Morgunblaðið - 08.10.2009, Blaðsíða 4
4 FréttirINNLENT
MORGUNBLAÐIÐ FIMMTUDAGUR 8. OKTÓBER 2009
KONA á fimmtugsaldri varð fyrir al-
varlegri líkamsárás í fjölbýlishúsi við
Hörðaland í Fossvogi í gærmorgun.
Hún hlaut alvarlega höfuðáverka og
er fyrrverandi eiginmaður konunnar
grunaður um verknaðinn.
Að sögn lögreglunnar á höfuð-
borgarsvæðinu tilkynnti karlmaður-
inn um árásina til lögreglu. Þegar
lögreglumenn komu á vettvang um
kl. hálfníu lá hann meðvitundarlaus á
gólfi íbúðarinnar, en hann var þá bú-
inn að vinna sjálfum sér mein með
því að drekka ætandi vökva.
Þau voru bæði flutt á slysadeild
Landspítalans í Fossvogi, þar sem
karlmaðurinn lést síðdegis í gær.
Hann var um fertugt.
Konunni er haldið sofandi á gjör-
gæsludeild spítalans, en hún gekkst
undir aðgerð á sjúkrahúsinu. Hún er
ekki talin vera í lífshættu.
Mikill viðbúnaður
Samkvæmt upplýsingum Morgun-
blaðsins mun mikið hafa gengið á í
íbúðinni og var aðkoman skelfileg.
Konan og karlmaðurinn eiga tvo
syni á leikskólaaldri en þeir voru
ekki á staðnum þegar átökin stóðu
yfir. Þeir eru nú í umsjá móðurfjöl-
skyldu sinnar.
Mikill viðbúnaður var í Fossvogi á
níunda tímanum í gærmorgun, en
fjöldi lögreglu-, slökkviliðs- og
sjúkrabíla var sendur á vettvang.
Skömmu síðar mætti tæknideild lög-
reglunnar.
Séra Pálmi Matthíasson, sóknar-
prestur í Bústaðakirkju, segir í sam-
tali við Morgunblaðið að íbúum í fjöl-
býlishúsinu hafi verið veitt
áfallahjálp, en flestir hafi verið
heima þegar atburðirnir voveiflegu
gerðust. Þá var starfsmönnum við
leikskólann þar sem drengirnir voru
einnig veitt áfallahjálp.
Samkvæmt upplýsingum Morgun-
blaðsins kom atburður gærdagsins
fólki, sem til mannsins og konunnar
þekkja, í opna skjöldu.
Alvarleg árás í heimahúsi í Fossvogi
Kona hlaut alvarlega höfuðáverka og er haldið sofandi á gjörgæslu Hún er ekki talin vera í lífs-
hættu Grunaður árásarmaður lést eftir að hafa drukkið ætandi vökva Íbúum veitt áfallahjálp
Morgunblaðið/Júlíus
Á vettvangi Lögreglan var með mikinn viðbúnað í Fossvogi í gærmorgun.
Eftir Steinþór Guðbjartsson
steinthor@mbl.is
VERÐ til svínakjötsframleiðenda
þarf að hækka um 38,5% til að þeir
nái endum saman, að sögn Guð-
brands Brynjúlfssonar á Brú-
arlandi í Borgarfirði. Offramleiðsla
hefur gert það að verkum að afurð-
irnar hafa lækkað mikið í verði á
árinu og segir Guðbrandur að verði
engin breyting á gefist margir
framleiðendur upp innan tveggja til
þriggja mánaða.
Guðbrandur segir að í byrjun árs
hafi framleiðendur fengið 350 kr.
fyrir kílóið í besta flokki svínakjöts.
Vegna offramboðs hafi verðið
lækkað og það sé nú 267 krónur en
þyrfti að vera að lágmarki 370
krónur til að reksturinn væri í
sæmilegu jafnvægi.
„Afkoman er hörmuleg í augna-
blikinu,“ segir Guðbrandur. Hann
segir að vegna verðbólgu, hárra
vaxta og slæmrar stöðu krónunnar
hafi aðföng hækkað gríðarlega
mikið í verði og verðfallið á afurð-
unum hafi ekki bætt stöðuna.
Ástandið aldrei verra
Guðbrandur hefur stundað svína-
rækt í rúmlega 40 ár og segir
ástandið aldrei hafa verið eins
slæmt og nú. Á árunum 2002 til
2004 hafi svínaræktendur lent í of-
framleiðslu en þá hafi verið upp-
gangur í samfélaginu.
Vegna ástandsins undanfarna
mánuði hefur Guðbrandur minnkað
við sig. Hann var með 115 gyltur en
nú eru þær um 100. Hann segir ljóst
að mörg bú séu búin með eigið fé.
Erfitt og dýrt sé að fá lán og setja
megi spurningarmerki við það að
reka fyrirtæki til langs tíma með
bullandi tapi.
„Afkoman er
hörmuleg í
augnablikinu“
Svínabændur þurfa 38,5% hækkun til
að ná endum saman Of mikið framboð
Morgunblaðið/Árni Sæberg
Ástand Mikill framleiðslukostnaður
er í svínarækt og offramboð.
Eftir Sigtrygg Sigtryggsson
sisi@mbl.is
TALSVERÐUR snjór féll í Bláfjöllum aðfaranótt
þriðjudagsins. Strax þann dag byrjuðu starfsmenn
skíðasvæðisins að troða snjóinn til að tryggja að hann
haldist og verði grunnur fyrir frekari snjókomu. „Hér
er unnið á fullu til að undirbúa frábæran vetur,“ segir
Magnús Árnason, framkvæmdastjóri skíðasvæðanna.
Hins vegar er spáin fyrir helgina afleit, miklu roki
spáð. Það gæti snjóað og þar sem búið er að troða í
brekkunum eru meiri líkur á því að sá snjór sem fell-
ur festist í röstum. Eftir helgina er svo spáð hlýindum
í tvo daga. „Þótt blotni og frysti til skiptis er mik-
ilvægt að vera kominn með góðan grunn,“ segir
Magnús.
Starfsmenn í Bláfjöllum lögðu stutta göngubraut á
Leirunum í fyrradag og skíðagöngumenn biðu ekki
boðanna. Liðsmenn Skíðagöngufélagsins Ulls voru
mættir samdægurs. Félagið heitir í höfuðið á helsta
skíðakappa ásanna í norrænu goðafræðinni. Það var
stofnað fyrir þremur árum og eru félagsmenn um 100
talsins og á öllum aldri.
Í fyrra voru Bláfjöllin opnuð fjórum dögum fyrir
jól. Síðan tók við rigningarkafli sem stóð fram í miðj-
an janúar. Þá tók við frábær kafli í Bláfjöllum, þar
sem opið var alla daga í rúman mánuð við hinar bestu
aðstæður.
Síðasta vetur var opið í 30 daga í Skálafelli og 57
daga í Bláfjöllum. 93 þúsund gestir samtals komu á
bæði svæðin en þeir voru 75 þúsund veturinn á und-
an. Síðasti vetur var metvetur á skíðasvæðunum.
Ef eitthvað snjóar að ráði á næstunni gæti styst í
opnun Bláfjalla fyrir skíða- og brettafólk. Að sögn
Magnúsar hefur verið kallaður út aukamannskapur
til að gera allt klárt fyrir opnun. Meðal annars er ver-
ið að hengja stólana á skíðalyfturnar.
Meðal þess sem framkvæmt var í sumar var að
byggja hús yfir stólana í Kónginum svokallaða. Sú
framkvæmd skiptir miklu máli, að sögn Magnúsar.
Komið hefur fyrir að stólarnir hafi fokið af lyftunum
og það kann að verða dýrt spaug, því hver stóll kost-
ar um tvær milljónir króna. Auk þess verður mikill
vinnusparnaður fólginn í þessari framkvæmd því mik-
il vinna hefur farið í það á morgnana að handmoka
stólana út ef snjóað hefur um nóttina eða snjórinn
fokið.
Þá var í sumar sett upp 1.050 metra snjógirðing í
Skálafelli. Slíkar girðingar hafa sannað gildi sitt í
Bláfjöllum. „Það er alveg magnað hvað snjógirðing-
arnar safna að sér miklum snjó,“ segir Magnús.
Morgunblaðið/Ómar
Gengið Liðsmenn Skíðagöngufélagsins Ulls voru mættir í Bláfjöllin strax í fyrradag og gengu rösklega.
Starfsmenn Bláfjalla
gera klárt fyrir opnun
Verið að troða fyrsta snjóinn og festa hann fyrir frekari
snjókomu Skíðagöngumenn eru þegar mættir á svæðið
Verið er að fjölga aðgangshliðum í Bláfjöllum fyrir
veturinn. Það gerir það að verkum að hægt verður að
bjóða fólki að kaupa tveggja tíma kort.
„Áður þurfti fólk að kaupa sér heilsdagskort þótt
það hafi bara ætlað sér að skíða hluta úr degi. Þetta
nýja fyrirkomulag léttir álagið á pyngjunni hjá þeim
sem hafa áhuga á því að mæta snemma í fjallið og
vera á skíðum áður en meginstraumurinn kemur,“
segir Magnús Árnason.
Ekki búið að ákveða verðskrá vetrarins að sögn
Magnúsar. Hann býst við að verðið verði það sama
eða hækki miðað við neysluvísitölu. Árskortið kost-
aði 15 þúsund krónur í fyrra og var selt á tilboðs-
verði frá 1. desember til 5. janúar. Sami háttur verð-
ur hafður á í vetur. Ef skíðasvæðin opna fyrr verður
sala kortanna væntanlega hafin fyrr. „Ég hvet fólk til
að kaupa árskortin. Það er upplagt fyrir fólk að nýta
íþróttastyrki frá fyrirtækjum eða starfmanna-
félögum til að kaupa kortin,“ segir Magnús.
Boðið upp á skammtímakort
10% afsláttur
www.apotekarinn.is