Saga - 1984, Blaðsíða 363

Um frágang efnis í Sögu og ritlaun
Frágangur handrits
Öll handrit skulu vera vélrituð á pappír af stærðinni A 4; einungis skal rita
öðrum megin á hvert blað. Aðeins er tekið við skýru frumriti eða mjög skýru
ljósriti. Munið að skipta um borða í ritvélinni eftir þörfum og gleymið ekki að
nota leiðréttingalakk og -miða. Fastar reglur gilda um eftirtalin atriði:
Itmdregið eftii Allar tilvitnanir, sem eru fullar þrjár línur að iengd og lengri,
skulu vera inndregnar um sex slög í handriti. Ætla má að sem næst 60 slög hið
minnsta rúmist í línu í vélrituðu handriti (spássía 5 sm) og tilvitnanir umfram
180 slög skulu því vera inndregnar. Ekki skal auðkenna inndregið efni með til-
vitnunarmerkjum. Línubil er hér hið sama og í óinndregnum texta. Til greina
getur komið að rjúfa langar tilvitnanir með innskotum, svo sem skýringum,
og getur þá hver inndregin klausa orðið styttri en að ofan er lýst.
Undirstrikað sé allt sem skal skáletra í hinum prentaða texta; hvorki er notað
feitt letur né gleiðletur og hásteflingar (lágir hástafir, þ.e. lágir upphafsstafir) í
prentaða textanum nema sérstaklega þurfi með vegna efnis. Skáletrun er oftast
notuð í áhersluskyni. Að öðru leyti er ætlast til að heiti bóka, ritraða, blaða og
tímarita séu skáletruð í megintextanum í samræmi við það sem tíðkast í heim-
ildaskrám (sjá hér á eftir) en heiti ritgerða einkennd með gæsalöppum á sama
hátt og þar er gert. Mannanöfn skulu ekki skáletruð að jafnaði en mælt er með
að nöfn erlendra manna séu skáletruð þegar þeirra getur í fyrsta sinn enda sé
tilgreint bæði fornafn (eða ígildi þess) og eftirnafn.
Styttingar skulu menn forðast, t.d. Danm., og hafa skammstafanir í hófi,
a.m.k., o.Jl., e.t.v. Einnig má rita amk., ojl. etv. Stofnanir, félög og fyrirtæki
skal skammstafa með upphafsstöfum einum: KFUM, IOGT, HÍ.
Neðanmálsgreinar Tilvísanir til heimilda skulu vera eins margar og þurfa þykir,
fremur fleiri en færri. Þær skulu hafa samfellda tölumerkingu, í o. áfr., og vera
á sérblaði með sama línubili og megintextinn. í prentaða textanum verða þær
neðanmáls með smærra letri. í greinum, sem eru 25 vélritaðar síður og lengri,
skal vera sjálfstæð tölumerking innan hvers aðalkafla, jafnan skal byrjað á 1 að
nýju. Tilvísunartölur skulu standa ofan við línu í megintexta. Athugið vel að
ekki skal annað standa í neðanmálsgreinum en tilvísanir til heimilda og mjög
stuttar skýringar eða athugasemdir. Neðanmálsgreinar, sem eru fimm línur í
vélriti og lengri, skulu settar aftanmáls en til þeirra skal vísað neðanmáls.