Organistablaðið - 01.12.1994, Qupperneq 21

Nokkrir molar úr Stykkishólmi
Mig langar til að senda ykkur línur og segja frá tónleikum sem kór
Stykkishólmskirkju hélt s.l. vor í tilefni af 50 ára afmœli sínu. Sögu kórsins og
kirkjusöngs í Stykkishólmi má lesa í bæklingi, sem kórinn gaf út í vor og ég sendi
hér með, en saga orgelleiks og kirkjusöngs í Stykkishólmi nær yfir meira en 100 ár.
Tónleikarnir voru haldnir í grenjandi rigningu og hávaðaroki laugardaginn 8. maí
s.l. í Stykkkishólmskirkju (hinni nýju). Þar var sungin Ijölbreytt efnisskrá, m.a.
Messa Schuberts (eins og allir hinir), syrpa af lögum úr Fiðlaranum á þakinu og svo
íslensk og erlend lög úr ýmsum áttum.
I hluta af efnisskránni sungu með okkur Barnakór Stykkishólms og félagar úr
kirkjukórnum í Búðardal, Grundarfirði, Olafsvík, Hellissandi og Rifi.
Um hljóðfæraleik sáu Friðrik V. Stefánsson, organisti í Grundarfirði, Helgi E.
Kristjánsson, kórstjóri í Olafsvík, Daði Þór Einarsson, skólastjóri Tónlistarskólans í
Stykkishólmi, Hafsteinn Sigurðsson, tónlistarkennari, Lana Rae Þórarinsdóttir, tón-
listarkennari, Jósep O. Blöndal, sjúkrahúslæknir, Jón Svanur Pétursson, málari og
nokkur börn úr Tónlistarskóla Stykkishólms.
Þegar allir voru taldir voru flytjendur farnir að nálgast 100 en félagar í Kór
Stykkishólmskirkju eru um 40. Stjórnandi var Jóhanna Guðmundsdóttir.
Tónleikagestir fylltu kirkjuna og var kórinn hylltur í lok tónleika og voru honum
færðar góðar kveðjur og gjafir í tilefni 50 ára afmælisins. Gaman er að geta þess að
enn eru starfandi 2 stofnfélagar, sem gefa hinum yngri gott fordæmi.
Ekki er víst að ykkur þyki fréttir í þessu hjá okkur, en fyrir okkur var þetta stór
stund og má segja að starfið s.l. vetur hafi snúist um að undirbúa þessa tónleika, sem
tókust mjög vel.
Nú er Jöklakórinn, sem samanstendur af kirkjukórafólki í Stykkishólmi,
Grundarfirði, Olafsvík, Hellissandi, Rifi og Búðardal að æfa nokkur lög til að syngja
á tónleikum með Sinfóníuhljómsveit Islands, sem verða haldnir í Olafsvík 17. sept-
ember og í Stykkishólmi 18. september 1993. Ég held að það sé í fyrsta sinn sem
Sinfónían býður söngfólki hér að taka svona þátt í tónleikum með sér, en löngu
tímabært að tengja tónlistarfólk svona saman. Þó hefðum við viljað fá betri og meiri
undirbúningstíma en rúmar 3 vikur eins og nú, en koma tímar og koma ráð.
Þá er rétt að segja frá því að organistaskipli fara nú fram hér í Stykkishólmi, þar
sem ég hætti núna en við taka þau:
Lana Rae Betts, kórstjóri og David Enns, organisti, en þau koma bæði frá Kanada
og er Lana vestur-íslensk.
Með bestu kveðju og góðum óskum,
Jóhanna Guðnmndsdóttir
21 ORGANISTABLAÐIÐ