SunnudagsMogginn - 01.08.2010, Síða 27

1. ágúst 2010 27
Þ
riðja plata Láru Rúnarsdóttur, Surprise, kom
út í fyrra og hefur slegið í gegn hjá landanum í
ár, ekki síst í sumar enda hefur Lára verið iðin
við að spila um land allt við lofsamlegar und-
irtektir
Lára er fædd 4. október 1982, næstelst fjögurra
systkina. Hún er dóttir Örnu Vignisdóttur hönnuðar
og textílkennara og Rúnars Þórissonar, tónlistarmanns
og aðstoðarskólastjóra Do, re, mí tónlistarskólans.
Systkini Láru eru þrjú; eldri er hálfbróðirinn Hilmar
Snær Rúnarsson en yngri eru Margrét og Þórir Rafn-
ar.
Lára ólst upp í Vesturbæ Reykjavíkur til sjö ára
aldurs og gekk í Melaskóla til að byrja með en þá
fluttist fjölskyldan til Lundar í Svíþjóðar þar sem
pabbi hennar var í námi. Dvölin ytra varði í fjögur ár en
þegar heim kom fluttist fjölskyldan í Kópavog, þar sem
Lára gekk í Kópavogsskóla og síðar Menntaskólann í
Kópavogi.
Að loknu stúdentsprófi reyndi Lára fyrir sér í sálfræði
í Háskóla Íslands en skipti svo yfir í Kennaraháskólann
þaðan sem hún útskrifaðist sem tónmenntakennari.
Lára var aðeins sex ára þegar hún hóf tónlistarnám og
var farin að leika á píanó sjö ára gömul. Síðar nam hún
söng við Söngskólann í Reykjavík og Tónlistarskóla
Kópavogs. Hún var 17 ára þegar hún byrjaði að semja
eigin tónlist í félagi við föður sinn og fyrsta plata hennar,
Standing still, kom út 2003. Önnur platan var Þögn sem
kom út 2006 og sem fyrr segir kom þriðja platan, Surprise, út
í fyrra. Samhliða því að semja og leika eigin tónlist starfar hún
sem rekstrarstjóri hjá Skífunni.
Lára á dótturina Emblu Guðríði með sambýlismanni sínum,
Arnari Þór Gíslasyni, en mikið stendur til hjá þeim því þau
hyggjast ganga í það heilaga snemma í haust með pomp og
prakt. Það er því óhætt að segja að árið hafi verið og verði
með viðburðaríkara móti hjá Láru, enda mikið að gerast,
bæði í tónlistinni og einkalífinu. ben@mbl.is
Í París ásamt verðandi eiginmanni Arnari Þór Gíslasyni árið 2006.
„Við leigðum okkur vespu og ókum þvers og kruss um alla borgina.“
Á sviðinu. Frá tónleikum í London í sum-
ar. „Við fengum frábærar viðtökur.“
Snemma beygist krókurinn. „Það eru til margar tónlistarmyndir af
mér úr barnæsku enda voru hljóðfærin alltaf innan seilingar.“
Með dótturinni nýfæddri árið 2008. Nýstúdent úr Menntaskólanum í Kópavogi haustið 2001.
„Ég hef alltaf verið mikil pabbastelpa og þessi mynd lýsir mínu upp-
eldi vel því það var mikið um grettur og fíflagang og húmor.“
Viðburðaríkt
ár á alla vegu
Vinkonuhópurinn úr menntó í brúðkaupi þeirrar úr hópnum sem varð fyrst til að gifta sig.
Með mömmu fyrsta skóladaginn í Melaskóla haustið 1988.
„Það var mikil spenna fyrir þennan dag,“ segir Lára.
Lára Rúnarsdóttir tónlistarkona hefur slegið í gegn
hjá landanum með þriðju plötu sinni, Surprise.
Myndaalbúmið
Burtfarar-
tónleikarnir úr
Tónlistarskóla
Kópavogs
2006
Sumarið 1989 á ferðalagi fyrir vestan með foreldrunum
Örnu og Rúnari og systkinunum Margréti og Þóri Rafnari.
Með systur sinni Margréti á tónleika-
ferðalagi í London í sumar, en Margrét
syngur bakraddir í hljómsveit Láru.