Morgunblaðið - 06.12.2008, Síða 6

6 FréttirINNLENT
MORGUNBLAÐIÐ LAUGARDAGUR 6. DESEMBER 2008
UMMÆLI Matti Vanhanen, for-
sætisráðherra Finnlands, um inn-
göngu Íslands í ESB, voru sett fram
með eindregnari hætti af fréttaveit-
unni Bloomberg, heldur en tónn við-
talsins gaf til kynna. Sanna Kangas-
harju, hjá finnska forsætisráðu-
neytinu, segir Vanhanen hafa verið
mjög varfærinn í viðtalinu við Bloom-
berg. Þar var haft eftir honum að
hann hefði beðið Evrópusambandið
að búa sig undir inngöngu Íslands og
talað við Jose Manuel Barroso, for-
seta framkvæmdastjórnar ESB, í
haust og beðið hann að hefja undir-
búning.
Hver átti frumkvæðið?
Morgunblaðið beindi þeirri spurn-
ingu til ráðherrans hvort frumkvæði
að þessu hefði komið frá Íslandi.
Hvort einhver hér hefði beðið hann
um að hefja þennan undirbúning. Þá
var spurt hvort þetta væri mögulega
of mikil ágengni, í máli sem Íslend-
ingar hefðu enn ekki tekið afstöðu til
á heimavelli. Ekki fengust svör við
þessu í gær, þar sem ekki náðist að
bera spurningarnar undir Vanhanen.
Kangasharju lagði hins vegar
áherslu á varfærni ráðherrans í við-
talinu og fyrirvara hans á því að Ís-
lendingar vildu ganga í ESB, þegar
hann sagði nauðsynlegt að sýna
sveigjanleika gagnvart Íslandi. „Eins
og sést á tilvitnuninni í forsætisráð-
herrann, leggur hann áherslu á orðin
„ef Ísland vill verða meðlimur í ESB,“
sagði hún. onundur@mbl.is
Vanhanen
var var-
færinn
Setti fyrirvara um
vilja Íslendinga
HAGFRÆÐINGUR Bænda-
samtaka Íslands segir að út frá
uppgjöri búreikninga hjá Hag-
þjónustu land-
búnaðarins
megi gera ráð
fyrir að um
30% kúabænda
á landsvísu
hafi orðið fyr-
ir umtals-
verðum
skakkaföllum
af völdum
gengisfalls
krónunnar. Þetta eigi líka við
bændur í fleiri búgreinum, einkum
þar sem stór erlend lán hvíla á
rekstrinum.
Erna Bjarnadóttir, hagfræð-
ingur og sviðsstjóri félagssviðs
Bændasamtaka Íslands, segir að
undanfarin ár hafi margir kúa-
bændur ráðist í miklar fjárfest-
ingar, keypt kvóta og byggt full-
komin fjós. Þeir sem hafi tekið
erlend lán fyrir framkvæmdunum
séu í erfiðri stöðu enda hafi lán
þeirra hækkað gríðarlega.
Lánin hafa tvöfaldast
Dæmi væru um að bændur hefðu
tekið 60-80 milljóna króna lán og í
einhverjum tilfellum mætti gera
ráð fyrir að upphæð þeirra í ís-
lenskum krónum hefði tvöfaldast,
jafnvel meira.
Bændur hefðu getað samið um
frystingu lána, oft í 3-6 mánuði.
Erna veit ekki til þess að gengið
hafi verið að bændum vegna er-
lendu skuldanna. runarp@mbl.is
30% kúa-
bænda hafa
orðið fyrir
skakkaföllum
E
N
N
E
M
M
/S
ÍA
/N
M
36
26
5
*Tilboðið gildir meðan birgðir endast.
31fyrir
Fáðu þér Sa
msung U90
0 Soul
og tvo Sam
sung samlo
kusíma
í kaupbæti!
SamSUNg U900 SoUl
Símalán – útborgun:
1.900 kr.
aðeins 4.000
kr. á mánuði
í 12 mánuði.
Verð: 49.900
Samsung Soul er frábær 3g sími með
5mp myndavél, myndbandsupptöku,
útvarpi og tónlistarspilara. Þunnur,
glæsilegur og aðeins 112 gr.
Eftir Bergþóru Njálu Guðmundsdóttur
ben@mbl.is
AÐVENTAN er háannatími fyrir rithöfunda sem
þekkja það að þeysa milli kynningarstaða til að árita
bækur og selja þær fyrir jólin. Hvað gerir þá barnabók-
arhöfundur sem lendir í þeim ósköpum að handleggs–
og fótbrjóta sig nokkrum vikum fyrir jól?
Guðrún Helgadóttir rithöfundur hlær mikið þegar
hún svarar þessari spurningu. „Það er lítið annað en að
taka lífinu bara með ró,“ segir hún svo. „Ég hef það
bara prýðilegt og var að koma heim til mín eftir að
vera búin að vera heima hjá syni mínum og konunni
hans í viku.“
Það er á Guðrúnu að heyra að henni finnist harla lít-
ið fréttagildi í því að hún liggi heima fyrir fótbrotin en
fæst þó til að lokum að segja frá slysinu, sem vildi held-
ur klaufalega til, að hennar sögn. „Ég hreinlega flækti
fætinum í prjónaslá sem ég var með og rúllaði niður
tröppurnar upp að húsinu hjá mér.“ Afleiðingin varð sú
að Guðrún brotnaði bæði á fæti og hendi, en hún segir
þó handleggsbrotið minniháttar. „Nú er ég öll að skána
og er komin heim á Túngötuna. Ég fékk afskaplega
góða hjúkrun hjá þessu yndislega fólki á deild 5A á
Borgarspítalanum og hef yfir engu að kvarta. Það er
vel um mig hugsað, bæði af vandalausum og skyldum.“
Konan að skemma bókina
Nýjasta bók Guðrúnar, Bara gaman, er komin í bóka-
búðir en rithöfundurinn sjálfur hefur litlar áhyggjur af
því að vera heftur í því að fylgja henni eftir, né að brot-
in hönd verði honum til trafala við bókaráritanir.
„Ég hef gert lítið af því að árita bækur, alveg síðan
eitt barnið horfði furðulostið á mig gera það og sagði
svo við mömmu sína: „Konan er að skemma bókina!“
Enda er það ekki mitt hlutverk að selja bækurnar, þótt
ég skrifi þær. Ég held líka að salan á bókunum mínum
hafi sinn gang þótt ég sé í hálfgerðu maski heima fyr-
ir.“
Tvíbrotinn rithöfundur
tekur lífinu með ró
Rúllaði niður útidyratröppurnar heima hjá sér
Morgunblaðið/Kristinn
Brotin Aðventan verður róleg hjá Guðrúnu Helgadóttur
rithöfundi sem á ekki heimangengt þessa dagana.