Morgunblaðið - 21.12.2009, Qupperneq 23

Umræðan 23
MORGUNBLAÐIÐ MÁNUDAGUR 21. DESEMBER 2009
Hollráð um eldvarnir
oryggi.is
Hringdu í 570 2400 og fáðu ókeypis öryggisráðgjöf heim!
Reykskynjarar bjarga mannslífum
Á hverju heimili ættu að vera reykskynjarar,
slökkvitæki og eldvarnateppi.
Fleiri hollráð og netverslun með öryggisvörur
er að finna á oryggi.is.
PPII
PPAAA
RRRRRR
\\\\\\\\\\\\
TTTTTTTTTTBBBBB
WWWWWW
AAAA
••
SSÍÍ
AAA
•
9
2
2
5
4
5
44
9
2
2
5
9
2
2
Góðir landsmenn
Bækurnar að vestan eru hvorki stórkostlegar, einstakar,
frábærar, djarfar, átakamiklar, svakalega trúverðugar,
meistaraverk, heillandi, ógleymanlegar né töfrandi.
En þær leyna á sér!
Bækurnar að vestan fást í bókaverslunum um land allt!
Bækurnar að vestan
Í JÚLÍ flautaði
Seðlabanki Íslands til
leiks í þrælskemmti-
legum talnaleik milli
Seðlabankans og
raunveruleikans. Þeir
spáðu fyrir um út-
flutningsjöfnuð hag-
kerfisins næstu 10 ár-
in. Í dag er staðan
1-0 fyrir raun-
hagkerfið. Bankinn
spáði 154 milljörðum í
útflutningsjöfnuð fyrir 2009, hins
vegar stefnir jöfnuðurinn í 100
milljarða, 50% skekkja þrátt fyrir
að sex mánuðir voru liðnir af
árinu. Á móti kemur að níu ár eru
eftir af leiknum, þorir einhver að
veðja á Seðlabankann?
Alþjóðagjaldeyrissjóðurinn er
líka mjög klár í Excel og tók því
þátt í leiknum. Hann spáði 125
milljörðum þó að níu mánuðir
væru liðnir þegar þeir skiluðu inn
tölunum. Ef nánar er farið í út-
reikninga sjóðsins má sjá að þeir
ofmátu vöruskiptajöfnuð um 40
milljarða eða 55% og vanmátu
þjónustujöfnuð um 18 milljarða
eða 60%. Þetta er ömurleg
frammistaða hjá Washington.
Þora þeir að lána með þessa
skekkju í útreikningum sínum,
eða ætla þeir að selja auðlindir Ís-
lendinga upp í skuldir?
Með útreikningum þessara
tveggja stofnana hafa Steingrímur
Jóhann og Jóhanna Sigurðardóttir
talið okkur trú um að við getum
bara fyllilega staðið undir þessu
öllu. Ekkert mál. Samt míglekur
Excel-skjalið með öllum þessum
vandaða og vel stimplaða útreikn-
ingi. Finnst þeim heiðurshjónum
eðlilegt að eina leiðin til að spárn-
ar gangi upp sé að lífskjör Íslend-
inga verði ömurleg.
Hjónin vinna hörðum
höndum að því að
sannfæra þjóðina um
að best sé að sætta
sig við fábrotinn
rússneskan lífsstíl.
Getum ekki borg-
að samkvæmt IMF
Ef kafað er djúpt í
skýrslu sjóðsins, fram
hjá allri froðunni sem
veltur upp úr Mark
Flanagan, má finna
áhugaverða töflu um við-
skiptajöfnuð. Viðskiptajöfnuður er
allur útflutningur mínus innflutn-
ingur plús vaxtatekjur mínus
vaxtagreiðslur. Viðskiptajöfnuður-
inn gefur vísbendingu um hvað
við sem samfélag getum greitt
mikið í afborganir af lánum.
Þessi viðskiptajöfnuður er nei-
kvæður um 50 milljarða að með-
altali næstu sex árin samkvæmt
vönduðum útreikningi stofnunar-
innar í Washington. En sjóðurinn
fullyrðir að það sé allt í lagi því í
útreikningnum eru gríðarstórar
skuldbindingar eins fyrirtækis,
Actavis. Samkvæmt IMF ber
pilluframleiðandinn ábyrgð á rúm-
lega fimmtungi af heildar-
skuldum. Þá skulum við bara leið-
rétta samkvæmt því og draga frá
fimmtung af vaxtakostnaði. Við-
skiptajöfnuðurinn verður þá núll.
Til hamingju með það, ekkert
svigrúm til að greiða niður lánin.
Óskandi væri ef fjölmiðlamaður
myndi spyrja Flanagan að því
hvernig við greiðum niður skuld-
irnar. (Hafa ber í huga að skuldir
gömlu bankanna eru ekki með í
þessum útreikningi IMF.)
Heilbrigð skynsemi
eða Excel?
Mark Flanagan var í Kastljós-
inu um daginn og fullyrti að Ís-
land gæti greitt allt til baka því
útflutningur stórykist þegar krón-
an veiktist. Miðað við áætlanir
Flanna um stóraukinn útflutning
næstu árin má því búast við enn
frekari veikingu krónunnar. Ef-
laust skapast fjölmörg skemmti-
leg útflutningstengd störf þegar
gengi krónunnar fer í geng-
isvísitöluna 300, nú eða 500.
Hattaframleiðsla sem nágranni
minn á Álftanesinu telur eitt af
tækifærunum til að bjarga okkur
út úr kreppunni á orðið mögu-
leika. Glæsileg framtíð!
Rétt eins og hefði verið betra
með sundlaugina á Álftanesi og
tónlistarhúsið í Reykjavík þá er
réttast að nota heilbrigða skyn-
semi til að komast að niðurstöðu
um Icesave. Lengsta rennibraut á
Íslandi og öldulaug fyrir milljarð
í litlu bæjarfélagi. 20-40 milljarða
tónlistarhús (hver veit hvað það
kostar) fyrir menningarelítuna.
Sálarró Jóhönnu og Steingríms
fyrir 600 milljarða. Þarf að reikna
þetta eitthvað?
Raunveruleikinn 1 – IMF 0
Eftir Örvar Guðna
Arnarson
» Samkvæmt IMF ber
pilluframleiðandinn
ábyrgð á rúmlega
fimmtungi af heild-
arskuldum. Þá skulum
við bara leiðrétta sam-
kvæmt því og draga frá
fimmtung af vaxta-
kostnaði. Viðskiptajöfn-
uðurinn verður þá núll.
Örvar Guðni
Arnarson
Höfundur er viðskiptafræðingur
og íbúi á Álftanesi.
VIÐ höfum notið
hreinræktaðrar
vinstristjórnar síðan í
janúar 2009. Það er
ekki langur tími en þó
að af ýmsu höfum við
nóg þá hefur tíminn
sjaldan verið okkur
eins dýrmætur og nú.
Það verður varla
sagt um þessa ein-
stökustu stjórn Ís-
landssögunnar að hún
hafi farið vel með tíma sinn og fjár-
muni. Hún hóf ferilinn á því að starta
þrasi um aðild að Evrópusambandinu
og lét allt annað lönd og leið vikum og
mánuðum saman. Bunur af þvættingi
um að hér hrykki allt í gang bara við
það að sækja um aðild minntu á sak-
laus börn að bíða eftir jólasveininum.
En það lítur út fyrir að sveinki hafi
gleymt pokanum heima. En svo kom
glaðningur, langir listar frá Evrópu-
sambandinu, en þar var eitthvað sem
þjóðinni kom ekki við, enda hefur það
verið háttur róttækra vinstristjórna
alla tíð að það eru stjórnvöld sem
skipta máli, ekki fólk. Enda hefur
málpípa stjórnarinnar sagt að það
sem öllu máli skipti sé að þessi
vinstristjórn lifi sem lengst. Það má
vera göfugt markmið en það hefði
verið gaman fyrir heiðarlegt fólk í
þrengingum ef þar með hefðu verið
einhver úrræði því að gagni.
Klárlega hefði mátt nota þann tíma
sem fór í Evrópuþrasið í ýmislegt
annað og þarfara. Evrópuþrasið
hefðum við getað tekið þegar tíminn
væri ódýrari og betur áraði.
Samninganefnd
án virðingar
Það hefði varla verið mikill vandi
að finna heppilegri og virðingarverð-
ari fulltrúa til að gæta hagsmuna
okkar gagnvart Bretum og Hollend-
ingum, heldur en hinn gamla komma,
sem varð svo allt í einu latur í þokka-
bót. Samninganefnd sem ekki semur
heldur samþykkir, veldur undrun og
er ekki heppileg til að skapa traust á
stjórnvöldum eða virðingu fyrir okk-
ur. Á örlagatímum skipta foringjar
máli, foringjar sem leiða þjóðir til
frelsis. Ekki foringjar sem endalaust
leita að tryggum þjónum handa sjálf-
um sér.
Forsætisráðherra og málpípa hans
sáu ekki ástæðu til að rýna djúpt í
samþykkt hins lata snillings sem þau
höfðu valið til að tryggja hagsmuni
þjóðarinnar og kröfðust þess að al-
þingi samþykkti hana ólesna. Mál-
pípa stjórnarinnar lét þó tilleiðast að
leyfa nokkra fyrirvara við þessa ein-
stöku samþykkt, enda kom á daginn
að aldrei hafði staðið til að nota þá í
alvöru. Þannig er þessi stjórn, henn-
ar hagsmunir skyldu settir framar
hagsmunum þjóðarinnar. Og þannig
verður það því þessi stjórn er ekkert
á förum.
Hún hefur á bak við sig meirihluta,
þann meirihluta sem kaus hana og
þar innanborðs skríl
þann sem barði potta,
brenndi jólatré og kast-
aði grjóti og skít í lög-
regluna okkar, á meðan
núverandi málpípa
stjórnarinnar öskraði,
veifaði hnefum og patað
fingrum inni í þinghús-
inu. Það er verulega
umhugsunarvert að
þessum skríl þurftu
nokkrir þingmenn sálar
sinnar vegna að sýna
samstöðu.
Foringja með vit, reynslu
og áræði vantar
Málpípu forsætisráðherra líður
aldrei betur en þegar hún finnur sér
færi til að kenna Sjálfstæðis-
flokknum og því hyski sem hún telur
honum tilheyra um sín leiðindi. Við
sjálfstæðismenn vitum að mistök
voru gerð og að við eigum hlut að
þeim mistökum. Vorum hugsanlega
of trúaðir á ærlegheit og í raun hafð-
ir að ginningarfíflum sem og allir
aðrir í stjórnkerfinu af hinu æru-
verðuga Evrópusambandi Jóhönnu
Sigurðardóttur og hennar trúarsetti.
Peningaflónin sýnast ætla að vera
ósnertanleg (untouchable) eins og
verið hefur lengi. Dómskerfi sem þó
átti aldrei í vandræðum með sann-
leikann gegn vesalingum var rekið á
kaf ofan í drulluna þegar kom að hin-
um ósnertanlegu.
Trúarsettið og lúður þess gjóa til
annarra átta þegar þau mál eru
rædd. Mistök eru til að lært sé af
þeim. Það ætlar hinn öskrandi þing-
maður fyrrverandi og núverandi lúð-
ur forsætisráðherra ekki að gera.
Hann þarf ekkert að læra því að
hann veit allt. Og það sem hann veit
best er að Sjálfstæðisflokkurinn
framleiddi heimskreppuna og ekki
bara það heldur magnaði hann hana
sérstaklega til handa okkur Íslend-
ingum. Þið sem viljið trúa þessu
skuluð bara gera það því við trú er
ekkert að gera. En sá dagur kemur
að það þarf alvörustjórn til að koma
á reglu hér aftur.
Bráðasti vandinn er þó sá hvernig
hægt verður að leiða Samfylkinguna
og Vinstri græna hjá frekari af-
glöpum, svo hér verði eitthvað að
styðjast við þegar umboði þeirra í
nafni þjóðarinnar lýkur.
Gloríustjórn
og tíminn líður
Eftir Hrólf
Hraundal
Hrólfur
Hraundal
»Bunur af þvættingi
um að hér hrykki allt
í gang bara við það að
sækja um aðild minntu
á saklaus börn að bíða
eftir jólasveininum.
En það lítur út fyrir að
sveinki hafi gleymt
pokanum heima.
Höfundur rekur vélsmiðju
á landsbyggðinni.