Musica - 01.07.1948, Blaðsíða 9

— Hvenær byrjaðir þú að læra á hljóðfæri?
— Eg helcl að það séu um 35 ár síðan ég byrjaði
að leika á alt-ihorn, en þegar fyrsti trompetistinn í
lúðrasveitinni gafst upp, byrjaði ég við trompetinn
og hefi haldið á'fram við hann síðan.
— Þú hefur verið í mörgum lúðrasveitum?
— Já, það er óhætt að segja, fyrst var ég í lúðrasveit,
er Góðtemplarar hér höfðu og var kölluð Svanur, en
seinna keyptum við allan útbúnaðinn af reglunni og
stofnuðum lúðrasveit upp úr því og nefndum hana
Gígju, en hún rann seinna inn í Lúðrasveit Rey\ja-
vihur. Fyrir sameininguna réðum við til okkar erlend-
an kennara, en er lúðrasveitirnar runnu saman hóf-
um við byggingu Hljóms\álans“.
— Hvers vegna höfðuð þið þetta lag á húsinu?
— Jú, okkur vantaði hús og lóð, og snerum okkur
til bæjarins, sem útlhlutaði okkur lóð þarna og ákvað
byggingarlagið. En þarna er eins og kunnugt er mjög
vont að byggja, og urðum við t. d. að fylla með grjóti
ca. tvo metra niður til þess að húsið gæti staðið, og
er byggingunni lauk um 1923 hafði hún kostað hvorki
rneira né minna en um 27.000.00 kr., sem var óhemju-
fjárhæð í þá daga.
— Samt hefur hann komið að góðum notum?
MUSICA 9