Morgunblaðið - 04.01.2010, Blaðsíða 29

MORGUNBLAÐIÐ | 29
Oft hefur fólk lítinn tíma til að búa sér til
kvöldmat eða vill frekar borða eitthvað létt
eftir að hafa borðað stóra máltíð í hádeginu.
Þá er gott að eiga eitthvað girnilegt, hollt
og gott í ísskápnum. Nú eftir jól og áramót
eiga margir kjötafganga í ísskápnum eins
og til dæmis kalkún sem er gott að borða
með kartöflusalati eða setja saman við
ferskt grænmeti. Hér er uppskrift að kart-
öflusalati með ýmiss konar grænmeti ætlað
fyrir sex.
Kartöflusalat að sveitasið
550 g kartöflur
safi úr ½ sítrónu
4 msk. ólífuolía
2 msk. ferskt eða þurrkað óreganó
1 lítill rauðlaukur, fínt skorinn
12 steinlausar grænar ólífur, pitte
4 tómatar
2 msk. kapers
4 harðsoðin egg
Aðferð: Sjóðið kartöflurnar eins og vera
ber, afhýðið ef vill, og látið rjúka af mesta
hitann. Blandið saman í lítilli skál sí-
trónusafa, ólífuolíu, óreganó og vel af pipar
og salti. Hellið þessu síðan yfir volgar kart-
öflurnar. Þegar blandan hefur kólnað skal
bæta saman við lauk, ólífum, tómötum og
kapers og blanda vel. Skerið eggin niður í
grófa bita og dreifið yfir salatið áður en það
er borið fram. Það er um að gera að nota
það sem til er í ísskápnum í þetta salat. Epli
og vínber passa vel og jafnvel súrar gúrkur
eða sellerí. Þetta salat er léttara en hið
hefðbundna þar sem ekki eru notaðar í það
neinar mjólkurvörur og er gott fyrir þá sem
vilja eitthvað léttara eftir hátíðarmatinn.
maria@mbl.is
Léttari kostur Það þarf ekki endilega að nota mjólkurvörur í kartöflusalat heldur má breyta til og
sleppa þeim, slík salöt henta vel með afgang til dæmis með köldu svínakjöti eða kalkún.
Létt kartöflusalat
Það hefur hent okkur flest að
vakna með hárið í einni
flækju, svo ekkert virðist hægt
að gera. Slík vandamál má í
fyrsta lagi fyrirbyggja með
þægilegri klippingu sem hent-
ar hárinu þínu vel. Þá ætti að
vera nokkuð auðvelt að leysa
úr flækjunni með bursta, smá
vaxi eða hárspreyi, það er að
segja ef þú hefur vaknað of
seint til að komast í sturtu. Á
veturna er líka sérstaklega
mikilvægt að nota gott sjampó
og hárnæringu sem henta
þinni hártegund og þurrka
hvorki upp hárið né hársvörð-
inn. Mörgum finnst betra að
breyta til á veturna og nota þá
frekar til dæmis sjampó sem
ætlað er þurru hári.
Ó nei ! Hver kannast ekki við
að vakna með stóra og mikla
flókabendu á höfðinu?
Engin flækja
Falleg förðun Galdurinn við
fallega förðun er að húðin sé
heilbrigð og vel nærð.
Góð húð-
umhirða
Það er algjör óþarfi að verða
stressaður, þó svo að maður
ætli beint út að borða eða út á
lífið eftir vinnu. Þú þarft ekki
endilega að dragnast með
stóra snyrtiveskið þitt með
þér heldur hafa nokkur ein-
föld ráð í huga. Fyrst og
fremst er að nota krem því
heilbrigð húð er lykilatriði. Ef
húðin er heilbrigð þá verður
förðunin þeim mun fallegri.
Svo má auðveldlega dekkja
förðunina sem notuð var yfir
daginn og gera hana að kvöld-
förðun. Eftir skemmtilegt
kvöld er nauðsynlegt að þvo
sér vel með tilheyrandi
hreinsikremum því nauðsyn-
legt er að hafa húðina hreina
og heilbrigða. Aðeins þannig
nær húðin að anda og fá súr-
efni.