Morgunblaðið - 28.11.2008, Síða 4

4 FréttirINNLENT
MORGUNBLAÐIÐ FÖSTUDAGUR 28. NÓVEMBER 2008
Fé Orkuveitunnar 10%
 Ekki á að hækka verð eða segja upp fólki hjá Orkuveitunni  Eigið fé hennar
hefur lækkað úr 46% í 10% frá áramótum  Stendur með fólkinu í landinu
Eftir Gunnhildi Örnu Gunnarsdóttur
gag@mbl.is
EIGIÐ fé Orkuveitu Reykja-
víkur er rúmlega tíu prósent
umfram skuldir. „Það sígur
stöðugt á ógæfuhliðina,“ seg-
ir Hjörleifur Kvaran, for-
stjóri Orkuveitunnar. Hlut-
fall eigin fjár var 46% í
upphafi árs, hafði lækkað í
21% í níu mánaða uppgjör-
inu, og færist nú enn neðar.
„Ég sé að gengisvísitalan
er nú 243. Hún þarf að versna töluvert áður en
við förum á núllið.“ Hann segir engin ákvæði í
lánasamningum sem leyfi að þeim verði rift
þótt skuldir verði hærri en eigið fé. „Við stönd-
um vel að því leytinu til að við höfum gott
handbært fé og engin hætta á að við getum
ekki staðið í skilum. Við höfum miklar tekjur
og staðan þarf að vera mjög slæm, í það
minnsta allt næsta ár áður en kæmi að því að
við gætum ekki greitt afborganir og vexti af
þeim lánum sem við þurfum að borga af,“ segir
hann og bætir við.
Hækka ekki verð eða segja upp fólki
„Ef það verður, verður ekkert uppistandandi
í þessu þjóðfélagi.“ Hann segir erfitt að sitja og
fylgjast með genginu falla.
„En það er í sjálfu sér ekkert sem við getum
gert. Við erum eins og aðrir áhorfendur að því
sem er að gerast og getum ekki gripið til varna
til að lagfæra okkar stöðu,“ segir Hjörleifur.
Hjörleifur segir hvorki í kortunum að segja
upp starfsfólki né hækka verð. „Við höfum ekki
gert ráð fyrir því að hækka gjaldskrá, þó svo
að tilkostnaður okkar hækki. „Við verðum að
þreyja ástandið með fólkinu í landinu.“ Draga
verði úr framkvæmdum á Hellisheiði og vinnu
við fráveitu á Vesturlandi.
Svandís Svavarsdóttir, fulltrúi Vinstri
grænna í stjórn Orkuveitunnar, segir stjórn-
arfund í dag, þann seinni um fjárhagsáætl-
unina. „Þetta efnahagsástand setur verulegt
strik í reikninginn. Nú þarf að huga að kjarna-
starfsemi fyrirtækisins.“
Hjörleifur Kvaran
TILBOÐ hafa verið opnuð hjá
Ríkiskaupum í Broddanesskóla,
sem stendur við utanverðan Kolla-
fjörð á Ströndum. Hæsta tilboð
sem barst var frá Eysteini Ein-
arssyni að upphæð 2,1 milljón. Er
þetta langt undir matsverði, en
verðmat frá fasteignasölunni Fast-
eignamiðstöðin hljóðaði upp á 18
milljónir króna.
Broddanesskóli var tekinn í
notkun árið 1978 og starfaði til
2004. Hann er hannaður af dr.
Magga Jónssyni arkitekt. Húsið er
um 500 fermetrar að stærð, tæp-
lega 330 fermetra skólahúsnæði
og 173 fm. íbúð, samkvæmt
Landskrá fasteigna. Fasteignamat
er samtals rúmar 13 milljónir, en
brunabótamat 78,2 milljónir.
Sveitarstjórn Strandabyggðar
samþykkti samhljóða í sumar að
fela menntamálaráðuneytinu að
láta auglýsa skólann til sölu hjá
Ríkiskaupum, en Strandabyggð á
skólahúsið ásamt ríkinu.
Sveitarstjórnin samþykkti á
fundi í vikunni að gengið yrði til
viðræðna við hæstbjóðanda. Að
sögn Ásdísar Leifsdóttur sveit-
arstjóra, þótti tilboðið í lægri
kantinum. Á hitt væri að líta, að
dýrt væri að kynda mannlaust
húsið. Þá væri orðin þörf á við-
haldi og ljóst væri að sveit-
arsjóður væri ekki í stakk búinn
til að fara út í dýrar fram-
kvæmdir á næstunni vegna efna-
hagsástandsins í landinu. sis-
i@mbl.is
500 fermetra
skóli seldur á
2,1 milljón
Lágt verð Skólinn í Broddanesi á
Ströndum er svipmikil bygging.
NÚ er hægt að nálgast stórfréttir
sem skrifaðar eru á mbl.is í gegn-
um samfélagsvefinn Twitter.
Twitter er samfélagsvefur sem
var stofnaður 2006 og heimsóttu 5
milljónir notenda vefinn í sept-
embermánuði. Vefurinn byggist á
framlagi notenda hans með ör-
stuttum bloggfærslum sem geta
verið að hámarki 140 stafir á
lengd. Þannig munu fyrirsagnir
stórfrétta og tengill á þær birtast
á Twitter-síðu mbl.is. Í september
hóf mbl.is að bjóða upp á send-
ingar á fréttum á samfélagsvefinn
Facebook og er þetta liður í frek-
ari tengingum vefsins við vinsæl
vefsamfélög.
Twitter síða mbl.is
http://twitter.com/mblstorfrettir
mbl.is á
Twitter
SMÍÐI þjóðarskútunnar er hugmynd starfsmanna Víkurvagna en þeir
ákváðu, þegar bankarnir féllu einn af öðrum, að liggja ekki í þunglyndi
heldur kanna hvað þeir gætu gert til að leggja sitt af mörkum. „Við
ákváðum að búa til litla þjóðarskútu sem er 2,5 metrar á lengd og 90 cm á
breidd,“ segir Jóhannes V. Reynisson, starfsmaður hjá Víkurvögnum.
Grindin er tilbúin og á morgun milli kl. 10-16 gefst landsmönnum færi á að
koma við í húsnæði Víkurvagna að Dvergshöfða 27 og hjálpa til við að
punkta plötur í skrokk skútunnar. „Þetta er táknræn athöfn,“ segir Jó-
hannes. Fólkið í landinu kemur að því að búa til þjóðarskútuna.“
Á þriðjudag verður skútan ryðvarin og að því loknu lagt glerþak á dekk-
ið. „Hugmyndin er að þetta verði fjáröflunartæki fyrir Mæðrastyrksnefnd.
Það verða settar raufar í glerið þannig að fólk getur sett inn peninga eða
klink,“ segir Jóhannes. „Þetta er sameiningartákn og er þannig hugsað að
þessar konur séu raunverulegar hetjur Íslands.“ ylfa@mbl.is
Geta tekið þátt í smíði þjóðarskútu
Morgunblaðið/Valdís Thor
Baukur í yfirstærð
Þjóðarskútan Sveinn Þórarinsson, framkvæmdastjóri Víkurvagna, og Jó-
hannes V. Reynisson eru að vonum ánægðir með skútuna.
HÆSTIRÉTTUR hefur dæmt
Gunnar Rúnar Gunnarsson í þriggja
og hálfs árs fangelsi fyrir nauðgun
og fleiri brot en maðurinn var fund-
inn sekur, meðal annars með vísan til
framburðar þolanda, játningar hins
grunaða og niðurstöðu rannsóknar á
erfðaefni hans, um að hafa haft sam-
ræði við konu á heimili hennar, en
hún gat ekki spornað við verknaðin-
um sökum veikinda.
Gunnar Rúnar, sem krafðist
sýknu af nauðguninni, rauf með
brotunum skilorð reynslulausnar á
330 daga eftirstöðvum refsingar og
var hún tekin upp og dæmd með. Þá
var hann dæmdur til að greiða kon-
unni 500.000 í bætur, en hann var
jafnframt sakfelldur fyrir tvö skjala-
brot og umferðarlagabrot. Einnig er
hinum ákærða gert að greiða allan
áfrýjunarkostnað málsins, sem var
dómtekið í Héraðsdómi Reykjavíkur
í nóvember 2007, alls 436.746 krónur,
þar með talin málsvarnarlaun skip-
aðs verjanda síns, Hilmars Ingi-
mundarsonar hæstaréttarlögmanns,
373.500 krónur.
Dómendur voru Árni Kolbeinsson,
Garðar Gíslason, Gunnlaugur Claes-
sen, Ingibjörg Benediktsdóttir og
Markús Sigurbjörnsson.
Staðfestu nauðgunardóm
 Karlmaður dæmdur í 42 mánaða fangelsi í nauðgunarmáli
 Játaði á sig skjala- og umferðarbrot fyrir Hæstarétti
Eftir Silju Björk Huldudóttur
silja@mbl.is
SKIPULAGSSTOFNUN hefur fall-
ist á tillögu að matsáætlun vegna ál-
vers Alcoa Fjarðaáls á Bakka við
Húsavík með nokkrum athugasemd-
um. Þannig telur stofnunin nauðsyn-
legt að í frummatsskýrslu verði upp-
lýsingar um orkuþörf og orkuöflun
álversins settar fram með þeim
hætti að almenningur geti með ein-
földu móti borið stærðirnar saman.
Skipulagsstofnun telur brýnt að í
frummatsskýrslunni komi fram hvað
orkuþörf álversins samsvari aflmikl-
um virkjunum og með sama hætti
komi fram í umfjöllun um orkuöflun
vegna álversins hversu mikla orku er
að hafa frá mögulegu afli tilgreindra
virkjana.
Stofnunin bendir á að í frummats-
skýslu þurfi einnig að gera grein fyr-
ir hversu mikla orku talið sé unnt að
fá frá jarðvarmavirkjunum í Þing-
eyjarsýslum og hvað sú orka dugi
fyrir mikilli álframleiðslu á ári. Jafn-
framt telur stofnunin að fram þurfi
að koma, eftir því sem kunnugt er,
hvaða aðrir virkjanakostir komi til
greina vegna álversins og hversu
mikil orka sé til staðar í raforkukerf-
inu sem gæti nýst álverinu.
Úrskurðinn má lesa í heild sinni á
vef Skipulagsstofnunar (www.skipu-
lag.is).
Geri grein
fyrir orkuþörf
Skipulagsstofnun fellst á tillögu að
matsáætlun vegna álvers Alcoa á Bakka
Dugguvogi 2 / s: 557 9510 / www.patti.is
Opnunartími : Mánudaga - Föstudaga frá 9 til 18 og Laugardaga frá 11 til 16
50%
AFSLÁTTUR
90 x 200 cm
120 x 200 cm
150 x 200 cm
180 x 200 cm
Verð frá kr. 44.450,-
Verð frá Kr. 55.950,-
Verð frá Kr. 67.450,-
Verð frá Kr. 80.950,-
Verðdæmi með afslætti:
af öllum rúmum
út nóvember
VERÐHRUNPatti lagersala
„Við erum
mjög ánægð
með þessa
ákvörðun
Skipulags-
stofnunar.
Hún stað-
festir að við
höfum unnið
matsáætlun okkar vel og við
höldum núna ótrauð áfram í
þeirri vinnu sem framundan er,“
segir Erna Indriðadóttir, upplýs-
ingafulltrúi Alcoa Fjarðaáls.
Ráðgert er að frummatsskýrsl-
an verði tilbúin síðla næsta árs.
Spurð hvaðan orkan muni koma
segir Erna enn verið að skoða
hversu mikla orku fá megi úr
jarðvarmavirkjunum en einnig
sé hugsanlegt að Landsnetið
verði styrkt í framtíðinni.
Halda ótrauð áfram
Bergur Sig-
urðsson,
fram-
kvæmda-
stjóri Land-
verndar,
fagnar
ákvörðun
Skipulags-
stofnunar og bendir á að í henni
felist mikil nýmæli sem rekja
megi til úrskurðar umhverf-
isráðherra um heildstætt um-
hverfismat fyrir álver á Bakka.
„Nú verður Alcoa að tilkynna
hvaða vatnsafl það er sem þeir
ætla að nota til viðbótar við
jarðvarmann sem þeir hafa þeg-
ar tilgreint. Það verður þannig
fróðlegt að sjá hvort það sé Jök-
ulsá á Fjöllum, Skjálfandafljót
eða jökulárnar í Skagafirði.“
Nú þarf að upplýsa