Musica - 01.07.1948, Side 13

1
Ljósm.: Oddur Þorleifsson og Óskar Gíslason.
Nemendahljómleikar Tónlistarskólans
eru nú orðnir ifastir liðir í tónlistarlífi liöfuðstaðarins.
Þangað Ifara allir, er tónlist unna til að kynnast lista-
mönnum framtíðarinnar.
I Iþeim marglita kóp, er þar kemur fram, eru efa-
laust margir, er munu komast langt á ihinni þyrnum-
stráðu braut tónanna og hver veit ihvort ekki er þarna
á meðal einhver snillingur, sem bera mun höfuð og
herðar yfir samtíð sfna.
Hér mun ekki reynt að gagnrýna hina mörgu ungu
listamenn, er þarna komu fram, en aðeins látin í ljósi
undrun yfir, að ekki skuli fleiri sækja þessa tónleika.
Þeir, sem ekki sækja þá, fara mikils á mis, því að
yfir þeim hvílir sérstakur blær. Þarna koma fram litlar
stúlkur og drengir, sem rétt ráða við það, er þau
fara með, og svo ihinsvegar alvörugefin ungmenni, er
leika með tilþrifum sem meistarar væru.
Það er áreiðanlegt, að.þeir, er ætla sér að fylgjast
með tónlistarlffinu í nútíð og framtíð verða að kynna
sér hvað æskan getur, sú æska, er taka á við og við
getum vænst mikils af.
MUSICA 13