Morgunblaðið - 16.02.2010, Blaðsíða 12

12 FréttirINNLENT
MORGUNBLAÐIÐ ÞRIÐJUDAGUR 16. FEBRÚAR 2010
NÍU AF hverjum tíu Íslendingum
ferðuðust innlands á síðasta ári
samkvæmt nýrri könnun Ferða-
málastofu um ferðalög Íslendinga
innanlands. Í könnuninni, sem
framkvæmd var í janúar síðast-
liðnum af MMR, kemur fram að
tveir af hverjum þremur (67%) fóru
í þrjár eða fleiri ferðir innanlands
og þrír af hverjum fjórum (74%)
gistu sjö nætur eða lengur en á
heildina litið gistu landsmenn að
jafnaði 14,3 nætur á ferðalögum
innanlands árið 2009.
Flestir ferðuðust
innlands í fyrra
Morgunblaðið/Heiddi
ALLS voru 129 kandídatar braut-
skráðir af fimm námsbrautum hjá
Endurmennt Háskóla Íslands við
hátíðlega athöfn á föstudag sl.
Katrín Júlíusdóttir iðnaðarráð-
herra hélt þar ræðu í tilefni þess að
í fyrsta sinn voru leiðsögumenn
brautskráðir af námsbrautinni
Leiðsögunám á háskólastigi. Hún
sagði í ræðu sinni að framtíðin væri
vissulega björt í ferðaþjónustunni á
Íslandi.
Að ræðum loknum fengu kandí-
datar afhent skírteini. Námsbraut-
irnar fimm sem um ræðir eru gæða-
stjórnun, leiðsögunám á háskóla-
stigi, mannauðsstjórnun, rekstrar-
og viðskiptafræði og verkstjórnun
– leiðtogaþjálfun.
Brautskráning frá
Endurmenntun
SIÐMENNT, félag siðrænna húm-
anista á Íslandi, fagnaði í gær 20
ára afmæli sínu. Félagið var stofn-
að í kjölfar fyrstu borgaralegu
„fermingarinnar“ frá árinu áður og
var meginhlutverk þess í upphafi
að standa að borgaralegum athöfn-
um fyrir fólk sem vill fagna tíma-
mótum í lífi sínu án trúarlegs inni-
halds. Félagið hefur verið áberandi
í baráttu fyrir mannréttindum á Ís-
landi og beitt sér m.a. fyrir rétt-
indum samkynhneigðra, aðskilnaði
ríkis og kirkju og verndun verald-
legs fyrirkomulags grunnskólanna.
Siðmennt fagnar
20 ára afmæli
NÝLEGA fór fram ritgerða-
samkeppni meðal efstu bekkja
grunnskóla þar sem umfjöllunar-
efnið var hvernig heimabyggðin
gæti verið betri staður til að búa á.
Verkefnið var á vegum Lands-
byggðarvina í Reykjavík og tóku
um 400 nemendur víðs vegar um
landið þátt í því.
Fyrstu verðlaun hlaut Elísabet
Ósk Magnúsdóttir í 9. bekk í Grunn-
skóla Önundarfjarðar, önnur verð-
laun hlaut Davíð Arnar Ágústsson í
8. bekk Grunnskóla Þorlákshafnar
og þriðju verðlaun hlaut Gunnlaug
Birta Þorgrímsdóttir í 10. bekk
Auðarskóla í Dalabyggð.
Morgunblaðið/Sverrir
Sveitin Heimahagarnir heilla.
Unga fólkið og
heimabyggðin
STUTT
Eftir Ágúst Inga Jónsson
aij@mbl.is
SÓTT hefur verið um leyfi til að
byggja tólf hús á gamla fótboltavell-
inum í hjarta Siglufjarðarbæjar.
Það er Stefán Einarsson frá Siglu-
nesi og fyrirtæki hans, Reisum
byggingafélag, sem standa að þess-
ari umsókn. Umsókn Stefáns hefur
verið sett í deiliskipulagsferli, en
hann vonast til að geta hafið jarð-
vinnu sem allra fyrst og helst að
hægt verði að flytja inn í fyrstu hús-
in í haust.
Hugmyndin er að þarna verði sex
íbúðir í parhúsum og átta íbúðir í
raðhúsum, en bílskúrar skilja húsin
að þannig að í raun er nánast um
einbýli að ræða. Húsin eru svonefnd
Kanadahús úr timbri, en auk teikn-
inga eru það aðeins klæðning að ut-
an, hurðar og gluggar, sem koma frá
Kanada. Fyrirtækið hefur byggt 15
slík hús á Akureyri.
Stefán segist telja að markaður sé
fyrir húsin og nú þegar hafi nokkrir
líklegir kaupendur haft samband við
hann. „Hér á Siglufirði er margt
eldra fólk, sem situr uppi með stór
og oft óhentug hús. Þessi hús gætu
verið lausn fyrir þetta fólk því gamli
malarvöllurinn er mjög miðsvæðis,
með auðveldu aðgengi að allri þjón-
ustu; sjúkrahús öðrum megin og
verslanir og bankar hinum megin.
Ég hefði viljað byrja jarðvinnu og
undirbúning í næsta mánuði. Deili-
skipulagsferlið verður þó að hafa
sinn gang, en vonandi getum við
byrjað sem allra fyrst,“ segir Stef-
án.
Hugmyndin var að nota veturinn
til að búa í haginn og vonast Stefán
enn til að það gangi eftir. „Ég ætlaði
að vera klár með átta íbúðir í haust,“
segir Stefán.
Góðærið kom ekkert
sérstaklega til Siglufjarðar
Aðspurður um kreppuna segir
Stefán að staðan sé allt öðru vísi á
landsbyggðinni heldur en á suðvest-
urhorninu.
„Góðærið kom ekkert sérstaklega
til Siglufjarðar og það má því segja
að staðan sé svipuð hér og verið hef-
ur síðustu 50 árin. Nú er hins vegar
eitt og annað í gangi hér. Það geng-
ur betur í rækjunni, göngin verða
tekin í notkun seinna í ár og vonandi
fylgja þeim jákvæðir straumar. Svo
tekur framhaldsskóli til starfa í
Ólafsfirði í haust, en eftir göngin
tekur ekki nema um 15 mínútur að
keyra á milli bæjarhlutanna Siglu-
fjarðar og Ólafsfjarðar,“ segir Stef-
án Einarsson.
Þórir Kr. Þórðarson, bæjarstjóri í
Fjallabyggð, segir að verkefnið sé í
skoðun og fari í deiliskipulagsferli á
næstunni.
Breyting Húsaþyrpingin sem Reisum byggingafélag hyggst byggja á gamla fótboltavellinum á Siglufirði, en staðurinn er í hjarta bæjarins.
Vill reisa 14 hús á fótboltavelli
 Húsin gætu verið lausn fyrir eldra fólk á Siglufirði  Gamli malarvöllurinn
mjög miðsvæðis  Ætlaði að vera klár með átta íbúðir í haust, segir verktakinn
RÍKISENDURSKOÐUN gagnrýnir verktakagreiðslur
Háskóla Íslands til fastráðinna starfsmanna hans fyrir
kennslu sem skilgreind er sem endurmenntun.
Í nýrri skýrslu Ríkisendurskoðunar er fjallað um þókn-
anir fyrir verktöku sem Háskóli Íslands hefur undanfarin
ár greitt nokkrum fastráðnum akademískum starfs-
mönnum sínum í fullu starfi. Um er að ræða greiðslur
fyrir kennslu sem skilgreind er sem endurmenntun og fer
fram utan venjulegs
vinnutíma. Á liðnu ári
námu slíkar greiðslur
til þeirra 23 aðila sem
hæstar þóknanir fengu
alls um 84 milljónum
króna. Þar af nam
hæsta greiðsla til sama
aðila um 18,5 millj-
ónum króna.
Um margt óeðlilegt
Ríkisendurskoðun
segist telja að fyrir-
komulag þessara verk-
takagreiðslna sé um
margt óeðlilegt og seg-
ir að Háskólinn hafi
lýst vilja til að taka það
til skoðunar. „Svo virð-
ist sem nokkurs konar „gerviverktaka“ tíðkist innan skól-
ans, þ.e. greitt sé fyrir tiltekin kennslustörf sem verktaka-
vinnu þó að þeir sem sinni störfunum fái endurgjaldslausa
vinnuaðstöðu og auk þess öll nauðsynleg aðföng, verkfæri,
tæki og aðstoð frá launuðum starfsmönnum Háskólans.
Starfsemin ber með öðrum orðum öll einkenni venjulegrar
launþegavinnu,“ segir í skýrslu Ríkisendurskoðunar.
Allir sitji við sama borð
Í skýrslunni er skólinn hvattur til að fylgja reglum
skattyfirvalda um mun verktakavinnu og launþegavinnu.
Tekið er fram að Ríkisendurskoðun dragi ekki í efa
hæfni þeirra starfsmanna sem skólinn hefur valið til að
kenna í endurmenntunarnáminu. Að mati Ríkis-
endurskoðunar þarf þó skólinn að tryggja gagnsæi og
jafnræði við val á kennurum sem sinna verkefninu. Stofn-
unin telur eðlilegt að jafn viðamikil störf og hér um ræðir
séu auglýst svo að allir sem hafa getu og vilja til að sinna
þeim sitji við sama borð.
Þá telur Ríkisendurskoðun að Háskóli Íslands þurfi að
herða á reglum um „helgun í starfi“ til að tryggja að viða-
mikil aukastörf akademískra starfsmanna, jafnt innan
sem utan skólans, komi ekki niður á vinnu þeirra fyrir
hann. Sá annmarki sé á þessum reglum að þær beinist ein-
göngu að aukastörfum „utan Háskólans“. Ríkisendur-
skoðun telur að reglurnar eigi einnig að ná til umfangs-
mikilla aukastarfa innan skólans.
Skýrsla Ríkisendurskoðunar um verktakagreiðslur við
HÍ er önnur í röðinni af nokkrum sem stofnunin vinnur að
og greina frá niðurstöðum úttektar á innkaupamálum
ríkisins. Áður kom út skýrsla um innkaupastefnu ráðu-
neytanna.
Um 84 milljónir til 23
fastra starfsmanna
Ríkisendurskoðun gagnrýnir verktakagreiðslur HÍ
Morgunblaðið/Kristinn
Í HNOTSKURN
» Ríkisendurskoðun segirað svo virðist sem nokk-
urs konar „gerviverktaka“
tíðkist innan Háskóla
Íslands. Verktakavinnan,
sem greitt sé fyrir, beri öll
einkenni venjulegrar laun-
þegavinnu.
» Í skýrslunni kemur framað hæsta verktöku-
greiðslan til fastráðins
starfsmanns háskólans hafi
numið 18,5 milljónum króna
á liðnu ári.
HÉRAÐSDÓMUR Reykjavíkur
dæmdi í gær tvo karlmenn, annan í
tveggja mánaða fangelsi og hinn í 45
daga skilorðsbundið fangelsi, fyrir
að klifra yfir girðingu við Leifsstöð á
Keflavíkurflugvelli og hlaupa út á
flugvallarsvæðið.
Mennirnir sögðust hafa ætlað að
reyna að koma í veg fyrir að Kenía-
maður, sem vísað var úr landi, yrði
sendur heim. Þetta gerðist snemma
að morgni í júlí 2008. Verið var að
ræsa hreyfla flugvélar þegar menn-
irnir hlupu fram með henni í nokk-
urri fjarlægð og fram fyrir hana.
Flugmenn á vélinni hættu við að aka
af stað þegar þeir sáu til mannanna
og varð nokkur töf á umferð um völl-
inn af þessum sökum. Mennirnir
báru það fyrir sig í málinu að þeir
hefðu farið inn á flugvallarsvæðið í
krafti borgaralegs réttar og skyldu,
enda hefðu þeir með þessu verið að
reyna að koma í veg fyrir að lög og
mannréttindi væru brotin á Kenía-
manninum Paul Ramses og fjöl-
skyldu hans með því að flytja hann
úr landi til Ítalíu. Það tókst ekki.
Mennirnir voru dæmdir fyrir hús-
brot og fyrir að valda almannahættu.
Ramses fékk að koma til Íslands
aftur í ágúst sl.
Ollu almanna-
hættu
á flugvelli
Mótmæltu brott-
vísun Pauls Ramses
Plata sem tónlistarmaðurinn Ram-
ses, eða Guðjón Örn Ingólfsson, gef-
ur út á eigin vegum í vikunni heitir
Virtu það, en ekki Viltu það eins og
misfórst í Morgunblaðinu á föstu-
dag. Beðist er velvirðingar á þessum
mistökum. Ramses spilar á Hverf-
isbarnum annað kvöld og á Prikinu á
fimmtudaginn í tilefni útgáfunnar.
Virtu það
með Ramses
LEIÐRÉTT