Morgunblaðið - 04.02.2010, Qupperneq 6

6 FréttirINNLENT
MORGUNBLAÐIÐ FIMMTUDAGUR 4. FEBRÚAR 2010
„PENINGA-
LEGAR eignir
gera okkur kleift
að halda þjón-
ustu- og fast-
eignagjöldum
óbreyttum. Al-
mennt met ég
stöðu bæjarins
nokkuð góða og
það hve lítið við
höfum aukið
álögur ætti að gera íbúum betur
kleift að komast yfir skuldbind-
ingar,“ segir Sigurður Valur Ás-
bjarnarson, bæjarstjóri Sandgerð-
isbæjar. Eftirlitsnefnd um fjármál
sveitarfélaganna hefur farið yfir
fjárhagslega stöðu Sandgerðis-
bæjar m.v. lok árs 2008. Þá voru
heildartekjur bæjarins um einn ma.
kr. og tap ársins 115 millj. kr.
Skuldir og skuldbindingar m.a.
vegna rekstrarleigusamninga voru
rúmlega 3,7 ma. kr. eða um 2,1
millj. kr á hvern íbúa. Skuldir eru
918 þús. kr. að eignum frádregnum.
Vaxtatekjurnar 240 millj. kr.
„Við höfum ávaxtað okkar pen-
ingalegu eignir á bók. Þegar best
lét voru árlegar vaxtatekjur 240
millj. kr. Núna fara vextir lækkandi
og þá má vera að aðrir möguleikar
verði betri. Hins vegar geta lán ver-
ið með uppgreiðslugjaldi og því
þarf að skoða hvert lán sér-
staklega,“ segir Sigurður Valur.
Nokkur ár eru síðan Sandgerð-
isbær lét hluta fasteigna sinna af
hendi og heldur þeim nú með
rekstrarleigu. Með því var losað um
fé sem var notað til þess að greiða
niður erlend lán. „Við værum í
slæmum málum hefðum við ekki
greitt þau lán upp á þeim tíma,“
segir bæjarstjórinn. sbs@mbl.is
Eiga sjóð á bók
og hækka ekki
álögur á íbúa
Sigurður Valur
Ásbjarnarson
FRÉTTASKÝRING
Eftir Agnesi Bragadóttur
agnes@mbl.is
FULLTRÚUM stjórnarandstöð-
unnar er nóg boðið, hvað varðar
hringlandahátt ríkisstjórnarinnar í
Icesave-málum. Ráðherrar hafi ítrek-
að boðað formenn Framsóknarflokks
og Sjálfstæðisflokks, ásamt fulltrúa
Hreyfingarinnar, á fundi þar sem
reyna eigi að ná þverpólitískri sam-
stöðu í Icesave-málinu en hverjum
fundinum á fætur öðrum ljúki án þess
að ríkisstjórnin sýni nokkurn lit í því
að vilja taka upp samninginn við
Breta og Hollendinga og semja upp á
nýtt.
Hið eina sem komið hafi nýtt frá
ríkisstjórninni séu hugmyndir um
nýja lánsfjármögnun vegna Icesave-
samninga þar sem samið verði um
lægri vexti og hagstæðari kjör og þá
við aðra en Hollendinga og Breta.
Samkvæmt upplýsingum Morg-
unblaðsins talar Össur Skarphéð-
insson utanríkisráðherra þannig á
fundum með stjórnarandstöðunni að
hægt sé að semja við Evrópusam-
bandið um að sjóður á vegum ESB
láni Íslendingum fyrir öllum höfuðstól
Icesave-lánanna, þannig að rúmar 20
þúsund evrur verði greiddar til Hol-
lendinga og Breta fyrir hvern Ice-
save-reikning á mun hagstæðari kjör-
um en um samdist við Hollendinga og
Breta, þegar lánasamningurinn var
gerður.
Steingrímur J. Sigfússon fjármála-
ráðherra virðist samkvæmt upplýs-
ingum Morgunblaðsins hafa litla trú á
að slíkir samningar geti náðst við
ESB, þrátt fyrir fyrirhugaðan fund
Jóhönnu Sigurðardóttur forsætisráð-
herra í Brussel í dag með José Manu-
el Barroso, forseta framkvæmda-
stjórnar ESB. Fjármálaráðherra mun
hafa kynnt sínar hugmyndir á fundum
með stjórnarandstöðunni um að hægt
væri að ná samningum við Norðmenn
um lánveitingar á hagstæðari vöxtum
en um samdist í Icesave og hefur gefið
sterklega í skyn að innan fárra daga
gæti legið fyrir að slíkir samningar við
Norðmenn væru mögulegir.
Heimildum ber ekki saman um
hversu miklu hagstæðari vexti þeir
Össur og Steingrímur eru að ræða en
þó hafa tölur á bilinu 2% upp í 3,7%
verið nefndar eða umtalsvert lægri
vextir en þau 5,7% sem samið var um
við Hollendinga og Breta.
Samkvæmt samtölum við þingmenn
stjórnarandstöðunnar í gær er margt
sem hefur reynt á þolrif stjórnarand-
stöðunnar frá því hún hóf fundarsetur
með fulltrúum ríkisstjórnarinnar um
Icesave.
Stjórnarandstaðan hefur enga
sannfæringu fyrir því að ríkisstjórnin
vilji taka upp samninginn við Breta og
Hollendinga, á meðan fulltrúar stjórn-
arandstöðunnar hafa lagt á það mikla
áherslu á undanförnum fundum, að
eðlilegt sé að fengnir verði þaul-
reyndir sérfræðingar á sviði alþjóð-
legrar samningagerðar til þess að leið-
beina Íslendingum og það verði gert
áður en nýtt samningstilboð verði lagt
fyrir Breta og Hollendinga.
Þeir Bjarni Benediktsson og Sig-
mundur Davíð Gunnlaugsson munu
hafa orðið fyrir ákveðnu áfalli á fund-
inum í Haag í síðustu viku með
Wouter Bos, fjármálaráðherra Hol-
lands og Paul Myners, bankamála-
ráðherra Bretlands, þegar Stein-
grímur reifað möguleikann á nýrri
lánsfjármögnun við Bretann og Hol-
lendinginn og að höfuðstóllinn sam-
kvæmt kröfum Breta og Hollendinga
yrði greiddur upp. Fulltrúar stjórnar-
andstöðunnar töldu að það hefði verið
afar óskynsamlegt af ráðherra að sýna
viðmælendum með þessum hætti á
spilin sín.
Hollendingar og Bretar hafi tekið
þessum boðskap ráðherrans fagnandi,
en þeir hafi fram að þessum tíma-
punkti á fundinum, verið jákvæðir
gagnvart nýjum samningaviðræðum.
Samfylkingin lítur til
ESB en VG til Noregs
Samfylkingin og Vinstri græn tala ekki einum rómi í Icesave-málum
Í HNOTSKURN
»Stjórnarandstaðan efastum vilja stjórnarinnar til
að taka upp Icesave-samning-
inn. Stjórnin vilji ekki ræða
neitt nema vaxtamálin.
»Fjármálaráðherra villreyna að fá nýja láns-
fjármögnun frá Noregi á lægri
vöxtum en eru á Icesave-
samningnum.
»Össur og Jóhanna rennahýru auga til ESB og vilja
reyna að ná hagstæðum lána-
samningum við ESB, til þess
að greiða upp höfuðstólinn á
Icesave-kröfunum.
Morgunblaðið/Kristinn
Samhljómurinn horfinn? Fjármálaráðherra og forsætisráðherra horfa nú í
ólíkar áttir til þess að reyna að höggva á hnútinn í Icesave-deilunni.
Ríkisstjórnin talar um vexti, þeg-
ar stjórnarandstaðan talar um
nýjan Icesave-samning. Óþreyja
stjórnarandstöðunnar eykst með
degi hverjum og líkur á þver-
pólitískri samstöðu minnka.
Eftir Egil Ólafsson
egol@mbl.is
„ÞAÐ var ekki staðið að hlutum eins og átti að
gera. Bankarnir hafa ekki staðið skil á sköttum
eins og átti að gera samkvæmt lögum,“ segir Stef-
án Skjaldarson skattrannsóknastjóri, en átta
manna hópur á vegum skattrannsóknastjóra og
ríkisskattstjóra hefur síðustu mánuði rannsakað
hvort eitthvað í starfsemi fjármálastofnana hafi
falið í sér brot á skattalögum.
Stefán sagði að þessari vinnu hefði miðað vel
áfram. Hópurinn hefði lagt áherslu á að greina
hvernig bankarnir hefðu staðið að málum í sam-
bandi við skattamál. Stefnt væri að því að ljúka
þessari vinnu um miðjan apríl og í framhaldinu
yrði farið í að endurákvarða skatta ef menn kæm-
ust að þeirri niðurstöðu að lög hefðu verið brotin.
„Það hefur komið í ljós að það var fullþörf á þess-
ari vinnu,“ sagði Stefán.
Tregða hjá bönkunum að veita upplýsingar
Skúli Eggert Þórðarson ríkisskattstjóri sagði
eins og Stefán Skjaldarson að þessi vinna hefði
gengið vel. Þó hefði borið á vissri tregðu hjá fjár-
málastofnunum að afhenda upplýsingar. Hann
sagði ekki útilokað að skattayfirvöld yrðu að leita
til dómstóla til að fá umbeðnar upplýsingar.
Eftirlitsdeild ríkisskattstjóra hefur verið að
skoða kaupréttar- og söluréttarmál. Skúli Eggert
sagði að þessi vinna hefði leitt til þess að álögð op-
inber gjöld hefðu verið endurákvörðuð fyrir all-
stóran hóp manna sem störfuðu í fjármálastofn-
unum eða í fyrirtækjum sem tengdust útrásinni.
Á vegum ríkisskattstjóra hefur verið unnið að
því að fá upplýsingar um aflandsfélög, hverjir séu
eigendur þeirra og hvort upplýsingar um þau hafi
ratað inn á framtöl. „Þessi vinna hefur gengið
ágætlega og það er stöðug verið að endurákvarða
gjöld í tengslum við þetta,“ sagði Skúli Eggert.
Hann sagði að ýmislegt fleira væri í gangi.
Skattayfirvöld fylgdust vel með því hvort rétt
væri staðið að málum varðandi frádrátt frá skatt-
stofni vegna taps. Þar væri misbrestur á sem kall-
aði á endurákvörðun skatta.
Í síðustu viku féll dómur í Hæstarétti þar sem
Glitni var gert að borga 598 milljónir vegna þess
að bankinn hafði ekki haldið rétt eftir sköttum af
starfsmönnum og fleirum. Skúli Eggert sagði að
þetta væri mikilvægur dómur. Allir dómarar í
Hæstarétti skiluðu samdóma niðurstöðu.
Bankarnir stóðu ekki rétt að málum
Morgunblaðið/Golli
Seðlabúnt Skattayfirvöld eru núna
að rannsaka skattaskil bankanna.
 Starfshópi sem rannsakað hefur hugsanleg brot bankanna á skattalögum
hefur orðið vel ágengt  Bankarnir stóðu ekki alltaf rétt skil á sköttum
Þótt Jóhanna Sigurðardóttir for-
sætisráðherra hitti José Manuel
Barroso, forseta framkvæmda-
stjórnar Evrópusambandsins, á
fundi í Brussel í dag, hvílir mikil
leynd yfir þeim fundarhöldum og
öðrum sem ráðherrann áformar í
þessari Evrópuheimsókn sinni.
Forsætisráðherra staðhæfði
reyndar á forsíðu Morgunblaðsins
í gær, að ekki væri um neinn leyni-
fund að ræða, heldur hefði hann
verið ákveðinn í desembermánuði.
Menn spyrja því, hvers vegna var
fyrst upplýst um fundinn á heima-
síðu Evrópusambandsins á mánu-
dag og eftir að fréttin var komin í
loftið hér á landi var henni snar-
lega kippt út af heimasíðunni.
Menn spyrja líka, að hvers und-
irlagi það hafi verið.
Þá er bent á, að það sé ein-
kennilega lítið samræmi á milli
þess sem ráðherrann segir sjálf og
þess sem aðstoðarmaður hennar,
Hrannar B. Arnarsson segir, því Út-
varpið hafði eftir honum í fyrradag
að fundir forsætisráðherra með
embættismönnum Evrópusam-
bandsins ættu að fara leynt.
Enginn skilur leyndina yfir Evrópuförinni
SÁ verklausnir ehf. munu byggja
farþegaaðstöðu fyrir Landeyja-
höfn. Í gær var undirritaður samn-
ingur þess efnis og er samnings-
upphæðin 91,8 milljónir kr.
Verktakinn stefnir að því að hefja
vinnu 8. febrúar en verklok eiga að
verða 20. júní næstkomandi, að því
er fram kemur á vef Siglingastofn-
unar.
Farþegaaðstaðan verður tveggja
hæða steinsteypt bygging með
timburþaki. Neðri hæðin er 186 m²
og efri hæðin 77 m² eða samtals 263
m². Óupphitað anddyri er 50 m².
einnig eru tveir óupphitaðir kálfar
hvor um 50 m² fyrir farangur og
geymslu tækja. Í húsinu verða salir
fyrir brottfararfarþega, afgreiðsla
og aðstaða fyrir starfsfólk. Inn-
gangur/útgangur í landgang yfir í
ferju, stigar fyrir komufarþega og
fyrir brottfararfarþega, fólksflutn-
ingalyfta og salerni fyrir farþega.
Samið um byggingu
farþegaaðstöðu