Morgunblaðið - 07.03.2009, Blaðsíða 30

30 UmræðanALÞINGISKOSNINGAR 2009
MORGUNBLAÐIÐ LAUGARDAGUR 7. MARS 2009
RÍKISSTJÓRNIN
hefur nú lagt fram á Al-
þingi frumvarp til breyt-
inga á stjórnarskránni og
fengið í lið með sér for-
mann Frjálslynda flokks-
ins og varaformann
Framsóknarflokksins.
Frumvarpið og aðdrag-
andi málsins allur er með
afar óvenjulegum hætti
miðað við fyrri breytingar á stjórn-
arskrá og má í því sambandi nefna
nokkur atriði.
Í fyrsta lagi er frumvarpið unnið
af þröngum ráðgjafahópi ríkisstjórn-
arinnar en ekki í samstarfi allra
flokka eins og ávallt hefur verið gert
undanfarna hálfa öld að minnsta
kosti. Í öðru lagi á frumvarpið sér
miklu skemmri aðdraganda en venja
er um mál af þessu tagi og í þriðja
lagi er þinginu ætlaður mjög skamm-
ur tími til að afgreiða það. Þegar
stjórnarskrárbreytingar hafa verið
gerðar á undanförnum árum og ára-
tugum hefur þinginu jafnan verið
gefinn rúmur tími til málsmeðferðar,
enda hér um að ræða grundvall-
arreglur samfélagsins, þau lög sem
önnur lög verða að byggja á. Það er
því alveg sérstaklega mikilvægt að
vandað sé til verka og að afgreiðsla
fari ekki fram í óðagoti.
Öll þessi málsmeðferð
vekur furðu og kallar á
hörð viðbrögð af hálfu
Sjálfstæðisflokksins.
Flokkurinn hefur verið
tilbúinn að breyta ýmsum
ákvæðum stjórnarskrár-
innar og tók af fullum
heilindum þátt í starfi
stjórnarskrárnefndar
2005-2007 með það að
markmiði að fram færi
heildarendurskoðun
stjórnarskrárinnar. Það
eru hins vegar ekki boðleg vinnu-
brögð að handvelja út nokkur til-
tekin atriði og koma með þau inn í
þingið án samráðs þegar örstutt er
til kosninga.
Um efnisatriði tillagna ríkisstjórn-
arinnar mun ég fjalla síðar. Ég verð
þó að vekja athygli á þeirri óskilj-
anlegu mótsögn sem felst í því að rík-
isstjórnin skuli leggja fram marg-
víslegar tillögur um efnisbreytingar
á stjórnarskránni, sem hún vill af-
greiða fyrir vorið, en leggi samhliða
fram tillögu um stjórnlagaþing, sem
á að hefja störf í haust og hafa það
hlutverk að endurskoða stjórn-
arskrána í heild. Ég væri þakklátur
ef einhver forystumaður ríkisstjórn-
arinnar gæti skýrt þetta atriði fyrir
mér.
Furðuleg mótsögn
Eftir Birgi
Ármannsson
Birgir Ármannsson
Höfundur er þingmaður Sjálfstæð-
isflokksins í Reykjavík.
Í DAG, 7. mars, velja framsóknarmenn í
Suðvesturkjördæmi frambjóðendur í 1.-5.
sæti framboðslista flokksins sem boðinn verð-
ur fram við alþingiskosningarnar sem fram-
undan eru. Ég vil hvetja alla framsókn-
armenn í kjördæminu til þess að mæta á
kjörstað, Digranesveg 12 í Kópavogi, milli kl.
9 og 18.
Íslendingar ganga nú í gegnum miklar
hremmingar og það er komið að endurreisn
íslensks samfélags. Þessir tímar efnahags-
þrenginga sem við nú lifum eru mörgum mjög
erfiðir, þar sem atvinnuleysi og afleiddir
þættir hafa slæm áhrif á fólk – mörgum líður illa.
Margir samverkandi þættir hafa leitt þjóðina í þessar
þrengingar, aukin þensla á öllum sviðum og kapphlaupið
um að græða. Aldrei áður hefur eins há upphæð verið
greidd í bætur úr atvinnuleysistryggingasjóði eða, til
14.000 manna, alls um 2 milljarðar króna.
Við verðum að horfa á þessar neikvæðu þrengingar á
jákvæðan hátt. Við þurfum að flytja okkur úr gömlu, úr-
eltu kerfi yfir í nýtt. Til að ná árangri þarf að
breyta undirliggjandi gildum, hugsunarhætti
fólks, forgangsröðun með áherslu á aukinn
jöfnuð, bætt viðskiptasiðferði og sjálfsrækt.
Hin nýju gildi þurfa bæði að snúa að ein-
staklingnum og að atvinnulífinu og þjóðfélag-
inu í heild. Efla þarf atvinnu með nýjum at-
vinnutækifærum og nýrri hugsun. Á meðan
landsmenn eru að komast yfir erfiðasta hjall-
ann í átt að aukinni atvinnu og breyttum gild-
um þá liggur á að efla það fólk sem misst hefur
atvinnuna og einnig þá sem eru í vinnu. For-
senda þess að hægt sé að yfirvinna erfiðleik-
ana er að unnið sé að bættri andlegri og lík-
amlegri líðan fólks, með aukinni hreyfingu,
hollu mataræði og aukinni geðrækt.
Ég hef áhuga á því að starfa með Framsóknarflokkn-
um að þessum mikilvægu breytingum, innleiðingu nýrra
gilda og markvissri sjálfsrækt hvers og eins og því býð ég
mig fram í 2. sæti. Ég óska eftir stuðningi ykkar.
Framsóknarmenn – mætið
og veljið í prófkjörinu
Eftir Unu Maríu Óskarsdóttur
Una María
Óskarsdóttir
Höfundur er frambjóðandi í 2. sæti í prófkjöri
Framsóknarflokksins í Suðvesturkjördæmi.
EITT brýnasta verkefni stjórnmálamanna
um þessar mundir er að sjá til þess að fólk
hafi atvinnu. Það má ekki láta þjóðina festast
í gildru atvinnuleysis og því er nauðsynlegt
að bregðast við hratt og skynsamlega. Við
stöndum frammi því fyrir því verkefni að
skapa ný störf, einnig á nýjum sviðum. Til að
nýta krafta þeirra fjölmörgu sem misst hafa
vinnuna undanfarna mánuði verðum við að
fara í opinberar og mannaflsfrekar fram-
kvæmdir, aðstoða einstaklinga með góðar
hugmyndir við að stofna fyrirtæki, þróa nýjar
afurðir í matvælaframleiðslu með áherslu á
gæði og hollustu, efla ferðaþjónustu sem byggist á nátt-
úru, menningu og hreinni orku, svo aðeins fátt eitt sé
nefnt. Það þarf að efla enn frekar rannsóknir og þróun,
sem leiða til framleiðslu nýrrar vöru og þjónustu. Við
eigum að horfa með opnum hug til annarra landa í leit að
hugmyndum og samstarfsaðilum og auka útflutning á
sérhæfðri þekkingu okkar á ýmsum sviðum. Þannig
styrkjum við sjálfsmynd okkar og ímynd þjóðarinnar er-
lendis. Það eru mörg sóknarfæri en þau eiga flest sam-
merkt að byggjast á rannsóknum, þróun-
arstarfi og menntuðu starfsfólki.
Reynslan undanfarin ár hefur kennt mér að
sveitarfélög njóta góðs af því að vera innan
Evrópusambandsins, því þangað geta þau sótt
þekkingu og fjármagn til að mennta fólk til
nýrra starfa, stofna fyrirtæki og efla rann-
sóknir og nýsköpun. Að auki búa þau við stöð-
ugleika sem er frumskilyrði þess að hægt sé
að byggja upp mannvænt samfélag. Ég vil
vinna að því af fullum krafti að Ísland verði
aðili að Evrópusambandinu. Það er kallað eft-
ir nýju fólki til forystu og starfa á Alþingi og
mörg krefjandi verkefni bíða okkar. Með
bjartsýni og kjark að vopni mun okkur Íslend-
ingum takast að byggja upp nýtt og betra samfélag. Ég
vil leggja fram þekkingu mína og reynslu til þess að tak-
ast á við uppbygginguna og hef ákveðið að bjóða mig
fram í 1.-3. sæti í prófkjöri Samfylkingarinnar, sem fram
fer 5.-7. mars nk.
Með bjartsýni og kjark að vopni
Eftir Önnu Margréti Guðjónsdóttur
Anna Margrét
Guðjónsdóttir
Höfundur starfar fyrir Samband íslenskra sveitarfélaga í
Brussel og býður sig fram í 1.-3. sæti í prófkjöri Samfylking-
arinnar í Suðurkjördæmi. www.annamargret.is
AÐ MÖRGU leyti hefur árið 2008 borið
með sér mikinn árangur í innflytjenda- og
flóttamannamálum. En árið 2008 hefur líka
undirstrikað hve mikil vinna sé framundan í
innflytjenda- og flóttamannamálum, meðal
annars:
Ég bendi fyrst og fremst á íslenskunám
fyrir útlendinga – sérstaklega í ljós þeirra
nýju krafna frá ríkistjórninni, að þeir sem
sækja um ríkisborgararétt gangist undir próf
í íslensku. Ég vil að þessi námskeið verði
ókeypis, og felldar inn í vinnutíma þegar
hægt er.
Í öðru lagi undirstrikar mál Pauls Ramses hve mikið á
skortir í flóttamannalögum. Þess vegna töldum og telj-
um við í Vinstri grænum það sanngjarnt og
skynsamlegt að maður sem hefur verið skipað
að fara úr landi eigi rétt á að leita úrlausnar
dómstóla, og dvelja í landinu meðan málið er
til meðferðar. Það var lagabreyting sem við
lögðum til í vor, sem fyrrverandi ríkistjórn því
miður hafnaði.
Það er mikil vinna framundan í innflytj-
enda- og flóttamannamálum, að sjálfsögu. En
ég er bjartsýnn og sannfærður um að flestir
Íslendingar fagna sanngirni og réttlæti í okk-
ar fjölmenningarsamfélagi.
2008 og 2009: Innflytjenda-
og flóttamannamál, þá og nú
Eftir Paul F Nikolov
Paul F. Nikolov
Höfundur gefur kost á sér í 1.-3. sæti hjá Vinstri
grænum í Reykjavíkurkjördæmi og er 1. varaþing-
maður Vinstri hreyfingarinnar – græns framboðs í
Reykjavíkurkjördæmi norður.
Í KJÖLFAR efna-
hagshrunsins hefur far-
ið fram þörf umræða um
Evrópusambandsaðild,
stöðu íslensku krón-
unnar og hagkerfisins í
heild. Flestum ætti að
vera ljóst að ekki geng-
ur lengur að haga um-
ræðum um hugsanlega
aðild að ESB á þann
hátt sem gert hefur ver-
ið undanfarin ár. Menn hafa annars
vegar fullyrt að við fáum ekki að
halda sjálfstæði okkar gagnvart
fiskimiðunum og nýtingu þeirra,og
þar af leiðandi sé málið ekki á dag-
skrá. Á móti hefur því svo verið
haldið fram að allt sé opið, og við
þurfum ekki að breyta neinu nema
að taka upp evru í stað krónu. Við
þessa öfgakenndu umræðu, með eða
á móti, verður ekki lengur unað. Við
verðum að ákveða að fara í viðræður
við ESB og sjá hvort ekki finnist við-
eigandi lausnir á þeim málum sem
strandað hefur á í umræðunni hér
heima. Einungis þegar allar stað-
reyndir liggja á borðinu, sér í lagi
varðandi sjávarútveginn og orku-
auðlindir, er hægt að mynda sér
ábyrga skoðun á því hvort ganga eigi
í ESB eða ekki. Aðildarviðræður eru
ekki léttvægt skref, en í
þeim hafa iðulega fundist
lausnir sem sætt hafa
stríðandi fylkingar í um-
sóknarríkjum. Auk þess er
ljóst að afstaða til ESB
skiptir miklu í umræðu um
að íslenska efnahagskerfið
sameinist stærra mynt-
svæði sem er orðið mjög
aðkallandi mál.
Tökum upplýsta
ákvörðun
Ákvörðunarferli og
regluverk er þungt hjá ESB að
ógleymdum kostnaðinum sem því
fylgir. Jafnframt er fiskveiðistjórn
ESB verulega ábótavant. Viljum við
gefa frá okkur endanlegan ákvörð-
unarrétt fiskveiða eða gætum við
fundið varanlega, ásættanlega lausn
varðandi miðin okkar? Við þurfum
að ganga til viðræðna við ESB til
þess að fá svör við einföldum spurn-
ingum sem þessum. Það er illa kom-
ið fyrir okkur Íslendingum og við
verðum að leita allra ráða til að kom-
ast út úr ólgusjó kreppunnar. Al-
menningur verður að fá aðgengileg-
ar og hlutlægar upplýsingar til að
geta tekið ábyrga afstöðu.
Fáum botn í
Evrópuumræðuna
Eftir Jón Rúnar
Halldórsson
Jón Rúnar
Halldórsson
Höfundur er atvinnurekandi og sæk-
ist eftir 3. sæti í prófkjöri Sjálfstæð-
isflokksins í SV-kjördæmi.
EKKI er langt síðan
margir höfðu þá trú að
uppsveifla ríkti í ís-
lensku þjóðfélagi. Ann-
að kom á daginn á
haustmánuðum 2008
þegar efnahagskerfi
þjóðarinnar hrundi.
Óhætt er að fullyrða
að enginn fari varhluta
af áhrifum og afleið-
ingum hrunsins.
Sú uppsveifla sem átti sér stað
fram að því hafði leitt til þess að
sumar atvinnugreinar stækkuðu á
meðan aðrar drógust saman. Þau
störf sem síst voru eftirsótt á
þessum tíma voru m.a.
ýmis aðhlynningar-, og
umönnunarstörf. Á
þessum tíma var leitað
til eldri borgara og
þeir sjálfir, sem
treystu sér til, tóku að
sér ýmis verkefni út í
atvinnulífinu.
Aldraðir eiga það
eitt sameiginlegt að
hafa náð ákveðnum
aldri sem skilgreinir þá
sem eldri borgara. En
hópurinn sem við köll-
um eldri borgara er ekki eins-
leitur hópur. Þótt líkur á heilsu-
bresti aukist með aldrinum er
stór hluti eldri borgara við ágæta
heilsu. Félagslegar aðstæður
þeirra eru þó nokkuð mismun-
andi. Fjárhagur og fjárhags-
aðstæður er eðlilega stór áhrifa-
þáttur í lífi eldri borgara. Þó má
leiða líkur að því að margir eldri
borgarar búi við þokkalegt fjár-
hagslegt öryggi.
Þeir hafa margir hverjir á
langri ævi unnið mikið, eignast
húsnæði og alið upp börn sín og
geta nú notið ævistarfsins
áhyggjulaus. Sjálfsagt er að gera
ráð fyrir að fólk eigi að geta lifað
áhyggjulausu lífi þegar það hefur
lagt sitt af mörkum til samfélags-
ins. Sú staða að eldri borgari
þessa lands líði skort er fyrir
flesta ónotaleg tilfinning.
Það hlýtur að vera markmið
allra stjórnmálaflokka sem vilja
gera sig gildandi við stjórn þjóð-
arskútunnar að helst enginn,
hvort sem það eru ungir eða aldn-
ir, fylli hóp þeirra sem líða skort.
Það væri æskilegt að geta boðið
eldri borgurum að vera á vinnu-
markaði eins og þeir treysta sér
til.
Með þátttöku eldri borgara í at-
vinnulífinu geta þeir miðlað til
okkar hinna þroskuðum við-
horfum og dýrmætum menningar-
arfi. Slík arfleifð skilar sér best í
munnlegum samskiptum. Tenging
kynslóða er mikill ávinningur fyr-
ir samfélagið.
Staða eldri borgara í dag
Eftir Kolbrúnu
Baldursdóttur
Kolbrún
Baldursdóttir
Höfundur er sálfræðingur og býður
sig fram í 4.-5. sæti í prófkjöri Sjálf-
stæðisflokksins í Reykjavík.
Skólavörðustíg 21, Reykjavík
sími 551 4050
Glæsileg
brúðarrúmföt
í úrvali
, ,