Morgunblaðið - 09.10.2009, Qupperneq 16

16 FréttirINNLENT
MORGUNBLAÐIÐ FÖSTUDAGUR 9. OKTÓBER 2009
STJÓRN VR hefur samþykkt álykt-
un þar sem m.a. segir; að stjórn VR
mótmæli harðlega þeim fyrirætl-
unum stjórnvalda að ætla ekki að
standa við hækkun persónu-
afsláttar. „Slík framkoma er ekki
trúverðug fyrir ríkisstjórn sem
kennir sig við velferð og skjaldborg
um heimilin í landinu. Ekki frekar
en sú þversögn að á sama tíma og
vinstri höndin hækkar álögur á al-
menning í formi neysluskatta og
eykur skuldavanda heimila og
fyrirtækja er sú hægri að leysa
þann sama skuldavanda með lána-
lengingum. Slíkt gengur einfald-
lega ekki upp.“
Stjórnvöld standi
við persónuafslátt
FULLTRÚARÁÐ Sjálfstæðisfélag-
anna í Vestmannaeyjum tekur undir
með svæðisfélögum Vinstri grænna í
Húnavatnssýslum og Skagafirði sem
harma framgöngu forystumanna
ríkisstjórnarflokkanna gagnvart
landsbyggðinni.
Um leið og það er viðurkennt að
allir landsmenn þurfi að taka á sig
auknar byrðar er því mótmælt að
vegið sé að landsbyggðinni umfram
höfuðborgarsvæðið með þeim til-
lögum að niðurskurði sem kynntar
hafa verið. Þensla síðustu ára var á
höfuðborgarsvæðinu þar sem ríkis-
rekstur blés út langt umfram það
sem eðlilegt er. Á sama tíma var hins
vegar skorið niður á landsbyggðinni.
Vegið að lands-
byggð umfram
höfuðborg
STÍGAMÓT hafa nú tekið í notkun
nýtt símkerfi sem símafyrirtækið
SIP gaf. Símkerfið sem kostar um
700.000 er sérþróað fyrir þarfir
Stígamóta.
Tryggt er að símanúmer þeirra
sem hringja inn birtist ekki og
verður ekki hægt að kalla fram þær
upplýsingar síðar. Það er nauðsyn-
legt til að tryggja persónuvernd.
Stígamót geta hins vegar kallað
fram skýrslur eftir þörfum með töl-
fræðiupplýsingum um fjölda sím-
tala eftir málaflokki beint úr vef-
viðmóti símakerfisins.
Sérþróað símkerfi
Ánægja Stígamótakonur ánægðar
með nýja símkerfið.
HELGINA 10.-11. október munu
þrjátíu erlendir nemendur stunda
háskólanám á Ströndum. Dvöl
þeirra er hluti af námskeiði á veg-
um Þjóðfræðistofu og Háskóla Ís-
lands um íslenska þjóðfræði.
Aðalleiðbeinandi er Kristinn
Schram, forstöðumaður Þjóð-
fræðistofu. Þá mun Sigurður Atla-
son taka á móti nemunum á Galdra-
sýningunni á Ströndum. Auk þess
að fræðast um þjóðfræði og sagnir
á Íslandi munu nemarnir heim-
sækja Rannsókna- og fræðasetur
Háskóla Íslands á Vestfjörðum og
kynnast nytjum á Ströndum.
Morgunblaðið/Þorkell
Erlendir háskóla-
nemar á Ströndum
Eftir Ágúst Inga Jónsson
aij@mbl.is
ÞÓ SVO að skógarnir hafi vaxið
með eindæmum vel í sumar hafa
bændur á einstaka bæjum á Suður-
landi þó orðið fyrir búsifjum. Ertu-
yglulirfa hefur lagst á nýgróður-
settar plöntur, einkum í
Rangárþingi og uppsveitum Árnes-
sýslu, og étið bæði lauf og barr-
nálar. Þá settu sumarfrost strik í
reikninginn á sömu slóðum og eftir
er að koma í ljós hversu vel plöntur
sem verst fóru út úr kuldunum
klára sig í vetur.
Björn Jónsson, framkvæmda-
stjóri Samtaka skógarbænda á Suð-
urlandi, segir að á verstu svæð-
unum hafi ertuyglan náð að hreinsa
nánast öll blöð af plöntum. Það hafi
í för með sér að þessar trjáplöntur
séu verr undir veturinn búnar.
Sumarfrostin, sem eyðilögðu
stóran hluta af uppskeru kart-
öflubænda í Þykkvabæ, ollu líka
tjóni í skógræktinni á einstökum
svæðum. Plöntur sem urðu fyrir
frosttjóni eru með lafandi toppa og
sumarvöxturinn er skemmdur. Það
kemur síðan í ljós á næsta ári hvort
þær eru dauðar eða ekki að sögn
Björns.
Þess má geta að mjög miklar
skemmdir urðu á lúpínu af völdum
ertuyglulirfu á sumum stöðum, mó-
feti á þó einnig hlut að máli. Mikill
hluti lúpínusvæða á Suðurlandi mun
vera skemmdur af þessum völdum.
Niðurskurðurinn bítur
Björn segir að skógarbændur hafi
ekki úr eins miklu að moða og áður,
en niðurskurður til þessarar bú-
Ertuygla og sumarfrost bitu í
 Plöntur illa búnar undir vetur á einstaka jörðum
 Niðurskurður og verðbólga hefur bitnað á skógarbændum
Ygla á ösp Á verst förnu svæðunum
náði ertuyglan að hreinsa nánast öll
blöð af plöntum.
greinar hefur bitið í ár og áfram
verður skorið niður á næsta ári.
„Fyrir tveimur árum var gerður
samningur um kaup á trjáplöntum
og nú skella verðbætur frá þeim
tíma á skógarbændum af fullum
þunga,“ segir Björn. „Auk um 6%
niðurskurðar eru verðbæturnar um
30% á plöntur sem við fáum á næsta
ári. Það er erfitt að þurfa að draga
saman seglin þegar síst skyldi og
það einmitt nú þegar reynir á kol-
efnisbindingu og við hefðum þurft
að bæta í.“
Á vegum skógarbænda á landinu
öllu voru gróðursettar um fimm
miljónir plantna í fyrra, en búast
má við að fjöldinn fari undir fjórar
milljónir á næsta ári. Á Suðurlandi
voru um 800 þúsund plöntur gróð-
ursettar í ár, en áætlanir gerðu ráð
fyrir 1,3 milljónum plantna.
Eftir Sigurð Boga Sævarsson
sbs@mbl.is
„EF þið segið upp kjarasamningi
og hafið af láglaunafólki réttmætar
launahækkanir mun verkalýðs-
hreyfingin beita afli sínu til þess
að tryggja að til þeirra hækkana
muni koma. Allt annað verður lagt
til hliðar á meðan. Ef þið viljið
stríð munuð þið fá stríð,“ sagði
Gylfi Arnbjörnsson, forseti ASÍ, á
þingi Starfsgreinasambands Ís-
lands sem haldið var á Selfossi í
gær.
Samstaðan aldrei
nauðsynlegri
Gylfi segir að síðasta ár hafi ver-
ið gjörningaveður á Íslandi og
staða margra eftir efnahagshrunið
sé afar erfið. „Það er mín skoðun
að við þessar aðstæður hafi mik-
ilvægi verkalýðshreyfingar og ein-
arðrar samstöðu innan okkar raða
aldrei verið nauðsynlegri,“ segir
Gylfi og bendir þar á að hægt var
að verja þann kjarasamning sem
gerður var í febrúar 2008. Sá
samningur sé hins vegar kominn í
uppnám núna því langlundargeð
atvinnurekenda gagnvart úrræða-
leysi stjórnvalda í nánast öllum
málum sé að þrotum komið og til
uppsagnar samninga gæti komið í
lok mánaðarins sem væri skelfileg
staða.
Gylfi segir verkalýðshreyfinguna
hafa glímt við grafalvarlega stöðu
á vettvangi stjórnmálanna að und-
anförnu. Allt síðasta ár hafi verið
pólitískur óróleiki og í raun póli-
tísk kreppa í landinu sem rekja
megi til hrunsins í október fyrir
ári. „Við þessar aðstæður eru mikl-
ar væntingar til þess að verkalýðs-
hreyfingin standi vaktina og skapi
þá festu sem þarf,“ segir Gylfi sem
segir stöðugleikasáttmála aðila
vinnumarkaðs og ríkisvalds í upp-
námi.
Ríkisstjórn vinni
með launafólki
Í setningarávarpi sínu gerði
Kristján Gunnarsson, formaður
Starfsgreinasambandsins, hug-
mynd um þjóðstjórn að umtalsefni.
Kristján sagði að ef fjórir eða
fimm stjórnmálaflokkar skiptu
með sér ráðherraembættum væri
það ekki þjóðstjórn í sínum huga.
„Hið eina rétta þjóðstjórnarmynst-
ur að mínu viti er að ríkisstjórn á
hverjum tíma vinni náið með sam-
tökum launafólks, sveitarfélögum
og samtökum atvinnurekenda að
því að skapa forsendur til framfara
og uppbyggingar,“ sagði Kristján.
Um stöðuna í efnahagsmálum
sagði Kristján að jörðin væri sviðin
hvert sem litið væri.
Stjórnmálamenn
standa í vegi
„Svo virðist sem lukkuriddarar
frjálshyggjunnar hafi látið greipar
sópa í íslensku atvinnulífi. Það eina
sem er eftir af fjölskyldusilfrinu –
eru lífeyrissjóðirnir. Og þeir eru
stórskaðaðir eftir viðskiptin við
þetta fólk,“ segir Kristján sem
segir lífeyrissjóðina áfram um að
fjármagna atvinnuskapandi verk-
efni. Ráðamenn kjósi hins vegar að
bregða fæti fyrir stórverkefni sem
eru komin áleiðis og nefnir þar ál-
ver í Helguvík og á Bakka við
Húsavík. „Því lengur sem það tefst
að koma verkefnum af þessu tagi
af stað því lengri og dýpri verður
kreppan. Stjórnmálamenn sem
standa í veginum þurfa að hugsa
sinn gang,“ sagði Kristján.
Stríð við samningsrof
 Forseti ASÍ boðar átök verði kjarasamningum sagt upp  Lífeyrissjóðirnir
það eina sem er eftir af fjölskyldusilfrinu  Ráðherrar vinna gegn uppbyggingu
Forsetinn Gylfi Arnbjörnsson forseti ASÍ, segir kjarasamninga vera í uppnámi og samstaðan sé aldrei mikilvægari.
Ljósmynd / Guðmundur Rúnar Árnason
Ríkisstjórnin
mun á næst-
unni taka á
skuldamál-
um fyrir-
tækjanna
svo þau geti
meðal ann-
ars haldið
fólki í vinnu.
Næsta stór-
verkefni er glíman við atvinnu-
leysi, sagði Árni Páll Árnason
félagsmálaráðherra á þingi
SGS. „Við þurfum að tryggja
fólki fjárhagslegan ávinning af
launavinnu og styðja langtíma-
atvinnulausa til aukinnar þátt-
töku í samfélaginu. Til þess
þurfum við að kalla til verka alla
þá sem hjálpa vilja og búa til
fjölbreytt verkefni fyrir atvinnu-
lausa,“ sagði Árni Páll.
Árni Páll Árnason
Styðja atvinnulausa
til aukinnar þátttöku