SunnudagsMogginn - 01.08.2010, Blaðsíða 45

1. ágúst 2010 45
Lífsstíll
A
ð sofa í tjaldi er góð skemmtun. Að vakna í
tjaldi er hins vegar ekki alveg jafn skemmti-
legt. Annað hvort skín sólin beint á tjaldið
svo að þeir sem reyna að sofa innandyra eru
við að kafna. Enda hafa þeir líklegast sofnað dúðaðir
kvöldinu áður í hlýjum innanundirfötum, flíspeysu og
sokkum en vakna síðan upp með and-
köfum þar sem þeir reyna að brjótast
upp úr svefnpokanum, úr peysunni og
helst út úr tjaldinu þar sem loftið hef-
ur sjaldnast verið ferskara. Nú eða þá
að um nóttina hefur hellirignt og
tjaldbúar vakna hálfblautir og ringl-
aðir þar sem sólin skein og hægur
andvari vaggaði þeim í svefn kvöldinu
áður. Já lítið er til að verja mann nátt-
úruöflunum þar sem maður liggur
nærri því á grasi með þunna hlíf yfir
sér sem helst minnir á regnkápu. Þó er
maður oftast til í góða útilegu og gerir þetta aftur og aft-
ur. Það er nefnilega ótrúlega kósí að keyra út í sveit,
grilla, syngja og tralla undir berum himni fram á nótt og
sofna síðan undir morgun. Stundum bara þegar allir
hinir eru sofnaðir og kominn er á svefnfriður. Hlutir
eins og tjalddýna og góður svefnpoki eru líka góðir
ferðafélagar og auðvitað er hreint út samt dásamlegt að
taka með sér kodda að heiman. Gott teppi til að sitja á
úti eða nokkrir tjaldstólar geta líka komið að góðu gagni.
Nýverið hélt greinarhöfundur í útilegu og þar sem lítið
var um pláss í bílnum var ákveðið að taka einungis með
teppi til að setja í botninn á tjaldinu. Það dugði vissulega
ágætlega en daginn eftir var þó ekki algjörlega laust við
náladofa og stirðleika í hægri hendi sem þjónað hafði
hlutverki kodda í gegnum nóttina. Í
horninu lá hrúga af fötum sem
tjaldbúi hafði kastað af sér í svitakófi
morgunsins og svefnpokinn var kom-
inn út um allt. Þrátt fyrir lítinn næt-
ursvefn, þökk sé nágrönnunum í
næsta tjaldi sem sáu um eftirpartí árla
morguns, var fátt annað að gera en að
koma sér út. Veltist tjaldbúi því út
undir beran himinn þar sem hann lá
um stund og reyndi að hrista af sér
morgundrungann. Það skal tekið fram
að tjaldbúi hafði ekki einungis innbyrt
heitt kakó kvöldinu áður og var því það vandasama
verkefni eftir að taka tjaldið niður og pakka því saman.
Nokkuð sem er nærri ógerlegt í slíku ástandi í roki og
rigningu en leysist auðveldlega með góðri hjálp í sól og
blíðu þar sem tjaldbúi fékk að halda kyrru fyrir í grasinu
meðan pakkað var niður. Síðan var bara að pakka sér,
tjaldinu og öllu tilheyrandi inn í bíl og byrja að hlakka til
næstu útilegu.
Útilega
með öllu
Helgin verður ekki umflúin og
innipúkar víðast hvar bann-
aðir. Nú er kominn tími til að
tjalda, syngja við varðeldinn og
njóta lífsins í íslensku sumar-
nóttinni.
María Ólafsdóttir
maria@mbl.is
Það er ekkert mál að tjalda þegar sólin skín og veðrið er gott, málin vandast ekki fyrr en það fer að rigna og blása.
’
Hlutir eins og
tjalddýna og
góður svefnpoki
eru líka góðir ferða-
félagar og auðvitað er
hreint út sagt dásam-
legt að taka með sér
kodda að heiman.
Eitt það besta við útilegur er að þar ráða þægindin og
kósíheitin ríkjum. Lopapeysan er besti vinurinn og
þægilegur bolur undir, gallabuxur við og strigaskór eða
stígvél. Síðan setur maður á sig smá dagkrem og
maskara og helst fínn og sætur alla nóttina við varð-
eldinn. Í útilegunni getur maður líka notað ýmsilegt
sem maður brúkar ekki hversdags eins og fyndinn hatt
eða húfu, skrautleg stígvél og jafnvel hafa sumir hópar
þann háttinn á að klæða sig eftir ákveðnu þema. Þann-
ig mætti stinga upp á fylgihlutum í anda diskótímabils-
ins, kúrekaþema eða hvað svo sem fólki detttur í hug.
Þægindi og kósíheit
Flott og skrautleg stígvél í útileguna.
Morgunblaðið/Brynjar Gauti
Í útilegu og skemmtana-
höldum er ekki úr vegi að hafa
eitthvað girnilegt og nærandi
með sér að borða. Ef hægt er
að koma kæliboxi í skottið þá
er mjög gott að búa sér til
hummus og pestó og taka
með gott brauð. Það má líka
smyrja sér góðar samlokur
með heimatilbúnu rækju- eða
túnfisksalati og hafa í boxi.
Svo er fátt betra en að baka
múffur eða góða gamaldags
formköku sem hægt er að grípa í þegar tjaldbúar vakna
eða áður en farið er að sofa eftir skemmtanahaldið.
Slíkt snarl er nefnilega mjög mikilvægt að eiga þegar
matarlystin er kannski ekki upp á sitt besta. Ef ferðast
er í hóp geta líka allir komið með eitthvað gott eins og
osta, pestó og ýmiss konar álegg og sett saman á veg-
legt morgunverðarhlaðborð. Loks er fátt eins nauðsyn-
legt og að taka með sér helling af hverju því sem fólki
finnst best að drekka eftir fjör næturinnar, gos, safa
eða orkudrykki.
Gott í nestisboxið
Sælgætið þarf ekki að
verða eftir heima.
Yfirleitt er tjaldferðalag fremur ódýr
ferðamáti en sums staðar úti í hinum
stóra heimi má finna tjaldstæði sem
sprengja alla venjulega verðskala.
Útsýnispallur uppi í tré
Ef þig hefur alltaf langað að upplifa
rómantískan ferðamáta landkönnuða
á 18. öld þarftu ekki að fara lengra en
á Four Seasons Tented Camp Golden
Triangle í Taílandi. Hér er samt ekki um
að ræða neina venjulega útilegu því
gist er í litlum húsum sem útfærð eru
eins og tjöld landkönnuðanna. Aðal-
aðdráttarafl svæðisins er fílarnir sem
þar búa og lifa í mikilli nálægð við gesti
sem geta fengið að skella sér á fílsbak
eða bara legið í nuddi og leti. Dvölin er
ekki alveg ókeypis en þriggja nátta
pakki kostar rétt um 165.000 krónur.
Fínt samt fyrir þá sem vilja njóta fram-
andi náttúru í fullum lúxus.
Svipaða lífsreynslu má upplifa á
fleiri stöðum, t.d. á Kostaríku en fljúga
verður á tjaldstæðið sem er í Corco-
vado-þjóðgarðinum. Þar líkt og í Taí-
landi hafa verið byggð lítil gestahús
sem helst minna á tjöld og standa þau
á kletti með stórfenglegt útsýni yfir sjó-
inn. Svæðið er vinsælt meðal
mennskra fjallageita enda nálægt góð-
um gönguleiðum sem liggja um þjóð-
garðinn. Þarna er líka að finna útsýnis-
pall lengst uppi í tré og með fyrirvara
getur fólk líka fengið að tjalda þar.
Lúxus í tjald-
kofa könnuða
Ekki ætti að væsa um neinn hér í þessum fína tjaldkofa.