Morgunblaðið - 04.01.2010, Blaðsíða 42

42 | MORGUNBLAÐIÐ
Eftir Maríu Ólafsdóttur
maria@mbl.is
F
rægðarsól leikkonunnar
og eróbikkdrottning-
arinnar Jane Fonda reis
hvað hæst undir lok
sjötta áratugarins en þá lék hún í
myndum á borð við Barbarellu og
Cat Ballou. Á áttunda áratugnum
tók ferill Jane Fonda aðra stefnu
en árið 1982 kom fyrsta eróbik-
kæfingamyndband hennar á
markaðinn. Æfingarnar slógu í
gegn og gerðu Fonda að einum
þekktasta eróbikkkennara
Bandaríkjanna. Margir muna eft-
ir Jane Fonda-æfingunum svo-
kölluðu og jafnvel hafa verið
myndaðir eins konar aðdáenda-
hópar þar sem æfingar hennar
eru í hávegum hafðar.
Líkamsrækt í stofunni
Fonda æfði ballett í mörg ár
en eftir beinbrot þurfti hún að
leggja ballettskóna á hilluna og
fór þá að æfa eróbikk og styrkj-
andi æfingar undir leiðsögn Leni
Cazden. Þaðan lá leiðin síðan yfir
í útgáfu æfingamyndbandanna og
bóka. Á þeim tíma sem fyrsta
æfingamyndband Jane Fonda
kom út voru vídeótæki ekki orðin
almenningseign á heimilum og
varð Fonda-æðið til þess að
margir keyptu sér slíkt tæki til
að geta stundað líkamsrækt
heima í stofu. Út frá myndband-
inu Jane Fonda’s Workout varð
einnig til bók en myndbandið
seldist í 17 milljónum eintaka. Á
eftir fylgdu 23 myndbönd í við-
bót, fimm bækur og 13 hljóð-
snældur en síðasta vídeóið var
gefið út árið 1995. Er í þeim öll-
um sýnt og lýst einföldum æfing-
um sem verka eiga vel til að
styrkja líkamann.
Ævisaga Jane Fonda kom út
árið 2005 og þar lýsti hún meðal
annars áralangri baráttu sinni við
búlímíu. Mataræði hennar var því
ekki til eftirbreytni á sínum tíma
en æfingarnar standast að
margra mati tímans tönn.
Umdeild á sínum tíma
Jane Fonda fæddist í Banda-
ríkjunum 21. desember árið 1937
og hefur unnið til fjölda verð-
launa fyrir leik sinn og önnur
verk. Árið 1991 tók hún sér hlé
frá leikstörfum en sneri aftur á
hvíta tjaldið árið 2005 og lék þá í
Monster in Law og Georgia Rule.
Fonda hefur líka látið til sín taka í
pólitík og var umdeild á sínum
tíma fyrir andstöðu sína gegn Ví-
etnamstríðinu. Einnig hefur hún
barist gegn Íraksstríðinu og of-
beldi gegn konum en hún aðhyllist
bæði frjálshyggju og femínisma.
Rafmögnuð Jane Fonda sló fyrst í gegn í kvikmyndinni Barbarella árið 1968.
Fonda æði Fyrsta myndband Jane
Fonda seldist í 17 milljónum ein-
taka víða um heim.
Fjölhæf Jane Fonda hefur komið
víða við, kennt eróbikk, leikið á
hvíta tjaldinu og unnið við ritstörf.
» Fonda-æðið varð til
þess að margir
keyptu vídeótæki til að
geta stundað líkams-
rækt heima í stofu
Fonda lætur
til sín taka
Hádegismatinn borða margir nærri á hlaupum og finnst
þeir ekki geta tekið sér góðan tíma til að borða. Ýmiss
konar auðveld salöt má búa til heima fyrir og taka með
sér í vinnuna eða skólann. Nota má ýmislegt sem til er í
ísskápnum til að búa til salat en hér eru nokkrar hug-
myndir að uppskriftum sem má fylgja eftir.
Tómata og mozarella-salat
680 g fínt niðurskornir konfekttómatar
knippi af fínt niðurskornum vorlauk (má sleppa)
1 lítil gúrka, skorin í ferninga
225 g niðurskorinn mozzarella ostur
fersk basílika og steinselja
3 tsk. rauðvínsedik
3 tsk. ólífuolía
salt og pipar
Aðferð: Setjið hráefnið í skál og blandið lauslega sam-
an, hellið edikinu og ólífuolíunni yfir og saltið og piprið
eftir smekk. Klippið síðan yfir salatið basílikuna og
steinseljuna. Hrærið aftur saman og geymið í ísskáp í
allt að þrjá daga.
Avókadó og greipaldinsalat
1 blaðlaukur
ólfíuolía eða önnur olía til steikingar
130 g salat að eigin vali
1 vel þroskað avókadó, niðurskorið
2 tsk. ólífuolía
2 tsk. sítrónusafi
2 greipaldin, niðurskorin
salt og pipar
Aðferð: Byrjið á því að skera blaðlaukinn í litla bita og
steikja á vægum hita þar til hann er orðinn stökkur.
Blandið saman salatinu, avókadó og ólífuolíu, sítrónusafa
og kryddið með salti og pipar. Ef taka á salatið með sér
skal bæta greipaldininu út í salatið en annars setja það á
brún disksins og hafa salatið í miðjunni, að lokum skal
setja laukinn ofan á salatið.
Rækjur með kúskús
250 g kúskús
175 g rækjur
1 skalottlaukur
2 vorlaukar
1 gúrka
12 svartar ólífur
sólþurrkaðir tómatar að vild
hálft salathöfuð
fersk mynta
appelsína
pipar
hrein jógúrt
Aðferð: Eldið kúskús samkvæmt leiðbeiningum og lát-
ið það kólna. Blandið síðan hinu hráefninu saman við og
kryddið með pipar og smá salti ef vill. Berið fram með
hreinni jógúrt sem má blanda saman við smá sinnep og/
eða hunang til að bragðbæta hana.
maria@mbl.is
Vænt og grænt Avókadó má nota í ýmiss konar salöt til
að gæða sér á í hádeginu eða jafnvel á kvöldin.
Góð salöt í hádegismat