunnar Jakes
Gyllenhaal uppi á Eyja-
fjallajökli.
„Maður er ekkert vanur að fara í
svona. Þetta er svolítið eins og að
fara aftur í Eurovision nema bara
viku lengur,“ segir söngkonan
Hera Björk Þórhallsdóttir, sem er
á leiðinni í þriggja vikna tónleika-
ferð um Bandaríkin.
Þar kemur hún fram á átta við-
burðum í sex borgum, þar á meðal
á Gay Pride-göngunni í New York
á laugardaginn. Flestir viðburðirn-
ir tengjast undankeppni Mr. Gay
World USA þar sem fegursti sam-
kynhneigði karlmaður Bandaríkj-
anna verður valinn á næsta ári.
Hera Björk er opinber söngkona
keppninnar, eins og komið hefur
fram í Fréttablaðinu, og lag henn-
ar, Je Ne Sais Quoi, er lag keppn-
innar.
„Maður þarf að vera ferskur
á hverjum degi. Margir halda að
þetta sé einhver djammferð en
þetta er það alls ekki,“ segir Hera
Björk. „Þetta verður alls ekki
leiðinlegt en maður verður bara á
tánum og með brosið og hárspreyið
og allt klárt í „dressunum“.
Með Heru Björk á mörgum við-
burðanna verður Michael Holtz
sem vann Mr. Gay World USA í
fyrra. „Hann er gífurlega fagur
amerískur drengur. Hann er eins
og fallegur skartgripur bara,“
segir hún og hlær.
Eftir ferðalagið um Bandaríkin
syngur Hera Björk á einum tónleik-
um í Þýskalandi áður en hún heldur
heim á leið í langþráð frí. - fb
Syngur á Gay Pride í New York
TIL BANDARÍKJANNA Hera Björk er á
leiðinni í tónleikaferð til Bandaríkjanna
á vegum Mr. Gay World USA.
FRÉTTABLAÐIÐ/VALLI
23. júní: New Jersey
25. júní: New York
1. júlí: Los Angeles
2. júlí: San Francisco
6. júlí: Miami
8. júlí: Fort Lauderdale
TÓNLEIKAR HERU Í
BANDARÍKJUNUM
„Ég tek alltaf lýsi. Annars er það
oftast Cheerios og appelsínu-
safi.“
Margrét Björnsdóttir, útvarpskona á FM
957
Þú færð Fréttablaðið á kostnaðarverði
á 120 stöðum um land allt.
Nánari upplýsingar á
visir.is/dreifing
„Þetta er rosalega skemmtilegt
ævintýri sem við erum að fara
út í og æðislegt að fá þetta tæki-
færi,“ segir Jóna G. Kolbrúnar-
dóttir menntaskólanemi, sem
tekur sér pásu frá kaffigerð á
Súfistanum í sumar, en hún lagði
af stað í tónleikaferðalag með
Björk í morgun ásamt stúlkunum
í kórnum Graduale Nobili.
Förinni er heitið til Man chester
þar sem Björk frumflytur nýj-
ustu afurð sína, Biophilia, en
alls ætlar hún að halda sex tón-
leika á listahátíð þar í borg. Plat-
an er ekki komin út en stefnt er á
útgáfu með haustinu. Fyrsta smá-
skífan, Crystalline, kemur hins
vegar út í lok mánaðarins.
„Við erum búnar að undir-
búa okkur síðan síðasta haust
en þá var ég nýbyrjuð í kórnum
og þetta því verðugt verkefni
að byrja á. Þetta er búið að vera
öðruvísi ferli en maður er vanur
og frábært að kynnast því,“ segir
Jóna. Kórinn hefur verið við stíf-
ar æfingar með Björk, en þess má
geta að þær sungu einnig inn á
plötuna sem var tekin upp í byrj-
un árs.
„Við verðum allar með hljóð-
nema á tónleikunum og höfum
þurft að venjast því enda óvana-
legt fyrir kór að syngja með
hljóðnema,“ segir Jóna og full-
yrðir að Björk sé mjög skemmti-
leg en sömuleiðis krefjandi í sam-
starfi „Það er frábært að vinna
með Björk. Hún er hreinskilin og
hikar ekki við að segja manni ef
henni finnst eitthvað vanta eða að
það sé óhreinn tónn.“
Mikill undirbúningur er í
kringum ferðalagið og tónleikana
og verður kórinn meðal annars
í sérsaumuðum búningum frá
New York. „Ég held að það séu
um 1.800 áhorfendur á hverjum
tónleikum og sviðið er í miðj-
unni. Þetta verður því sjónrænt
og flott. Vonandi verða tónleik-
arnir haldnir á Íslandi líka.“
24 stúlkur eru í kórnum
Graduale Nobili undir stjórn
Jóns Stefánssonar og flestar
þeirra með söngnám að baki.
Sjálf er Jóna að búa sig undir að
klára framhaldspróf í söng sam-
hliða námi í Menntaskólanum
við Hamrahlíð. Það vekur vita-
skuld athygli hjá vinahópnum að
Jóna sé á leið í tónleikaferðalag
með Björk „Það verða allir mjög
hissa og segja „Ó mæ god, ert þú
að fara að túra með Björk?“ Þetta
er náttúrlega rosaleg upplifun og
eiginlega algjör draumur.“
alfrun@frettabladid.is
JÓNA G. KOLBRÚNARDÓTTIR: KÓRINN Í SÉRSAUMUÐUM BÚNINGUM
Frábært að vinna með Björk
SPENNTAR FYRIR BROTTFÖR Þær Jóna G. Kolbrúnardóttir, Kristín Sveinsdóttir og Guðrún Matthildur Sigurbergsdóttir eru allar í
úrvalskórnum Graduale Nobili og eru á leiðinni í mánaðarlangt tónleikaferðalag með Björk Guðmundsdóttur. FRÉTTABLAÐIÐ/ANTON
Sími 412 2500 - sala@murbudin.is - www.murbudin.is
– Afslátt eða gott verð?
Reykjavík - Reykjanesbæ
Akureyri - Húsavík
Vestmannaeyjum
Jarðvegsþjappa á
„þjöppuðu“ verði
PC 1442 Shatal jarðvegsþjappa
Stærð plötu: 400 x 550 mm
Þyngd: 80 kg
Mótor: Honda bensín 5,5 hö
Miðflóttaafl á plötu: 1400 kg
Mesti hraði áfram: 26 m/mín
Víbratíðni: 93 Hz
189.900,-
m. VSK
(fleiri stærðir á lager)