Morgunblaðið - 16.02.2010, Blaðsíða 38

MORGUNBLAÐIÐ ÞRIÐJUDAGUR 16. FEBRÚAR 2010
Sími 462 3500
Sími 551 9000 Þú færð 5 %
e n d u r g r e i t t
í Regnboganum
Þú færð 5 %
e n d u r g r e i t t
í Regnboganum
Þú færð 5 %
e n d u r g r e i t t
í Regnboganum
Percy Jackson / The Lightning Thief kl. 5:30 - 8 - 10:30 B.i. 10 ára
It‘s Complicated kl. 5:30 - 8 - 10:30 B.i. 12 ára
Nine kl. 5:30 - 8 - 10:30 LEYFÐ
Skýjað með kjötbollum á köflum 2D kl. 5:50 LEYFÐ
Julie and Julia (síðustu sýningar) kl. 8 - 10:30 LEYFÐ
The Wolfman kl. 8 - 10 B.i. 16 ára
PJ: The Lightning Thief kl. 8 - 10:10 B.i. 10 ára
The Edge of Darkness kl. 5:50 B.i. 16 ára
It‘s Complicated kl. 5:50 B.i. 12 ára
The Wolfman kl. 8 - 10:30 B.i.16 ára
Percy Jackson / The Ligtning Thief kl. 5:30 - 8 - 10:30 B.i.10 ára
It‘s Complicated kl. 8 - 10:35 B.i.12 ára
Mamma Gógó kl. 6 LEYFÐ
Avatar 3D kl. 6 - 9:20 B.i.10 ára
Nikulás litli kl. 6 LEYFÐ
Fráskilin... með fríðindum
SÝND Í SMÁRABÍÓI, HÁSKÓLABÍÓ OG REGNBOGANUM
SÝND MEÐ ÍSLENSKU TALI
SÝND Í HÁSKÓLABÍÓI, REGNBOGANUM OG BORGARBÍÓI SÝND Í REGNBOGANUM
HHH
-H.S.S., MBL
HHH
T.V. - Kvikmyndir.is
SÝND Í SMÁRABÍÓI, HÁSKÓLABÍÓI OG BORGARBÍÓI SÝND Í SMÁRABÍÓI, HÁSKÓLABÍÓI, REGNBOGANUM OG BORGARBÍÓI
PERCY JACKSON LEGGUR Á SIG MIKIÐ FERÐALAG
TIL AÐ BJARGA HEIMINUM FRÁ TORTÍMINGU GUÐANNA!
HHH
„Flottur stíll, góðar brellur,
afbragðs förðun og MIKIÐ blóð.
Ég fékk semsagt allt sem bjóst
við og gekk alls ekki út ósáttur.”
T.V. -Kvikmyndir.is
HHH
-T.V., Kvikmyndir.is
HHH
Washington Post
600 kr.
Gildir ekki
í lúxus
600 kr.
Gildir ekki
á 3D
600 kr.
600 kr.
600 kr.
HHH
„Kom mér þægilega
á óvart... Stórfín fjöl-
skylduafþreying.”
T.V. - Kvikmyndir.is
Þú færð 5% endurgreitt í Borgarbíói, Smárabíói og Regnboganum og HáATH. ÞRIÐJUDAGSTILBOÐIÐ GILDIR EKKI Í BORGARBÍÓI, LÚXUS, 3-D MYNDIR OG ÍSLENSKAR MYNDIR
Áþessu ári eru 60 ár síðanÞjóðleikhúsið hóf starf-semi. Af því tilefni hefurleikhúsið ákveðið að setja
á svið tvö verk eftir nóbelsskáldið
Halldór Laxness. Annað er Íslands-
klukkan sem var ein af opnunarsýn-
ingum leikhússins árið 1950 og verð-
ur frumsýnt síðar í vor en hitt er ný
leikgerð Baltasars Kormáks og fé-
laga af Gerplu. Þetta er í fyrsta sinn
sem Gerpla er sett á svið og því í
mikið ráðist af aðstandendum.
Gerpla er mörgum kunn og
kannski ekki þörf á að rekja sögu-
þráðinn hér. Þó má geta þess að
saga Halldórs Laxness er byggð á
einni af fornsögunum, Fóstbræðra-
sögu. Þar er sagt frá þeim fóst-
bræðrum Þorgeiri og Þormóði og ör-
lögum þeirra. Í Gerplu tekst
höfundur á við fornbókmenntirnar á
íronískan hátt og er hann meðal ann-
ars að skopast að þeirri hetjudýrkun
sem birtist í hinum fornu sögum.
Þegar Gerpla kom út árið 1952 olli
hún talsverðu uppnámi vegna tungu-
taks höfundar og þeirrar túlkunar á
Fóstbræðrasögu sem hann leyfði
sér.
Nú hefur Baltasar Kormákur og
leikhópur hans gengið enn lengra í
skopfærslunni, en er jafnframt
nokkuð trúr skáldsögunni. Leik-
gerðin er reyndar ágætlega vel
heppnuð. Svo sem eðlilegt er fjallar
leikritið einkum um Þormóð Kol-
brúnarskáld og vináttu hans við Þor-
geir fóstbróður sinn, svo og um ástir
hans og Þórdísar Kötludóttur. Verk-
ið hefst á því að Þormóður finnur
höfuð Þorgeirs á níðstöng fyrir utan
bæ sinn og er þá farið aftur í tímann
og hugað að upphafi sögunnar. Þetta
hentar leikhúsforminu mjög vel þótt
atburðarás sögunnar eins og höf-
undur setur hana fram í bók sé ekki
fylgt eftir í hörgul. Í verkinu er
brugðið á leik með tímaskekkjur og
skotið inn seinni tíma þáttum úr
menningarsögunni. Til að mynda
eru allir leikarar í glímubúningum í
grunninn og íslensk dægurlög eru
leikin í fimmundarútsetningu.
Í hlutverkum Þorgeirs og Þor-
móðar voru þeir Jóhannes Haukur
og Björn Thors. Jóhannes var ágæt-
ur í sínu hlutverki. Hann hefur vald
á tímasetningum en á sumum stöð-
um var erfitt að skilja textann hjá
honum. Björn er sívaxandi sem leik-
ari og það var gaman að fylgjast með
sögu Þormóðs í meðförum hans.
Hann fer vel með texta og er áheyri-
legur. Ilmur Kristjánsdóttir var
bráðskemmtileg sem Þórdís, Bryn-
hildur brá sér í allra kvikinda líki svo
unun var á að horfa. Það var sér-
staklega gaman að sjá Ólafíu Hrönn
í hlutverki sem var ekki eintómt
sprell en hún virðist jafnvíg á gaman
og alvöru. Ólafur Darri, Ólafur Egill,
Atli Rafn og Stefán Hallur skiluðu
hinum fjölmörgu hlutverkum sínum
mjög vel. Tveir nýliðar voru í hópn-
um, þau Lilja Nótt og Sindri Birg-
isson. Þeirra þáttur var hógvær en
ágætur.
Í heildina stóðu leikarar sig vel.
Þó verður að minnast á það enn einu
sinni að textaflutningi var ábóta-
vant. Texti Halldórs Laxness er ekki
nútímamál heldur mjög merkileg og
vandmeðfarin endursköpun á máli
fornsagna. Textinn verður illskilj-
anlegur nema leikarar hafi tamið sér
hann mjög vel og gert að sínum.
Þetta var ekki alltaf svo, sér í lagi
ekki hjá yngri leikurum.
Leikmynd Gretars Reynissonar
var snilldarlega útfærð, einföld en
hafði allt sem þurfti. Þarna voru
tjöld, klettar, hvannir, þúfur og
tjarnir sem gáfu sýningunni heild-
rænt útlit.
Búningar Helgu Stefánsdóttur
báru ýmis íslensk einkenni, þeir
voru einfaldir og látlausir en að
mörgu leyti nytsamir í þeim skiln-
ingi að þeir voru nýttir í ýmislegt,
gátu t.d. breyst í fjaðurham.
Tónlist og hljóðmynd Gísla Gald-
urs skipaði veigamikinn sess í sýn-
ingunni. Leikarar nota raddir tals-
vert í söng og hljóðmynd og eru
útsetningar margbrotnar og gríp-
andi.
Í heildina er Gerpla vel heppnað
leikhúsverk, ekki hnökralaust en
ýmsa hnökra, svo sem óskýrleika og
hik í textaflutningi, er hæglega hægt
að slípa til þegar líður á sýningatím-
ann.
Lokakafli sýningarinnar er með
alvarlegum blæ og ef til vill helst til
langdreginn. Þetta er þó nauðsyn-
legur kafli sem rekur sögu Þormóðs
skálds og sýnir hvernig allt sem
hann trúði á áður hrynur fyrir aug-
unum á honum.
Ljóst er að leikhópurinn hefur
unnið vel saman sem ein heild, en
vinna Baltasars í leikhúsi byggist
mikið á hópvinnu. Hér hefur það
sýnt sig að litlir og einfaldir leik-
hústöfrar með samstilltum hópi geta
skipt sköpum í verki sem þessu.
Brugðið á leik með íslenskan menningararf
Galsi „Nú hefur Baltasar Kormákur og leikhópur hans gengið enn lengra í skopfærslunni, en er jafnframt nokkuð
trúr skáldsögunni,“ segir gagnrýnandi í lofsamlegum dómi.
Þjóðleikhúsið
Gerpla eftir Halldór Laxness í leik-
gerð Baltasars Kormáks og Ólafs
Egils Egilssonar í samvinnu við
leikhópinn
bbbbn
Leikarar: Atli Rafn Sigurðarson, Björn
Thors, Brynhildur Guðjónsdóttir, Ilmur
Kristjánsdóttir, Jóhannes Haukur Jó-
hannesson, Lilja Nótt Þórarinsdóttir,
Ólafía Hrönn Jónsdóttir, Ólafur Darri
Ólafsson, Ólafur Egill Egilsson, Sindri
Birgisson og Stefán Hallur Stefánsson
Leikmynd: Gretar Reynisson
Búningar: Helga I. Stefánsdóttir
Hljóðmynd: Gísli Galdur Þorgeirsson
Lýsing: Lárus Björnsson
Leikstjóri: Baltasar Kormákur
INGIBJÖRG
ÞÓRISDÓTTIR
LEIKLIST