Organistablaðið - 01.12.1994, Page 3

DR. PÁLL ÍSÓLFSSON
Þess er minnst um þessar mundir að eitthundrað ár eru í dag, 12.10. 1993, liðin frá
fæðingu dr. Páls ísólfssonar. Flestum landsmönnum mun liann kunnur svo djúp spor
sem hann markaði í íslenskri menningarsögu. Páll var eitt sinn spurður að því á opin-
berum vettvangi hvaða starf sér þætti vænst um af sínu stóra og mikla starfssviði.
Hann sagði því fljótsvarað, það væri starf orgelleikarans í Dómkirkjunni. Hann
sagðist líta á sig fyrst og fremst sem orgelleikara þótt margskonar önnur störf hlæðust
á hann.
Það blandast engum hugur um það að þegar Páll hafði lokið námi í Leipzig stóðu
honum ýmsar leiðir opnar. Vafalausl valdi hann þá leiðina sem erfiðust var þá, að
hverfa heim á ný og hefja brautryðjendastörfin hér, við ltlið annarra frumherja sem
íslenska þjóðin stendur jafnan í þakkarskuld við.
Vissulega var ekki glæsilegt um að litast í tónlistarlífinu þegar Páll hóf störf hér
heima. Fátt eitt var til af hljóðfærum og fált kunnáttumanna til að fara með þau.
Arsins 1930 verður jafnan rninnst sem merkisárs í íslenskri menningarsögu en þá
tóku til starfa Tónlistarskólinn og Ríkisútvarpið en þessum stofnunum helgaði Páll
krafta sína langa hríð. Aðstæður voru slíkar að hann hlaut að dreifa kröftunum meira
en hann helði sjálfur óskað.
3 ORGANISTABLAÐIÐ