SunnudagsMogginn - 19.09.2010, Qupperneq 11

Tókýó | Kommúnistastjórn Norð-
ur-Kóreu er samkvæmt flestum
fregnum við það að láta völdin í
landinu ganga í erfðir öðru sinni,
að þessu sinni frá Kim Jong-il,
sem hefur stjórnað frá 1994, til
yngsta sonar hans, Kim Jong-
eun. Allsherjarþing Verka-
mannaflokks Norður-Kóreu,
sem nú er haldið í fyrsta skipti í
44 ár, er skýrasta merkið til
þessa um að Kim, hinn „ástsæli
leiðtogi“, sem er fárveikur, ætli
að láta ganga krúnuna í hinu ein-
angraða konungsríki, sem faðir
hans, Kim Il-sung, stofnaði.
Ein ástæðan fyrir því að völdin
ganga að erfðum er að Kim Il-
sung bjó til norður-kóreska
hugmyndafræði, juche, þar sem
kommúnisma og einræði er
hrært saman við stóran skammt
af gildum Konfúsíusar. Konfús-
íus hóf til virðingar upphafið
samband föður og sonar og sagði
fyrirmynd allra mannlegra sam-
skipta, þar á meðal yfirvaldsins
og undirsátanna. Rétt eins og
konfúsíanismi boðar að skilyrð-
islaus skylda sonarins skuli vera
að virða föður sinn, skal þegninn
virða leiðtogann.
Þess utan hefur Kim Jong-il
líkt og faðir hans markvisst skip-
að fjölskyldumeðlimi í valda-
stöður. Fyrir tæpu ári var farið að
leiða líkur að því að Kim Jong-
eun, þriðji sonur Kims Jong-ils,
og Ko Young-hee, eiginkona
hans heitin, tæki við af föður
sínum.
Norður-kóreskir áróð-
ursmeistarar kalla Kim Jong-eun
hinn „unga hershöfðingja“, en
annað mál er hvort hann muni
beita sama einræðisvaldinu og
faðir hans. Hann er ekki aðeins
ungur og óreyndur, heldur gæti
Kim Kyong-hui, föðursystir
hans og eiginkona Changs Song-
taeks, næstæðsta mannsins í
valdakerfi Norður-Kóreu,
spyrnt við fótum frekar en að
missa tökin á valdataumunum.
Þótt hún sjáist sjaldan eða
heyrist hefur Kim Kyong-hui,
dóttir Kims Il-sungs og Kim
Jong-suk, fyrstu konu hans, sem
fæddist 30. maí 1946, gegnt
ýmsum lykilstöðum í Verka-
mannaflokknum, þar á meðal
verið aðstoðaryfirmaður al-
þjóðadeildarinnar og stjórnandi
léttiðnaðardeildarinnar. Hún
varð félagi í miðstjórninni, sem
hefur öll völd í landinu, árið 1988
og hefur haldið þeirri stöðu til
þessa dags.
Móðir Kim Kyong-hui lést
þegar hún var fjögurra ára. Eftir
að faðir hennar, Kim Il-sung,
kvæntist aftur var hún alin upp á
ýmsum stöðum fjarri fjölskyld-
unni. Sagt er að hún hafi orðið
bitur og ofsafengin við að fylgjast
með sambandi föður síns og
stjúpmóður og væntumþykju
þeirra í garð hálfbræðra sinna.
Haft hefur verið eftir Kim Jong-
il: „Þegar systir mín verður of-
beldisfull getur enginn stöðvað
hana. Ekki einu sinni ég.“
Þegar Kim Jong-il byrjaði að
búa með annarri konu sinni
reyndi Kim Kyong-hui að efna
til vandræða, knúin af tilfinn-
ingu öfundar. Eftir að hún giftist
Chang Song-taek fór hún að lifa
nautnalífi að kalla má, en fylgdist
grannt með allri hegðun manns
síns og missti sig af bræði og öf-
und við minnstu merki um
óhollustu.
Kim Jong-il hefur lýst systur
sinni sem eina „skyldmenni
mínu, sem móðir mín bað mig að
annast til æviloka“. Sagt er að
móðir þeirra, Kim Jong-suk, hafi
dáið vegna blæðinga þegar hún
fæddi fyrir tímann. Andlátið
hefur verið rakið til áhyggja
hennar af ástarsambandi Kim Il-
sungs við Kim Song-ae. Sagt er
að Kim Il-sung hafi hraðað sér á
sjúkrahúsið, en dyrnar að stofu
hennar hafi verið læstar. Þegar
hún dó voru aðeins læknirinn
hennar og Kim Jong-il við-
staddir.
En Chan Giryok, sem var helsti
læknir Kim Jong-suk og starfar
nú við Nagoya-háskóla í Japan,
segir öðru vísi frá. Að sögn Chans
var Kim Jong-suk á heimili Kims
Il-sungs skammt frá sovéska
sendiráðinu og voru þau í há-
vaðarifrildi. Sá læknirinn
álengdar að Kim Il-sung hélt á
skammbyssu. Chan er skurð-
læknir en ekki fæðingarlæknir og
hann dró í efaskynsemi þess að
kalla sig til í því skyni að stöðva
of miklar blæðingar vegna fæð-
ingar fyrir tímann. Hann telur að
hann hafi verið til kvaddur til að
stöðva blæðingar af öðrum sök-
um. Kim Jong-il, sem vitað er að
var bundinn líffræðilegri móður
sinni sterkum böndum, getur
ekki annað en hafa orðið fyrir
sálrænum áhrifum af að sjá móð-
ur sína myrta. Upp frá dauða
móður sinnar hafði hann systur
sína ávallt nærri sér.
Reyndar er það svo að í landi
þar sem traust er fágætt er Kim
Kyong-hui eina skyldmennið,
sem Kim Jong-il hefur nokkru
sinni fyllilega treyst. Þess utan
deila þau sömu blóðböndum við
hinn mikla leiðtoga eða Suryong,
tengjast Kim Jong-suk í kven-
legg og styðja alfarið að völdin
gangi í erfðir.
Þegar Kim Jong-il tók til máls
fyrir miðstjórninni eftir að Kim
Il-sung dó sagði hann: „Kim
Kyong-hui er ég, orð Kim
Kyong-hui eru mín orð og skip-
anir Kim Kyong-hui eru mínar
skipanir.“
Það er talið renna stoðum
undir tilgátuna að Kim Kyong-
hui ætli að ná valdataumunum
þegar bróðir hennar deyr að orð-
rómur er á kreiki um að hún hafi
sett á svið bílslys í júní þar sem Ri
Je-gang, háttsettur embætt-
ismaður í flokknum og að því
talið er verndari Kims Jong-
euns, lét lífið. Sagt er að Kim
Jong-eun hafi reynt að bola Kim
Kyong-hui og hennar nánust
bandamönnum frá völdum.
Hvort sem það er satt eða ekki
gefur slíkur orðrómur til kynna
hver áhrif hennar eru.
Þeim fer fjölgandi sem telja að
Kim Jong-il gæti þá og þegar út-
nefnt Kim Kyong-hui sem
verndara þriðju arftakakynslóð-
arinnar eftir sinn dag. En Kim
Kyong-hui gæti haft annað í
huga, til dæmis að verða sjálf
arftaki Kims Jong-ils.
Ógnin af Norður-Kóreu hefur
ávallt verið sú að landið gæti
hrint af stað nýju stríði, hvort
sem það væri fyrir misskilning
eða með ráði gert. En jafnvel þótt
í ljós komi að „ungi hershöfðing-
inn“ eða frænka hans séu ekki
haldin stórnmennskubrjálæði
munu yfirvofandi valdaskipti
marka nýja tíma óvissu, sér-
staklega í ljósi efnahagsþreng-
inga Norður-Kóreu.
Hvort sem Kim Jong-eun eða
Kim Kyong-hui hyggjast þráast
við í örvæntingu og einangrun
eða innleiða umbætur í efna-
hgsmálum skortir þau teng-
inguna við byltinguna og vald til
að stjórna. Því gæti stjórnin
hrunið þegar Kim Jong-il hverf-
ur frá og pólitískur óstöðugleiki
og efnahagsleg örbirgð mætast.
Lee Myung-bak, forseti Suð-
ur-Kóreu, hefur gert rétt með
því að byrja að búa sig undir
þessar breytingar með því að
leggja til sérstakan „sameining-
arskatt“ til að hjálpa til við að
greiða kostnaðinn af því að veldi
ættboga Kims Il-sungs liðist í
sundur. Japan og önnur ríki Asíu
ættu einnig að búa sig undir
þann dag.
Lafði
Makbeð frá
Pyongyang
Leiðtoginn Kim Jong-il í góðra vina hópi. AP
Yuriko Koike
Höfundur er fyrrverandi varn-
armálaráðherra Japans og þjóðarör-
yggisráðgjafi og er nú formaður fram-
kvæmdastjórnar Frjálslynda
lýðræðisflokksins, LDP. ©Project
Syndicate, 2010.
www.project-syndicate.org.
19. september 2010 11
FJÁRMÁLARÁÐGJÖF | landsbankinn.is | 410 4000
Landsbankinn kynnir röð fjármálanámskeiða fyrir almenning undir yfirskriftinni
Fimmtudagskvöld eru fjármálakvöld. Markmið þeirra er að auðvelda fólki að
öðlast betri yfirsýn yfir fjármálin.
E
N
N
E
M
M
/
S
ÍA
/
N
M
4
3
5
2
5
N
B
I
h
f
.
(
L
a
n
d
s
b
a
n
k
in
n
)
,
k
t
.
4
7
1
0
0
8
-
0
2
8
0
.
Næstu námskeið
23. september kl. 20
Útibúið í Grafarholti, Vínlandsleið
30. september kl. 20
Útibúið í Keflavík, Hafnargötu 57
7. október kl. 20
Félagsmiðstöðin Hlymsdalir
Miðvangi 6, Egilsstöðum
14. október kl. 20
Útibúið á Laugavegi 77
21. október kl. 20
Útibúið á Akranesi, Þjóðbraut 1
Skráning og nánari upplýsingar
á landsbankinn.is og í
síma 410 4000.
Á næstu fjármálakvöldum verður farið yfir helstu breytingar
sem gerðar voru á réttindum og greiðslum lífeyrisþega
frá Tryggingastofnun ríkisins á árinu 2009. Starfsfólk
Tryggingastofnunar kynnir breytingarnar og svarar
fyrirspurnum ásamt sérfræðingum bankans.
Allir velkomnir.
Námskeið um
réttindi lífeyrisþega
landsbankinn.is/fjarhagur
Blogg og hljóðpistlar um fjármál.