Fréttablaðið - 09.08.2011, Blaðsíða 34
9. ágúst 2011 ÞRIÐJUDAGUR22
sport@frettabladid.is
FIMM LEIKMENN hafa dregið sig út úr íslenska landsliðs-
hópnum fyrir leikinn á móti Ungverjalandi á morgun. Gylfi Þór
Sigurðsson, Sölvi Geir Ottesen, Kolbeinn Sigþórsson, Guðmundur
Reynir Gunnarsson og Hannes Þór Halldórsson eru allir meiddir.
FÓTBOLTI Grétar Rafn Steinsson,
fastamaður í enska úrvalsdeildar-
liðinu Bolton og lykilmaður
íslenska landsliðsins undanfarin
ár, hefur ekkert spilað með lands-
liðinu á þessu ári. Enn fremur
var tilkynnt á dögunum að hann
myndi heldur ekkert spila með
liðinu meira á þessu ári vegna
persónulegra vandamála.
Ísland mætir Ungverjalandi
í æfingaleik ytra á morgun en
Grétar Rafn spilaði síðast með
íslenska landsliðinu gegn Portú-
gal í undankeppni EM 2012. Sá
leikur fór fram í október í fyrra.
Grétar Rafn segir í samtali við
Fréttablaðið að þetta sé gert með
sorg í hjarta en sé því miður nauð-
synlegt.
„Undanfarið ár hef ég verið í
baráttu utan fótboltavallarins og
því miður hef ég af þeim sökum
ekki getað gefið hundrað prósent
af mér til landsliðsins. Ég varð að
vera hreinskilinn og viðurkenna
það gagnvart sjálfum mér, þjálf-
aranum og ekki síst liðinu sjálfu,“
segir Grétar Rafn sem kaus að
greina ekki frekar frá hvers eðlis
sín vandamál væru.
„Ég er knattspyrnumaður –
lífið er ekki alltaf dans á rósum.
Það þarf stundum að sjá til þess
að allt utan fótboltavallarins sé
í lagi til að ég geti stundað mína
vinnu af fullum krafti. Það er
mikið álag sem fylgir mínu starfi
og í augnablikinu treysti ég mér
ekki til að gefa landsliðinu allt
mitt. Ég verð að gera það í minni
vinnu en ég get ekki mætt í lands-
leiki með hálfum huga. Frekar
sleppi ég því.“
Hann segir að það sé meira sem
komi til, til að mynda barátta við
hnémeiðsli sem hann hafi verið að
glíma við undanfarin tvö ár. „En
fyrst og fremst snýst þetta um að
ég er að spila í mjög erfiðri deild
og ég þarf að vera 100 prósent til
að standa mig,“ segir hann.
Hann segist vera stoltur af því
að fá að klæðast íslenska lands-
liðsbúningnum. Ákvörðun hans
tengist ekki landsliðinu, þó svo
að árangur þess hafi látið á sér
standa undanfarin ár. „Ég hef
ekkert á móti landsliðsþjálfaran-
um eða neinu slíku. Ég hef áður
sagt að ég vilji meiri árangur og
að það sé hægt að gera betur. En
það er ekki ástæðan fyrir því að
ég gef ekki kost á mér nú,“ segir
Grétar. Hann ætlar þó að gefa
aftur kost á sér í landsliðið eftir
áramót.
„Það eru spennandi tímar fram
undan í landsliðinu og ég vil taka
þátt í því. En í augnablikinu þarf
ég einfaldlega að einbeta mér að
því að klára þau atriði sem ég þarf
að klára áður en lengra er haldið.
Það er gert með mikilli sorg í
hjarta en þegar ég er búinn að því,
þá kem ég til baka.“
eirikur@frettabladid.is
Mæti ekki með hálfum huga
Grétar Rafn Steinsson segir í viðtali í Fréttablaðið að hann geti ekki tekið þátt
í næstu leikjum íslenska landsliðsins vegna vandamála hans utan vallar. Það sé
gert „með sorg í hjarta“ en hann muni gefa aftur kost á sér í liðið eftir áramót.
GENGUR AF VELLI Grétar Rafn Steinsson lék síðast með Íslandi gegn Portúgal í október á síðasta ári. Hér gengur hann af velli eftir
3-1 tap Íslands. FRÉTTABLAÐIÐ/ANTON
Landsleikir sem Grétar
Rafn hefur misst af
Grétar Rafn lék sinn fyrsta landsleik
árið 2002 (og skoraði) en landsleikur
númer tvö kom ekki fyrr en þremur
árum síðar. Hann hefur verið fasta-
maður í liðinu undanfarin sex ár.
Landsleikir sem Grétar Rafn hefur
misst af undanfarin ár:
2005 - lék með Young Boys - 0 leikir
2006 - AZ Alkmaar - 0 leikir
2007 - AZ Alkmaar - 1 leikur*
2008 - Bolton - 7 leikir
2009 - Bolton - 2 leikir
2010 - Bolton - 6 leikir
2011 - Bolton - 2 (+4) leikir
* Grétar Rafn var búinn að leika 23
landsleiki í röð þegar hann missti
af leik gegn Liechtenstein í október
2007.
FRJÁLSAR ÍÞRÓTTIR Helga Margrét
Þorsteinsdóttir er ekki enn komin
af stað eftir meiðslin sem hún varð
fyrir á EM unglinga á dögunum.
Hún er búin að afskrifa það að ná
lágmörkum fyrir HM í Kóreu og
leggur nú áherslu á að losna alveg
við meiðslin sem hafa hrjáð hana.
„Ég býst við því að ég keppi ekk-
ert meira í sumar. Maður tekur
þá pásuna aðeins fyrr og byrjar
bara undirbúningstímabilið aftur.
Maður verður bara að taka þessu,“
segir Helga Margrét og bætir við:
„Þetta er svolítið sem ég hef glímt
við lengi. Ég get hlaupið upp að 80
prósentum en um leið og maður
ætlar að fara að taka eitthvað
meira á en það þá segir allt bara
stopp,“ lýsir Helga Margrét en hún
varð að hætta keppni á EM 22 ára
á dögunum.
„Ég er ekki verri núna en ég var
fyrir þrautina á Evrópumeistara-
mótinu. Ég get æft og ég get keppt
upp að vissu marki. Ég hef engan
áhuga á því að halda þannig áfram
og ég ætla bara að laga þetta
í eitt skipti fyrir öll. Ég
þarf að vera mjög dug-
leg í öllum þessum end-
urhæfingaræfingum og í
því að styrkja vöðvana í
kring. Ég vona að ég geti
byrjað hægt og rólega
og reynt að fara svo allt-
af hraðar og hrað-
ar,“ segir Helga
en hún segir
ómögulegt
að setja ein-
hver tíma-
mörk á það
hvenær hún
verður orðin
hundrað pró-
sent. „Það
jákvæðasta
sem ég sé við
þetta er að ég
geti farið í réttirnar í sveitinni í
staðinn fyrir að vera í Kóreu þó
að það sé ekki óskastaða. Ég var
alveg búin að búa mig undir
það að missa af réttunum
þetta árið og fannst það bara
fínt svo lengi sem ég væri í
Kóreu,“ segir Helga.
„Það kemur HM eftir þetta
HM og það tekur mörg ár að
byggja upp. Þó að það gangi
ekki upp á næsta ári eða
þarnæsta ári þá gildir
bara að halda ótrauð
áfram og láta engan
bilbug á sér finna.“
- óój
Helga Margrét Þorsteinsdóttir keppir líklega ekki meira í ár og missir af HM í Kóreu:
Fer bara í réttirnar í staðinn
HELGA MARGRÉT
ÞORSTEINSDÓTTIR
Reynir að horfa
jákvætt á hlutina.
VINNINGAR AFHENTIR Í ELKO LINDUM. 149 KR/SKEYTIÐ.
MEÐ ÞVÍ AÐ TAKA ÞÁTT ERTU KOMINN Í SMS KLÚBB.
WWW.SENA.IS/STRUMPARNIR
FULLT AF VINNINGUM:
BÍÓMIÐAR
TÖLVULEIKIR - DVD MYNDIR - GOS OG FLEIRA!
9. HVER
VINNUR!
FJÖLDI
AUKAVINNINGA
KRINGLUNNI OG KEFLAVÍK
SENDU SMS SKEYTIÐ
ESL STR
Á NÚMERIÐ
1900
OG ÞÚ GÆTIR UNNIÐ!
VILTU
VINNA
MIÐA?
Í þrívídd og tvívídd, með íslensku og ensku tali
FRUMSÝND Á MORGUN