Fréttablaðið - 19.07.2011, Page 34

19. júlí 2011 ÞRIÐJUDAGUR26
sport@frettabladid.is
LANDSLIÐSKONURNAR Þórey Rut Stefánsdóttir og Rut Jónsdóttir munu spila saman með Team Tvis Holstebro í dönsku
úrvalsdeildinni í handbolta næsta vetur en Þórey lék með þýska liðinu VFL Oldenburg síðasta vetur. „Við höfum fylgst með Þóreyju
en hingað til hentaði það ekki vegna menntunar hennar. Nú gengur þetta vel upp, við höfum opið pláss á hægri vængnum og
svo skrifaði kærastinn hennar [Einar Ingi Hrafnsson] undir hjá Mors Thy,“ sagði Niels Agasen þjálfari Tvis Holstebro.
Pepsi-deild karla
Þór-Keflavík 2-1
0-1 Hilmar Geir Eiðsson (12.), 1-1 Ármann Pétur
Ævarsson (26.), 2-1 Jóhann Hannesson (87.).
Tölfræðin verður birt í blaðinu á morgun.
STAÐAN Í DEILDINNI
KR 10 7 3 0 21-7 24
Valur 11 7 2 2 16-6 23
ÍBV 10 6 1 3 14-9 19
Stjarnan 11 5 3 3 20-17 18
FH 11 4 4 3 23-16 16
Breiðablik 11 4 3 4 20-20 15
Fylkir 11 4 3 4 16-20 15
Keflavík 11 4 2 5 14-15 14
Grindavík 11 3 2 6 14-22 11
Þór 11 3 2 6 11-22 11
Víkingur R. 11 1 4 6 8-15 7
Fram 11 1 3 7 7-15 6
Pepsi-deild kvenna
Þróttur-Breiðablik 0-1
0-1 Greta Mjöll Samúelsdóttir (51.)
STAÐAN Í DEILDINNI
Stjarnan 9 8 0 1 25-6 24
Valur 9 7 1 1 23-8 22
ÍBV 10 6 2 2 18-5 20
Þór/KA 10 6 1 3 20-21 19
Fylkir 9 5 1 3 14-12 16
Breiðablik 10 4 1 5 16-18 13
KR 9 1 4 4 7-11 7
Þróttur R. 10 1 3 6 11-21 6
Afturelding 9 1 2 6 7-23 5
Grindavík 9 0 1 8 8-24 1
Leikir í kvöld: Grindavík-Valur, KR-Afturelding
og Fylkir-Stjarnan (hefjast allir klukkan 19.15)
ÚRSLIT Í GÆR
FÓTBOLTI Landsliðskonan Harpa
Þorsteinsdóttir er búin að klæða
sig í takkaskóna að nýju eftir
að hafa eignast Steinar Karl
fyrir aðeins þremur mánuðum.
Harpa ákvað að snúa aftur heim
í Stjörnuna en hún hefur verið í
Breiðabliki síðustu þrjú sumur.
„Ég er að reyna að koma mér í
gang. Það gekk allt mjög vel hjá
mér, meðgangan gekk ótrúlega
vel og fæðingin ótrúlega vel líka.
Maður finnur það mikið sjálfur
hvað maður treystir sér í,“ segir
Harpa. „Ég á góða fjölskyldu
að sem er tilbúin að vera á
hliðarlínunni hjá mér,“ segir
Harpa og fótboltinn freistar. „Ég
get ekki verið frá fótboltanum því
þetta er bara fíkn,“ segir Harpa.
Sambýlismaður Hörpu er
Jóhannes Karl Sigsteinsson,
fyrrum þjálfari Blikastúlkna, sem
var látinn fara frá Breiðabliki
á dögunum. w„Það hafði áhrif
en var ekki úrslitavaldur,“
segir Harpa sem valdi á milli
Breiðabliks og Stjörnunnar. „Það
er gott að vera komin aftur heim.
Þegar Láki hafði samband þá
fannst mér það strax freistandi og
ef hann heldur að ég geti hjálpað
til í toppbaráttunni þá er það mjög
spennandi,“ segir Harpa en hún
lék 84 leiki með Stjörnunni frá
2002 til 2007. - óój
Harpa aftur heim í Stjörnuna:
Fótboltinn er
bara fíkn
ÞRIGGJA MÁNAÐA „Hann er voða vær
og góður og það hjálpar líka,“ segir
Harpa Þorsteinsdóttir um Steinar Karl
son sinn. FRÉTTABLAÐIÐ/STEFÁN
FÓTBOLTI Bakvörðurinn Emil
Þór Jóhannsson gekk í gær frá
tveggja ára samningi við KR.
Emil hefur verið lykilmaður í liði
Snæfells undanfarin tvö tímabil.
Hrafn Kristjánsson, þjálfari
KR, er ánægður með viðbótina.
Hann segir að Emil geti fyllt
í skarð Pavels Ermolinskij í
varnarleiknum og geti enn bætt
sig mikið sóknarlega.
„Það er mjög gott að fá
Emil inn. Þetta verður svolítið
púsluspil hjá okkur. Við misstum
að mínu mati þrjá bestu bakverði
deildarinnar í fyrra. Þeirra
hæfileikar og eiginleikar skópu
okkar leikstíl. Það má búast við
því að KR verði að finna sinn stíl
fram eftir tímabili,“ segir Hrafn.
KR gekk nýlega frá samningi
við Bandaríkjamanninn
DeWayne Reed og Hrafn segir
að félagið muni bæta við sig
Bandaríkjamanni. - ktd
Hrafn Kristjánsson þjálfari KR:
KR leitar að
nýjum leikstíl
VELKOMINN Í KR Hrafn og Emil við
undirritunina í gær. FRÉTTABLAÐIÐ/HAG
FÓTBOLTI Eiður Smári Guðjohnsen
fékk sannkallaðar stórstjörnu-
móttökur á flugvellinum í Aþenu
í gær þegar hann kom til Grikk-
lands. Hann mun að öllum lík-
indum skrifa undir samning við
AEK í dag. Um tvö þúsund manns
tóku á móti honum á flugvellinum
þar sem fólkið söng sigursöngva,
hyllti nýju hetjuna sína og kallaði:
„Guðjohnsen, Guðjohnsen.“
Arnar Grétarsson, yfirmaður
knattspyrnumála hjá AEK
Aþenu, flaug með Eiði Smára og
föður hans, Arnóri Guðjohnsen,
til Grikklands í gær. „Við vorum
bara að koma hingað suður eftir
og markmiðið er að hann fari í
læknisskoðun á morgun [í dag] og
ef allt gengur að óskum, sem ég á
von á, þá á hann að skrifa undir
eftir hádegi á morgun,“ sagði
Arnar Grétarsson þegar Frétta-
blaðið náði í hann í gærkvöldi.
„Auðvitað eru þetta formsatriði
en það þarf að klára þau. Maður
hefur séð alls konar hluti koma
upp en ég er ekki að búast við
einu eða neinu. Ég vil ekki segja
neitt fyrr en málin eru afgreidd
og það er búið að skrifa undir,“
segir Arnar. „Ég á samt von á því
að við göngum frá þessu um þrjú-
leytið á okkar tíma eða um hádeg-
isbilið á Íslandi,“ sagði Arnar
sem átti alveg eins von á því að
það yrði tekið á móti Eiði eins og
þjóðhöfðingja.
„Það er mjög mikill áhugi á
komu Eiðs. Þetta eru alveg spes
móttökur sem hann er búinn að fá
enda átti ég líka von á því. Dreng-
urinn er með mjög flottan feril
og er frábær leikmaður. Þetta er
því ekkert skrítið,“ segir Arnar
en hann sá ekki á Eiði Smára að
honum hefði brugðið eitthvað við
móttökurnar.
„Ég sat með Eiði í bílnum.
Hann hefur örugglega einhvern
tímann lent í einhverju álíka en
kannski ekki alveg svona. Það er
rosalegur áhugi á fótbolta hérna
og Grikkirnir eru hálfklikkað-
ir með þetta. Alltaf þegar koma
einhver nöfn þá verður allt hálf-
brjálað,“ sagði Arnar.
- óój
Arnar Grétarsson býst við að Eiður Smári Guðjohnsen skrifi undir samning við AEK í hádeginu:
Fékk stórstjörnumóttökur á flugvellinum í Aþenu
TÍUNDA FÉLAGIÐ AEK verður tíunda
atvinnumannfélagið sem Eiður Smári
spilar fyrir. FRÉTTABLAÐIÐ/E.STEFÁN
FÓTBOLTI Það sást langar leiðir að
það var mikið undir á Víkings-
velli í gær. Sendingar beggja liða
rötuðu sjaldan á samherja og lítið
um fallegt spil. Fallsætisliðin virt-
ust bæði hafa farið með baráttuna
eina að vopni í leikinn og þurfti
dómari leiksins, Vilhjálmur Alvar
Þórarinsson, að notast við flautu
sína oftar en góðu hófi gegnir.
Eftir nokkuð tíðindalítinn fyrri
hálfleik komust Framarar yfir og
var markið af klaufalegri gerð-
inni. Magnús Þormar, markvörð-
ur Víkinga, misreiknaði sendingu
Arnar Gunnlaugssonar inn fyrir
vörnina. Boltinn sveif yfir höfuð
hans þar sem Steven Lennon var
hársbreidd á undan varnarmanni
Víkings í boltann. Fyrsta mark
leiksins og draumabyrjun fyrir
Skotann í hans fyrsta leik með
Fram.
„Þetta var fyrsti leikurinn minn
síðan í apríl og gott að komast á
blað. Varnarmaðurinn ýtti við mér
og ég var næstum því búinn að
klúðra færinu. En frábært að sjá
boltann í netinu,“ sagði Lennon að
leik loknum.
Seinni hálfleikurinn hafði upp
á svipað skemmtanagildi að bjóða
og sá fyrri. Víkingar reyndu að
pressa Framara en gekk lítið að
skapa sér færi. Mikið um hálf-
færi en dauðafæri af skornum
skammti. Framarar héldu haus og
nældu í stigin mikilvægu.
Menn fóru óhræddir með haus-
inn á undan í einvígi um boltann á
Víkingsvelli í gær. Þrívegis í síð-
ari hálfleiknum þurfti að stöðva
leikinn vegna þess að höfuð skullu
saman.
„Menn eru tilbúnir að drepa
fyrir þetta. Að fá fyrstu þrjú stig-
in. Menn fórnuðu sér allir fyrir
einn í þessum leik. Undir lokin var
svolítil pressa á okkur en menn
voru tilbúnir að henda sér fyrir
þetta. Það sýnir karakterinn hjá
okkur. Við gefum ekkert eftir,“
sagði Halldór Hermann Jónsson
sem var einn þeirra sem fengu
vænt höfuðhögg í leiknum.
Kristinn Jóhannes Magnússon,
miðjumaður Víkinga, fannst hans
lið eiga meira skilið út úr leiknum.
„Þetta var þannig leikur að
þetta var bara barátta. Þetta átti
ekkert að vera fallegasti fótbolti í
heimi,“ sagði Kristinn.
Framarar eru komnir einu stigi
á eftir Víkingum í botnsæti deild-
arinnar.
„Þetta verður blóðugur bar-
dagi það sem eftir er móts,“ sagði
Kristinn og bætti við: „Þetta
virkaði kannski þunglamalegt.
Við vorum aðeins á eftir í boltann
Hetja strax í fyrsta leik
Skotinn Steven Lennon tryggði Fram fyrsta deildarsigur sumarsins í sínum
fyrsta leik í Frambúningnum þegar Fram vann 1-0 sigur í Víkinni í gærkvöldi.
Fram var án sigurs í fyrstu tíu leikjum sínum og sigurinn var því langþráður.
MIKILVÆGT SIGURMARK Besti maður vallarins, Halldór Hermann Jónsson, fagnar hér
Skotanum Steven Lennon eftir að hann skoraði sigurmarkið. FRÉTTABLAÐIÐ/STEFÁN
FÓTBOLTI Jóhann Helgi Hannesson
tryggði Þór mikilvægan 2-1 sigur
á Keflavík á Þórsvellinum í gær-
kvöldi. Jóhann Helgi skoraði sigur-
markið á 87. mínútu eftir frábæra
stoðsendingu frá Atla Sigurjóns-
syni. Hilmar Geir Eiðsson kom
Keflavík í 1-0 strax á tólftu mínútu
leiksins en Ármann Pétur Ævars-
son jafnaði metin fjórtán mínútum
síðar.
„Ég var alls ekkert orðinn
smeykur þótt þeir hafi verið yfir í
baráttunni seinni part leiksins. Við
höfum alltaf trú á að við gætum
unnið þetta og héldum áfram að
berjast og þá yfirleitt kemur sigur
hérna heima,“ sagði Jóhann Helgi,
hetja Þórsliðsins, og bætti við:
„Maður verður að halda áfram
að berjast og það var akkúrat það
sem skilaði okkur sigurmarkinu í
dag,“ sagði Jóhann. - jsj
Jóhann Helgi hetja Þórsara:
Baráttan skilaði
sigurmarkinu
MIKILVÆGUR SIGUR Þórsarar ætla ekki
að gefa neitt eftir. FRÉTTABLAÐIÐ/ANTON
VÍKINGUR 0-1 FRAM
0-1 Steven Lennon (43.)
Víkingsvöllur, áhorf.:1544
Dómari: Vilhjálmur Alvar Þórarinsson (6)
TÖLFRÆÐIN
Skot (á mark) 6–13 (1–4)
Varin skot Magnús 3 – Ögmundur 1
Horn 6–7
Aukaspyrnur fengnar 13–24
Rangstöður 1–2
Vikingur 4–3–3 Magnús Þormar 3 - Þorvaldur Sveinn
Sveinsson 4, Gunnar Einarsson 6, Mark Rutgers 5,
Sigurður Egill Lárusson 6 - Halldór Smári Sigurðsson 5
(74., Denis Abdulahi -), Kristinn Magnússon 4, Marteinn
Briem 5 - Kjartan Dige Baldursson 3, Viktor Jónsson 4,
Magnús Páll Gunnarsson 3 (74., Helgi Sigurðsson -)
Fram 4–3–3 Ögmundur Kristinsson 6 - Almarr
Ormarsson 5, Hlynur Atli Magnússon 4, Kristján
Hauksson 5, Allan Lowing 5 - *Halldór Hermann
Jónsson 7, (77., Hólmbert Aron Friðjónsson -), Jón
Gunnar Eysteinsson 5, Arnar Gunnlaugsson 6 (61., Orri
Gunnarsson 5) - Kristinn Ingi Halldórsson 5, Tómas
Leifsson - (17., Andri Júlíusson 6), Steven Lennon 6
í fyrri hálfleik. Vorum að tapa
seinni bolta. En við vorum skárri
og grimmari í seinni hálfleik.
Svekkjandi að fá þetta mark á sig
en mér fannst við reyna að pressa
þá á fullu og finna jöfnunarmarkið
en það kom ekki,“ sagði Kristinn
að lokum. kolbeinntd@365.is