Morgunblaðið - 19.03.2009, Blaðsíða 2

HÉR á landi eru staddir breskir kvikmyndagerðar-
menn til að taka viðtöl við Íslendinga vegna krepp-
unnar. Ætlunin er að nota upptökurnar í heimildar-
myndina There and back again en í henni verður rakin
saga uppgangsins í íslensku efnahagslífi og loks falls-
ins. Reynt verður að finna ástæður hrunsins og mun
myndin að miklu leyti byggjast á viðtölum við Íslend-
inga en sjónum verður aðallega beint að þeim jákvæðu
breytingum sem hrunið hafði í för með sér.
Upptökur fóru m.a. fram á Hótel Nordica í gær og
var rætt við Hauk Vagnsson frá Bolungarvík um áhrif
á ferðaþjónustuna í landinu.
Morgunblaðið/Kristinn
Bretar mynda íslensku kreppuna
2 FréttirINNLENT
MORGUNBLAÐIÐ FIMMTUDAGUR 19. MARS 2009
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Sunna Ósk Logadóttir, sunna@mbl.is Egill Ólafsson, egol@mbl.is Viðskipti vidsk@mbl.is Björgvin Guðmundsson, fréttastjóri, bjorgvin@mbl.is
Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gudlaug@mbl.is Minningar mbl.is/sendagrein, Stefán Ólafsson, Arnór Ragnarsson Íþrótt-
ir sport@mbl.is Sigurður Elvar Þórólfsson, seth@mbl.is Víðir Sigurðsson, vs@mbl.is Sunnudagur Ragnhildur Sverrisdóttir, ritstjórnarfulltrúi, rsv@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
Eftir Sigrúnu Ásmundsdóttur
sia@mbl.is
„FRJÁLSI fjárfestingarbankinn
býður í eignir á uppboði og yfirleitt
verjum við okkar kröfu, erum yfirleitt
á fyrsta veðrétti,“ segir Kristinn
Bjarnason, framkvæmdastjóri
Frjálsa fjárfestingarbankans, sem
hefur stofnað félag, Leiguhlíð, í
kringum íbúðirnar sem hann leysir til
sín og í gegnum það eru íbúðirnar
leigðar út á almennum markaði. Í
gegnum félagið eru um 20 íbúðir í út-
leigu sem hafa verið teknar í nauð-
ungarsölu. Jafnframt upplýsir Krist-
inn að eitthvað sé um að fólk komi að
máli við bankann, ef það hefur frétt af
því að ákveðin eign hafi verið keypt á
uppboði, og falist eftir því að kaupa
viðkomandi eign. Í slíkum tilfellum
gengur bankinn frá sölu á eigninni.
„Ef við eignumst eignina tekur
ákveðinn tíma að fá hana, yfirleitt 2-4
mánuði. Þegar við erum búin að taka
hana, standsetja hana og setja í út-
leigu, er eignin yfirleitt seld í dótt-
urfélag bankans, sem er sér leigu-
félag utan um fasteignir,“ segir
Kristinn. Leiguhlíð yfirtekur leigu-
samninginn og innheimtir leigu.
Kristinn segir bankann almennt ekki
reyna að selja eignirnar, mjög lítið sé
um það. „Markaðurinn er það þunnur
og við höfum ekki viljað koma með of-
framboð á eignum á markaðinn, sem
við erum að taka á uppboði,“ segir
hann og bætir því við að séð verði til
með sölu þegar markaður fer að
glæðast eftir tvö til þrjú ár.
Þær eignir sem bankinn hefur látið
verða af að selja hafa yfirleitt farið á
nokkrar fasteignasölur en ekki í
einkasölu. Þó hefur fólk í einhverjum
tilvikum leitað til bankans „… og hef-
ur heyrt að við séum með einhverja
eign og óskað eftir að kaupa. Þá höf-
um við selt eignina beint sjálfir,“ seg-
ir Kristinn.
Hann segir aukningu hafa orðið á
því að bankinn eigi fasteignir. „Þó
höfum við leitað allra leiða til að fólk
geti verið áfram í sínum eignum. Í
sambandi við þær eignir sem við er-
um að taka núna erum við að tala um
tólf til sextán mánaða vanskil,“ segir
Kristinn og bætir við að ekki sé farið
að reyna á vanskilin í tengslum við
bankakreppuna. Samkvæmt útreikn-
ingum er Frjálsi fjárfestingarbank-
inn með um 3,5% hlutdeild í fast-
eignalánamarkaðinum. „Þetta eru
þannig kannski tvær til þrjár íbúðir á
mánuði sem við erum að ganga að,“
segir hann og upplýsir að bankinn
kaupi jafnframt eignir af verktökum
sem hafa verið í viðskiptum við bank-
ann þó að það sé ekki í gegnum nauð-
ungarsölu. „Þá jafnvel heilu fjölbýlis-
húsin. Þær íbúðir höfum við
sömuleiðis sett í útleigu.“
Kristinn segir að menn sjái merki
um að leigumarkaðurinn sé að breyt-
ast, stöðugt verði algengara að fólk
sem er að hefja búskap byrji á því að
leigja. „Margir eru komnir með ógeð
á að skulda og eiga eignir. Þannig að
við munum kannski sjá sömu þróun
og hefur verið erlendis að æ fleiri
munu byrja á að leigja. Markaðurinn
þroskast og ég held að það sé bara af
hinu góða.“
Kristinn bendir á að þessi leið
bankans hafi verið farin frá upphafi
árs 2008, þ.e. að taka íbúðir á nauð-
ungarsölu, standsetja þær og leigja á
almennum markaði. „Það kemur fyrir
að fyrrverandi eigendur óski eftir að
leigja íbúðina og þá auðvitað skoðum
við það, en það er mjög sjaldgæft.“
 Frjálsi fjárfestingarbankinn hefur stofnað leigufélag í kringum íbúðir sem bankinn kaupir á nauðungar-
sölu  Hefur selt íbúðir beinni sölu  Fjölbýlishús keypt í heilu lagi af verktökum og íbúðirnar leigðar út
Banki í fasteignaviðskiptum?
Leiguhlíð Leigir út 20 íbúðir sem
hafa verið teknar í nauðungarsölu.
ÁSGERÐUR
Jóna Flosadóttir,
varaformaður
Frjálslynda
flokksins, mun
skipa 1. sæti á
lista flokksins í
Reykjavíkur-
kjördæmi suður.
Greint var frá
þessu á vef
Frjálslynda
flokksins í gær-
kvöldi. Ásgerður
var á síðasta
landsþingi flokks-
ins kosin varafor-
maður en Magnús
Þór Hafsteinsson
var áður í þeirri
stöðu.
Karl V. Matt-
híasson, sem ný-
lega gekk til liðs
við flokkinn úr Samfylkingunni, mun
leiða lista hans í Reykjavíkur-
kjördæmi norður. Sturla Jónsson
vöruflutningabílstjóri verður í 2. sæti
í Reykjavíkurkjördæmi suður.
magnush@mbl.is
Leiða í
borginni
Sturla Jónsson einnig
á meðal efstu manna
Ásgerður Jóna
Flosadóttir
Karl V.
Matthíasson
Eftir Bergþóru Njálu Guðmundsdóttur
ben@mbl.is
FORSTJÓRI HB Granda fundar
með formanni Eflingar stéttarfélags
um þá óánægju sem risið hefur vegna
tillögu stjórnar
fyrirtækisins um
að greiða út 8%
arð til hluthafa á
sama tíma og
launahækkunum
starfsfólks hefur
verið frestað.
Miðstjórn ASÍ
staðhæfir að í árs-
reikningum HB
Granda séu óefnislegar eignir metn-
ar langt umfram raunverulegt verð-
mæti til að eignastaða fyrirtækisins
líti út fyrir að vera betri en hún er.
Fundur Eggerts B. Guðmunds-
sonar, forstjóra HB Granda, og for-
manns Eflingar verður á morgun.
„Ég vil svosem ekkert segja hvað
kemur út úr því en það hlýtur að vera
aðferðin til að leysa slík mál,“ segir
Eggert.
Inntur eftir því hvort ekki væri
réttara að nýta hagnað fyrirtækisins
í að greiða starfsfólki umsamdar
launahækkanir segir Eggert fyr-
irtækið þurfa að standa á ýmsum
greiðslum, m.a. til starfsfólks. „Við
höfum staðið við allar greiðslur sem
hafa verið hluti af samningum með
þeim breytingum sem hafa orðið á
þessu ári og þar erum við í samfloti
með öllum öðrum.“
SA verða að axla ábyrgð
Gylfi Arnbjörnsson, forseti ASÍ,
segir framferði stjórnar HB Granda
siðlaust. „Það ber vott um að verið sé
að nota sömu aðferð við að skrúfa
upp eignir á mjög óraunverulegan
hátt, til að leggja grunn að því að
geta slitið arð út úr fyrirtækjunum.“
Hann segir ekki koma til greina af
hálfu ASÍ að taka þátt í endurreisn
atvinnulífsins á slíkum forsendum.
„Við munum ekki sætta okkur við að
fyrirtækin verði þurrkuð upp af fé til
að eigendur þeirra geti haft það svo-
lítið betra og okkar félagsmenn sitji
úti annað hvort atvinnulausir eða án
launahækkana. [...] Það er alveg á
hreinu að SA verða að axla ábyrgð í
því að stoppa þetta.“
Ræða við
Eflingu
um arðinn
ASÍ segir eignir fyr-
irtækisins blásnar út
Eftir Magnús Halldórsson
magnush@mbl.is
SIGMUNDUR Davíð Gunnlaugs-
son, formaður Framsóknarflokks-
ins, gagnrýndi Samfylkinguna
harkalega á fundi flokksins á Hilton
Reykjavík Nordica hóteli í gær-
kvöldi.
Hann sagði Samfylkinguna „loft-
bóluflokk“ en sagði Vinstri græn
traustari og heiðarlegri í viðræðum.
„Vinstri græn mega eiga það að ég
hef aldrei staðið þau að öðru en að
segja satt og það stendur allt sem
þau segja, þó ég sé ekki sammála
öllu sem þau segja […] Samfylkingin
er flokkur sem varð til við upphaf
„loftbóluhagkerfisins“ þar sem allt
fór að ganga út á ímynd og að hanna
atburðarás og umræðu. Stundum
finnst mér eins og Samfylkingin sé
afsprengi þessa tímabils og sé hálf-
gerður loftbóluflokkur,“ sagði Sig-
mundur Davíð. Hann sagði Samfylk-
inguna ekki hafa lagt nógu mikla
áherslu á lausnir og „raunverulega
pólitík“. Flokksmönnum gafst tæki-
færi til þess að spyrja Sigmund Dav-
íð um hin ýmsu mál eftir að hann
hafði flutt stutt inngangserindi á
fundinum. Gísli Tryggvason, tals-
maður neytenda, spurði hvenær for-
maðurinn sæi fyrir sér að aðild-
arviðræður við Evrópusambandið
gætu hafist, í takt við vilja flokks-
þings framsóknarmanna, og þá einn-
ig hver myndi leiða þær viðræður
fyrir hönd flokksins.
Sigmundur Davíð sagðist sjá fyrir
sér að það yrði verkefni nýrrar rík-
isstjórnar að sækja um aðild að Evr-
ópusambandinu. „Þú, Gísli, ert
kannski bara ágætlega til þess fall-
inn að leiða þær viðræður,“ sagði
Sigmundur Davíð svo í gam-
ansömum tón.
Hann upplýsti flokksmenn einnig
um að undirbúningur fyrir kosning-
arnar 25. apríl væri kominn á fullt.
Einblínt yrði á málefni og lausnir á
vandamálum.
Samfylkingin „loftbóluflokkur“
Formaður Framsóknarflokksins gagnrýndi Samfylkinguna harðlega á fundi
Morgunblaðið/Kristinn
Heilsað Sigmundur Davíð sést hér heilsa framsóknarmönnum á fundinum.