Morgunblaðið - 04.01.2010, Blaðsíða 12

Á þessum árstíma eru margir sem
ætla að taka sér tak og breyta lífs-
háttum sínum. Oft eru breyting-
arnar á þann veg að fólk ætlar að
borða minna og hollara og hreyfa
sig meira. Fyrir marga getur
þetta verið mjög erfitt en þá er
mikilvægt að missa ekki móðinn
og muna að það er alltaf ein-
staklingurinn sjálfur sem er við
stjórnvölinn. Oft fellur fólk í þann
pytt að finnast það vera fórnar-
lamb og veltir sér upp úr því af
hverju illa gengur í aðhaldinu og
af hverju það stendur sig ekki.
Þegar öllu er á botninn hvolft er
það viðkomandi sem stjórnar því
hvað hann setur ofan í sig og hve
mikið hann hreyfir sig. Það er því
mikilvægt að fara úr fórnar-
lambshlutverkinu og muna hver
það er sem stjórnar för. Þetta
snýst um að ætla sér að gera eitt-
hvað en vonast ekki eftir árangri,
sama hvernig viðkomandi stend-
ur sig.
Sjálfsagi Það er undir sjálfum okkur komið hve vel við stöndum okkur í
mataræðinu og ræktinni enda alltaf við sem sitjum í bílstjórasætinu.
Að standa sig
12 | MORGUNBLAÐIÐ
Eftir Svanhvíti Ljósbjörgu
svanhvit@mbl.is
Þ
rátt fyrir að einungis sé ný-
byrjað að kenna æfinga-
kerfið TRX á Íslandi hafa
tímarnir þegar hlotið mjög
góðar viðtökur. Kannski ekki að
furða þar sem TRX er ólíkt flestum
æfingakerfum sem kennd eru hér á
landi og árangurinn leynir sér ekki
enda finnur fólk glöggt fyrir því hve
mjög þetta tekur á. TRX er til dæm-
is kennt í Heilsuakademíunni og Íris
Huld Guðmundsdóttir þjálfari segir
þegar búið að halda tvö námskeið,
þrátt fyrir að TRX sé nýtt á mark-
aðnum. „Heilsuakademían gerir
mjög mikið út á fjölbreytt námskeið
og það tekur alltaf tíma að ná vin-
sældum með ný námskeið en þetta
hefur gengið þvílíkt vel.“
Mismunandi áherslur
Íris talar um að hugmyndin að
TRX hafi komið frá hermönnum í
Navy Seals en þeir bjuggu til
æfingartæki úr böndunum í fallhlíf-
unum. „TRX eru bönd þar sem unn-
ið er með eigin líkamsþyngd. Það
geta því allir tekið þátt í þessum tím-
um því hve erfiðar æfingarnar eru
fer eftir því hvernig viðkomandi
hallar sér inn í æfinguna eða hvernig
viðkomandi er staðsettur frá bönd-
unum. Með böndunum er hægt að
gera styrktaræfingar, þolæfingar,
sprengikraftsæfingar og liðleika-
æfingar,“ segir Íris og bætir við að
hægt sé að gera fleiri hundruð æf-
ingar með böndunum. „Það eru því
enginn tveir tímar eins því það eru
mismunandi áherslur í hverjum
tíma. Þjálfararnir sem kenna tím-
ana eru með endalausar útgáfur og
stundum eru teknar styrktaræf-
ingar, stundum þolæfingar og svo
framvegis. Fjölbreytnin er mikil.“
Styrkja kvið og bak
Námskeiðin sem Heilsu-
akademían býður upp á í TRX eru
sex vikna námskeið þar sem mætt
er þrisvar sinnum í viku. „Þetta eru
hóptímar þar sem allir eru með frá
byrjun. Ég hef tröllatrú á þessu
æfingakerfi því í TRX er viðkom-
andi að vinna með eigin líkams-
þyngd og verið er að gera æfingar
sem reyna á marga vöðvahópa í
einu. Hins vegar eiga allar æfing-
arnar það sameiginlegar að verið er
að styrkja miðjuna, kvið og bak. Það
er erfitt að útskýra virknina og fólk
þarf eiginlega að prófa böndin til að
finna að þau virka. Eftir fyrstu æf-
ingar er maður að finna fyrir harð-
sperrum á stöðum sem maður hefur
aldrei fundið harðsperrur áður.“
Morgunblaðið/Kristinn
Íris Huld Guðmundsdóttir: „Það geta því allir tekið þátt í þessum tímum því hve erfiðar æfingarnar eru fer eftir því
hvernig viðkomandi hallar sér inn í æfinguna eða hvernig viðkomandi er staðsettur frá böndunum.“
Unnið með eigin
líkamsþyngd
TRX böndin eru æfingakerfi sem upprunnið er frá Navy Seals en er núna kennt
í Heilsuakademíunni. TRX eru bönd þar sem unnið er með eigin líkamsþyngd
þannig að hver og einn getur unnið út frá sínu erfiðleikastigi. »Hins vegar eiga
allar æfingarnar
það sameiginlegar að
verið er að styrkja
miðjuna, kvið og bak.
Æfingartæki Hugmyndin að TRX böndunum er komin frá hermönnum í Navy
Seals sem notuðu böndin í fallhlífunum þegar þá vantaði æfingartæki.
Fjölbreytileiki Það er hægt að gera fleiri hundruð æfinga með böndunum
og þar á meðal styrktaræfingar, þolæfingar og liðleikaæfingar.“
- enginn viðbættur sykur
- engin rotvarnarefni
- engin litarefni
Dreifingaraðili:
Sími 562 6222, fax 562 6622, pantanir@arka.is
Berry safarnir
eru fullir af andoxunarefnum
og vítamínum