Morgunblaðið - 25.02.2010, Side 19

Daglegt líf 19
MORGUNBLAÐIÐ FIMMTUDAGUR 25. FEBRÚAR 2010
Eftir Kristínu Heiðu Kristinsdóttur
khk@mbl.is
Á
hverjum laugardegi set ég færslu
inn á Facebook þar sem ég minni
landann á að skella sér í lopa-
peysu,“ segir Hrafnhildur Inga
Sigurðardóttir listmálari en hún
vill gera laugardaga að lopapeysudögum.
„Mér finnst lopapeysan tilvalið sameining-
artákn fyrir þjóðina núna í þessum hremm-
ingum. Fólk virðist tvístrað og tvístígandi og
fátt sem sameinar nema þá helst handboltinn,
en það kemur bara í tímabilum. Með því að
gera laugardaga að lopapeysudögum vil ég
hvetja þjóðina til að standa saman og gera eitt-
hvað sem allir geta gert. Það eiga jú nánast all-
ir hér á landi lopapeysur og sumir fleiri en
eina.“
Ullin hefur haldið á okkur hita
Hrafnhildur Inga segist hafa fengið hug-
myndina þegar hún sá mynd af hópi ungs fólks
þar sem allir voru í lopapeysum.
„Mér fannst það svo táknrænt og flott.
Lopapeysan er rammíslenskt fyrirbæri sem
löng hefð er fyrir. Hún er gerð úr ull sem ís-
lenska sauðkindin gefur af sér og ullin hefur
haldið á okkur hita í gegnum aldirnar. Ég legg
því til að Íslendingar fari allir í lopapeysu á
laugardögum, til að sýna samstöðu sem þjóð.
Með því segjum við: Við erum Íslendingar og
við erum í lopapeysum. Og ekki veitir af á
köldum vetrum að eiga hlýja flík. En lopapeys-
an er heilsársflík og nýtist ekki síður á sumrin,
hvort sem það er í útilegum eða við einhverjar
aðrar aðstæður.“
Erfði peysu eftir pabba sinn
Sjálf á Hrafnhildur Inga fimm lopapeysur í
fórum sínum.
„Eina þeirra hef ég á heimili mínu í Fljóts-
hlíðinni og nota hana einvörðungu þar, en hana
erfði ég eftir pabba minn. Hún er eina lopa-
peysan mín sem er hneppt að framan. Svo á ég
eina hvíta og eldgamla og eina á ég mórauða
sem ég fékk fyrir fjórum árum og nota mjög
mikið. Fyrir um fimmtán árum prjónaði hún
Paula á mig mosagræna lopapeysu, en hún var
norsk vinnukona á Valdastöðum í Kjós og
lærði að prjóna lopapeysur af húsfreyjunni
þar. Sú peysa var alltaf heldur stór en ákaflega
falleg svo ég brá á það ráð að setja hana í
þvottavél og þæfði hana og þá passaði hún
svona glimrandi. Þegar ég klæðist þessari
peysu vekur það ævinlega mikla lukku, hún
þykir svo flott. En sú fimmta og nýjasta er
peysa sem Birna vinkona mín prjónaði en hún
er algjör snillingur. Sú peysa er með ýmsum
útúrdúrum, það er hægt að hneppa af henni
ermunum og einnig er hægt að hneppa neðan
af henni. Mér finnst hún svakalega flott.“
Hrafnhildur Inga gerir lítið úr eigin prjóna-
hæfileikum og segist lítið kunna á prjónana.
„Þó hef ég prjónað eina lopapeysu um dag-
ana, en hún var ekki með neinu mynstri og satt
að segja má þakka fyrir að hún skuli hafa
hangið saman, af því ég prjóna svo laust,“ seg-
ir Hrafnhildur Inga sem er afskaplega ánægð
með hversu íslenska lopapeysan er orðin vin-
sæl. „Mér finnst líka skemmtilegt hvernig er
búið að útfæra hana á ýmsa vegu, meðal ann-
ars sem ermalausa kjóla. Svo er lopapeysan
orðin að frábærri útflutningsvöru, útlendingar
ganga niður Laugaveginn og kaupa sér lopa-
peysur í hrönnum.“
Allir í lopapeysu á laugardögum
Morgunblaðið/Kristinn
Peysukona Nýjustu lopapeysuna hennar Hrafnhildar prjónaði Birna vinkona hennar en m.a er hægt að hneppa af henni ermunum.
Hún lítur á hina rammís-
lensku lopapeysu sem sam-
einingartákn fyrir þjóð í
hremmingum. Sjálf á hún
fimm slíkar og sumar fornar.
Morgunblaðið/Golli
ÍSLENSKA sauðkindin hefur fylgt okkur frá örófi alda
og hún gefur af sér sérstaka og gæðaríka ull. Ullin hef-
ur frá náttúrunnar hendi afar góða einangrunareig-
inleika og stafar það af því að þræðirnir eru liðaðir og
loftrými er því mikið í þeim. Hún er tiltölulega teygj-
anleg og þolir vel notkun. Ullin hefur góða rakaeig-
inleika og getur innihaldið vökva allt að 35%. Uppsog
ullar á vökva er frekar hægt og hrindir því ullin frá sér
vökva. Ullin er slitsterk og pressun helst vel í henni. Ull-
in krumpast minnst af náttúrulegum efnum en það staf-
ar af eiginleikum þráðanna til þess að rétta sig við.
(www.wikipedia.com)
Gæðaþræðir ullarinnar
ÍSLENSKA lopa-
peysan hefur
löngum komið sér
vel við hinar ólík-
ustu aðstæður.
Þessar blómarósir
klæddust báðar
sígildum lopa-
peysum þar sem
þær sinntu ung-
lingavinnunni fyr-
ir rúmum tveimur
áratugum.
Margir eiga
góðar lopapeysu-
minningar frá úti-
legum í íslenskri
náttúru og alveg
er þessi flík ómissandi í smala-
mennskum.
Eins er hún ævinlega með í för í
hestaferðalögum, gönguferðum um
hálendið og ýmsum vetrarævintýr-
um. Í stormum og stórsjó hefur hún
líka bjargað mörgum manninum frá
ofkælingu.
Til er fólk sem gengur aldrei í öðru
en lopapeysu, á öllum tímum ársins.
Þá er stundum sagt að peysan sé
samvaxin viðkomandi einstaklingi.
Hvar sem er, hvenær sem er
– Lifið heil Lægra
verð
í Lyfju
www.lyfja.is
ÍS
L
E
N
S
K
A
/S
IA
.I
S
/L
Y
F
49
28
4
02
/1
0
Otrivin
tveir í einum
- fjölskyldupakki
8% ódýrari
1.234 kr.
Nicotinell Mint
2 mg, 300 stk.
19% ódýrara
en 204 stk. pakkning
með myntubragði miðað
við hvert tyggjó.
8.127 kr.