Morgunblaðið - 16.02.2010, Blaðsíða 4
4 FréttirINNLENT
MORGUNBLAÐIÐ ÞRIÐJUDAGUR 16. FEBRÚAR 2010
Eftir Sigurð Boga Sævarsson
sbs@mbl.is
MÆLIR sem mælir súrefnisinni-
hald andrúmslofts í lest Hoffellsins
SU var bilaður og í viðgerð þegar
slys varð um borð í skipinu aðfara-
nótt laugardags. Tveir menn féllu í
ómegin vegna súrefnisskorts í lest-
inni og er öðrum þeirra enn haldið
sofandi í öndunarvél. Hinn var í gær
útskrifaður af gjörgæsludeild.
Lögreglan rannsakar nú tildrög
þessa óhapps sem varð þegar verið
var að landa gulldeplu. Málið er
einnig komið til rannsóknarnefndar
sjóslysa.
Málavextir eru þeir að starfsmað-
ur úr löndunargengi fór niður í lest
skipsins þar sem hann varð fyrir súr-
efnisskorti. Stýrimaðurinn varð þess
áskynja að eitthvað óeðlilegt hafði
gerst, og fór á eftir manninum niður
með súrefnisgrímu sem hann tók síð-
an af sér og hugðist setja á félaga
sinn. Þá fór hins vegar svo að stýri-
maðurinn sjálfur féll í ómegin.
Jón Ingólfsson, forstöðumaður
rannsóknarnefndar sjóslysa, segir
fyrir liggja að súrefnismælir löndun-
armanna hafi verið bilaður og í við-
gerð. „Slys lík þessu eru ekki eins-
dæmi. Við verðum að taka á
vandanum,“ segir Jón.
Slys, hliðstætt því sem varð á Fá-
skrúðsfirði, varð á Akranesi á sl. ári.
Orsökin var súrefnisskortur vegna
rotnunar í hráefni. Stækja af hráefn-
inu skapaði útstreymi á gastegund-
um. „Þessi mál eru sambærileg og
við verðum að draga lærdóm af
þeim,“ segir Jón Ingólfsson.
Súrefnismælirinn um borð var bilaður
Lögregla rannsakar Fáskrúðsfjarðarmálið Súrefnismælir löndunarmanna var bilaður og í við-
gerð Sambærilegt slys á Akranesi í fyrra Verðum að taka á vandanum, segir forstöðumaður RNS
Í HNOTSKURN
» Mennirnir á sjúkrahúsi.Annar er kominn af gjör-
gæsludeild.
» Hráefnið rotnaði í skips-lestinni og skapaði gufur
sem ollu súrefnisleysi.
»Fleiri sambærileg slys semdraga verður lærdóm af.
Í höfn Hoffellið við bryggju á Fá-
skrúðsfirði. Slysið er í rannsókn.
Eftir Önnu Sigríði Einarsdóttur
annaei@mbl.is
ÍSLAND stendur töluvert aftar ná-
grannaríkjum sínum er kemur að
rafrænni stjórnsýslu og hefur dreg-
ist verulega aftur
úr á sl. 20 árum.
Landið var á hinn
bóginn framar-
lega í flokki ríkja
í árdaga upplýs-
ingatækninnar.
Þetta kemur
fram í nýrri
skýrslu Samein-
uðu þjóðanna.
Nú fer því
fjarri að mögu-
leikar stjórnsýslunnar á sviði net-
notkunar séu fullnýttir og er landið
í 48. sæti er kemur að netþjónustu
ríkis við þegna sína sem svarar, að
sögn Hauks Arnþórssonar stjórn-
sýslufræðings, til þess sem búast má
við af ríkjum Austur-Evrópu.
Enn meira hallar undan fæti er
gagnvirk netnotkun ríkis við þegna
sína er mæld. Á þeim lista er Ísland í
153. sæti, ásamt ríkjum á borð við
Eþíópíu og Írak. Að mati Hauks er
þessi þróun verulegt áhyggjuefni,
sem íslensk stjórnvöld taka ekki
nægilega alvarlega.
„Tæknin sem einkennir íslenska
tölvuvæðingu er á stofnanastigi,“
segir Haukur. Tölvuvæðing ein-
stakra stofnana hér á landi sé því
mjög þróuð og jafnvel betri en hjá
sambærilegum stofnunum í Dan-
mörku. Skortur sé hins vegar á sam-
þættingu og uppbyggingu ríkis-
gagnagrunna, t.a.m. í heilbrigðis-
málum.
Er hann ekki frá því að sú erfiða
umræða um persónuvernd sem kom
upp hér á landi í kjölfar deilnanna
um gagnagrunn Íslenskrar erfða-
greiningar eigi sinn þátt í því hvern-
ig rafræn stjórnsýsla hefur þróast.
Ódýrt eftirlitstæki
„Íslenska ríkið byggir lítið upp
sína gagnagrunna og þjónustu og
það er það sem dregur okkur niður
á alþjóðlegu kvörðunum,“ segir
Haukur og bendir á að upplýs-
ingatæknin getur verið ódýrt eftir-
lit með ríkinu, auk þess að auðvelda
almenningi að nálgast hinn opin-
bera veruleika.
Krafan um gagnsæi og aukið lýð-
ræði, sem svo hávær er á Vestur-
löndum í dag, sameinist vel góðri
rafrænni stjórnsýslu. „Tölvuvæð-
inguna má nota til að almenningur
geti fylgst með framgangi mála. Á
þetta skortir hins vegar hér á landi
þar sem stjórnarathafnir eru minna
sýnilegar en í nágrannalöndunum
okkar.“
Ísland dregst
aftur úr grann-
ríkjum sínum
Í flokk með Eþíópíu og Írak er kemur
að gagnvirkri rafrænni stjórnsýslu
Haukur
Arnþórsson
Eftir Ágúst Inga Jónsson
aij@mbl.is
TÆPLEGA 60 Kínverjar vinna nú við uppsetningu
glerhjúps tónlistarhússins í Austurhöfninni sem fengið
hefur nafnið Harpa. Kínverjunum fjölgar enn á næstu
vikum og mánuðum og verða flestir rúmlega 100 í sum-
ar, en framleiðsla glersins og uppsetning er á sömu
hendi. Kínverjarnir búa í húsnæði ÍAV á Keflavíkur-
flugvelli og fara með rútu á milli kvölds og morgna.
Kínversku starfsmennina var þó ekki að finna á
vinnustaðnum í gær þar sem þeir fengu frí til að fagna
ári tígursins, en það tók við af ári uxans.
Nú er unnið á fimm stöðum í húsinu við uppsetningu
glerhjúpsins sem er flókið verk og vandasamt. Sem
dæmi má nefna að vinnuteikningar af glerhjúpnum eru
alls yfir átta þúsund talsins, samkvæmt upplýsingum
Sigurðar R. Ragnarssonar, framkvæmdastjóra Austur-
hafnaverkefnisins á vegum ÍAV.
Hann sagði að uppsetning glersins hefði byrjað síð-
asta sumar en umfang verksins myndi síðan aukast
þegar kæmi fram á sumarið. Gert er ráð fyrir að hús-
inu verði lokað í haust.
Krefst alþjóðlegrar þekkingar og aðfanga
Veður í vetur hefur fram til þessa verið hagsætt til
útivinnu og vinnudagurinn lengist smátt og smátt með
aukinni birtu. Um 320 manns starfa þessa dagana í tón-
listarhúsinu og í bílahúsinu við hliðina. Sigurður segist
reikna með að 7-800 manns starfi nú á einn eða annan
hátt við framkvæmdina.
„Hér á landi skapar þessi framkvæmd vinnu í smiðj-
um og arkitektastofum, hjá verkkaupum, eftirlits-
aðilum, birgjum og fleiri. Síðan leitum við fanga víða
um heim, auk Kínverjanna get ég nefnt Austurríkis-
menn, Svía, Dani og Bandaríkjamenn sem koma að
ýmsum verkþáttum. Þetta er verkefni af þeirri stærð-
argráðu að það krefst alþjóðlegrar þekkingar og að-
fanga,“ segir Sigurður.
Morgunblaðið/Kristinn
Harpan Glerhjúpur tónlistarhússins er mikið verk og flókið, en smátt og smátt tekur húsið á sig mynd.
Yfir átta þúsund vinnu-
teikningar af hjúpnum
Tæplega 60 Kínverjar vinna við glerhjúp tónlistarhússins
7-800 manns víða um heim hafa vinnu tengda verkefninu
Verið er að byggja bílastæðahús neðanjarðar við tón-
listar- og ráðstefnuhúsið Hörpu. Um mikið mannvirki
er að ræða enda mun þessi fyrsti áfangi bílahússins
verða á tveimur hæðum og rúma 545 bíla. Áætlanir
gera ráð fyrir að í mannvirkið fari um 24 þúsund
rúmmetrar af steypu, 2.350 tonn af stáli og 18.600
fermetrar af kúluplötum, sem eru forsteyptar í
smiðju.
Mannvirkið er byggt sunnan megin við Hörpu og
stendur við sjóinn. Sjór mun því síast inn um jarð-
veginn og ýta upp undir bygginguna og því er mik-
ilvægt að nýta þær aðferðir sem gefast til að þyngja
mannvirkið, segir á heimasíðu ÍAV. Ankeri eru notuð
til að halda byggingunni niðri ásamt jarðvegsfyllingu
sem sett er milli neðstu botnplötu mannvirkisins og
neðstu akstursplötu þess. Ankerin sem eru 500 tals-
ins eru 12 til 17 metra löng.
Þessi áfangi bílakjallarans verður tekinn í notkun
vorið 2011 um leið og Harpan.
24 þúsund rúmmetrar af steypu
Ljósmynd/ÍAV
Járnavirki Bílakjallarinn er mikið mannvirki.VR krefst þess að stöðug-
leikasáttmálinn standi.