Fréttablaðið - 11.08.2011, Side 27

FIMMTUDAGUR 11. ágúst 2011 3
Söngkonan Faith Hill keypti
sér nýlega silkikimono úr línu
Nicole Richie, Winter Kate.
Hill á að hafa pungað út um
500 dollurum fyrir flíkina í
versluninni Sofia Boutique í
Chicago.
www.news.style.com
Fyrir brúðkaupið
Fleiri myndir á
Facebook, vertu vinur
Ótrúlegt
úrval
af fallegum
kjólum
St. 36-48
ÚTSALAKímonóar japanskra geisja eru talsvert frábrugðnir venjulegum kímonóum.
Kímonóar japanskra geisja eru
flóknar flíkur sem eiga sér langa
sögu. Ekta kímonó geisju þarf að
uppfylla ákveðna staðla, sem frá-
brugðnir eru stöðlum venjulegs
kímonó.
Geisjukímonóinn er flókinn
og gerður úr nokkrum hlutum.
Jafnvel einfaldasta gerð hans er
með undir-kímonó, litríkan yfir-
kímonó og flókið belti sem kallað
er obi. Flestar geisjur eiga sér-
stakan kímonó fyrir hverja árs-
tíð, þar sem litir og mynstur
hæfir tímanum. Þrátt fyrir
að kímonóar séu talsvert
dýrir, þeir geta jafnvel kostað
nokkur þúsund dollara hver,
þurfa geisjur oft að eiga þá
nokkra. Í gegnum tíðina
hafa kímonóar geisja því
verið gjöf velgjörðar-
manna þeirra, en geisja
sem vann á geisjuhúsi
gat fengið styrk til fata-
kaupa.
Eitt af einkennum
geisjukímonóa er að
hann er opinn í bakið og sýnir efri
hluta þess og hálsinn. Geisjur eru
dansarar, tónlistar- og listamenn
en auk þess þekktar fyrir daðurs-
lega hegðun. Þar sem hálsinn er
talinn nautnafullur hluti líkam-
ans í Japan
tók geisj-
an nokkra
áhættu með
því að sýna
hann.
- mmf
Japanskar geisjur
klæðast kímonó
Geisjur hafa þurft að eiga
nokkra kímónóa, sem geta
þó kostað sitt.
NORDICPHOTOS/GETTY
Fátt minnir meira á japanska
menningu en fáguð kona klædd
silkikímonó. Hér skal farið yfir
merkingu og sögu kímonósins sem
er ein heitasta tískuvaran í dag.
Undanfarin tólf hundruð ár
hafa Japanar klæðst þessum
þjóðbúningi sínum en það hefur
verið á undanhaldi á þessari öld.
„Í nútímasamfélagi Japans eru
enn til eldri konur sem hafa ekki
klæðst öðru en kímonó allt sitt
líf. Nú klæðast flestir hins vegar
vestrænum fatnaði og einung-
is kímonóum við sérstök tilefni,“
segir Ariko Inaoka, japanskur ljós-
myndari. Hún klæðist oft kímonó
af ömmu sinni en kímonóar geta
verið mjög dýrir og erfast þeir
því milli kynslóða. „Það er fátítt
að fólk klæðist kímonóum í fyrr-
um höfuðborg Japans, Kyoto, og
fá allir sem klæðast búningnum
tíu prósent afslátt á veitingastöð-
um og í leigubílum,“ segir Ariko
Inaoka.
Til eru margar tegundir af
kímonóum og gefur litur, snið og
hönnun þeirra til kynna aldur,
kyn, líf, dauða, árstíð, tilefni og
virðingu. Karlmenn klæðast yfir-
leitt kímonóum sem eru dökkir
að lit og lítið skreyttir. Ólíkt þeim
eru konur í litskrúðugum kímonó-
um skreyttum áberandi munstri.
Ungar konur klæðast skærum
litum en mildir litir eru merki um
þroska. Í lifanda lífi eru kímonó-
arnir bundnir á þann veg að vinstri
framstykki fer yfir það hægra. Við
jarðsetningu er það öfugt.
Japanar telja hnakkann til kyn-
þokkafullra hluta líkamans. Lengd-
in á kraga kímonósins að hnakka
er þannig merki um þroska. Vídd
og sídd ermanna á hefðbundnum
kímonóum segir til um þjóðfélags-
legar skyldur. Fullorðinn maður,
sem hefur mestum skyldum að
gegna, er í þrengstu ermunum en
ermar hjá ókvæntri konu geta náð
niður að ökkla, kallast sú tegund
kímonóa furisode.
Það getur verið tímafrekt að
klæða sig í kímonó og getur klæðn-
aður ókvæntra kvenna innihaldið
35 mismunandi hluti. Hefðbundnir
kímonóar eru bundnir með mittis-
linda úr handofnu silki sem kallast
„obi“. Lindinn er vafinn nokkrum
sinnum um líkamann og bundinn
að aftanverðu en áður fyrr bundu
gleðikonur hann að framanverðu,
svo þær gætu afklæðst fljótt.
Margar íslenskar konur klæð-
ast þessum japanska búningi en
Urður, söngkona GusGus, klædd-
ist brúðarkímonó á forsíðu nýjasta
tölublaðs Nýs lífs og Björk var í-
kímonó frá Alexander McQueen
framan á plötuumslagi Homo -
genic. hallfridur@frettabladid.is
Vitni um virðingu og stétt
Japanskir kímonóar hafa notið mikilla vinsælda undanfarið í tískuheiminum. Allar helstu tískudrósirnar
klæðast nú kímonóum og margir fatahönnuðir hafa sótt innblástur sinn til þessa sögulega klæðnaðar.
Ungar stúlkur klæðast skreyttum kímonóum í skærum litum.Kímonóar fást í Spúútnik í Kringlunni og Nostalgiu á Laugavegi.
FR
ÉT
TA
BL
A
Ð
IÐ
/V
A
LL
I