Fréttablaðið - 19.07.2011, Qupperneq 11

ÞRIÐJUDAGUR 19. júlí 2011 11
Miðsvæðis í Flórída er Orlando, sannkölluð ævintýraveröld fyrir börn
og fullorðna. Njóttu þess að flatmaga í sólinni við sundlaugina, farðu
á ströndina eða skelltu þér með fjölskyldunni í næsta skemmtigarð.
Í Orlando er ævintýralegt úrval afþreyingar og hægt að velja úr fjölda
frábærra veitingastaða auk þess sem alltaf má stytta sér stundir
í einhverjum hinna 350 verslana og verslunarmiðstöðva á svæðinu.
Punktaðu niður ferðalagið
Hægt er að nýta 10.000 Vildarpunkta sem 6.000 króna inneign
upp í pakkaferð til allra áfangastaða Icelandair.
+ Bókaðu á www.icelandair.is
ORLANDO
FRÁ 16. SEPTEMBER 2011 TIL 18. MAÍ 2012
VERÐ FRÁ 84.300* KR.
HUGURINN BER ÞIG
AÐEINS HÁLFA LEIÐ
* Verð á mann í tvíbýli í 4 nætur. Innifalið: Flug, flugvallarskattar og gisting.
AFGANISTAN, AP David Petraeus hers-
höfðingi lét af störfum í gær sem yfir-
maður fjölþjóðaliðsins í Afganistan. Við
stöðu hans tekur John Allen. Petraeus
tekur hins vegar við stöðu yfirmanns
bandarísku leyniþjónustunnar CIA.
Stefna Petraeus hefur sætt sívaxandi
gagnrýni. Árásir uppreisnarmanna
hafa haldið áfram, þó að talsmenn her-
liðsins haldi því fram að þær væru mun
tíðari hefði stefnunni ekki verið fylgt.
Tveir háttsettir samherjar Hamids
Karzai, forseta Afganistans, hafa verið
myrtir á síðustu dögum, annar þeirra
var hálfbróðir Karzais.
Þrír liðsmenn fjölþjóðaliðsins féllu í
sprengjuárás í gær og hafa þá 37 liðs-
menn verið felldir í þessum mánuði.
Afganskar sveitir taka nú í ríkari
mæli við hlutverki fjölþjóðlegu sveit-
anna og Bandaríkin hafa hafið brott-
flutning á tæplega þriðjungi af þeim
100 þúsund sveitum sem eru í landinu.
Petraeus sagði í kveðjuræðu sinni
að þrátt fyrir árangur að undanförnu,
sérstaklega í suðurhluta landsins, væri
mikil barátta fram undan.
„Þrátt fyrir að árangur hafi náðst
með harðfylgi síðasta árið og við höld-
um áfram valdaskiptunum ættum við
ekki að velkjast í vafa um þá erfiðleika
sem fram undan eru.“ - kóp
Yfirgefur Afganistan í skugga gagnrýni á stefnu fjölþjóðaliðsins:
Petraeus lætur af störfum í Afganistan
KVEÐUR AFGANISTAN Petraeus tekur við sem yfirmaður bandarísku leyni-
þjónustunnar CIA. Hér er hann ásamt Hamid Karzai, forseta Afganistans,
við kveðjuathöfnina. NORDICPHOTOS/AFP
UMHVERFISMÁL Rúmlega 90 pró-
sent Evrópubúa segja umhverfið
verða æ mikilvægara fyrir sig.
Þetta kemur fram í könnun sem
framkvæmdastjórn Evrópusam-
bandsins lét gera. Bágt efnahags-
ástand virðist ekki hafa dregið
úr áhuga á umhverfisvernd og 89
prósent aðspurðra vilja láta setja
meira fé í málaflokkinn.
Í frétt á heimasíðu umhverfis-
ráðuneytisins segir að mikill
meirihluti Evrópubúa sé sam-
mála því að betri nýting nátt-
úruauðlinda og aukin umhverfis-
vernd geti örvað hagvöxt innan
sambandsins. Tveir af hverjum
þremur í könnuninni flokkuðu
sorp heimavið og yfir helmingur
reyndi að draga úr orkunotkun.
- kóp
Umhverfisáhugi í kreppunni:
Umhverfið æ
mikilvægara
Spái saman í fjármögnun
Gunnar I. Birgisson, bæjarfulltrúi
í Kópavogi, lagði fram fyrirspurn í
bæjarráði um það hvernig fjármagna
eigi reiðskemmu sem ráðið sam-
þykkti að byggja á Kjóavöllum. Guð-
ríður Arnardóttir, formaður bæjarráðs,
svaraði að þau ættu að finna sam-
eiginlega út úr því þar sem samningur
um málið hafi verið gerður þegar
Gunnar var í meirihluta í bæjarstjórn.
KÓPAVOGUR
Stálþil boðið út
Auglýst hefur verið útboð á rekstri og
frágangi stálþils við Hólmavík. Um er
að ræða 123 metra langt stálþil utan
um núverandi bryggjuhaus. Tilboð
verða opnuð 28. júlí en verkinu skal
lokið eigi síðar en 1. mars 2012.
HÓLMAVÍK
VIÐSKIPTI Heimsmarkaðsverð á
gulli heldur áfram að hækka.
Verðið fór í 1.600 dollara á úns-
una í framvirkum viðskiptum í
gærmorgun og hefur aldrei verið
hærra.
Það eru skuldakreppan í Evrópu
og deilur um skuldaþak hins opin-
bera í Bandaríkjunum sem valda
þessum hækkunum á gulli. Gull
hefur löngum þótt örugg höfn
fyrir fjárfesta þegar gefur á bát-
inn á fjármálamörkuðum heims-
ins. Búist er við því að verð á gulli
haldi áfram að hækka.
Fjárfestar kaupa gull:
Verð á gulli
hækkar enn
SAMGÖNGUMÁL Fimm þúsundum
fleiri gengu um Laugaveg við
Skólavörðustíg 12. júlí en um
mánuði fyrr. Þetta kemur fram í
talningum á vegum Reykjavíkur-
borgar.
Í byrjun júní voru vegfarendur
um níu þúsund dag hvern. Talið
var á ný 12. júlí en þá gengu tæp-
lega fjórtán þúsund manns um
Laugaveginn við Skólavörðustíg.
Mælingar staðfesta einnig að
fleiri stíga inn í flestar verslanir
við göngugötuna en áður. Fundað
var með fulltrúum kaupmanna
í síðustu viku og ríkti almenn
ánægja með tilraunina meðal
þeirra. - þeb
Mælingar á göngugötu:
Fleiri ganga um
Laugaveginn
LEIKIÐ Á LAUGAVEGI Verslunareigendur
á Laugavegi eru ánægðir með göngu-
götuna. FRÉTTABLAÐIÐ/VILHELM