Morgunblaðið - 04.02.2010, Qupperneq 28

28 MenningFÓLK
MORGUNBLAÐIÐ FIMMTUDAGUR 4. FEBRÚAR 2010
 Síðasta föstudagskvöld janúar-
mánaðar vildi svo óheppilega til að
skemmtistaðurinn Batteríið var tví-
bókaður. Þá fóru fram raftónleikar
á Myrkum músíkdögum og fór það
víst í taugarnar á sumum sem
mættu til að hlusta á flutning raf-
tónverka að á sama tíma var haldið
á staðnum árlegt Svitaball Röskvu.
Pólitískir háskólanemar með
svitabönd og undir áfengisáhrifum
áttu víst ekki góða samleið með há-
menningarlegum raftónverkum að
sögn viðstaddra.
Svitabönd og raftón-
leikar á Batteríinu
Fólk
FRÖNSK kvikmyndahátíð er nýafstaðin í
Reykjavík en nú hefur verið ákveðið að senda
fimm þeirra tíu mynda norður á land, til Akur-
eyrar, og halda þar franska kvikmyndahátíð í
Borgarbíói. Hún hefst 6. febrúar og stendur í
fjóra daga. Það eru sendiráð Frakklands og
Kanada sem standa fyrir hátíðinni en hún var
skipulögð af sendiráðunum, Alliance francaise
og Senu í samstarfi við Borgarbíó, Græna ljósið,
Akureyrarstofu, Strikið, Kvikyndi, og Amts-
bókasafnið á Akureyri. Það koma sem sagt
margir að hátíðinni.
Myndirnar fimm sem sýndar verða áfram eru
Le Petit Nicolas (Lási litli), Bon Cop, Bad Cop
(Góð lögga, vond lögga), Khamsa (Verndargrip-
urinn), Le Premier Cri (Frumgráturinn) og
Meurtrières (Morðkvendi). Ísleifur Þórhalls-
son hjá Græna ljósinu segir hátíðina hafa gengið
ágætlega í Reykjavík og Lási litli slegið í gegn.
Allar myndirnar hafi fengið sæmilega aðsókn,
um 5.000 manns sótt hátíðina á tíu dögum. Um
2.000 sáu Lása litla og var uppselt á nær allar
sýningar. Sú mynd er enn sýnd, með íslenskum
texta, og aðsókn er afar góð að sögn Ísleifs.
– Er þetta góð aðsókn miðað við svona hátíð?
„Já, já, við erum bara sáttir. Það eru bara lág-
ar tölur fyrir svona myndir þessa dagana, þetta
hefur náttúrulega versnað eftir þetta blessaða
hrun, maður hefur alveg fundið fyrir því,“ segir
Ísleifur og segir fólk sækja mest í léttmeti, múr-
brjóta (e. blockbuster) og afþreyingu í kvik-
myndahúsum. helgisnaer@mbl.is
Frönsk kvikmyndahátíð flutt norður
Lási litli Hefur notið mikilla vinsælda á Íslandi.
 Erlendir miðlar eru heldur betur
að taka við sér vegna plötu Daníels
Bjarnasonar, Processions. Vefmið-
illinn The Silent Ballet gefur plöt-
unni níu af tíu í löngum og ítarleg-
um dóm og Alarm Magazine segir
að platan eigi án efa eftir að toppa
marga árslistana. Það verður
spennandi að sjá hvað stærri miðl-
ar, eins og Grammophone, Indep-
endent og fleiri eigi eftir að segja
um þetta þrekvirki Daníels.
Daníel Bjarnason aus-
inn lofi fyrir plötu sína
 Stuðsveitin FM Belfast mun
leika á Hróarskelduhátíðinni í sum-
ar. Tvær íslenskar hljómsveitir
hafa því verið kynntar til sögunnar,
þ.e. FM Belfast og Sólstafir. Fyrir
tveimur árum léku bæði Mugison
og Bloodgroup en það er aldrei að
vita nema fleiri íslenskar sveitir og
listamenn bætist við á dagskrána.
Hátíðin hefst 1. júlí.
FM Belfast spilar á
Hróarskelduhátíðinni
Eftir Helga Snæ Sigurðsson
helgisnaer@mbl.is
FYRIRTÆKIÐ Fancy Pants Global
hannar þessa dagana leik fyrir
iPhone eftir ævintýrinu um
tónlistarmúsina Maxímús Músíkús,
eftir þau Hallfríði Ólafsdóttur og
Þórarin Má Baldursson. Eftir að
þeirri vinnu er lokið stendur svo til
að þróa leikinn fyrir tölvur og önnur
tæki. Hallfríður segir tilgang leiks-
ins þann að láta börn leysa tónlistar-
þrautir með því að þykjast spila á
hljóðfæri í símanum. „Þetta er gagn-
legt upp á að hlusta og taka eftir
hljóðum og eins til þess að kynnast
hljóðfærunum,“ segir Hallfríður.
Viggó Ingimar Jónasson hjá
Fancy Pants Global segir að þegar
búið sé að gera fyrstu útgáfu af
leiknum sé í raun hægt að gera hvað
sem er við hann. Lykilatriðið sé að
þróa leikinn þannig að auðvelt sé að
færa hann frá einu tæki til annars,
milli „platforma“ á tölvumáli, þann-
ig að hægt sé að spila hann í PC- og
Mackintosh-tölvum, Google-
símanum Nexus One o.s.frv.
„Við erum komnir vel yfir kons-
ept-stigið og erum að fara á fullt í
kóðunarvinnu,“ segir Viggó um
stöðu mála. Sinfóníuhljómsveit Hol-
lands mun flytja tónverkið um Max-
ímús Músíkús í tónleikahöllinn Con-
certgebouw í Amsterdam 22. ágúst
n.k. og segir Viggó að miðað sé við
að þá verði leikurinn tilbúinn.
„Við getum hugsað þetta sem
fyrstu kynni af þessari tegund tón-
listar,“ segir Viggó um leikinn og á
þar við klassíska tónlist.
Maxímús í tölvuheimum Kyrrmynd úr leiknum sem er í vinnslu. „Þetta er
gagnlegt upp á að hlusta og taka eftir hljóðum og eins til þess að kynnast
hljóðfærunum,“ segir Hallfríður, höfundur bókarinnar, um leikinn.
Börn leysa tónlistarþrautir
Maxímúsar Músíkúsar
Fancy Pants Global hannar leik um Maxímús Músíkús
maximusmusikus.com
Eftir Ingveldi Geirsdóttur
ingveldur@mbl.is
POPPGOÐIÐ sáluga Michael Jack-
son hefur orðið mörgum innblástur
í gegnum tíðina og í dag frumsýnir
Nemendamót Verzlunarskóla Ís-
lands söngleikinn Thriller, byggðan
í kringum lög hans.
Söngleikurinn fjallar um strák að
nafni Jackson sem flytur í lítinn
ónefndan bæ á Íslandi. Hann virðist
ekki vera eins og fólk er flest, yfir-
náttúrulegir hlutir fara að gerast og
skólakrakkarnir vita ekki hvernig
þau eiga að taka þessum nýja strák.
„Þetta er venjulegur mennta-
skólasöngleikur, það eru tvö gengi,
skrópalingarnir, sem eru vandræða-
pakkið, og fótboltastrákarnir og svo
kemur nýr strákur inn í skólann
sem er dökkur og dularfullur. Inn í
það fléttast svo ástir og örlög,“ seg-
ir Reynir Hans Reynisson formaður
Nemendamótsnefndar um söngleik-
inn.
Lög Jackson frá ýmsum tímabil-
um fá svo að hljóma, t.d. frá því
hann var í Jackson 5 og af hinum
ýmsu plötum hans, lög eins og „The
Man In The Mirror“, „BAD“, „Beat
It“, og „Íll Be There“, auk fjölda
annarra. Allir söngtextar eru á ís-
lensku.
„Versló setti upp Thriller-
söngleik fyrir tíu árum með lögum
Jackson og við nýtum undirspilið og
söngtextana frá þeirri sýningu. En
handritið er nýtt og söguþráðurinn
allt annar,“ segir Reynir.
Leikarinn Ívar Örn Sverrisson
skrifaði handritið að söngleiknum
og leikstýrir nemendunum. „Ívar
hefur ekki leikstýrt hjá okkur áður,
hann er rosalega jákvæður og dug-
legur og hefur mikinn metnað fyrir
þessu verkefni,“ segir Reynir.
Sem fyrr er Nemendamótssýning
Verslunarskólans fjölmenn en þeir
nemendur sem stíga á svið sem
leikarar og dansarar eru fjörutíu
talsins og baksviðsnefndir sem sjá
um hönnun leikmyndar og búninga,
förðun, leikmyndasmíð, markaðs-
mál o.fl. eru vel yfir hundrað
manns.
„Við héldum leikprufur í haust og
í þær skráðu sig rúmlega fjögur
hundruð manns, eða einn þriðji af
skólanum,“ segir Reynir um leik-
listaráhuga Versló-nema.
Thriller er sýnt í Loftkastala-
num. Frumsýning er í dag og eftir
það er gert ráð fyrir tíu sýningum.
Miðasala er á midi.is og í verslunum
Skífunnar.
Morgunblaðið/Heiddi
Tryllir Hópurinn stillti sér upp í Loftkastalanum í gær og eins og sjá má er hugur í þessu unga og efnilega listafólki.
Dökkur og dularfullur Jackson
 Nemendur Verslunarskóla Íslands frumsýna söngleikinn Thriller í dag
 Lög Michael Jacksons hljóma í þessum hefðbundna menntaskólasöngleik
Með hlutverk Jackson fer Daníel
Takefusa Þórisson, sonur Dóru
Takefusa. Með hlutverk Evu,
sem er aðalstelpan, fer Unnur
Eggertsdóttir, Billie Jean er
bandarískur skiptinemi og hana
leikur Margrét Björnsdóttir og
Styrmir, höfuð fótboltagengis-
ins og kærasti Evu, er leikinn af
Andra Má.
Tónlistarstjóri sýningarinnar
er Jón Ólafsson og Stella Rós-
inkranz er danshöfundur. Ívar
Örn Sverrisson er handritshöf-
undur og leikstjóri.
Aðalhlutverk
og annað