Morgunn - 01.06.1968, Page 27

ALvar R. Kvaran:
Úr myrkri í ljós
☆
Á síðasta ári heimsstyrjaldarinnar fyrri geisaði mikill in-
flúenzu-faraldur í Bandaríkjunum og lagði að velli meira en
hálfa milljón manna. 1 herbúðunum Camp Grant hnigu á
hverjum morgni niður fleiri og færri þeirra, sem kallaðir
voru til herþjónustu, og á hverri nóttu létust einhverjir í
sjúkrahúsinu. — Menn voru skelfingu lostnir þarna í her-
búðunum.
Þá var það, að ungur liðsforingi vaknaði einn morgun af
værum svefni við það, að hann þóttist sjá greinilega liggja
fyrir framan sig skrá yfir nöfn þeirra manna, sem látizt
hefðu úr inflúenzu þá um nóttina í sjúkrahúsi hersins. Hann
taldi þetta draumóra eina, en honum brá í brún, þegar hann
bar þessi nöfn saman við hina raunverulegu dánarskýrslu
sjúkrahússins, því að þá stóðu þar sömu nöfnin og meira að
segja í sömu röð og hann hafði séð þau fyrr um morguninn.
Þetta endurtók sig dag eftir dag og jafnan stóð það heima.
Þessum unga manni var svo gjörsamlega ókunnugt um, að
hægt væri að öðlast slíka vitneskju án skynfæranna, að hann
hafði ekki einu sinni heyrt talað um forspár eða dulskyggni.
En hvað um það. Hann fékk brátt að reyna, að sjálfur bjó
hann yfir svo óvenjulegum hæfileikum í þessa átt, að það
olli algjörum breytingum í lífi hans, sem tók allt aðra stefnu
en hann hafði órað fyrir, því hann átti eftir að verða frægur
miðill og fyrirlesari um yfirskilvitleg fyrirbrigði og ferðast
víða um heim af þeim sökum.
Árið 1919 tók hann að leggja stund á sálfræðinám, og
síðar varð hann þjónandi prestur, og að lokum fyrirlesari,
eins og áður segir.