Morgunblaðið - 12.09.2009, Page 26

26 Daglegt líf
MORGUNBLAÐIÐ LAUGARDAGUR 12. SEPTEMBER 2009
Eftir Ágúst Inga Jónsson
aij@mbl.is
Það er ekki lengur hlaupiðað því að komast að til aðspila golf og algengt að ámest sóttu völlunum sé
hver einasti rástími frátekinn á
miðvikudegi aðeins örfáum mín-
útum eftir að opnað var fyrir
skráningu klukkan 08.00 á mánu-
dagsmorgni. Þetta segir að nokkur
hundruð kylfinga eru á vefnum á
sama tíma tíma og bíða allir eftir
að blýanturinn birtist á skjánum,
sem þýðir að opnað hafi verið fyrir
skráningu.
Golf á Íslandi er íþrótt fyrir allar
stéttir og alla aldurshópa og sjálf-
sagt er kylfing að finna á flestum
vinnustöðum. Á ófáum kaffistofum
hefur golfið verið umræðuefni
manna á milli marga kaffitímana á
þessu góðviðrissumri sunnanlands
og vestan-.
„Við reiknuðum með að kylf-
ingum myndi fækka um 8-9% í ár
vegna fjárhags- og atvinnuerfið-
leika en það varð nú aldeilis ekki,“
segir Jón Ásgeir Eyjólfsson, forseti
Golfsambands Íslands.
„Niðurstaðan varð sú að félögum
í golfklúbbunum fjölgaði um 750.
Það er aukning um heil 5%. Kylf-
ingar léku miklu fleiri hringi á golf-
völlum á Íslandi en nokkru sinni
áður. Þetta var algert met og aldr-
ei hafa fleiri högg verið slegin,“
segir Jón Ásgeir.
Fólk hefur meiri tíma
Golfsamband Íslands eru heildar-
samtök kylfinga á Íslandi. Innan
vébanda þess eru 65 golfklúbbar
víða um land og félagar í golf-
klúbbum eru tæplega 16 þúsund,
16 ára og eldri. Jón Ásgeir hefur
verið formaður sambandsins síð-
ustu fjögur árin. Sjálfur er þessi 62
ára tannlæknir vel liðtækur kylf-
ingur með 12,2 í forgjöf.
Um skýringarnar á vinsældum
golfsins í sumar þvert á allt
krepputal segir Jón Ásgeir að fólk
hafi meiri tíma en áður. Einhverjir
glími við atvinnuleysi, aðrir séu í
hlutastörfum, og þetta fólk hafi
meiri tíma en áður. Eldra fólk sé
duglegt í golfinu og tækifæri
krakka sem æfa golf aukist með
hverju árinu. Þá séu golfferðir til
útlanda yfirleitt dýrari en áður og
fólk hafi því nýtt frítíma sinn inn-
anlands.
„Allt er þetta af hinu góða, en
kom okkur sannarlega á óvart og
er í raun öndvert við það sem við
höfum frétt af golfiðkun víða um
heim,“ segir Jón Ásgeir.
Stjörnur skapa áhuga
„Þó svo að Knattspyrnusamband
Íslands sé stærst og sterkast sér-
sambandanna innan ÍSÍ held ég að
ekki eftir svo mörg ár verði félagar
fleiri innan GSÍ, þó svo að það sé í
sjálfu sér ekkert takmark. Þetta
virðist bara vera endalaust.
Þessi íþrótt hefur sérkenni sem
aðrar greinar hafa ekki. Í fyrsta
lagi ertu dómari í eigin sök og for-
gjöfin gerir þér kleift að keppa á
jafnræðisgrundvelli við fólk mis-
jafnt að getu. Fólk keppir við völl-
inn ekki síður en hvað annað og
svo gefur golfið svo marga mögu-
leika; útiveru, hreyfingu og fé-
lagsskap.“
– Oft hefur verið sagt að golfið
sé bara fyrir eldra fólk, göngutúrar
með prik og verkfæratösku í eft-
irdragi?
„Hafi þetta einhvern tímann átt
við þá svo ekki lengur. Eftir að
Tiger Woods kom fram á sjón-
arsviðið hafa viðhorfin gjörbreyst.
Stjörnur eins og Woods breyta
ímyndinni. Körfuboltinn fékk Jord-
an, fótboltinn Maradona og margar
fleiri stjörnur og svona stjörnu-
ímyndir eru mikilvægar fyrir ung-
linga.
Ungt fólk lítur á golf eins og
hverja aðra afreksíþrótt og það er
liðin tíð að fólk segist ætla í golf
þegar ellin nálgist. Hins vegar get-
urðu líka nálgast íþróttina sem af-
þreyingu með vinum eða vinnu-
félögum.
Golfið hefur margar hliðar og ég
vil nefna eitt sem ekki má vanmeta
eða vanrækja. Það er alltaf verið
að tala um að það vanti aga í þetta
þjóðfélag, en golfreglurnar eru í
raun siðareglur sem gera það að
verkum að flestir agast og læra
ákveðna framkomu; þolinmæði, til-
litssemi og að þekkja sjálfa sig sem
þeir myndu kannski ekki gera ann-
ars.“
Nákvæm skrá um forgjöf
Capacent hefur síðustu ár gert
lífsviðhorfskönnun fyrir Golf-
sambandið. Þar kemur fram að um
15 þúsund manns spila golf að
minnsta kosti fjórum sinnum á ári
án þess þó að vera félagar í golf-
klúbbi. Þar með má segja að golf-
iðkendur séu komnir yfir 30 þús-
und manns sem er um 10%
þjóðarinnar.
Þrátt fyrir mikla fjölgun iðkenda
og aukna ástundun hefur árið verið
erfitt fyrir Golfsambandið. Kaup-
þing var aðalstyrktaraðili sam-
bandsins, en samningar voru ekki
framlengdir eftir bankahrunið í
fyrrahaust og varð GSÍ því að
draga saman seglin í rekstrinum.
„Við höfum sniðið okkur stakk
eftir vexti og reynt að reka þetta á
núlli. Yfir 40% af rekstrarkostnaði
Golfsambandsins er vegna afreks-
stefnu sambandsins og vefurinn
golf.is kostar mikla peninga.
Landsliðsþjálfarar voru ekki ráðnir
fyrir þetta keppnistímabil og dreg-
ið úr ýmsum kostnaði, en okkur
tókst samt að senda keppendur á
öll hefðbundin mót. Ekkert var þó
slakað á í æfingum síðasta vetur,
heldur þvert á móti var sú góða
æfingaaðstaða sem byggð hefur
verið upp nýtt til hins ýtrasta.
Vefurinn er mikilvægt stjórn- og
þjónustutæki fyrir klúbbana. Þar
er haldið utan um allt mótahald,
rástíma og forgjöf einstaklinga svo
dæmi séu tekin. Þannig er árleg
endurskoðun forgjafar reiknuð á
alla kylfinga í sambandinu. Þarna
eru til á einum stað gögn um alla
skráða æfingahringi kylfinga á Ís-
landi frá árinu 2000 auk þess sem
upplýsingar úr öllum mótum frá
því 2000 er að finna í gagnagrunni
Golfsambandsins. Golf.is er vinsæl-
asti íþróttavefur landsins yfir sum-
artímann og eru flettingar á fjórðu
milljón bara í júlímánuði.“
– Þú nefndir Knattspyrnu-
sambandið. Þar á bæ fá menn mikl-
ar tekjur af sjónvarpsréttindum og
háa styrki frá Evrópu- og alþjóða-
samtökum knattspyrnunnar. Koma
engar sjónvarpstekjur til Golfsam-
bandsins af heimsgolfi þeirra
bestu?
„Þarna er ólíku saman að jafna
og uppbygging þessara tveggja
íþróttagreina mjög ólík. Tvenn
samtök innan golfíþróttarinnar,
Royal & Ancient með aðsetur í St.
Andrews í Skotlandi og Samtök at-
innukylfinga í Bandaríkjunum, eru
æðstu stofnanir í golfi í heiminum.
Þessir tveir pólar vinna saman að
því að stjórna golfíþróttinni og
miklir peningar fara í gegnum
þessi samtök, sérstaklega PGA.
R&A fær tekjur m.a. af British
Open og Ryder-keppninni og við
höfum fengið styrki frá þeim. Þeir
styrktu til dæmis uppbyggingu á
æfingaaðstöðunni í Básum í Graf-
arholti og í Hraunkoti hjá Keili. Á
hverju ári undanfarið höfum við
fengið 10-15 þúsund pund sem hef-
ur verið eyrnamerkt unglingastarf-
inu hjá okkur. Fyrir þremur árum
gáfu þeir okkur rúmlega 20 ný-
uppgerðar sláttuvélar, sem við gáf-
um aftur til golfklúbba sem þurftu
mest á að halda. Þetta er svona
þróunarstarf hjá þeim, en skiptir
okkur máli.
R&A hefur styrkt uppbyggingu
golfíþróttarinnar víða um heim og
hefur meðal annars rekið golfskóla
þar sem reynt er að koma vand-
ræðaunglingum á rétta braut með
golfinu. Af stóru atvinnumannamót-
unum í Bandaríkjunum fara tekj-
urnar til atvinnumannanna sjálfra
og þeirra sem reka þessi mót.
Sjálfsagt renna fjármunir frá PGA
til uppbyggingar íþróttarinnar, en
við höfum ekki notið þeirra.
Við erum hins vegar aðilar að
stórum samtökum evrópskra
áhugamannasamtaka í golfi. Við
borgum árgjald til þeirra, en sækj-
um ekki styrki þangað.“
Jón Ásgeir segist þess fullviss að
á næstu árum muni Ísland eignast
kylfinga í fremstu röð. Hann bend-
ir á kynslóðaskipti í golfinu og að
stór hópur ungra og efnilegra kylf-
inga sé að koma fram á sjónar-
sviðið. Þetta þakkar hann aukinni
ástundun frá barnæsku, æfingum
allan ársins hring innanhúss og ut-
an, betri völlum og fleiri menntuð-
um kennurum.
Þörf fyrir nýja golfvelli
„Golfsambandið er aðili að Golf-
skóla PGA á Íslandi. Þaðan útskrif-
uðust ellefu golfkennarar í fyrra og
tíu á þessu ári. Núna erum við að
byrja með nýjan hóp og áhuginn
virðist vera mikill, enda hafa allir
þessir kennarar fengið vinnu. Ég
held að óhætt sé að segja að fram-
tíðin sé björt og margir golfklúbb-
anna hafa lyft grettistaki.“
Árið 2012 verður Golfsambandið
70 ára og vinnur Steinar J. Lúð-
víksson að ritun sögu sambandsins.
Jón Ásgeir reiknar með að golf-
vellir á íslandi verði einmitt 70 tals-
Fleiri högg en nokkru
Áhuga fyrir golfíþróttinni virðast lítil
takmörk sett, segir Jón Ásgeir Eyjólfsson,
forseti Golfsambandsins
Þvert á spár jókst aðsókn
að golfvöllum landsins í
sumar. Meiri frítími, ein-
stakt veður og líklega
færri utanlandsferðir
skýra þessa aðsókn. Einn-
ig betri vellir og mikið
starf að uppbyggingu
íþróttarinnar.
Morgunblaðið/Eggert
Kylfingurinn Jón Ásgeir Eyjólfsson hefur verið formaður Golfsambandsins
síðustu fjögur árin. Sjálfur er hann liðtækur kylfingur með 12,2 í forgjöf.
„Það er alltaf verið að tala um að það vanti aga í þetta
þjóðfélag, en golfreglurnar eru í raun siðareglur sem
gera það að verkum að flestir agast og læra ákveðna
framkomu; þolinmæði, tillitssemi og að þekkja sjálfa
sig sem þeir myndu kannski ekki gera annars.“
Áfangastaður fyrir
erlenda kylfinga
Golfsambandið stofnaði á síð-asta ári ásamt aðilum úr
ferðaþjónustunni samtökin Golf-
Iceland. Þar er leitast við að
kynna Ísland sem áfangastað fyr-
ir erlenda kylfinga. Mikið verk
hefur verið unnið í markaðs-
setningu á Íslandi á þessu ári og
fjöldi fyrirspurna um golf á Ís-
landi fylgt í kjölfarið. GolfIceland
er nú aðili að IAGTO sem eru al-
þjóðleg samtök golferðaskrif-
stofa. Fulltrúar IAGTO voru hér
á landi í síðasta mánuði og tóku
þeir út alla 18 holu velli landsins
sem eru aðilar að GolfIceland.
Niðurstaðan var sú að allir vell-
irnir stæðust þær kröfur sem er-
lendir kylfingar gerðu.
Menntamálanefnd og iðnaðar-
nefnd hafa styrkt þetta verkefni
GolfIceland auk þess sem Útflutn-
ingsráð hefur komið myndarlega
að samtökunum með fjárhags-
stuðningi, auk þess sem aðilar
samtakanna, golfklúbbarnir og
ferðaþjónustufyrirtækin, fjár-
magna samtökin.
Keppt í golfi á
Ólympíuleikum
Að áeggjan Norðurlandannahóf alþjóðagolfsamfélagið
fyrir nokkrum árum að sækja á
að koma golfíþróttinni inn á Ól-
ympíuleika. Sá róður var nokkuð
þungur í byrjun og lítil áhugi
PGA í Bandaríkjunum. Fyrir
tveimur árum tókst að sameina
alla aðila innan alþjóðagolfheims-
ins og hjólin fóru að snúast. Nýj-
ustu fréttir eru þær að golf og
sjö manna ruðningur verði kynnt
sem nýjar greinar á fundi
alþjóðaólympíunefndarinnar í
nóvember. Rætt er um að golf
verði keppnisgrein frá og með
2016.
Tímarit sent til
allra kylfinga
Golfsambandið hefur þrátt fyr-ir erfitt árferði haldið áfram
að gefa út tímaritið Golf á Ís-
landi. Því er dreift til allra fé-
lagsbundina kylfinga í klúbbum
og er GSÍ eina sérsambandið sem
veitir iðkendum sínum slíka þjón-
ustu. Blaðið kemur út fimm til
sex sinnum á ári og hefur á þessu
ári verið minnkað í um 100 síður
hvert tölublað.