Musica - 01.07.1948, Side 11
Tónlistarskólinn
í Reykjavík
Stofnun Tónlistarskólans í Reykjavík má óhikað
telja merkasta viðburðinn í tónlistarsögu land'sins.
Skólinn var settur í fyrsta sinn 1. október 1930 og
stunduðu þann vetur nám milli 30 og 40 nemendur,
en nú stunda á annað hundrað nemenda nám við
skólann.
Ekki aðeins æska höfuðstaðarins nottfærði sér þá
möguleika, er skólinn hafði upp á að bjóða, heldur
streymdi fólk úr sveitum land'sins, flest ungt fólk, er
hafði þráð að kynnast tónlistinni og nú sá drauma
sína rætast með stofnun skólans.
Starf það, er skólinn hefur af hendi leyst í þau
átján ár, er hann hefur starfað, verður aldreir metið
til fjár. Er skólinn var stofnaður voru hér aðeins ör-
fáir tónlistarmenn innlendir, en nú getum við boðið
upp á ágæta sinfóníuhljómsveit auk svo margra ágætra
einleikara að of langt mál yrði að telja þá alla upp.
Þessar breytingar, er urðu við stofnun skólans eru
svo gagngerar, að þær eru vafalaust einsdæmi, því
hjá flestum þjóðum he’fur tónlistin þróast í gegnum
aldirnar smátt óg smátt, og tónlistin, sem nú er leikin
meðal þeirra, er arfur frá fornri tónmenningu.
Hér á landi urðum við að skapa okkar eigin tón-
menningu og má segja að nemendur og kennarar
Tónlistarskólans hafa lagt drjúgan skerf til þess, er
unnizt hefur. Skólastjóri við skólann hefur verið frá
byrjun dr. Páll Isólfsson og hefur hann jafnframt
kennt orgelleik, tónlistarsögu og formfræði.
Þrátt fyrir það plássleysi, er hamlar fullri starfsemi
skólans, eru kennd 14 fög og eru nú við ihann um 20
fastir kennarar, er skiptast þannig:
Píanó: Arni Kristjánsson, dr. Victor von Urhant-
sóhitsch, Rögnvaldur Sigurjónsson, Lanzky-Otto,
Hólmfríður Sigurjónsdóttir, Róbert Abra'ham, Katrín
Dalhoff-Danheim og Arni Björnsson.
Fiðla: Björn Olafsson, Hans Stephanik og Katrin
Dalhoff-Danheim.
Celló: Dr. Heins Edelstein.
Dr. Páll ísólfsson, skóhstjóri.
Kontrabassi: Einar Waage.
Flauta: Árni Björnsson.
Obó: Andrés Kolbeinsson.
Klarinett: Egill Jónsson og Vilhjálmur Guðjónsson.
Waldhorn: Lanzky-Octo.
Trompet: Karl O. Runólfsson.
Kammermúsi\: Dr. Heins Edelstein.
Tónlistarsaga: Róbert Abralham, Guðmundur Matt-
híasson og Dr. Páll Isólfsson.
Hljómfrceði: Jón Þórarinsson, Karl O. Runólfsson,
Dr. Urbantschitsoh, Dr. Edelstein og Egill Jónsson.
Formfrceði: Dr. Urbantsdhitsdh og Dr. Páll Isólfs-
son.
Blo\\flauta: Dr. Edelstein.
Fors\óli: Dr. Edelstein.
Eins og sjá má á þessum kennaralista eru þetta allt
úrvalskennarar hver á sínu sviði.
Skólinn hefur húsnæði í Þjóðleikhúsinu, en það er
mjög ófullkomið. Hefir því skólinn fesc kaup á
„Þrúðvangi“ við Laufásveg og mun það bæta nokk-
uð úr brýnustu þörfum skólans. Byggt mun verða
við húsið salur, er mun verða notaður til hljómsveit-
aræfinga og svo kennslu í tónlistarsögu og öðrum
skyldum fögum.
MUSICA 1 1